ᖃᐅᔨᓴᐅᑏᑦ ᑐᑭᑖᕋᓱᐊᕆᐊᖃᕐᓂᒧᑦ

ᑲᑎᕕ ᐃᓕᓐᓂᐊᓂᓕᕆᓂᐅᑉ ᖃᐅᔨᓴᐅᑎᒋᖃᑦᑕᓯᒪᔭᖏᑦ:
ᑐᖓᕕᑦᓭᑦ ᑐᑭᓯᒪᓪᓗᓂ ᑐᑭᖃᑦᑕᓂᕐᒧᑦ


ᕙᑲᑎᕕᒃ ᐃᓕᓐᓂᐊᓂᓕᕆᓂᖅ ᓵᖓᓯᖃᑦᑕᓲᖅ ᐱᔭᕆᐊᑭᑦᑐᖏᑦᑐᒥᒃ ᐱᔭᑦᓴᒥᒃ ᑲᒪᒋᔭᖃᓪᓚᕆᑦᑑᓂᒥᒍᑦ ᐃᓕᓐᓂᐊᓂᖏᓐᓂᒃ ᐃᓅᓱᑦᑐᖏᑦᑕ ᓄᓇᕕᐅᑉ ᐸᕐᓀᓱᒋᑦ ᓯᕗᓂᑦᓴᖏᓐᓄᑦ. ᒪᕐᕈᐃᓕᕿᖓᔪᑎᒍᑦ ᑎᓕᔭᐅᒪᒍᑎᖓ ᐃᓚᐅᑎᑦᓯᓚᕆᑦᑐᖅ ᐱᕙᓪᓕᐊᑎᑦᓯᓂᕐᒥᒃ ᐃᓄᐃᑦ ᐃᓪᓕᕆᔭᖏᓐᓂᒃ, ᑭᓯᐊᓂ ᐊᑕᐅᑦᓯᑯᖅᑲᑕᐅᑎᓪᓗᒍ ᐃᓕᓐᓂᐊᑏᑦ ᐃᓕᓐᓂᐊᕆᐊᖃᓐᓂᖓ ᐃᓚᐅᒍᓐᓇᓯᐊᖁᓪᓗᒋᑦ ᐅᓪᓗᒥ ᐊᑑᑎᔭᐅᓕᕐᑐᓄᑦ ᖃᓪᓗᓈᓪᓗ ᐱᐅᓯᖏᓐᓄᑦ. (ᐊᕐᕌᒍᑕᒪᑦ ᑐᓴᕐᑎᓯᒍᑎᖓ, ᑲᑎᕕᒃ ᐃᓕᓐᓂᐊᓂᓕᕆᓂᖅ, 1985). ᑖᓐᓇ ᐱᔭᕆᐊᑭᑦᑐᖏᑦᓱᓂ ᐱᔭᑦᓴᖅ ᐊᖏᓕᐅᒥᓂᖃᒻᒥᔪᖅ ᒪᕈᐃᓕᕿᖓᔪᓐᓄᑦ:) ᑲᑎᕕᒃ ᐃᓕᓐᓂᐊᓂᓕᕆᓂᖅ ᒪᓐᓇᓂᑕᐅᓱᓂᒃ ᐱᒍᑦᔨᓂᐅᔪᖅ, ᓄᐃᑕᐅᓚᐅᕐᓯᒪᔪᖅ 1976-ᒥ; ᐊᒻᒪᓗ 2) ᑲᒪᒋᔭᖃᑦᑐᖅ ᓈᒻᒪᓇᕐᕕᖃᕐᓂᒥᒃ ᐊᖑᒪᑦᓯᓂᕐᒥᓗ ᑭᙳᒪᒋᔭᖏᓐᓂᒃ ᐃᓅᓱᑦᑐᐃᑦ ᐃᓄᐃᑦ, ᐊᖓᔪᖄᓕᒪᒐᓚᖏᓪᓗ ᐃᓕᓐᓂᐊᓚᐅᕐᓯᒪᒐᑎᒃ.

ᕙᐱᑦᔪᑎᒋᑦᓱᒍ ᑖᓐᓇ ᐱᔭᕆᐊᑭᑦᑑᖏᑦᓱᓂ ᓄᐃᑕᓕᕐᑐᖅ, ᐃᓕᓐᓂᐊᓂᓕᕆᓂᖅ ᐊᑦᑕᑐᑐᐃᓇᕈᓐᓇᔭᖏᑦᑐᖅ ᖃᓗᓈᑦ ᐃᓕᓐᓂᐊᑎᑦᓯᒍᑎᖏᓐᓂᒃ ᐊᒻᒪᓗ ᐊᑑᑎᑎᓗᒋᑦ ᐃᓕᓐᓂᐊᓂᕐᒧᑦ ᓄᓇᕕᒻᒥ. ᐃᓕᓐᓂᐊᓂᓕᕆᓂᖅ ᐊᑑᑎᓯᒪᔪᖅ (ᑲᔪᓯᖏᓐᓇᕆᐊᖃᕐᓱᓂ) ᖃᐅᔨᓴᕐᑕᐅᓯᒪᑦᓯᐊᑐᓂᒃ ᐃᓕᓐᓂᐊᑎᑦᓯᒍᑎᓂᒃ ᐱᓯᒪᔪᓂᒃ ᓇᓂᑐᐃᓇᖅ ᑲᓇᑕᒥ ᓄᓇᕐᔪᐊᒥᓗ; ᐊᑐᖃᑦᑕᓱᓂ ᐃᓕᓐᓂᐊᑎᑦᓯᒍᑎᑦᓴᓂᒃ ᓴᓇᔭᐅᓯᒪᓂᖃᕐᑐᓂᒃ ᐊᑐᕋᑦᓴᐅᑎᓪᓗᒋᑦ ᐃᓗᕐᕈᓯᖃᑎᒋᓐᓄᑦ, ᑌᒪᑦᓭᓇᖅ ᐃᓄᖏᓐᓄᑦ ᓄᓇᕕᐅᑉ, ᓵᖓᓯᒋᐊᖃᓲᖑᒻᒥᔪᓄᑦ ᐱᔭᕆᐊᑭᑦᑑᖏᑦᓱᓂ ᐃᓕᓐᓂᐊᑎᑦᓯᓂᕐᒥᒃ ᐃᑭᑦᑐᓂᒃ ᐃᓕᓐᓂᐊᑎᓂᒃ ᐅᖃᐅᓯᖃᖓ ᖃᓗᓈᑎᑐᙱᑐᓂᒃ. ᑕᒪᑐᒧᖓᓕ ᐅᖃᐅᓯᕐᒧᑦ ᐃᓕᓐᓂᐊᑎᑦᓯᒍᑎᒧᑦ, ᐃᓕᓐᓂᐊᓂᓕᕆᓂᖅ ᐊᑐᓲᖅ ᒪᕐᕉᓂᒃ ᐅᖃᐅᓯᓐᓂᒃ ᐃᓕᓐᓂᐊᑎᑦᓯᓂᕐᒥᒃ ᐋᖅᑭᓱᕐᓯᒪᓂᖃᕐᓱᓂ ᐃᓕᓐᓂᐊᑏᑦ ᐃᓕᑦᓯᑐᐃᓇᕈᓐᓀᓗᑎᒃ ᐃᓗᓕᒥᐅᑕᖏᓐᓂᒃ ᐃᓕᓐᓂᐊᑕᒥᑕ ᐅᖃᕐᓯᑎᕈᕐᒥᓗᑎᒃ ᖃᓪᓗᓈᑎᑐᑦ ᐅᕝᕙᓗᓐᓃᑦ ᒍᐃᒍᐃᑎᑐᑦ ᐃᓄᒃᑎᑐᓪᓗ. ᑭᓯᐊᓂᓕ, ᑕᒪᓐᓈ ᑌᒣᓕᖓᓂᖅ ᐃᓕᓐᓂᐊᑕᐅᔪᑦᓴᓂᒃ ᐃᓕᓐᓂᐊᑎᑦᓯᒍᑎᓂᓪᓗ ᐱᖓᓱᑎᒍᑦ ᐅᖃᐅᓯᒃᑰᑎᑦᓯᒋᐊᖃᕐᓯᒪᔪᖅ. ᐃᓕᓐᓂᐊᑎᑦᓯᒍᑎᓕᐅᕐᓂᖅ ᖃᓪᓗᓈᑎᑐᑦ ᒍᐃᒍᐃᑎᑐᓪᓗᓃᑦ ᐊᑑᑎᔭᐅᒍᓐᓇᓯᒪᔪᖅ ᓄᐃᑕᒋᕐᓂᖏᓐᓄᑦ ᐊᒥᓲᒋᕐᑐᑦ ᖃᓗᓈᑎᑐᑦ ᒍᐃᒍᐃᑎᑐᓪᓗ ᐃᓕᓐᓂᐊᑎᑦᓯᒍᑏᑦ ᐱᒋᐅᕐᓴᓯᒪᑦᓯᐊᑐᓪᓗ ᐃᓕᓐᓂᐊᑎᑦᓯᔩᑦ. ᐊᒥᓱᑦ ᐱᑦᓴᑕᕐᕕᓭᑦ ᐋᖅᑭᓱᒋᐊᕆᐊᖃᕐᓯᒪᔪᒐᓗᐊᑦ ᐊᑑᑎᔭᐅᒍᓐᓇᓯᖁᑦᓱᒋᑦ ᐊᑦᔨᐅᖏᑦᑑᒍᑎᖏᓐᓄᑦ ᓄᓇᕕᐅᑉ, ᐱᑦᓴᑕᕐᕕᐅᒋᐊᓖᑦ ᓴᓇᔭᐅᒋᕐᓯᒪᔪᑦ. ᐱᔭᕆᐊᑭᑦᑑᖏᓗᐊᖑᐊᓯᒪᒻᒥᔪᖅ ᓇᕝᕙᕋᓱᐊᕐᓂᖅ ᐊᒻᒪᓗ ᐱᒋᐅᕐᓴᑎᑦᓯᓂᖅ ᐱᒍᓐᓇᐅᑎᖃᕆᑦᓯᐊᑐᓂᒃ ᐃᓄᓐᓂᒃ ᐃᓕᓐᓂᐊᑎᑦᓯᔨᓴᓂᒃ, ᐱᕈᕐᐸᓕᐊᑎᑦᓯᓂᕐᓗ ᐃᓕᓐᓂᐊᑎᑦᓯᒍᑎᑦᓴᓂᒃ ᐃᓕᓐᓂᐊᕈᑎᑦᓴᓂᓪᓗ ᐃᓄᒃᑎᑐᕐᑐᓂᒃ, ᐱᒋᐊᖓᓂᖓᓂ ᑕᒪᒃᑯᐊ ᐱᑦᓴᑕᕐᕕᐅᒍᓐᓇᑐᑦ ᐊᒥᒐᑐᐃᓇᓚᐅᔪᑦᔭᖏᑦᑐᑦ, ᓴᓇᔭᐅᒪᓚᐅᔪᙱᑐᓪᓗᓂᑦ.

ᐊᔪᒉᑦᑑᖏᑦᑐᓗᓐᓂᑦ, ᐃᓕᓐᓂᐊᓂᓕᕆᓂᐅᑉ ᑐᓂᓯᒪᓪᓚᕆᓐᓂᕆᓯᒪᔭᖓ ᐱᒋᐅᕐᓴᑎᑦᓯᓂᕐᒧᑦ ᐃᓕᓐᓂᐊᑎᑦᓯᔨᓂᒃ, ᐊᐅᓚᑦᓯᓂᓕᕆᔨᓂᒃ, ᐃᓕᓐᓂᐊᓂᕐᒥᓪᓗ ᐱᓇᓱᒐᒻᒪᕆᓕᓐᓂᒃ, ᐃᓕᓐᓂᐊᕈᑎᑦᓴᓕᐅᕐᓱᑎᓗ ᐃᓄᒃᑎᑐᕐᑐᓂᒃ. ᓄᐃᓯᒪᔪᖅ ᐊᑑᑎᖃᓪᓚᕆᑦᑐᖅ ᒪᕐᕈᐃᑎᒍᑦ ᐅᖃᐅᓯᕐᑎᒍᑦ

ᐃᓕᓐᓂᐊᑎᑦᓯᓂᖅ, ᐃᓕᓐᓂᐊᕆᐊᖓᑐᑦ ᑎᑭᑦᓱᑎᒃ ᐳᕐᑐᓂᕐᒧᑦ 2-ᒧᑦ, ᐃᓕᓐᓂᐊᑏᑦ ᐃᓕᓴᕐᑕᐅᓲᑦ ᐃᓄᒃᑎᑐᑦ ᐃᓄᓐᓄᑦ ᐃᓕᓐᓂᐊᑎᑦᓯᔨᓄᑦ. ᐱᒋᐊᕐᓱᑎᒃ ᐳᕐᑐᓂᕐᒥ 3-ᒥ ᑕᑉᐸᐅᖓᓕᒪᖅ ᐳᕐᑐᓂᕐᓄᑦ, ᐃᓕᓐᓂᐊᑏᑦ ᐃᓕᓐᓂᐊᕈᓐᓇᓲᑦ ᒍᐃᒍᐃᑎᑐᑦ ᖃᓪᓗᓈᑎᑐᓪᓗᓃᑦ ᐱᔭᕆᙱᓂᓕᒫᒥᓂ ᐳᕐᑐᓂᕐᓴᒥᒃ. ᐊᑐᓂᑦ ᐳᕐᑐᓂᐅᔪᓂ, ᐃᓕᓐᓂᐊᑎᑦᓯᒍᓐᓇᓂᖃᑦᑎᑕᐅᓲᑦ ᐃᓄᒃᑎᑑᒥᒃ ᐃᓄᐃᓪᓗ ᐃᓗᕐᕈᓯᖓᓂᒃ.

 
ᐃᓗᐃᒃᑲᓯᐊᒥᒃ ᐃᓗᓪᓕᑐᕇᕐᑐᑦ ᐊᑦᑕᓯᒪᔪᑦ:

ᑲᑎᕕ ᐃᓕᓐᓂᐊᓂᓕᕆᓂᐅᑉ ᖃᐅᔨᓴᐅᑎᒋᖃᑦᑕᓯᒪᔭᖏᑦ:
ᑐᖓᕕᑦᓭᑦ ᑐᑭᓯᒪᓪᓗᓂ ᑐᑭᖃᑦᑕᓂᕐᒧᑦ