ᑐᓴᕋᑦᓭᑦ: ᐃᓕᓐᓂᐊᑏᑦ ᑰᑦᔪᐊᒥᐅᑦ, ᖁᐊᕐᑕᒥᐅᑦ ᐊᐅᐸᓗᒻᒥᐅᓗ ᓵᓚᓖᑦ ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒥᒃ ᓴᕐᕿᑎᑦᓯᓯᒪᓂᖏᓐᓂ ᓵᓚᖃᐅᑎᑖᑦᓯᐊᓱᑎᒃ!

 ᑐᓴᕋᑦᓭᑦ: ᐃᓕᓐᓂᐊᑏᑦ ᑰᑦᔪᐊᒥᐅᑦ, ᖁᐊᕐᑕᒥᐅᑦ ᐊᐅᐸᓗᒻᒥᐅᓗ ᓵᓚᓖᑦ ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒥᒃ ᓴᕐᕿᑎᑦᓯᓯᒪᓂᖏᓐᓂ ᓵᓚᖃᐅᑎᑖᑦᓯᐊᓱᑎᒃ!

ᑐᓴᕋᑦᓭᑦ

ᑐᓴᕐᑎᓯᒍᑎᐅᑦᓴᐅᑎᒋᒋᐊᓖᑦ

ᐃᓕᓐᓂᐊᑏᑦ ᑰᑦᔪᐊᒥᐅᑦ, ᖁᐊᕐᑕᒥᐅᑦ ᐊᐅᐸᓗᒻᒥᐅᓗ ᓵᓚᓖᑦ ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒥᒃ ᓴᕐᕿᑎᑦᓯᓯᒪᓂᖏᓐᓂ ᓵᓚᖃᐅᑎᑖᑦᓯᐊᓱᑎᒃ!

ᑰᑦᔪᐊᖅ ᓄᓇᕕᒃ, ᑯᐯᒃ (ᕕᕈᐊᕆ 17, 2017) - ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᓂᖏᓐᓂ ᓵᓚᓖᑦ ᐅᖃᕐᑕᐅᓚᐅᔪᑦ ᐱᖓᔪᐊᓐᓂ ᕕᕈᐊᕆ 15-ᒥ ᐃᓄᒃᔪᐊᒥ. ᐅᕕᒃᑫᑦ 12-ᓂ ᓄᓇᓕᓐᓂ ᐱᓯᒪᔪᑦ ᐃᓕᓐᓂᐊᕕᒻᒥᓂᒃ ᑭᒡᒐᑐᓚᐅᔪᑦ ᓴᕐᕿᑎᑦᓯᓯᒪᓂᕐᓂ.

“ᐊᒥᓱᑦ ᐱᓯᑎᒻᒪᕆᐊᓗᓐᓄᑦ ᐱᓇᓱᐊᕐᑕᐅᓚᐅᔪᑦ ᓴᕐᕿᑎᑕᐅᒪᑦᓱᑎᒃ ᓵᓚᖃᕐᑐᓴᓂᓪᓗ ᑎᒃᑯᐊᓯᒐᓱᐊᕆᐊᒥᒃ ᐱᔭᕆᐊᑐᔫᓚᕿᓚᐅᔪᑦᓱᓂ” ᐅᖃᓚᐅᔪᑦ ᑐᑭᑖᕆᔩᑦ ᐅᒃᑯᐊᑕᐅᓂᖃᕐᑎᓗᒍ ᐱᓂᐊᕐᓂᖅ. ᐃᓚᐅᒋᐊᕐᑐᓯᒪᔪᓕᒫᑦ ᐅᐱᒍᓲᑦᔭᐅᓚᐅᔪᑦ ᐊᔪᐃᓐᓇᕈᑎᖃᕐᓂᖏᓐᓄᑦ ᓵᓚᓖᑦ ᐊᑎᖏᑦ ᐅᖃᕐᑕᐅᒥᑎᓪᓗᒋᑦ.

ᓯᕗᓪᓕᐹᕆᔭᐅᑦᓱᑎᒃ ᓵᓚᖃᐅᑎᑖᕐᑑᒃ ($500): ᐃᓕᐊ ᓘᓲᖕ, ᖁᓪᓕᒃ ᒍᐁᑦᓕ-ᑕᕐᕿᐊᐱᒃ, ᐳᕐᑐᓂᕐᓴᒥ 4-ᒥ ᐃᓕᓐᓂᐊᑏᒃ ᑰᑦᔪᐊᒥ. ᐱᓇᓱᐊᕐᑕᖓ ᓄᐃᑦᓯᒐᓱᐊᕐᓂᐅᓚᐅᔪᖅ ᖃᓄᐃᑦᑐᓴᔭᒥᒃ ᐊᐅᖃᕙᓪᓗᒪᖔᑕ ᐃᓄᐃᑦ ᑰᑦᔪᐊᒥᐅᑦ. ᓯᕗᓪᓕᐹᒨᑦᓱᑎᒃ ᓵᓚᖃᐅᑎᖓᓄᑦ ᐃᓚᒋᐊᕈᑎᒋᑦᓱᒍ, ᐃᓕᐊ, ᖁᓪᓕᓗ ᓄᓇᕕᒻᒥᒃ ᑭᒡᒐᑐᕆᐊᕐᑐᓗᑎᒃ ᑯᐯᒻᒥᐅᑦ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᓂᖓᓄᑦ ᐁᕈᓐᓇᓛᕐᑑᒃ, Odanak-ᒦᓛᕐᑐᓄᑦ, ᒫᑦᔨ 28-ᒥᑦ 30-ᒧᑦ 2017-ᒥ.

ᑐᖓᓕᒋᔭᐅᑦᓱᓂ ᓵᓚᖃᐅᑎᑖᕐᑐᖅ ($300): ᐳᕃᔭᓐ ᐊᕐᓇᑐᖅ, ᐳᕐᑐᓂᕐᓴᒥ 3-ᒥ ᐃᓕᓐᓂᐊᑎ ᖁᐊᕐᑕᒥ. ᐳᕃᔭᓐ ᐊᕐᓴᓃᑦ ᐱᐅᓯᖏᓐᓂᒃ ᖃᐅᔨᓴᕐᓂᖃᓚᐅᔪᖅ.

ᐱᖓᔪᒋᔭᐅᑦᓱᑎᒃ ᓵᓚᓖᒃ ($150): ᐃᐊᕆᒃ ᐋᓇᖃᑕᖅ, ᑰᐱ ᑯᓗᓛ, ᐳᕐᑐᓂᕐᓴᒥ 1-ᒥ ᐃᓕᓐᓂᐊᑏᒃ ᐊᐅᐸᓗᒻᒥ ᐱᓇᓱᐊᕐᓱᑎᒃ ᖃᐅᔨᓴᕐᓂᒥᒃ ᐃᑯᐊᓚᑦᓯᒍᑎᓕᐅᕐᓂᒥᒃ ᓯᑯᑦᓴᔭᓄᑦ ᐊᑐᕐᓯᒪᔪᓄᑦ.   

ᐊᑕᐅᑦᓯᑰᕐᑎᑕᐅᑎᓪᓗᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕈᑎᓕᕆᕕᖓᓄᑦ, ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᓂᖓ ᓇᑯᕐᓴᓲᖑᕗᖅ ᑮᓇᐅᔭᖃᕐᑎᓯᒍᑎᖏᓐᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ.   

ᐅᕙᑦᑎᓅᓕᖓᔪᑦ:
ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᑎᒍᑦ. 1978-ᒥᓂᑦ, ᐱᒍᑦᔨᔨᑐᐊᖅ ᐃᓕᓐᓂᐊᑎᑦᓯᓂᒃᑯᑦ ᐱᒍᑦᔨᒍᑎᓂᒃ ᓄᓇᕕᒻᒥᐅᓄᑦ. ᐃᓕᓐᓂᐊᑎᑦᓯᒍᑏᑦ ᓴᓇᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᑎᑦᓯᒍᑕᐅᕗᑦ ᐃᓕᓐᓂᐊᕕᓐᓂ ᓄᓇᕕᒻᒥ ᓄᓇᓕᓐᓂ 14-ᓂ. ᐃᓄᒃᑎᑐᑦ ᐅᖃᐅᓯᕐᖄᖑᑎᓪᓗᒍ, ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᒋᔭᖏᓐᓂ. ᐃᓕᓐᓂᐊᓂᓕᕆᓂᖅ ᐃᓕᓐᓂᐊᕕᖁᑎᖃᕐᑐᖅ 17-ᓂᒃ ᐅᒃᑭᓂᕐᓴᒦᑦᑐᓄᑦ ᐳᕐᑐᓂᕐᓴᒦᑦᑐᓄᓪᓗ ᑕᓪᓕᒪᓂᓪᓗ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂᒃ ᐃᓕᓐᓂᐊᕕᖁᑎᖃᕐᓱᓂ. ᑐᑭᓯᒋᐊᕈᒪᒍᕕᑦ ᐅᕙᑦᑎᓂᒃ, ᑕᑯᒋᐊᕐᓗᑎᑦ ᖃᕆᑕᐅᔭᕐᑎᒍᑦ ᐅᒃᑯᐃᖔᕐᕕᑎᓐᓂᒃ ᐅᕙᓂ: www.kativik.qc.ca

--- 30 ---

ᑐᑭᓯᒋᐊᕈᒪᕈᕕᑦ, ᐅᖄᓚᕕᒋᓗᒍ:

ᔮᑦ ᑐᔅᓅ-ᐱᐊᕐᓃ
ᑐᓴᐅᒪᖃᑎᒌᓐᓂᒥ ᐊᑕᐅᑦᓯᑰᕐᑎᓯᔨ
publicrelations@kativik.qc.ca

 

Photos © KSB