ᓂᕈᐊᕐᓂᖅ ᑭᒡᒐᑐᕐᑎᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᑰᒃᔪᐊᒥ ᑰᒃᔪᐊᕌᐱᒻᒥᓗ

ᓂᕈᐊᕐᓂᖅ ᑭᒡᒐᑐᕐᑎᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᑰᒃᔪᐊᒥ ᑰᒃᔪᐊᕌᐱᒻᒥᓗ

ᑐᓴᕋᑦᓴᖅ

ᑐᓴᐅᒪᔭᐅᑦᓴᐅᑎᒋᒋᐊᓕᒃ

ᓂᕈᐊᕐᓂᖅ ᑭᒡᒐᑐᕐᑎᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᑰᒃᔪᐊᒥ ᑰᒃᔪᐊᕌᐱᒻᒥᓗ

ᑰᒃᔪᐊᖅ, ᑯᐯᒃ (ᐁᕆᓕ 3, 2017) -  ᒍᐃᓕᔅ ᑕᒍᕐᓈᖅ ᓄᕐᖃᓚᐅᔪᓂᖓᑕ ᑭᖑᓂᐊᒍᑦ, ᑰᒃᔪᐊᒥᐅᑦ ᓂᕈᐊᓚᐅᔪᕗᑦ ᕌᐳᕐᑦ ᒍᐊᑦᒥᒃ ᑭᒡᒐᑐᕐᑎᑖᕆᑦᓱᒍ ᐃᓕᓐᓂᐊᓂᓕᕆᓂᕐᒥ.  ᕌᐳᕐᑦ ᑭᒡᒐᑐᕐᑎᐅᓂᕐᒥᓄᑦ ᐊᖏᕈᑎᒥᒃ ᐸᑎᒻᒥᓯᑎᑕᐅᓚᐅᔪᕗᖅ ᒫᑦᔨ 28-ᖑᑎᓪᓗᒍ.

ᕕᑉᕗᐊᕆ 28ᒥ, ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᑉ-ᑐᖓᓕᖓ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑎᖓ ᑰᒃᔪᐊᕌᐱᒻᒥ ᐲᑕ ᐸᐱᐊᓗᒃ ᕿᒪᑦᑎᒋᓚᐅᔪᕙᕗᑦ. ᐲᑕ ᐱᒻᒪᕆᒻᒥᒃ ᐃᓅᓯᕐᒥᑕ ᐃᓚᖓᓂᒃ ᑐᓂᓯᒪᓚᐅᔪᕗᖅ ᐃᓕᓐᓂᐊᓂᐅᑉ ᐱᕙᓪᓕᐊᔭᐅᓂᖓᓄᑦ ᓄᓇᕕᒻᒥ ᐊᒻᒪᓗ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᓄᓇᓕᓐᓂ ᑭᒡᒐᑐᕐᑎᖏᑦ ᑲᑎᒪᔩᑦ ᐅᐱᒋᔭᖃᕐᑐᑦ ᐱᓇᓱᐊᖃᑎᒋᓯᒪᒐᒥᐅᒃ ᓯᕗᒧᐊᑦᑎᑕᐅᒋᐊᕐᓂᖏᓐᓄᑦ ᓄᓇᕕᒻᒥᐅᑦ ᕿᑐᕐᖓᖏᑦᑕ.

ᑰᒃᔪᐊᕌᐱᒻᒥᐅᑦ ᓂᕈᐊᕐᓂᖃᕐᑎᓗᒋᑦ ᐋᓐᑕᓂ ᐃᑦᑐᓵᒥᒃ ᓂᕈᐊᓚᐅᔪᕗᑦ ᑭᒡᒐᑐᕐᑎᒋᓂᐊᓕᕐᓱᒍ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ.  ᐋᓐᑕᓂ ᑭᒡᒐᑐᕐᑎᐅᓂᕐᒥᓄᑦ ᐊᖏᕈᑎᒥᒃ ᐸᑎᒻᒥᓯᑎᑕᐅᓚᐅᔪᕗᖅ ᒫᑦᔨ 30-ᒥ.  ᑌᑲᓐᓂᑦᓭᓇ ᐅᓪᓗᖓᓂ, ᐃᓕᓐᓂᐊᓂᓕᕆᓂᕐᒥᒃ ᑲᑎᒪᔩᑦ ᓂᕈᐊᓚᐅᔪᒋᕗᑦ ᕌᐳᕐᑦ ᒍᐊᑦᒥᒃ ᐃᓂᒧᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐳᕐᑐᓂᕐᓴᓂ ᑲᑎᒪᔨᖏᑦᑕ ᐊᖓᔪᕐᖄᑉ-ᑐᖓᓕᖓᓄᑦ.

ᑭᖑᓪᓕᐹᒥᓪᓗ, ᒥᐊᔨ ᐱᓗᕐᑑᑦ ᓄᕐᖃᓚᐅᔪᒻᒪᑦ ᐃᓂᒥᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓕᓐᓂᐊᓂᓕᕆᓂᕐᒥ ᑲᑎᒪᔨᓂ ᑭᒡᒐᑐᕐᑎᖓᓂᒃ ᒫᑦᔨᐅᑎᓪᓗᒍ.  ᑎᓕᔭᐅᓂᑦᓴᖓᑕ ᐃᓇᖏᕐᑎᒋᓛᕐᑕᖓᑕ ᓂᕆᐅᒋᔭᐅᑦᓴᐅᑎᒋᔪᖅ.
ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓄᓇᓕᓐᓂᑦ ᑭᒡᒐᑐᕐᑎᖏᓐᓂ ᑲᑎᒪᔩᑦ ᐅᑯᐊᖑᕗᑦ:

• ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᖅ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐃᓄᒃᔪᐊᒥᐅᑦ ᑭᒡᒐᖓ:  ᐋᓚᓯ ᓈᓚᒃᑑᔭᒃ
• ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᑉ-ᑐᖓᓕᖓ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᑰᒃᔪᐊᒥᐅᑦ ᑭᒡᒐᖓ:  ᕌᐳᕐᑦ ᒍᐊᑦ
• ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐊᐅᐸᓗᒻᒥᐅᑦ ᑭᒡᒐᖓ:  ᒫᕐᑎᓐ ᓯᑳᑦ
• ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐳᕕᕐᓂᑐᒥᐅᑦ ᑭᒡᒐᖓ: ᓯᐊᔭ ᐴᐅᓪᓐ
• ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᖓ ᐊᒻᒪᓗ ᐳᕐᑐᓂᕐᓴᓂ ᑲᑎᒪᔨ:  ᐃᓐᓄᕆᐊᓕᒃ
• ᑲᖏᕐᓱᐊᓗᒃᔪᐊᒥᐅᑦ ᑭᒡᒐᖓ: ᔮᓐ ᓗᑑᒃ
• ᑰᒃᔪᐊᕌᐱᒻᒥᐅᑦ ᑭᒡᒐᖓ: ᐋᓐᑕᓂ ᐃᑦᑐᓵᑦ
• ᑕᓯᐅᔭᕐᒥᐅᑦ ᑭᒡᒐᖓ: ᐹᓴ ᐴᑎ
• ᑲᖏᕐᓱᒥᐅᑦ ᑭᒡᒐᖓ: ᓯᐊᔭ ᐊ. ᑯᔩ
• ᖁᐊᕐᑕᒥᐅᑦ ᑭᒡᒐᖓ: ᐹᓪᓚᔮ ᐃᔨᑭᐅᓪ
• ᑲᖏᕐᓱᔪᐊᕐᒥᐅᑦ ᑭᒡᒐᖓ: ᔨᐊᓯᑲ ᐋᕐᖓᖅ
• ᓴᓪᓗᒥᐅᑦ ᑭᒡᒐᖓ: ᑲᒃᑭᓂᖅ ᓇᓗᐃᔪᒃ
• ᐅᒥᐅᔭᕐᒥᐅᑦ ᑭᒡᒐᖓ: ᐄᕙ ᓂᕕᐊᕐᓯ
• ᐃᕗᔨᕕᒻᒥᐅᑦ ᑭᒡᒐᖓ: ᓭᕋ ᑲᓈᕐᔪᐊᖅ
• ᐊᑯᓕᕕᒻᒥᐅᑦ ᑭᒡᒐᖓ: ᒫᑯᓯ ᕿᓐᓄᐊᔪᐊᖅ

ᑭᓇᒃᑰᓂᕗᓐᓄᐊᖓᔪᖅ:
ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᓯᒪᔪᖅ 1975ᒥ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᑎᒍᑦ ᓄᐃᑕᐅᑦᓱᓂ.  ᑌᒪᖕᖓᓂᑦ 1978ᒥᓂᑦ, ᑖᓐᓇᑑᑦᓱᓂ ᐃᓕᓐᓂᐊᓂᕐᒥᒃ ᐱᒍᑦᔨᐅᑎᓂᒃ
ᐱᑕᖃᕐᑎᓯᔪᑑᓯᒪᔪᖅ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒥᒃ ᐱᓇᓱᐊᕐᓃᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃᑯᓄᑦ ᒪᓂᔭᐅᕗᑦ ᐃᓕᓴᕐᕕᓕᒫᖏᓐᓂ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐅᖃᐅᓯᕐᖄᕆᔭᐅᑎᓪᓗᒍᑦ ᐃᓄᒃᑎᑐᑦ ᐊᒻᒪᓗ ᒍᐃᒍᐃᑎᑐ ᖃᓪᓗᓈᑎᑐᓪᓗ ᐅᖃᐅᓯᕐᒧᑦ ᐁᑉᐱᒍᑎᐅᑎᓪᓗᒋᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓃᑦᑐᓂᒃ ᐳᕐᑐᓂᕐᓵᓃᑦᑐᓂᓪᓗ ᐃᓕᓴᕐᕕᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕆᓄᑦ ᐃᓕᓴᕐᕕᓂᒃ.  ᑐᑭᓯᒋᐊᓪᓚᕕᑦᓭᑦ ᐅᕙᓂ:
www.kativik.qc.ca

--- 30 ---

ᑐᑭᓯᒋᐊᓪᓚᕈᒪᒍᕕᑦ, ᐅᓇ ᐅᖄᓚᕕᒋᓗᒍ:
Jade Duchesneau-Bernier
ᑐᓴᐅᒪᖃᑎᒌᓐᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨ
(514) 482-8220

ᑰᒃᔪᐊᕌᐱᒻᒥᐅᑦ ᑭᒡᒐᖓ: ᐋᓐᑕᓂ ᐃᑦᑐᓵᑦ (ᐊᑦᔨᓕᐅᕆᔪᖅ: ᔮᑦ ᑐᔅᓅ ᐱᐊᕐᓃ/ᑲᑎᕕᒃ ᐃᓕᓐᓂᐊᓂᓕᕆᓂᖅ)

ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᑉ-ᑐᖓᓕᖓ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᑰᒃᔪᐊᒥᐅᑦ ᑭᒡᒐᖓ:  ᕌᐳᕐᑦ ᒍᐊᑦ (ᐊᑦᔨᓕᐅᕆᔪᖅ: ᔮᑦ ᑐᔅᓅ ᐱᐊᕐᓃ/ᑲᑎᕕᒃ ᐃᓕᓐᓂᐊᓂᓕᕆᓂᖅ)