ᑐᓴᕋᑦᓴᖅ: ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᒪᑭᕝᕕᑯᑦ ᐅᖃᐅᓯᖓᓂᒃ ᐃᓓᒋᐊᕐᓱᑎᒃ ᑐᓴᕐᓴᐅᑎᔪᑦ

ᑐᓴᕋᑦᓴᖅ: ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᒪᑭᕝᕕᑯᑦ ᐅᖃᐅᓯᖓᓂᒃ ᐃᓓᒋᐊᕐᓱᑎᒃ ᑐᓴᕐᓴᐅᑎᔪᑦ

ᑐᓴᕋᑦᓴᖅ

ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᒪᑭᕝᕕᑯᑦ ᐅᖃᐅᓯᖓᓂᒃ ᐃᓓᒋᐊᕐᓱᑎᒃ ᑐᓴᕐᓴᐅᑎᔪᑦ

ᑰᒃᔪᐊᖅ, ᑯᐯᒃ (ᓄᕐᕋᓕᐅᑦ 12, 2017) - ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᑐᓴᕈᒥᓇᕐᑐᖁᑎᖃᓚᐅᕐᑐᑦ ᒪᑭᕝᕕᑯᑦ ᐅᖃᐅᓯᕆᓚᐅᕐᑕᖓᓂᒃ ᖃᖕᒥᑯᑦ ᐃᓕᓐᓂᐊᓂᓕᕆᓂᐅᑉ ᓄᓇᕕᒻᒥ ᒥᑦᓵᓄᑦ, ᑕᒪᓐᓇ ᓯᕕᑦᑐᐃᒋᐊᕈᑎᐅᒻᒪᑦ ᑲᔪᓯᔪᓂᒃ ᓇᐅᓕᒫᑦ ᐅᖄᖃᑎᒌᒍᑎᒋᔭᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᖏᑦᑕ ᐱᐊᕃᑦ (ᑲᒃᑲᓛᑦ) ᓄᓇᓕᓕᒫᓂᑦ.

ᑎᒥᐅᔫᑦᓱᓂ ᐊᐅᓚᑦᓯᔨᐅᕕᖃᕐᓱᓂ ᑲᒪᒋᔭᖃᕆᐊᖃᕐᓱᓂᓗ ᐃᓕᓐᓂᐊᓂᓕᕆᓂᕐᒥᒃ ᓄᓇᕕᒻᒥ (17-ᒥ ᐊᒡᓚᑕᐅᓯᒪᔪᖏᓐᓂ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓂ) ᑲᑎᕕᒃ ᐃᓕᓐᓂᐊᓂᓕᕆᓂᖅ ᑐᑭᓯᒪᔭᖃᑦᓯᐊᓚᕆᑉᐳᖅ ᖃᓄᓪᓗᐊᑎᒋ ᐊᖏᔫᑎᒋᓂᖓᓂᒃ ᐱᖕᖑᐊᓇᖕᖏᓗᑐᕐᓂᖓᓂᓪᓗ ᖃᓄᐃᓕᖓᔪᒦᑦᑎᑕᐅᓚᕿᓂᖏᑦᑕ ᓄᓇᕕᒻᒥᐅᑦ ᕿᑐᕐᖓᖏᑦ.

“ᑲᒪᒋᔭᖃᕐᖄᕆᐊᖃᓲᖑᑦᓱᑕ ᐱᓇᓱᐊᕐᑕᐅᔪᓂᒃ ᐃᓕᓐᓂᐊᓂᓕᕆᓂᕐᒥᒃ ᑕᑯᓐᓇᓗᑐᓲᖑᕗᒍᑦ ᑲᒪᒋᐊᖃᓲᖑᑦᓱᑕᓗ, ᖃᐅᑕᒫᕐᓯᐅᑎᒋᑦᓱᒋᑦ, ᐊᑦᔨᒌᖕᖏᓕᕇᓪᓚᕆᑦᑐᓂᒃ ᐃᓱᒫᓗᓐᓇᓱᑎᒃ ᑲᒪᒋᔭᐅᒋᐊᓕᓐᓂᒃ ᐃᓕᖓᑦᓱᑎᒃ ᐱᐊᕃᑦ (ᑲᒃᑲᓛᑦ) ᖃᓄᐃᖕᖏᓯᐊᕐᓂᖏᓐᓄᑦ ᐊᑦᑐᐊᓴᐅᑎᒋᔪᓂᓪᓗ ᓱᕐᕃᓂᓕᓐᓂᒃ ᐱᔭᖃᑦᓯᐊᕈᓐᓇᓂᖏᓐᓂᒃ ᐃᓕᓐᓂᐊᓂᕐᒥᓂᒃ.  ᑕᒪᒃᑯᐊ ᐃᓚᖃᕐᑐᑦ ᐃᓱᒫᓘᑎᒋᔭᐅᓯᒪᔪᓂᒃ ᐊᑦᔨᒌᖕᖏᓚᕆᑦᑐᓂᒃ ᐅᐃᒪᓇᕐᑐᒐᓭᓪᓗ ᐃᒫᒃ ᐱᓇᓲᑎᑦᓴᖃᑦᓯᐊᖏᓐᓂᖅ ᓇᓗᓀᕐᑕᐅᒍᑎᑦᓴᖏᓐᓄᑦ ᐃᓕᓐᓂᐊᓂᕐᒥᒍᑦ ᐃᓕᑦᓯᒍᓐᓇᖏᐅᒪᒍᑎᓂᒃ ᐱᓐᓀᓗᑕᓖᑦ, ᐊᔪᕐᓴᓗᐊᕐᓂᐊᓗᒃ ᓂᓐᓂᐅᕋᓚᐅᑎᓗᐊᕐᓂᐊᓗᓪᓘᓃᑦ ᐃᓪᓗᐃᓂᐊᕐᓂᒧᑦ,” ᐅᖃᓚᐅᔪᕗᖅ ᕌᐳᕐᑦ ᒍᐊᑦ, ᐊᖓᔪᕐᖄᑉ-ᑐᖓᓕᖓ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᓂ.  ᑌᒣᓕᖓᔪᑦ ᑕᑯᑦᓱᒍ, ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᖃᕆᐊᓪᓚᕈᒪᕗᖅ ᐃᒫᒃ ᐊᑐᐃᓐᓇᓯᐊᖑᓂᕐᒥᓂᒃ ᐃᑲᔪᕐᑎᒌᓚᖓᓂᕐᒥᒃ ᐅᕕᒃᑫᑦ ᓴᐳᒻᒥᔭᐅᓂᖏᓐᓂᒃ ᖃᐅᔨᓴᕐᑎᖏᓐᓂᒃ, ᑖᒃᑯᐊ ᑐᑭᑖᕐᑐᕕᓂᐅᑦᓴᐸᑕ ᑭᖑᓂᐊᒍᑦ ᖃᐅᔨᓴᕐᑎᓯᒋᐊᓪᓚᕋᔭᕐᓂᒥᒃ ᐃᓘᓐᓀᓂᒃ ᐱᐊᕃᑦ (ᑲᒃᑲᓛᑦ) ᐱᔪᓐᓇᐅᑎᖏᓐᓄᐊᖓᔪᓂᒃ ᓄᓇᕕᒻᒥ.

ᐊᔪᐃᓐᓇᑎᓪᓗᑕ ᐃᓕᓐᓂᐊᓂᓕᕆᓂᐅᑉ ᐋᕐᕿᓱᕐᓯᒪᐅᑎᖏᓐᓂᒃ ᐱᓇᓱᐊᕐᓱᑕ ᐃᓕᓐᓂᐊᒐᕐᒥᓂᒃ ᐱᔭᕇᕐᑐᓂᒃ ᓄᐃᑦᓯᒍᑎᐅᑦᓯᐊᓚᖓᔪᒥᒃ ᓇᓪᓕᖁᐊᕆᔭᐅᔪᓂᒃ ᐊᓯᖏᓐᓄᑦ ᐃᓕᓐᓂᐊᑎᓄᑦ ᑯᐯᒻᒥ ᐊᒻᒪᓗ ᓇᓗᕐᖁᓀᑐᕈᕐᓱᑎᒃ ᐱᔪᓐᓇᐅᑎᑖᕆᔭᒥᓄᑦ, ᐅᖃᐅᓯᕐᒥᓄᑦ ᐃᓗᕐᕈᓯᕐᒥᓄᓪᓗ, ᑐᖕᖓᓱᑦᑎᓯᕗᒍᑦ ᐅᖃᐅᓯᕆᓯᒪᓕᕐᑕᖓᓂᒃ ᒪᑭᕝᕕᑯᑦ ᐃᑲᔪᕐᓯᓂᕐᒥᓂᒃ.  ᓂᐱᕗᑦ ᐃᓚᒋᔭᐅᓕᕐᑎᑕᕗᑦ ᓂᐱᖓᓄᑦ ᑐᓴᕐᑕᐅᑎᒐᓱᐊᕐᑎᓗᑕ ᐃᓄᐃᑦ ᓯᕗᓕᕐᑎᖏᓐᓄᑦ ᑯᐯᒃ ᑲᕙᒪᖓᓄᓪᓗ ᐱᓇᓱᐊᖁᓕᕐᓱᒋᑦ ᐋᕐᕿᑕᐅᓗᓂᓗ ᓈᒻᒪᖏᑦᑐᒦᓐᓂᕆᓕᕐᑕᕗᑦ ᐅᓪᓗᒥᐅᔪᖅ ᓄᓇᕕᒻᒥ.

ᑲᑎᕕᒃ ᐃᓕᓐᓂᐊᓂᓕᕆᓂᖅ ᑯᐯᒃ ᑲᕙᒪᖓᓄᑦ ᖃᓄᖅ ᐊᑕᐅᑦᓯᑰᕐᑎᑕᐅᓯᒪᓗᑎᒃ ᐱᓇᓱᐊᕐᑕᐅᖁᔨᖃᑦᑕᓯᒪᓕᕐᖁᑦ, ᐱᑕᖃᕆᐊᖃᓪᓗᑐᕐᓱᓂᓗ ᑌᒣᓕᖓᔪᖅ ᐋᕐᕿᓱᐃᒍᑎᒋᓗᒍ ᐊᒥᓱᐃᓕᕐᕿᖓᔪᓂᒃ ᐃᓱᒫᓗᒍᑎᒋᔭᐅᔪᓂᒃ ᐱᓇᓱᐊᕆᐊᓕᓐᓂᒃ.  ᑌᓐᓇ ᐊᒡᓚᓚᐅᔪᔭᕗᑦ ᐃᓕᓐᓂᐊᓂᓕᕆᓂᕐᒧᑦ ᑐᕐᖃᑕᕐᕕᑯᓐᓂᒃ ᑌᓯᑦᓱᓂ ᐱᓗᐊᕐᑐᒥᒃ ᖁᕝᕙᕆᐊᕈᑎᑖᕈᑎᖏᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓴᓇᑦᑐᓴᐅᑎᓕᕆᐅᑎᓂᒃ ᓱᑯᐃᔦᓂᕐᒧᓗ ᐃᓕᓐᓂᐊᕈᑎᑦᓴᖏᓐᓂᒃ, ᓄᑖᖑᓂᕐᐸᐅᑐᐃᓐᓇᑐᖅ ᐊᒥᓱᐃᓂᒃ ᐊᑯᓂᓂᑦ ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑕᕐᕕᑯᓐᓂᒃ ᖃᓄᐃᓘᖃᑎᖃᕋᓱᒋᐊᕈᑎᐅᓯᒪᔪᓂᑦ.  ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐆᒃᑐᖃᑦᑕᓯᒪᓕᕐᓂᕆᒐᓗᐊᕐᑕᖏᓐᓂᑦ, ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑕᕐᕕᑯᑦ ᑐᓴᕐᑑᔮᖕᖏᓭᓐᓇᑐᐃᓐᓇᐸᑦᑐᑦ ᐃᑲᔪᕐᑕᐅᒍᒪᒍᑎᑦᑎᓂᒃ ᓴᐳᑎᔭᐅᒍᒪᒍᑎᑦᑎᓂᓪᓗ.  ᑕᒪᓐᓇ ᑭᐅᔭᐅᓚᐅᕐᓯᒪᖕᖏᓂᖅ, ᐃᓚᖃᕐᑎᓗᒍ ᑮᓇᐅᔭᖃᕐᑎᑕᐅᓂᕐᒥᒃ ᐊᒥᒐᕐᓯᔪᓂᒃ ᑯᐯᒃᑯᑦ ᑲᓇᑕᐅᓪᓗ ᑲᕙᒪᖏᓐᓄᑦ ᓄᓇᕕᒻᒥ ᐃᓕᓐᓂᐊᑎᓄᑦ ᑎᑭᐅᑎᓚᕿᑎᑦᓯᓯᒪᔪᖅ ᐃᓕᓐᓂᐊᓂᕐᒥᒃ ᑐᕐᖃᑕᕐᕕᑯᑦ ᑌᒣᓚᕿᑎᑦᓯᖃᑎᐅᑎᓪᓗᒋᑦ.  ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᒋᐊᕐᑎᓯᓯᒪᒋᕗᐊᓪᓛᑦ ᐃᕐᖃᑐᐃᕕᒻᒨᑎᑦᓯᒍᑎᓂᒃ ᐊᕗᓐᓂᑎ 2016-ᖑᑎᓪᓗᒍ ᑯᐯᒃ ᐊᒻᒪᓗ ᑲᓇᑕᐅᑉ ᑲᕙᒪᖏᓐᓂᒃ ᐃᕐᖃᑐᐃᕕᒻᒨᕆᑦᓱᓂ ᐱᓇᓱᐊᕐᑕᐅᒋᐊᓕᓐᓂᒃ ᐱᓇᓱᐊᕐᑕᐅᕙᓪᓕᐊᑎᑦᓯᒐᓱᐊᕐᓱᑎᒃ ᐊᓱᐃᓛ ᐋᕐᕿᒍᑎᑦᓴᓚᕆᖏᓐᓂᒃ ᐱᓇᓱᐊᕐᓂᐊᕋᒥᒃ ᐃᓄᐃᑦ ᐃᓕᓐᓂᐊᑏᑦ ᐱᔭᕆᓯᒪᒍᑎᒋᒋᐊᓕᖏᑦ ᑭᖑᓯᑦᓯᒪᒍᑎᒋᓪᓗᑐᓲᖓᓂᒃ ᑯᐯᓕᒫᑉ ᐱᔭᕆᒍᓐᓇᓲᖏᑦ ᓴᓂᐊᓂ ᑕᑯᑦᓱᒋᑦ ᐱᔭᕇᕐᓂᖏᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐳᕐᑐᓂᕐᓴᒋᐊᓪᓚᓄᓪᓗ ᐃᓕᓐᓂᐊᕆᐊᕐᓂᖏᑦ.

ᓇᓗᓀᕐᓯᒋᐊᕈᒪᕗᒍᑦ ᐃᒫᒃ ᑲᑎᕕᒃ ᐃᓕᓐᓂᐊᓂᓕᕆᓂᖅ ᑐᓂᔨᓲᖑᖕᖏᒪᑦ ᐳᕐᑐᓂᕐᓴᓂ ᐃᓕᓐᓂᐊᒐᕐᓂᒃ ᐱᔭᕇᒍᑎᓂᒃ, ᑐᓂᔨᓲᖑᒻᒥᒐᓂᓗ ᓱᓕᓂᕋᕐᑕᐅᒍᑎᖏᓐᓂᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᒍᑎᓂᒃ.  ᑯᐯᒃ ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑕᕐᕕᑯᖏᑦ ᑐᓂᔨᓲᑦ ᐃᓘᓐᓇᖏᓐᓂᒃ ᐱᔭᕇᒍᑎᓂᒃ ᓱᓕᓂᕋᕐᑕᐅᒍᑎᖏᓐᓂᓗ.  ᑐᑭᑖᕆᓂᖅ ᑐᓂᔨᖃᑦᑕᓂᐊᓕᕆᐊᒥᒃ ᓱᓕᓂᕋᕐᑕᐅᒍᑎᖓᓂᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᓂᑦ ᐱᔭᕇᕐᑐᓄ  ᑐᑭᑖᕐᑕᐅᓯᒪᕗᖅ ᐃᓕᓐᓂᐊᓂᓕᕆᓂᕐᒥᒃ ᑐᕐᖃᑕᕐᕕᑯᓐᓄ.

“ᓄᓇᕕᒻᒥ ᐃᓕᓐᓂᐊᑏᑦ ᐃᓕᓐᓂᐊᖏᓐᓇᑐᓄᑦ, ᐅᖃᕆᐊᓪᓚᒍᒪᕗᖓ ᐃᒫᒃ ᓱᓕᓂᕋᕐᑕᐅᒍᑎᖏᓐᓂᒃ ᐳᕐᑐᓂᕐᓴᓂ ᐃᓕᓐᓂᐊᒉᑦ ᓇᓪᓕᖁᐊᖏᓐᓂᒃ ᐱᔭᕇᒍᑎᒃ ᐱᒍᓐᓇᕈᑎᒋᒐᕕᐅᒃ ᐃᓕᓐᓂᐊᕕᒻᒪᕆᒻᒧᑦ ᐳᕐᑐᓂᕐᓴᒋᐊᓪᓚᒧᑦ ᐃᓕᓐᓂᐊᕆᐊᕈᓐᓇᕋᕕᑦ, ᐃᓕᓐᓂᐊᕕᒻᒪᕆᒻᒧᑦ ᐃᓕᓐᓂᐊᕕᕐᔪᐊᒧᓪᓗ.  ᐃᓕᓐᓂᐊᓂᓕᕆᔨᒃᑯᑦ ᑐᓂᓯᒪᑦᓯᐊᖏᓐᓇᐳᑦ ᓵᖕᖓᓯᒋᐊᖃᕐᓂᐊᖏᓐᓇᕕᑦ ᐊᑑᑎᒋᐊᑐᕐᓂᖏᑦᑐᓂᒃ ᐊᐅᓚᑦᓯᓂᓕᕆᓂᕐᒨᓕᖓᔪᓂᒃ ᐱᓇᓱᐊᕐᑕᐅᓗᑯᒋᐊᓕᓐᓂᒃ ᐱᓇᓱᐊᓕᑐᐊᕈᕕᑦ ᐊᖏᕐᑕᐅᒐᓱᐊᕈᑎᑎᓐᓂᒃ ᐃᓕᓐᓂᐊᕕᒻᒪᕆᒻᒧᑦ ᐃᓕᓐᓂᐊᕕᕐᔪᐊᒧᓪᓘᓃᑦ ᐃᓕᓐᓂᐊᕆᐊᕈᑎᓂᒃ,” ᐅᖃᕐᑕᒥᓂᒃ ᐃᓓᒋᐊᕆᔪᖅ ᕌᐳᑦ ᒍᐊᑦ.

ᑭᓇᒃᑰᓂᕗᓐᓄᐊᖓᔪᖅ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᓯᒪᔪᖅ 1975ᒥ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᑎᒍᑦ ᓄᐃᑕᐅᑦᓱᓂ.  ᑌᒪᖕᖓᓂᑦ 1978ᒥᓂᑦ, ᑖᓐᓇᑑᑦᓱᓂ ᐃᓕᓐᓂᐊᓂᕐᒥᒃ ᐱᒍᑦᔨᐅᑎᓂᒃ

ᐱᑕᖃᕐᑎᓯᔪᑑᓯᒪᔪᖅ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒥᒃ ᐱᓇᓱᐊᕐᓃᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃᑯᓄᑦ ᒪᓂᔭᐅᕗᑦ ᐃᓕᓴᕐᕕᓕᒫᖏᓐᓂ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐅᖃᐅᓯᕐᖄᕆᔭᐅᑎᓪᓗᒍᑦ ᐃᓄᒃᑎᑐᑦ ᐊᒻᒪᓗ ᒍᐃᒍᐃᑎᑐ ᖃᓪᓗᓈᑎᑐᓪᓗ ᐅᖃᐅᓯᕐᒧᑦ ᐁᑉᐱᒍᑎᐅᑎᓪᓗᒋᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓃᑦᑐᓂᒃ ᐳᕐᑐᓂᕐᓵᓃᑦᑐᓂᓪᓗ ᐃᓕᓴᕐᕕᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕆᓄᑦ ᐃᓕᓴᕐᕕᓂᒃ.  ᑐᑭᓯᒋᐊᓪᓚᕕᑦᓭᑦ ᐅᕙᓂ: www.kativik.qc.ca

--- 30 ---

ᑐᑭᓯᒋᐊᓪᓚᕈᒪᒍᕕᑦ, ᐅᓇ ᐅᖄᓚᕕᒋᓗᒍ:

Jade Duchesneau-Bernier

ᑐᓴᐅᒪᖃᑎᒌᓐᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨ

(514) 482-8220