ᑐᓴᕋᑦᓭᑦ: ᑲᑎᕕᒃ ᐃᓕᓐᓂᐊᓂᓕᕆᕕᒻᒥ ᐃᓕᓐᓂᐊᑎᑦᓯᔨ ᒫᑭ ᒪᒃᑖᓄᓪ: ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓᓂᑦ 2017-ᒥ ᓵᓚᓕᒃ

ᑐᓴᕋᑦᓭᑦ: ᑲᑎᕕᒃ ᐃᓕᓐᓂᐊᓂᓕᕆᕕᒻᒥ ᐃᓕᓐᓂᐊᑎᑦᓯᔨ ᒫᑭ ᒪᒃᑖᓄᓪ: ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓᓂᑦ 2017-ᒥ ᓵᓚᓕᒃ

ᑐᓴᕋᑦᓭᑦ

ᑐᓴᕐᑎᓯᒍᑎᐅᑦᓴᐅᑎᒋᒋᐊᓖᑦ

ᑲᑎᕕᒃ ᐃᓕᓐᓂᐊᓂᓕᕆᕕᒻᒥ ᐃᓕᓐᓂᐊᑎᑦᓯᔨ ᒫᑭ ᒪᒃᑖᓄᓪ: ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓᓂᑦ 2017-ᒥ ᓵᓚᓕᒃ

ᑰᑦᔪᐊᖅ, ᓄᓇᕕᒃ (ᑯᐯᒃ), ᑲᓇᑕ (ᒫᑦᔨ 19, 2017) – ᑲᑎᕕᒃ ᐃᓕᓐᓂᐊᓂᓕᕆᕕᒃ ᐅᐱᒍᓱᑉᐳᖅ ᒫᑭ ᒪᒃᑖᓄᒥᒃ, ᓵᓚᖃᕐᓂᖓᓄᑦ 2017-ᒥ ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓᓂᑦ. ᑐᓂᔭᐅᔪᖅ Varkey foundation-ᒧᑦ, ᓵᓚᖃᕐᓂᖓ ᓄᐃᑕᑎᑦᓯᔪᑑᖕᖏᓚᖅ ᐃᓕᑕᕆᔭᐅᓂᕆᓚᖓᔭᖓᓂᑦ ᐃᓕᓐᓂᐊᑎᑦᓯᔨᐅᓂᖓᓄᑦ ᐃᑯᓯᒃ ᐃᓕᓐᓂᐊᕕᖓᓂᑦ ᓴᓪᓗᓂ, ᑭᓯᐊᓂᓕ ᐃᓕᑕᕆᔭᐅᓚᖓᓂᖓ ᐊᑐᕐᓂᖃᓪᓚᕆᑦᑐᒥᒃ ᐱᓇᓱᐊᕐᓂᕆᓲᖏᓐᓄᑦ ᐃᓕᓐᓂᐊᑎᑦᓯᔨᓕᒫᑦ.

ᓄᓇᕕᒻᒥ, ᓄᓇᕐᔪᐊᒥ ᐊᓯᖏᓐᓂᑦ ᓄᓇᖃᕐᕕᐅᔪᓂ ᑌᒣᑦᑑᒥᒻᒪᑕ, ᐃᓕᓐᓂᐊᑎᑦᓯᓂᖅ ᐱᓇᓱᐊᕋᑦᓴᒪᕆᐅᕗᖅ ᐊᑦᓱᕈᕐᓇᕈᓐᓇᓱᓂᓗ. ᐅᓪᓗᒥ, ᐃᓄᐃᑦ ᓵᖕᖓᓯᒋᐊᖃᖃᑦᑕᖏᓐᓇᑐᑦ ᐊᑦᓱᕈᕐᓇᑐᓂᒃ ᐊᑑᑎᓯᒪᔪᓂᒃ ᓯᕗᓂᕐᒥᒃ ᖃᓪᓗᓈᓄᑦ ᑎᑭᐅᑕᐅᓂᒃᑯᑦ, ᑲᕙᒪᐅᔪᓄᑦ ᐃᑉᐱᒋᔭᐅᑦᓯᐊᖏᓐᓂᓄᑦ ᑮᓇᐅᔭᖃᕐᑎᑕᐅᖕᖏᓯᐊᕐᓂᑯᓪᓗ; ᐊᑑᑎᔭᐅᖃᑦᑕᓯᒪᒻᒥᔪᓄᑦ ᓄᓇᖃᕐᖄᓯᒪᔫᖃᑎᒌᓄᑦ ᑲᓇᑕᒥ ᓄᓇᕐᔪᐊᒥᐅᖑᖃᑎᒌᓂᓪᓗ. “ᑖᒃᑯᑎᒎᓇ, ᐃᓕᓐᓂᐊᑎᑦᓯᔩᑦ ᖃᓄᐃᓘᕐᑎᓚᐅᕆᐅᕗᑦ ᐱᐅᔪᓂᒃ ᐊᓯᑦᔨᑐᐃᓂᕐᒥᒃ ᐃᓅᓱᑦᑐᓄᑦ, ᐱᒍᓐᓇᓯᐊᓕᕐᓗᑎᒃ ᓇᖏᕈᓐᓇᖁᓪᓗᒋᑦ ᑐᖕᖓᕕᖃᑦᓯᐊᓗᑎᒃ ᐃᓚᐅᕕᖃᕈᓐᓇᓯᐊᕐᓂᐊᒪᑕ ᐃᓱᒪᒋᔭᒥᓂᒃ ᓄᐃᑦᓯᖃᑦᑕᓗᑎᒃ ᓄᓇᕐᔪᐊᒥᐅᑦ ᐱᓂᐊᕐᓂᓕᕆᒍᑎᖏᓐᓂᑦ, ᓄᓇᓕᑦᑎᓂᑦ ᓯᓚᑖᓂᓪᓗ,” ᐅᖃᕐᑐᖅ ᐋᓚᓯ ᓈᓚᒃᑑᔭᒃ, ᐊᖓᔪᕐᖄᖅ ᑲᑎᕕᒃ ᐃᓕᓐᓂᐊᓂᓕᕆᕕᒻᒥ. “ᑕᒪᓐᓇᑕᒐ ᑐᑭᖓ ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓᑕ, ᓇᓪᓕᐅᓂᕐᓯᐅᕈᑎᖃᕐᓂᖅ ᐃᓕᓐᓂᐊᑎᑦᓯᔩᑦ ᐊᑭᖃᖕᖏᑐᒥᒃ ᑐᓂᕐᕈᑎᖃᕐᐸᓂᖏᓐᓄᑦ”, ᐃᓚᒋᐊᕆᑦᓱᓂ ᐅᖃᕆᐊᓪᓚᑐᖅ. 

ᒫᑭ ᑐᓂᔭᐅᓚᐅᕐᑐᖅ ᓵᓚᖃᐅᑎᒥᓂᒃ ᒫᑦᔨ 19, 2017-ᒥ, ᑐᐯᒥ (ᐊᕋᐱᒥᐅᑦ ᓄᓇᖓᓂᑦ). ᐃᓕᓐᓂᐊᑎᒋᓯᒪᔭᕐᒥᓄᑦ ᐱᖓᓱᓄᑦ ᒪᓕᑦᑕᐅᓚᐅᔪᖅ ᓴᓪᓗᒥᐅᓄᑦ: ᓛᔨ ᑕᒧᓭ, ᓴᒫᓐᑕ ᓗᒃᓓᕐ, ᓘᑲᓯ ᐊᒫᒪᑦᑐᐊᓗ.

ᐃᓅᓕᕐᓯᒪᔪᖅ ᓅᕙ ᓯᑰᓴᒥᑦ, ᒫᑭ ᒪᒃᑖᓄᓪ ᐃᓕᓐᓂᐊᓂᓕᕆᕕᒻᒧᑦ ᐱᓇᓱᑦᑎᑖᕆᔭᐅᓯᒪᔪᖅ 2010-ᖑᑎᓪᓗᒍ. ᐃᑯᓯᒃ ᐃᓕᓐᓂᐊᕕᖓᓂᑦ, ᐱᓇᓱᐊᕐᓂᖃᕐᓯᒪᔪᖅ ᐊᑐᓕᕐᑎᓯᓂᕐᒥᒃ ᐃᓕᓐᓂᐊᑏᑦ ᐃᒻᒥᒎᓈᕐᑎᑐᑦ ᐃᓕᑦᓯᒍᓐᓇᑕᒥᓂᒃ ᐃᓕᓐᓂᐊᕈᑎᖏᓐᓂᑦ, ᐱᓇᓱᐊᕋᑦᓴᓕᐊᖑᒪᑦᓱᓂ ᐃᓕᓐᓂᐊᑎᑦᓯᒍᑎᓕᐊᖑᓯᒪᔪᖅ. ᑐᕌᕐᓂᖃᕐᑐᓴᔭᐅᓂᖓ ᓄᓇᓕᒻᒥ ᐱᕙᓪᓕᐊᑎᑦᓯᓂᕐᒥᒃ ᓄᓇᓕᒻᒥᓗ ᓴᓪᓗᒥᐅᓂᒃ ᐃᓅᖃᑎᖃᕈᓐᓇᓯᐊᕐᓂᖓ ᐃᑲᔪᕐᓯᓯᒪᔪᖅ ᐱᒍᓐᓇᓯᑎᑦᓯᓯᒪᓂᖓᓂᑦ ᐊᑕᐅᓯᐅᖕᖏᑐᓂᒃ ᐱᓇᓱᐊᕋᑦᓴᓕᐊᖑᓯᒪᔪᓂᒃ ᓯᕗᓕᕐᓂᒥᒃ ᐱᔭᕇᒍᓐᓇᓯᓯᒪᔪᓂᒃ ᐃᓅᓱᑦᑐᓂᒃ. ᑌᓗᐊᖕᖑᐊᓗᒋᑦ, ᓄᐃᑦᓯᓯᒪᔪᖅ: 1) ᐃᙯᓕᓴᕐᕕᒥᒃ ᐊᕐᐸᖏᕐᓂᑎᓪᓗ, ᐃᓅᓱᑦᑐᐃᑦ ᐃᙯᓕᓴᕐᓂᑯᑦ ᓴᐱᕐᑌᑐᓕᐊᕆᑦᓱᒋᑦ. ᐊᕐᐸᖏᕐᑏᑦ ᓱᑲᓕᐅᑎᖃᑎᐅᖃᑦᑕᓯᒪᓕᕐᑐᑦ ᑲᓇᑕᒥ ᑲᓇᑕᐅᓪᓗ ᓯᓚᑖᓂᑦ ᓵᓚᖃᖃᑦᑕᓯᒪᑦᓱᑎᓗ; 2) ᓂᕕᐊᕐᓯᐊᓄᑦ ᓯᕗᓕᕐᑎᐅᒋᐅᕐᓴᓂᒥᒃ ᐃᓕᓐᓂᐊᑎᑦᓯᓂᖅ, ᐊᑦᔨᒋᔭᐅᖕᖏᑐᓂᒃ ᓄᐃᑦᓯᒍᑎᐅᓯᒪᑦᓱᓂ ᐃᓕᓐᓂᐊᑎᐅᑉ ᐃᑲᔪᕐᓯᒪᒍᑎᒋᓂᐊᕐᑕᖏᓐᓂᒃ ᓄᓇᓕᒻᒥᓂᑦ ᐃᓚᐅᕕᖃᕈᑎᒋᓂᐊᕐᑕᖏᓐᓂᓗ ᐱᓇᓱᐊᕐᓂᑯᑦ ᐱᒋᐊᕐᑎᓯᓂᒃᑯᓗ ᓄᓇᓕᒻᒥ ᓂᕆᕕᒻᒥᒃ, ᐃᓄᑐᖃᕐᓂᒃ ᓂᕐᓯᐅᕆᓂᒃᑯᑦ ᐊᒻᒪᓗ ᐯᓯᑰᓂᑦ ᓴᓇᓂᒃᑯᑦ ᐊᓯᖏᓐᓂᓗ ᐱᓇᓱᐊᕐᓂᐅᔪᓂᑦ.

ᓄᓇᕐᔪᐊᒥᐅᖑᖃᑎᒌᑦ ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖓ ᐅᓄᕐᓂᓕᒃ $1 ᒥᓕᐊᓐᓂᒃ ᑐᓂᔨᒍᑎᐅᓲᖅ ᐊᕐᕌᒍᑕᒫᑦ Varkey Foundation-ᒧᑦ ᐊᑕᐅᓯᕐᒥᒃ ᐃᓕᓐᓂᐊᑎᑦᓯᔨᒥᒃ ᐊᖏᔪᒥᒃ ᐃᑲᔪᕐᓯᓂᖃᕐᓯᒪᔪᒥᒃ ᐃᓕᓐᓂᐊᓂᓕᕆᓂᕐᒥᒃ. ᓵᓚᖃᐅᑎᑖᕈᑎᒃ ᓇᐅᓕᒫᓂᒃ ᖃᐅᔨᑎᑦᓯᓂᐅᕗᖅ ᐱᒻᒪᕆᐅᓂᖓᓂᑦ ᐃᓕᓐᓂᐊᑎᑦᓯᔩᑦ ᓄᓇᕐᔪᐊᓕᒫᒥ.
ᑲᑎᕕᒃ ᐃᓕᓐᓂᐊᓂᓕᕆᕕᒃ ᓇᓗᓀᕐᓯᒍᒪᕗᑦ ᓴᐳᒻᒥᓯᒪᓂᖓᓄᑦ ᐃᓄᐃᑦ ᖃᖓᑦᑕᔫᖏᑦ.

ᐅᕙᑦᑎᓅᓕᖓᔪᑦ:
ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᑎᒍᑦ. 1978-ᒥᓂᑦ, ᐱᒍᑦᔨᔨᑐᐊᖅ ᐃᓕᓐᓂᐊᑎᑦᓯᓂᒃᑯᑦ ᐱᒍᑦᔨᒍᑎᓂᒃ ᓄᓇᕕᒻᒥᐅᓄᑦ. ᐃᓕᓐᓂᐊᑎᑦᓯᒍᑏᑦ ᓴᓇᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᑎᑦᓯᒍᑕᐅᕗᑦ ᐃᓕᓐᓂᐊᕕᓐᓂ ᓄᓇᕕᒻᒥ ᓄᓇᓕᓐᓂ 14-ᓂ. ᐃᓄᒃᑎᑐᑦ ᐅᖃᐅᓯᕐᖄᖑᑎᓪᓗᒍ, ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᒋᔭᖏᓐᓂ. ᐃᓕᓐᓂᐊᓂᓕᕆᓂᖅ ᐃᓕᓐᓂᐊᕕᖁᑎᖃᕐᑐᖅ 17-ᓂᒃ ᐅᒃᑭᓂᕐᓴᒦᑦᑐᓄᑦ ᐳᕐᑐᓂᕐᓴᒦᑦᑐᓄᓪᓗ ᑕᓪᓕᒪᓂᓪᓗ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂᒃ ᐃᓕᓐᓂᐊᕕᖁᑎᖃᕐᓱᓂ. ᑐᑭᓯᒋᐊᕈᒪᒍᕕᑦ ᐅᕙᑦᑎᓂᒃ, ᑕᑯᒋᐊᕐᓗᑎᑦ ᖃᕆᑕᐅᔭᕐᑎᒍᑦ ᐅᒃᑯᐃᖔᕐᕕᑎᓐᓂᒃ ᐅᕙᓂ: www.kativik.qc.ca

--- 30 ---

ᑐᑭᓯᒋᐊᕈᒪᕈᕕᑦ, ᐅᖄᓚᕕᒋᓗᒍ:

ᔮᑦ ᑐᔅᓅ ᐱᐊᕐᓃ
ᐊᑕᐅᑦᓯᑰᕐᑎᓯᔨ ᑐᓴᐅᒪᖃᑎᒌᕈᑎᓂᒃ
publicrelations@kativik.qc.ca

Maggie MacDonnell winner of the 2017 Global Teacher Prize.

Maggie MacDonnell winner of the 2017 Global Teacher Prize.

Maggie MacDonnell winner of the 2017 Global Teacher Prize.

Maggie MacDonnell winner of the 2017 Global Teacher Prize.

Maggie was accompanied by three of her former students from Salluit (from left to right): Samantha Leclerc (student), Maggie MacDonnell (teacher), Lucasie Amamatuak (student) and Larry Thomassie (student).

French Astronaut Thomas Pesquet announced Maggie MacDonnell as winner of the 2017 Global Teacher Prize from the International Space Station.