ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ - ᐅᖃᐅᓯᐅᑉ ᐁᑉᐱᐅᑎᖓᓂ

CATEGORY: 
PROFESSIONAL
LOCATION: 
ᑰᑦᔪᐊᖅ

ᐱᓇᓱᒐᖅ:

ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ - ᐅᖃᐅᓯᐅᑉ ᐁᑉᐱᐅᑎᖓᓂ

ᐊᓪᓚᕕᖓ:

ᐃᓕᓐᓂᐊᕈᑎᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

EduconTech1705-01

ᓇᓃᓐᓂᓴᖓ:

ᑰᑦᔪᐊᖅ

ᖃᓄᐃᑦᔅᑐᑑᓂᖓ:

ᐅᓪᓗᓕᒫᕐᑐᒥᒃ ᐊᑌᓐᓇᑐᒥᒃ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᒣ 2017

 

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ, ᒫᓐᓇ ᒪᓐᑐᔨᐊᓪᒦᖏᓐᓇᑑᒐᓗᐊᖅ, ᓄᑦᑎᑕᐅᓛᕐᓱᓂ ᓄᓇᕕᒻᒧᑦ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐱᓇᓱᒐᕐᒥ ᐱᔭᑦᓴᖁᑎᓕᒃ ᑲᒪᒋᔭᑦᓴᖃᕐᓂᒥᒃ ᐊᔪᖀᒋᐊᖃᑦᑕᓂᕐᒥᒃ ᓴᐳᑦᔨᓯᒪᓂᕐᒥᓗ ᐃᓕᓐᓂᐊᕕᓐᓄᑦ ᐊᑐᓕᕐᑎᑕᐅᓂᖏᓐᓂ, ᐱᖕᖑᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᐃᓕᓐᓂᐊᕈᑎᑦᓭᑦ, ᖃᕆᐊᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐃᓕᓐᓂᐊᕈᑏᓪᓗ ᐱᐅᒃᑯᑎᖏᓐᓂᒃ. 

 

ᐃᓂᖓ ᐱᓇᓱᐊᕆᐊᓕᖏᓪᓗ:

·  ᓴᐳᑦᔨᓯᒪᖃᑦᑕᓗᓂ ᓱᕐᖁᐃ&##5359;ᓯᒣᓐᓇᓗᓂᓗ ᐱᐅᓂᕐᐹᓂᒃ ᐃᓗᕐᖁᓯᕐᒧᓗ ᓈᒻᒪᓯᐊᕐᑐᓂᒃ ᐃᓕᓐᓂᐊᓂᖃᕐᑎᓯᓂᕐᒧᑦ ᓄᓇᕕᒻᒥ ᐱᓕᐊᕐᑐᒥᒃ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ ᐅᖃᐅᓯᐅᑉ ᐁᑉᐱᐅᑎᖓ ᐊᑐᕐᓗᒍ;

·  ᐃᑲᔪᕐᓗᓂ ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎᓂᓪᓗ ᐊᑐᓕᕐᑎᑕᐅᓂᖏᓐᓄᑦ ᓄᑖᑦ ᐱᓇᓱᒍᑎᑦᓭᑦ ᖃᕆᑕᐅᔭᒃᑰᑐᐃᑦ ᐃᓚᒋᔭᐅᑦᓱᑎᒃ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᐃᓕᓐᓂᐊᕈᑎᖏᓐᓄᑦ;

·  ᖃᐅᔨᒪᑎᑦᓯᔨᒋᔭᐅᓗᓂ ᖃᕆᑕᐅᔦᑦ ᐱᓇᓱᐊᕐᑕᐅᕕᖓᓄᑦ ᐊᓯᖏᓐᓄᓗ ᐱᓇᓱᐊᕐᕕᓄᑦ ᐃᓕᓐᓂᐊᕈᑎᓕᕆᕕᒻᒥ ᖃᕆᑕᐅᔦᑦ ᐱᓪᓗᒋᑦ;

·  ᐃᓚᒋᔭᐅᖃᑦᑕᓗᓂ ᐃᓕᓐᓂᐊᕈᑎᑦᓴᓕᐅᕐᑐᓄᑦ ᐱᐅᒃᑯᑎᑦᓴᓕᐅᕐᑐᓄᓪᓗ ᐃᓄᐃᑦ ᐃᓗᕐᖁᓯᖓᓄᑦ ᓈᒻᒪᑐᓂᒃ, ᐅᖃᐅᓯᖓᓄᑦ ᐃᓪᓕᕆᔭᖏᓐᓄᓗ;

·  ᓴᐳᑦᔨᓯᒪᖃᑦᑕᓗᓂ ᑲᑎᕕᒃᑯᑦ ᐱᒃᑲᕆᑦᓯᕙᓪᓕᐊᓂᕐᒥᒃ ᑐᖕᖓᕕᓕᓐᓂᒃ ᐃᓕᓐᓂᐊᕈᑎᓂᒃ ᖁᕝᕙᕆᐊᕐᓯᒪᑎᑦᓯᓂᕐᒥ ᐃᓕᓐᓂᐊᕕᒻᒥ ᐊᐅᓚᑦᓯᓂᓕᕆᔨᓄᑦ, ᐃᓕᓐᓂᐊᑎᑦᓯᔨᓄᑦ ᐊᓯᖏᓐᓄᓗ ᐱᓇᓱᑦᑎᓄᑦ ᑲᒪᒋᔭᑦᓴᔭᓕᓐᓄᑦ;

·  ᐱᒋᐅᕐᓴᑎᑦᓯᒍᑎᓂᒃ/ᑲᑎᒪᓂᐊᕈᓯᕐᓂᒃ ᓯᕗᓕᖃᑦᑕᓗᓂ ᐃᓕᓐᓂᐊᑎᑦᓯᔨᓄᑦ ᑲᑎᒪᓗᒋᑦ ᐃᓱᕐᕉᑎᑎᒍᓪᓘᓃᑦ (ᑕᑯᓐᓇᖃᑦᑕᐅᑎᒍᑎᑎᒍᑦ ᐃᓕᓐᓂᐊᑎᓪᓗᒋᑦ, ᐊᓯᖏᒍᓪᓗ);

·  ᐃᓕᓐᓂᐊᕈᑎᑦᓴᓕᐅᖃᑦᑕᓗᓂ ᓇᐅᑦᓯᑐᕈᑎᓂᓪᓗ ᓴᐳᑦᔨᓯᒪᒍᑎᓂᓪᓗ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᑦᓴᓂᒃ;

·  ᐃᑲᔪᕐᓯᖃᑦᑕᓗᓂ ᐱᓇᓱᖃᑎᒌᑦᑐᓂᒃ ᐊᓪᓚᕕᓐᓂ ᐃᓗᕐᖁᓯᓕᕆᓂᕐᒥᓗ ᐱᐅᒃᑯᑎᑦᓴᓕᐅᕐᓂᒥ;

·  ᐱᐅᒃᑯᑏᑦ ᑭᓯᑕᐅᒪᐅᑎᖏᓐᓂᒃ  ᖃᕆᑕᐅᔭᒃᑰᑐᐃᑦ ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕕᖏᓐᓂᑦ ᓄᑕᐅᓯᓕᕐᑎᕆᖃᑦᑕᓗᓂ;

·  ᓴᐳᑦᔨᓯᒪᖃᑦᑕᓗᓂ ᐱᓇᓱᐊᕐᑕᐅᔪᓂᒃ ᑕᒪᒃᑯᓂᖓ ᐃᓕᓐᓂᐊᑎᑦᓯᒍᑎᓂᒃ ᐃᓱᒪᑐᔫᓂᕐᑎᒍᑦ ᐱᓐᓀᓗᑕᓂᓪᓗ ᐋᕐᖀᒋᐊᕈᓐᓇᖃᕐᓗᓂ;

·  ᐱᔭᑦᓴᕆᔭᐅᖁᔭᖏᓐᓂᒃ ᐊᖓᔪᕐᖄᒥᑕ ᐱᓇᓱᐊᖃᑦᑕᒥᓪᓗᓂ.

 

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ, ᐱᓗᐊᕐᑐᒥᒃ ᐃᓕᓐᓂᐊᓂᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

 

ᐊᑐᕈᓐᓇᕆᐊᓕᖏᑦ:

·  ᑯᐯᒻᒥ ᐃᓕᓐᓂᐊᑎᑦᓯᒍᓐᓇᐅᑎᖃᕐᓗᓂ;

·  ᐃᓕᓐᓂᐊᑎᑦᓯᔨᐅᓯᒪᓗᓂ;

·  ᖃᐅᔨᒪᔭᖃᑦᓯᐊᓗᓂ ᐅᐃᒍᐃᑎᑐᑦ, ᓴᓇᑦᑐᓴᐅᑎᓕᕆᓂᕐᓂᒃ ᓱᑯᐃᔦᓂᕐᒥᓗ ᐱᐅᔫᒐᔭᕐᑐᖅ;

·  ᖃᕆᑕᐅᔭᓕᕆᒍᓐᓇᓯᐊᕐᓗᓂ;

·  ᐃᓄᒃᑎᑐᑦ ᖃᓪᓗᓈᑎᑐᓪᓘᓃᑦ ᖃᐅᔨᒪᔭᖃᕈᓂ ᐱᐅᔫᒐᔭᕐᑐᖅ.

 

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖃᕈᑎᖏᓐᓃᑐᑦ SPPOM-ᑯᑦ ᑲᑐᑦᔨᖃᑎᒌᓐᓂᖓᓂ ᐱᒍᓐᓇᐅᑎᓖᑦ / $40,241-ᓂᑦ  $76,293-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᓪᓗᒋᑦ.

 

ᑮᓇᐅᑦᔭᓵᓄᑦ ᐃᓚᒋᐊᕈᑎᐅᑎᓪᓗᒋᑦ, ᐱᕙᓪᓕᖁᑎᑖᕐᑕᑐᐃᓐᓇᕆᐊᖃᕐᑐᑎᑦ ᐃᒣᑦᑐᓂᒃ:

·     20 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ

·     ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

 

ᕈᓐᓇᑐᐊᕈᓂᓗ, ᐊᓯᒋᐊᓪᓚᕆᒍᓐᓇᒥᔭᖏᑦ:

·     ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ

·     ᐃᓪᓗᖃᕐᓂᖅ

·      ᖃᓪᓗᓈᑦ ᓄᓇᖓᓂᒥᐅᖑᓂᕐᒧᑦ

·     ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ

·     ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ  

 

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ ᒣ 24 2017

 

ᐊᐅᓪᓚᑎᓗᒋᑦ ᐅᕗᖓ ᖃᕆᑕᐅᔭᒃᑯᑦ ᓱᑲᑦᑐᑰᕐᑎᓯᒍᑎᒃᑯᓗᓐᓃᑦ:

Professionnels@kativik.qc.ca

ᐅᓇ ᓇᓗᓀᕐᓯᒪᒋᐊᓕᒃ EDUCONTECH1705-01 ᖃᕆᑕᐅᔭᒃᑯᑦ ᐊᓪᓚᑖᕈᑎᐅᑉ ᓱᓇᒨᓕᖓᓂᕃᕕᖓᓂ.

 

ᐱᓇᓱᑦᑐᓕᕆᕕᒃ

ᑲᑎᕕᒃ ᐃᓕᓐᓂᐊᓂᓕᕆᓂᖅ

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

*ᐃᓕᓐᓂᐊᓂᓕᕆᓂᖅ ᐱᓇᓱᒐᕐᑖᒐᓱᐊᕐᑐᓂᒃ ᐊᔾᔨᒌᖕᖏᑐᓂᒃ ᖃᐅᔨᓴᐅᑎᓕᕆᑎᑦᓯᒍᓐᓇᕕᖃᕐᐳᖅ  ᐱᒍᓐᓇᓯᒋᐊᓕᒥᓂᒃ ᐱᒍᓐᓇᓯᖁᑦᓱᒋᑦ.

 

DATE OF PUBLISHING: 
Wed 10 ᒣ 2017 - Wed 24 ᒣ 2017