ᐱᔭᕇᒍᑎ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ (DES) & ᓱᓕᓂᕋᕐᑕᐅᒍᑎᖓ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ

ᐱᔭᕇᒍᑎ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ (DES) & ᓱᓕᓂᕋᕐᑕᐅᒍᑎᖓ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ

ᑕᒻᒪᓯᒪᔪᕐᑕᓕᒃ: ᑐᕐᖃᑕᕐᕕᖓ ᑯᐯᒻᒥ ᐃᓕᓐᓂᐊᓂᓕᕆᓂᕐᒧᑦ ᐁᑦᑐᐃᖃᑦᑕᓯᓚᐅᔪᕗᑦ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᕐᒥᒃ ᓇᓗᓀᕐᑕᐅᒍᑎᖓᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᐃᓕᓐᓂᐊᑎᖏᓐᓄᑦ ᐱᔭᕇᕐᑐᓄᑦ ᐳᕐᑐᓂᕐᓴᓂ 5-ᒥ ᐃᓕᓐᓂᐊᒐᕐᓂᒃ ᐱᒋᐊᕐᓱᑎᒃ ᔫᓂ 2015-ᒥ, ᔫᓂ 2013-ᒥᐅᖕᖏᑐᖅ.

ᑎᕆᓪᓗᓕᐅᑦ 24, 2017

ᐱᑦᔪᑎᒃ: ᐃᓕᓐᓂᐊᑏᑦ ᐊᖓᔪᕐᖄᖏᓐᓄᑦ ᐊᑐᐊᕐᑕᐅᖁᔭᕗᑦ

ᐱᓇᓱᐊᕈᓯᕐᓂ ᐊᒥᓲᓪᓗᐊᖏᑦᑐᓂ ᖄᖏᕐᑐᓂ, ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᖃᐅᔨᓯᒪᓕᕐᒪᑕ ᐃᓕᓐᓂᐊᑏᑦ ᐊᖓᔪᕐᖄᖏᑦᑕ ᐃᓚᖏᑦ ᐊᐱᕐᓲᑎᖃᖃᑦᑕᕆᐊᖏᑦ ᖃᓄᐃᓕᖓᑦᓯᐊᕋᓗᐊᕐᒪᖔᑕ ᐳᕐᑐᓂᕐᓴᓂ 5-ᒥᒃ ᐱᔭᕇᕈᑎᑖᕐᓯᒪᔪᐃᑦ.  ᑲᑎᒪᑦᓱᑎᒃ ᒫᑦᔨ 27-ᒥᑦ 31-ᒧᑦ, ᐃᓕᓐᓂᐊᓂᓕᕆᓂᕐᒥᒃ ᑭᒡᒐᑐᕐᑏᑦ ᐅᖄᒍᑎᖃᓚᐅᔪᒋᕗᑦ ᐃᓚᖏᓐᓂᒃ ᐊᐱᕐᓲᑎᐅᓯᒪᔪᓂᒃ ᐃᓕᓐᓂᐊᑏᑦ ᐊᖓᔪᕐᖄᖏᓐᓄᑦ ᓄᓇᓕᓐᓂᑦ.

ᑕᒪᓐᓇ ᐅᖃᐅᓯᐅᑎᓪᓗᒍ, ᖃᐅᔨᒪᓇᕐᓯᓚᐅᔪᕗᖅ ᐃᒫᒃ ᑐᑭᓯᒪᒍᑎᑦᓭᑦ ᐊᑐᐃᓐᓇᐅᑎᑕᐅᔪᑦ ᓄᓇᕕᒻᒥ ᕿᑐᕐᖓᓕᓐᓄᑦ ᐅᓪᓗᒥᒧᑦ ᐃᓚᑰᓯᒪᒋᐊᖏᑦ.  ᐃᑉᐱᒋᑦᓱᒍᓗ ᐃᔨᕐᑐᐊᖃᖕᖏᓗᓂ ᐃᓘᓐᓇᖏᓐᓂᒃ ᖃᐅᔨᒪᔭᐅᑎᑦᓯᓯᐊᕐᓗᓂ ᑐᓴᐅᒪᖃᑎᒌᓐᓂᐅᑉ ᐱᒻᒪᕆᐅᓂᖓ, ᐃᓕᑦᓯᓂᒃ ᐊᑐᐊᕐᓯᖁᔨᓚᕿᕗᒍᑦ ᐅᑯᓂᖓ ᐃᓚᒋᔭᐅᑎᑕᕗᓐᓂᒃ ᓱᓪᓕᑎᖏᓐᓂᒃ ᑐᑭᓯᒪᒍᑎᑦᓴᓂᒃ ᐊᒡᓚᓯᒪᔪᓂᒃ.  ᑖᓐᓇ ᐊᒡᓚᓯᒪᔪᖅ ᑐᑭᓯᓇᕐᑎᓯᒋᐊᕈᑎᑕᓕᒃ ᖃᓄᐃᓕᖓᒻᒪᖔᑦ ᓱᓕᕆᓂᕋᕐᑕᐅᒍᑎ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ (AESS).  ᔫᓂ 2015-ᒥᓂᑦ, ᑯᐯᒻᒥ ᑐᕐᖃᑌᔨᒃᑯᑦ ᐃᓕᓐᓂᐊᓂᓕᕆᓂᕐᒧᑦ ᐁᑦᑐᐃᖃᑦᑕᑐᑦ ᓱᓕᕆᓂᕋᕐᑕᐅᒍᑎᖓᓂᒃ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ (AESS) ᑲᑎᕕᒃ ᐃᓕᓐᓂᐊᓂᓕᕆᓂᕐᒥᒃ ᐃᓕᓐᓂᐊᑎᓕᒫᓄᑦ ᐱᔭᕇᕐᑐᕕᓂᕐᓄᑦ ᐃᓕᓐᓂᐊᒐᕐᒥᓂᒃ ᐳᕐᑐᓂᕐᓴᓂ 5-ᒥ.

ᖃᐅᔨᒪᕗᒍᑦ ᑐᑭᓯᓇᑦᓯᐊᑎᓪᓗᒍ ᑐᓴᐅᒪᑎᑦᓯᒍᑎᐅᓯᒪᑦᓯᐊᖏᑦᑑᒋᐊᖓ ᐃᓕᓐᓂᐊᓂᓕᕆᓂᒃᑯᓄᑦ ᑕᒪᒃᑯᓄᖓ ᐃᓕᖓᔪᓂᒃ ᓱᓕᕆᓂᕋᕐᑕᐅᒍᑎᖓᓄᑦ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ (AESS).  ᐃᓕᓐᓂᐊᓂᓕᕆᓂᒃᑯᑦ ᐱᒍᑦᔨᓗᒋᑦ, ᐃᓛᓂᐅᖕᖕᑑᕈᑎᖃᓪᓚᕆᑉᐳᒍᑦ ᓇᓗᓕᕈᑎᐅᓯᒪᓐᓂᐸᑕ ᐃᓱᒫᓗᓕᕈᑎᐅᓯᒪᓐᓂᐸᑕᓘᓐᓃᑦ ᐃᓕᓐᓂᐊᑏᑦ ᐊᖓᔪᕐᖄᖏᓐᓄᑦ ᑐᓴᐅᒪᑎᑦᓯᒍᑎᐅᑦᓯᐊᓯᒪᖕᖏᓂᑯᖓᓄᑦ ᑕᒪᓐᓇ. ᐅᖃᐅᑦᔨᒋᐊᓪᓚᐳᒍᑦ ᐃᓱᒫᓗᖁᔨᒐᑕ ᐃᓕᓐᓂᐊᓂᓕᕆᓂᒃᑯᑦ ᓯᕗᓪᓕᐸᐅᑦᔭᐅᒋᐊᖃᕐᑎᓯᖏᓐᓇᓕᒫᕐᒪᑕ ᐃᓘᓐᓇᖏᑦᑕ ᓄᓇᕕᒻᒥ ᐃᓕᓐᓂᐊᑏᑦ ᐱᔭᕆᔭᖃᑦᓯᐊᕈᑎᒋᓂᐊᕐᑕᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖏᓐᓂᒃ.  ᑕᒪᓐᓇ ᑎᑭᐅᑎᒐᓱᐊᕐᓗᒍ, ᐱᓇᓱᐊᒻᒪᕆᑉᐳᒍᑦ ᐱᕙᓪᓕᐊᔭᐅᓂᖓᓂᒃ ᓄᓇᕕᒻᒥ ᐃᓕᓐᓂᐊᓂᓕᕆᓂᐅᑉ ᐋᕐᕿᓯᒪᒍᑎᑦᓴᖏᓐᓂᒃ ᐱᕕᖃᕐᑎᓯᒍᑎᑦᓴᓂᒃ ᐃᓕᓐᓂᐊᑎᓂᒃ ᑎᑭᐅᑎᒐᔭᕐᑕᓕᒫᒥᓂᒃ ᑎᑭᐅᑎᒍᓐᓇᓯᒍᑎᑦᓴᖏᓐᓂᒃ.

ᑐᑭᓯᓇᕐᓯᒋᐊᑦᓯᐊᑎᑕᐅᖁᒍᔨᒍᕕᑦ ᑕᒪᑦᓱᒥᖓ ᐊᐱᕐᓲᑎᑦᓴᖃᑐᐊᕈᕕᓪᓘᓃᑦ, ᐅᖄᓚᑦᑌᓕᖕᖏᓚᑎᑦ ᐄᑐᐊ ᓯᓅᐹᒧᑦ, ᑐᑭᒧᐊᑦᑎᓯᔨ ᐃᓕᓐᓂᐊᕈᑎᓕᕆᕕᒻᒥ, ᐅᖄᓚᐅᑎᖓ 1-877-964-1136.

ᓱᓕᑦᓯᐊᓱᓄᒃ ᐊᒡᓚᑐᒍᒃ,


ᐋᓚᓯ ᓈᓚᒃᑑᔭᒃ, ᐊᖓᔪᕐᖄᖅ

ᐋᓂ ᐴᑉᐳᕐᑦ, ᑲᔪᓯᒃᑫᔨ
 

ᓱᓪᓕᑎᖏᑦ ᐊᒡᓚᓯᒪᑎᓪᓗᒋᑦ
ᐱᔭᕇᒍᑎ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ (DES) & ᓱᓕᓂᕋᕐᑕᐅᒍᑎᖓ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ

ᑐᑭᓯᓇᕆᐊᓪᓚᒍᑎᖓ

2000-ᒥ, ᐃᓚᒋᔭᐅᑎᓪᓗᒋᑦ ᐊᖏᓂᕐᓴᓄᑦ ᐃᓕᓐᓂᐊᓂᕐᒨᓕᖓᔪᓂᒃ ᐋᕐᕿᒋᐊᕆᒍᑎᓄᑦ, ᑯᐯᒻᒥ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨ ᖃᐅᔨᑎᑦᓯᒋᐊᖕᖓᐅᑎᖃᓚᐅᔪᒻᒪᑦ ᓄᑖᓂᒃ ᑭᓯᑦᓯᒍᑎᓐᓂᐊᕈᑎᓄᑦ ᓱᑯᐃᔦᓂᕐᒧᓗ ᐃᓕᓐᓂᐊᕈᑎᑦᓴᐅᓚᖓᓕᕐᑐᓂᒃ ᑯᐯᓕᒫᒥ ᐊᑐᕐᑕᐅᓗᑎᒃ.  ᑌᑦᓱᒪᓂᐅᑎᓪᓗᒍ, ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃᑯᑦ) ᑐᓂᔭᐅᓚᐅᔪᕗᑦ ᐊᓯᐊᒎᕐᑎᑕᐅᒍᓐᓇᐅᑎᒥᒃ ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑌᔨᒧᑦ.  ᐊᓯᐊᒎᕐᑎᑕᐅᒍᓐᓇᐅᑎᖓ ᐃᓕᖓᑎᑕᐅᓚᐅᔪᕗᖅ ᑲᑎᕕᒃᑯᑦ ᑭᓯᑦᓯᒍᑎᓐᓂᐊᓂᕐᒧᑦ ᓱᑯᐃᔦᓂᕐᒧᓗ ᐃᓕᓐᓂᐊᑎᑦᓯᒍᑎᖏᓐᓄᑦ ᑕᒪᓐᓇᓗ ᐱᕕᑦᓴᖁᕈᓐᓇᓯᑎᑦᓯᓚᐅᔪᑦᓱᓂ ᐃᓕᓐᓂᐊᓂᓕᕆᓂᒃᑯᓂᒃ ᑲᔪᓯᒍᓐᓇᕕᖃᕐᑎᓱᒋᑦ ᐱᑕᖃᕐᑎᓯᓂᕐᓂᒃ ᓄᓇᓕᑦᑎᒍᑦ ᐱᓇᓱᐊᕐᑕᐅᔪᑦᓴᓕᐊᖑᓯᒪᔪᓂᒃ ᐊᓯᑦᔨᑐᕋᓗᐊᕐᒥᓱᒋᓪᓗ ᓈᒻᒪᓈᕐᓯᒪᒍᑎᑦᓴᖏᓐᓄᑦ ᑯᐯᓕᒫᒥ ᐋᕐᕿᒋᐊᕐᓯᒪᓕᕈᑎᐅᔪᓄᑦ.  ᐊᓯᐊᒎᕐᑎᑕᐅᒍᓐᓇᕈᑎ ᑖᓐᓇ ᐃᒫᒃ ᑐᑭᖃᓚᕿᓚᐅᔪᒻᒥᔪᖅ ᐃᓕᓐᓂᐊᑎᕗᑦ ᐳᕐᑐᓂᕐᓴᓂ 5-ᒦᑦᑐᑦ ᐁᑦᑐᑕᐅᓚᐅᔪᕗᑦ ᐱᔭᕇᒍᑎᒥᒃ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ.

2007-ᒥ, ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨ ᓇᓗᓀᕐᓯᕕᖃᓚᐅᔪᒻᒪᑦ ᐃᓕᓐᓂᐊᓂᓕᕆᓂᒃᑯᓂᒃ ᐃᒫᒃ ᐊᓯᐊᒎᕐᑎᑕᐅᒍᓐᓇᐅᑎᖓ ᓄᑕᐅᓯᓕᕐᑕᐅᓚᖓᒋᐊᖓ ᐊᕐᕌᒍᓄᑦ 5-ᑐᐃᓐᓇᓄᑦ.  ᑖᒃᑯᓇᓂ 5-ᓂ ᐊᕐᕌᒍᓂ, ᐃᓕᓐᓂᐊᓂᓕᕆᓂᖅ ᓂᕆᐅᒋᔭᐅᒍᑎᖃᕐᓯᒪᔪᖅ ᐋᕐᕿᒋᐊᕆᓗᓂ ᑭᓯᑦᓯᒍᑎᓐᓂᐊᓂᕐᒧᑦ ᓱᑯᐃᔦᓂᕐᒧᑦ ᐃᓕᓐᓂᐊᑎᑦᓯᒍᑎᒥᓂᒃ ᐃᒫᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᐅᑉ ᐱᑕᖃᕆᐊᖃᕐᓂᕃᒍᑎᖏᓐᓂᒃ ᓈᒻᒪᓈᕐᓯᒪᓂᐊᓕᕐᒪᑕ.

ᐃᓕᓐᓂᐊᓂᓕᕆᓂᒃᑯᑦ ᐱᔭᕇᕐᓯᒪᒍᓐᓇᓚᐅᔪᖕᖏᒪᑕ ᐅᓪᓗᖓᓂᒃ ᐱᔭᕇᕐᓯᒪᕕᒋᒋᐊᓕᖏᓐᓂ ᐊᒥᓱᒐᓚᓐᓂᒃ ᐱᑦᔪᑎᖃᕐᓱᑎᒃ, ᐃᓚᒋᔭᐅᑎᓪᓗᒋᑦ 1) ᐊᒥᓱᕕᑦᓱᑎᒃ ᐊᓯᑦᔨᑕᕐᓂᖏᓐᓄᑦ ᑕᒪᒋᓐᓂ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓂ ᐊᒻᒪᓗᑦᑕᐅᖅ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒃᑯᓂ; 2) ᐱᒻᒪᕆᓐᓂᒃ ᐱᓇᓱᑦᑎᑖᕋᓱᐊᕈᑏᑦ ᐱᔭᕆᐊᑐᔫᒍᑎᖃᕐᓂᖏᑦ ᐃᓕᖓᓪᓚᕆᑦᑐᓂᒃ ᐃᓗᕐᕈᓯᑦᑕ, ᐊᑕᐅᓰᒍᖕᖏᑐᒥᒃ ᐅᖃᐅᓯᖃᕐᓂᑯᑦ ᐅᐸᒐᓱᒋᐊᒥᓪᓗ ᓄᓇᒥ ᓇᓃᓐᓂᑎᓐᓄᑦ ᖃᓄᐃᓕᖓᔪᒦᒍᑎᐅᓂᖏᓐᓄᑦ.  ᑌᒣᓐᓂᑯᖓᓄᑦ, 2014-2015-ᒥ, ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨ ᑐᓂᔨᖃᑦᑕᓯᓚᐅᔪᕗᖅ ᓱᓕᓂᕋᕐᑕᐅᒍᑎᖓᓂᒃ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᖓᑕ ᐃᓕᓐᓂᐊᑎᑦᑎᓄᑦ ᐳᕐᑐᓂᕐᓴᓂ 5-ᒥ ᐃᓕᓐᓂᐊᒐᕐᓂᒃ ᐱᔭᕇᕐᑐᓄᑦ.  ᑌᒣᓕᖓᖏᓐᓇᑐᑦ ᒫᑦᔨ 2017-ᖑᓕᕐᑎᓗᒍ ᐊᒻᒪᓗ ᑌᒣᓕᖓᔪᓂᒃ ᓱᓕ ᐊᑐᕐᑎᓯᓚᖓᑦᓱᑎᒃ ᑌᑲᓂ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᑭᓯᑦᓯᒍᑎᓐᓂᐊᓂᕐᒥᒃ ᓱᑯᐃᔦᓂᕐᒥᓗ ᐃᓕᓐᓂᐊᑎᑦᓯᒍᑎᖏᑦ ᖁᕝᕙᕆᐊᒍᑎᖃᓕᕐᑎᑕᐅᖕᖏᓂᓕᒫᖏᓐᓂᑦ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ.

ᖃᓄᐃᓕᖓᔪᒦᑉᐱᑕ ᑕᒐᑕᒐᐅᔪᖅ?

ᒫᓐᓇᐅᔪᖅ, ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐃᓕᓐᓂᐊᑎ ᐊᓂᒍᐃᔪᖅ ᐳᕐᑐᓂᕐᓴᓂ 5-ᒥᒃ ᐃᓕᓐᓂᐊᒐᕐᓂᒃ ᐁᑦᑐᑕᐅᓲᖅ   ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᕐᒥᑕ ᓱᓕᓂᕋᕐᑕᐅᒍᑎᖓᓂᒃ.  ᑖᓐᓇ ᓱᓕᓂᕋᕐᑕᐅᒍᑎᖓ ᐱᒋᓕᕐᓱᒍ, ᓄᓇᕕᒻᒥ ᐳᕐᑐᓂᕐᓴᓂ ᐃᓕᓐᓂᐊᕇᕐᓯᒪᔪᑦ ᐆᒃᑐᕋᕈᓐᓇᕕᖃᓲᑦ ᐃᓕᓐᓂᐊᕕᒻᒪᕆᒋᐊᓪᓚᓂᑦ ᐃᓕᓐᓂᐊᒐᕐᓂᒃ ᑯᐯᒻᒥ.

ᓱᓕᓂᕋᕐᑕᐅᒍᑎᖏᑦ ᐱᔭᕇᕐᓯᒪᓂᕐᒥᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᖃᐅᔨᒪᔭᐅᓪᓗᐊᓲᖑᖕᖏᓂᑯᖏᓐᓄᑦ ᐃᓕᓐᓂᐊᕕᒻᒪᕆᓐᓂᑦ ᐃᓕᓐᓂᐊᕕᕐᔪᐊᓂᓪᓗ (1), ᐃᒣᓘᓪᓗᑐᕐᑐᓴᖁᑎᒋᔭᐅᕗᑦ ᐃᓕᓐᓂᐊᕇᒍᑎᑖᕐᓯᒪᔪᐃᑦ ᖃᐅᔨᒋᐊᕐᓗᑎᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐃᓕᓐᓂᐊᕕᒻᒪᕆᓐᓂᑦ ᐃᓕᓐᓂᐊᑏᑦ ᐱᒍᑦᔨᕕᖓᓂᒃ ᐅᓇᒻᒥᒋᔭᖃᑐᐊᕈᑎᒃ ᑲᔪᓯᒐᔭᕐᓂᒥᓂᒃ ᐃᓕᓐᓂᐊᕆᐊᓪᓚᓗᑎᒃ ᐳᕐᑐᓂᕐᓴᒋᐊᓪᓚᓂ ᐃᓕᓐᓂᐊᕕᒻᒪᕆᓐᓂᑦ ᐃᓕᓐᓂᐊᒐᕐᓂᒃ.

ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᐊᑐᐃᓐᓇᐅᑎᑦᓯᓚᖓᔪᑦ ᐱᑕᖃᕆᐊᓕᓐᓂᒃ ᐃᑲᔪᕐᓯᒍᑎᓂᒃ ᑲᔪᓯᑦᓯᐊᕈᓐᓇᖁᓗᒋᑦ ᓱᓕᓂᕋᕐᑕᐅᒍᑎᖓᓂᒃ ᐳᕐᑐᓂᕐᓴᓂᒃ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᕐᒥᒃ ᐱᔭᕇᒍᓯᕐᑕᐅᓯᒪᔪᐃᑦ ᑌᒫᓪᓗᐊᓭᓐᓇᖅ ᐱᕕᑦᓴᖃᕈᓐᓇᖁᓪᓗᒋᑦ ᐱᔭᕇᒍᑎᒥᒃ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᒍᓯᕐᑕᐅᓯᒪᔪᕐᑎᑐᑦ.

ᐱᒻᒪᕆᐅᒋᕗᖅ ᖃᐅᔨᒪᔭᐅᓗᓂ ᑲᑎᕕᒃ ᐃᓕᓐᓂᐊᓂᓕᕆᓂᖅ ᓱᓕᓂᕃᕐᖃᒥᓚᐅᔪᒻᒪᑦ ᐱᑕᖃᕐᑎᓯᓲᖑᖏᓐᓇᕋᒥ ᐳᕐᑐᓂᕐᓴᓂᒃ ᐃᓕᓐᓂᐊᒐᕐᓂᒃ ᐱᔭᕇᒍᑎᒥᒃ (DES) ᑌᒃᑯᓄᖓ ᐃᓕᓐᓂᐊᑎᓄᑦ ᐊᒡᓚᑕᐅᓯᒪᖃᑎᐅᔪᓄᑦ ᐃᓕᓐᓂᐊᑐᓄᑦ ᐊᒻᒪᓗ ᐊᓂᒍᐃᔪᓄᑦ ᐊᕐᕌᒎᑉ ᐃᓱᓕᓐᓂᖓᓂ ᖃᐅᔨᓴᕐᑕᐅᒍᑎᓂᒃ ᑭᓯᑦᓯᒍᑎᓐᓂᐊᓂᕐᒥᒃ ᓱᑯᐃᔦᓂᕐᒥᓗ ᐳᕐᑐᓂᕐᓴᓂ 4ᒥ ᐳᕐᑐᓂᕐᒥ.  ᐃᓘᓐᓇᑎᒃ ᐃᓕᓭᔩᑦ ᐊᖓᔪᕐᖄᖏᑦ ᐃᓕᓐᓂᐊᕕᑦᑎᓂ ᖃᐅᔨᒪᑎᑕᐅᓚᐅᔪᕗᑦ ᑕᒪᒃᑯᓂᖓ ᐊᒡᓚᑖᕐᑎᑕᐅᑦᓱᑎᒃ, ᒫᑦᔨ 13, 2017-ᖑᑎᓪᓗᒍ.

ᓱᓀᑦ ᑭᖑᓪᓕᐅᕙᑦ?

ᐃᓕᓐᓂᐊᓂᓕᕆᓂᐅᑉ ᑐᕌᒐᖓ ᐱᑕᖃᕐᑎᓯᓗᓂ ᐱᔭᕇᒍᑎᒥᒃ ᐳᕐᑐᓂᕐᓴᓂᒃ ᐃᓕᓐᓂᐊᒐᕐᓂᒃ (DES)ᒥᒃ ᑌᒃᑯᓄᖓ ᐃᓕᓐᓂᐊᑎᓄᑦ ᑖᒃᑯᓂᖓ ᐃᓕᓐᓂᐊᒐᑦᓴᓕᐊᖑᒪᔪᓂᒃ ᐊᑐᕈᒪᔪᓄᑦ, ᑌᒫᑦᓭᓇᖅ ᐱᑕᖃᕐᑎᓯᖏᓐᓇᓗᑎᓗ ᐱᔭᕇᕐᓯᒪᓂᕐᒥᒃ ᓱᓕᓂᕋᕐᑕᐅᒍᑎᖏᓐᓂᒃ ᐊᓯᖏᓐᓂᓗ ᐱᑕᖃᕆᐊᖃᕐᓂᕋᕐᑕᐅᒍᑎᖏᓐᓂᒃ ᓇᓚᐅᑦᓯᓗᐊᕆᐊᕐᑎᑕᐅᓯᒪᔪᓂᒃ ᐃᓕᓐᓂᐊᑎᑦᑕ ᑭᖕᖒᒪᒋᔭᖏᓐᓂ ᐃᓕᓐᓂᐊᕈᒪᔭᖏᓐᓂᓗ.

ᒫᓐᓇᐅᔪᖅ, ᐃᓕᓐᓂᐊᓂᓕᕆᓂᐅᑉ ᓱᑯᐃᔦᓂᕐᒥᒃ ᐱᓇᓱᐊᕐᑕᖏᑦ ᐊᑑᑎᓕᕐᑐᑦ ᐃᓕᑕᕆᔭᐅᓯᒪᔪᒃᑯᑦ ᖃᐅᔨᓴᕐᑕᐅᓱᑎᒃ ᖁᕝᕙᕆᐊᕈᑎᓕᐅᕈᓐᓇᑐᓕᐊᕆᔭᐅᒐᔭᕐᓂᒥᓄᑦ ᐃᓕᓐᓂᐊᓂᓕᕆᓂᕐᒥᒃ ᑯᐯᒻᒥ ᑐᕐᖃᑌᔨᒧᑦ.  ᑭᓯᑦᓯᒍᑎᓐᓂᐊᓂᓕᕆᒍᑎᓄᓪᓕ, ᐱᑕᖃᕆᐊᖃᓪᓗᑐᕐᑐᐃᑦ ᐱᓇᓱᐊᕐᑕᐅᓂᖓ ᐱᕙᓪᓕᐊᔭᐅᓛᕐᑐᖅ ᐃᓕᓐᓂᐊᑏᑦ ᐱᔭᖃᕈᓐᓇᖃᑦᑕᓛᕐᑎᓗᒋᑦ ᑐᕐᖃᑌᔨᒧᑦ ᐊᓂᒍᕐᑕᐅᓯᒪᒋᐊᖃᕐᓂᕋᕐᑕᐅᔪᓂᒃ ᑭᓯᑦᓯᒍᑎᓐᓂᐊᓂᕐᒥᒃ ᐊᕐᕌᒎᓐᓂᒃ ᒪᕐᕉᓂᒃ ᐱᓇᓱᐊᕐᑕᐅᓗᑎᒃ.  ᐊᕐᕌᒎᓚᖓᔪᒦᓕᕈᑦᑕ, ᓄᑖᑦ ᐳᒃᑭᓂᕐᓴᓄᑦ ᑭᓯᑦᓯᒍᑎᓐᓂᐊᓂᕐᒥᒃ ᐃᓕᓐᓂᐊᑕᐅᔪᑦᓴᓂᒃ ᐱᓇᓱᐊᕐᑕᐅᔪᑦ ᑲᔪᓯᑎᑕᐅᓛᕐᑐ ᐃᓘᓐᓇᖏᓐᓂᑦ ᐃᓕᓐᓂᐊᕕᑦᑎᓂᑦ, ᑕᒪᓐᓇᓗ ᐃᓕᓐᓂᐊᑎᕗᓐᓂᒃ ᐳᕐᑐᓂᕐᓴᓂ ᐃᓕᓐᓂᐊᓂᑦᓴᖏᓐᓄᑦ ᐸᕐᓇᓯᒣᒍᑎᐅᑦᓯᐊᓂᕐᓴᐅᓛᕐᓱᓂ.

ᐅᑭᐊᒃᓴᐅᓚᐅᔪᔪᒥ, ᐃᓕᓐᓂᐊᓂᓕᕆᓂᖅ ᑐᓂᔨᓚᐅᔪᒋᕗᖅ ᒪᓂᔨᒍᑎᒥᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ, ᓄᐃᑕᐅᓂᑦᓴᖓᓄᑦ ᖁᕝᕙᓯᓂᕐᓴᓂᑦ ᐳᒃᑭᓂᕐᓴᓂ ᐊᒻᒪᓗ ᖁᕝᕙᓯᑭᓐᓂᓴᓂᑦ ᐳᕐᑐᓂᕐᓴᓂ ᐃᓄᓐᓂᒃ-ᑐᖕᖓᕕᓕᒻᒥᒃ ᐃᓕᓐᓂᐊᕈᑎᑦᓴᓄᑦ ᐊᕐᖁᓯᓂᐅᑉ, ᑖᒃᑯᑎᒎᓇᓗ ᐃᓕᓐᓂᐊᓂᓕᕆᓂᖅ ᐊᑕᐅᓯᐅᓕᖓᔪᓅᔦᓕᕋᔭᕐᓱᓂ ᐃᓄᐃᑦ ᐃᓗᕐᕈᓯᖓᓂᒃ, ᐅᖃᐅᓯᖓᓂᒃ ᐊᒻᒪᓗ ᑭᓇᐅᓂᕐᒥᓂᒃ ᖃᐅᔨᒪᓂᕐᒥᒃ ᑕᒪᒋᓐᓄᑦ ᐅᖃᐅᓯᕐᖄᒥᒃ ᐅᖃᐅᓯᕐᒥᑕ ᐁᑉᐱᐅᑎᖓᓂᓗ ᐃᓕᓐᓂᐊᕈᑎᑦᓴᓄᑦ.  ᒪᓂᔭᐅᓯᒪᔪᑦ ᑖᒃᑯᐊ ᐅᖄᒍᑎᐅiᖏᑦ ᓱᓕ ᑲᔪᓯᔪᑦ.

ᐅᓇᓪᓗᑐᖅ, ᐃᒣᑦᑐᒥᒃ ᐱᒍᓐᓇᓯᒐᓱᐊᕐᑐᒍᑦ ᐃᓕᓐᓂᐊᑎᑦᓯᒍᑏᑦ ᐱᓇᓱᐊᕐᑌᑦ ᐃᓕᓐᓂᐊᕈᑎᑦᓴᓕᐊᕆᔦᓪᓗ ᖁᕝᕙᕆᐊᕈᑎᑖᕈᑎᒋᔭᐅᒍᓐᓇᓯᑎᓗᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ ᐃᓕᒃᑯᑦ ᐱᒍᓐᓇᐅᑎᖃᕐᕕᒥᒍᑦ ᐊᐅᓚᑦᓯᕕᖃᕐᓂᑯᑦ ᐱᔪᓇᐅᑎᖃᕐᓂᑯᓪᓗ. ᖁᕝᕙᕆᐊᕈᑎᑖᕈᓐᓇᓯᑎᑕᐅᑎᓪᓗᒋᑦ ᐃᓕᓐᓂᐊᑎᑦᓯᒍᑏᑦ, ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑕᕐᕕᑯᑦ ᐃᓕᑕᕆᔭᐅᓂᖃᑦᓯᐊᑐᒥᒃ ᓱᓪᓕᑎᕆᓕᕋᔭᕐᑐᐃᑦ ᐃᓕᓐᓂᐊᑎᑦᓯᒍᑎᑦᓴᐅᓂᖏᓪᓗ ᐱᒍᓐᓇᓯᒍᑎᐅᓚᕿᓗᑎᒃ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᕈᑎᒥᒃ ᐊᓯᖏᓐᓂᓗ ᐱᔭᕇᕐᓯᒪᓂᕋᕐᑕᐅᒍᑎᓂᒃ ᐱᒍᓐᓇᐅᑎᖃᓕᕐᓂᕋᕐᑕᐅᒍᑎᓂᓪᓘᓃᑦ.


ᐊᐱᕐᓲᑏᑦ ᑭᐅᒍᑏᓪᓗ
 

ᐃᓕᓐᓂᐊᕕᒻᒪᕆᒻᒨᑦ ᐃᓕᓴᕆᐊᒍᓐᓇᐲᑦ ᐱᑕᖃᑐᐊᕈᕕᑦ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᕋᕐᑕᐅᒍᑎᒥᒃ?

ᐋ, ᐆᒃᑐᕆᐊᒍᓐᓇᐳᑎᑦ ᓇᓪᓕᑐᐃᓐᓇᖓᓂᒃ ᐃᓕᓐᓂᐊᕕᒻᒪᕆᒻᒥᒃ cégep-ᒥᓪᓘᓃᑦ.  ᐃᒣᓘᖁᔨᓪᓗᑐᕋᔭᕐᑐᒍᑦ ᖃᐅᔨᒋᐊᕐᕕᖃᕐᓗᑎᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐳᕐᑐᓂᕐᓭ-ᑭᖑᓪᓕᖏᓐᓂᒃ ᐃᓕᓐᓂᐊᑏᑦ ᐱᒍᑦᔭᐅᕕᖓᓂᒃ ᐅᓇ ᐱᑦᔪᑎᒋᑦᓱᒍ ᑖᓐᓇ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᕋᕐᑕᐅᒍᑎ ᖃᐅᔨᒪᔭᐅᓪᓗᐊᓲᖑᖕᖏᒪᑦ ᑯᐯᒻᒥ (2).  ᐃᓕᓐᓂᐊᓂᓕᕆᓂᒃᑯᑦ ᐃᑲᔪᕈᓐᓇᒐᔭᕐᑐᑦ ᐃᓕᓐᓂᒃ ᑐᓂᔨᓕᑐᐊᕈᕕᑦ ᐆᒃᑐᕈᑎᑎᓐᓂᒃ ᓂᕈᐊᕐᓯᒪᔭᕐᓅᕕᑦ ᐃᓕᓐᓂᐊᕕᒻᒪᕆᒻᒧᑦ cégep-ᒧᓪᓘᓃᑦ.

ᓱᒧᓂᒃᑯᐊ ᐃᓕᓐᓂᐊᑎᕗᑦ ᑐᓂᔭᐅᖃᑦᑕᕈᓐᓀᓴᕐᓂᕆᕙᑦ ᐳᕐᑐᓂᕐᓴᓂᒃ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᕋᕐᑕᐅᒍᑎᓂᒃ?
ᑲᑎᕕᒃ ᐃᓕᓐᓂᐅᓂᓕᕆᓂᕐᒥ ᐃᓕᓐᓂᐊᑏᑦ ᑐᓂᔭᐅᖃᑦᑕᖏᑦᑐᑦ ᐳᕐᑐᓂᕐᓴᓂᒃ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᕋᕐᑕᐅᒍᑎᓂᒃ 2014-2015-ᒥᓂᑦ, ᐱᑦᔪᑎᖃᕐᓱᑎᒃ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᑭᓯᑦᓯᒍᑎᓐᓂᐊᓂᕐᒥᒃ ᓱᑯᐃᔦᓂᕐᒥᓗ ᐃᓕᓐᓂᐊᒐᑦᓴᔭᖏᑦ  ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ ᐱᑕᖃᕆᐊᖃᕐᓂᕋᕐᑕᐅᓯᒪᔪᓂᒃ ᓈᒻᒪᓈᕐᓯᒪᖕᖏᓂᑯᖏᓐᓄᑦ. 

ᐅᖄᒍᑎᐅᖃᑦᑕᕉᑕᕆᔪᑦ ᐃᓕᓐᓂᐊᓂᓕᕆᓂᒃᑯᓄᑦ ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑌᔨᒃᑯᓄᓪᓗ ᐊᒻᒪᓗ ᐃᓕᓐᓂᐊᓂᓕᕆᓂᕐᒥ ᑭᓯᑦᓯᒍᑎᓐᓂᐊᓂᕐᒧᑦ ᓱᑯᐃᔦᓂᕐᒧᓗ ᐃᓕᓐᓂᐊᒐᑦᓴᓕᐊᖏᑦ ᖁᕝᕙᕆᐊᕈᑎᑖᕈᑎᐅᖃᑦᑕᓂᑦᓴᖏᑦ ᐱᓇᓱᐊᕐᑕᐅᓱᑎᒃ ᖃᐅᔨᓴᕐᑕᐅᓕᕐᑐᑦ.

ᐱᕕᑦᓴᐅᖏᓐᓇᖄ ᐃᓕᓐᓂᐊᑎᓄᑦ ᐱᑖᕈᓐᓇᓗᑎᒃ ᐱᔭᕇᕐᓯᒪᓂᕋᕐᑕᐅᒍᑎᒥᒃ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓂᑦ?

ᐋ, ᑲᑎᕕᒃ ᐃᓕᓐᓂᐊᓂᓕᕆᔨᒃᑯᑦ ᓱᓕᓂᕃᕐᖃᒥᓚᐅᔪᕗᑦ ᐱᑖᕆᔭᐅᒍᓐᓇᖏᓐᓇᓂᕋᕐᓱᒍ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᕋᕐᑕᐅᒍᑎ ᑌᒃᑯᓄᖓ ᐃᓕᓐᓂᐊᑎᓄᑦ ᐊᒡᓚᑕᐅᓯᒪᖃᑎᐅᔪᓄᑦ ᐊᓂᒍᐃᔪᓪᓗ ᐊᕐᕌᒍ ᐃᓱᓕᑦᑎᓗᒍ ᖃᐅᔨᓴᕈᑎᐅᒋᐊᖃᓲᓂᒃ ᐳᕐᑐᓂᕐᓴᓂ 4ᒥ ᑭᓯᑦᓯᒍᑎᓐᓂᐊᓂᕐᒥᒃ ᓱᑯᐃᔦᓂᕐᒥᓗ.  ᐃᓕᓭᔩᑦ ᐊᖓᔪᕐᖄᓕᒫᖏᑦ ᖃᐅᔨᑎᑕᐅᓯᒪᔪᑦ ᑕᒪᑦᓱᒥᖓ ᐊᒡᓚᑖᕐᓱᑎᒃ ᒫᑦᔨ 13, 2017-ᖑᑎᓪᓗᒍ.

ᓄᖏᒃᑯᐊ ᐊᑦᔨᒌᖕᖏᒍᑎᓖᒃ ᓱᓕᓂᕋᕐᑕᐅᒍᑎᖓ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᐅᑉ ᐊᒻᒪᓗ ᐱᔭᕇᕐᓯᒪᓂᕋᕐᑕᐅᒍᑎᐅᑉ?

ᓱᓕᓂᕋᕐᑕᐅᒍᑎᖓ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᕐᓯᒪᓂᕐᒥᒃ ᓱᓕᓂᕃᕗᖅ ᐃᓕᓐᓂᐊᑎᕗᑦ ᐊᓂᒍᐃᓯᒪᒋᐊᖏᑦ ᐃᓕᓐᓂᐊᒐᑦᓭᑦ ᑯᐯᒻᒥ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᐅᑉ ᐋᕐᕿᓱᕐᓯᒪᔭᖏᑦᑕ ᓇᓪᓕᖁᐊᖏᓐᓂᒃ.  ᒫᓐᓇᐅᑎᓪᓗᒍ, ᐃᓕᓐᓂᐊᒉᑦ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᐃᓕᓐᓂᐊᒐᑦᓴᖏᓐᓂᑦ ᓇᓪᓕᖁᐊᒋᔭᐅᖕᖏᒍᑎᓖᑦ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᐅᑉ ᐃᓕᓐᓂᐊᒐᑦᓴᖏᓐᓂᑦ ᐅᑯᐊᖑᕗᑦ:  ᐳᕐᑐᓂᕐᓴᓂ 4 ᑭᓯᑦᓯᒍᑎᓐᓂᐊᓂᖅ, ᐳᕐᑐᓂᕐᓴᓂ 4 ᓱᑯᐃᔦᓂᖅ.

 

(1) ᐳᕐᑐᓂᕐᓴᒋᐊᓪᓚᓂᒃ-ᐃᓕᓐᓂᐊᕕᒻᒪᕇᑦ ᓱᓕᓂᕋᕐᑕᐅᒍᑎᖏᓐᓂᒃ ᖃᐅᔨᒪᔭᖃᓪᓗᐊᖏᓚᕿᓲᑦ ᐊᑐᕐᑕᐅᕋᓕᓲᖑᖕᖏᒪᑕ ᐅᕕᒐᕐᑐᓄᐊᖓᔪᓂᒃ ᐱᓇᓱᐊᕐᑐᓄᑦ.  ᐱᔭᕇᕐᓯᒪᓂᕐᒥᒃ ᓱᓕᓂᕋᕐᑕᐅᒍᑎᖏᑦ ᐋᑕᐅᓲᑦ ᐃᓕᓐᓂᐊᑎᓄᑦ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ ᑌᒣᓘᓚᐅᕐᑐᕈᑎᐅᑦᓱᓂ ᖃᓄᐃᓕᖓᒍᑎᐅᓚᐅᕐᑐᓂᖏᓐᓂ ᑌᒣᑦᓱᓂ.  ᑕᒪᓐᓇ ᐱᐅᓯᕆᔭᐅᖏᓐᓇᓚᖓᔪᖅ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᑭᓯᑦᓯᒍᑎᓐᓂᐊᕈᑎᓄᑦ ᓱᑯᐃᔦᓂᕐᒧᓗ ᐱᓇᓱᐊᕐᑌᑦ ᖁᕝᕙᕆᐊᕈᑎᖃᓕᕐᑎᑕᐅᒍᓐᓇᖏᓐᓂᖏᓐᓂ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ.

(2) ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᕐᓯᒪᓂᕐᒥᑕ ᓱᓕᓂᕋᕐᑕᐅᒍᑎᖓ ᑐᓂᔭᐅᓲᖅ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐃᓕᓐᓂᐊᑎᓄᑦ ᐃᓕᓐᓂᐊᓂᓕᕆᓂᕐᒥ ᑐᕐᖃᑌᔨᒧᑦ ᐱᑕᖃᕐᑎᑕᐅᓯᒪᔪᖅ ᐅᕕᒐᕐᑐᓄᐊᖓᔪᑦ ᐱᓇᓱᐊᕐᑕᐅᕕᖓᓂ ᐋᕐᕿᓯᒪᓚᐅᕐᑐᒍᑎᐅᑦᓱᓂ ᖃᓄᐃᓕᖓᔪᒦᓐᓂᐅᓯᒪᔪᒧᑦ.  ᐱᓪᓗᑯᒋᐊᓕᓕᕆᔪᑎᒍᑦ, ᓱᓕᓂᕋᕐᑕᐅᒍᑎᖓ ᑖᓐᓇ ᐃᓄᒻᒪᕇᑦ ᐃᓕᓐᓂᐊᒐᖏᓐᓂᒃ ᐱᔭᕇᕐᓯᒪᓂᕃᔪᖅ.  ᑕᒪᓐᓇ ᐱᑦᔪᑎᒋᑦᓱᒍ, ᐳᕐᑐᓂᕐᓭᑦ-ᑭᖑᓪᓕᖏᓐᓂᒃ ᐃᓕᓐᓂᐊᕖᑦ ᖃᐅᔨᒪᔭᖃᓪᓗᐊᓲᖑᖕᖏᓚᕿᔪᑦ ᐅᕕᒐᕐᑐᓅᓕᖓᔪᓂᒃ ᐱᓇᓱᐊᕐᕕᓂ.