ᓱᒧᑦ ᐃᓄᒃᑎᑐᑦ ᐊᒡᓚᒍᓯᕐᓂᒃ ᐁᐯᓄᑖᒥᓪᓗ ᐊᒡᓚᑐᒥᓪᓗ ᖃᕆᑕᐅᔭᒃᑯᑦ ᐃᓘᓐᓀᓄᑦ ᐊᑐᕋᑦᓴᓕᐊᒍᓯᒪᔪᓂᒃ ᐊᑐᕐᑐᓴᐅᕕᑦ ?

ᐃᓄᒃᑎᑐᑦ ᐊᒡᓚᒍᓰᑦ ᑌᒣᑦᑐᓭᓐᓇᐅᓲᑦ !

ᐃᓘᓐᓀᓄᑦ ᐊᒡᓚᒍᓯᐅᓲᑦ ᐃᓄᒃᑎᑑᕐᑐᑦ ᐁᐯᓄᑖᖅ ᐅᑦᑑᑎᒋᑦᓱᒍ, ᐃᓄᒃᑎᑐᑦ ᐊᒡᓚᒍᓰᑦ ᑌᒣᑦᑐᓭᓐᓇᐅᓲᒍᕗᑦ. ᐁᐯᓄᓇᕕᒃ, ᐃᓄᒃᑎᑐᑦ ᐊᒡᓚᒍᓰᑦ ᐊᑐᕐᑕᐅᓕᑐᐊᕋᒥᒃ ᐊᓯᔾᔨᑲᑦᑕᓲᑦ ᐃᓚᖓᒍᑦ ᑐᑭᖃᕐᖏᑑᓯᖃᑦᑕᓱᑎᒃ.


ᐃᓄᒃᑎᑐᑦ ᐅᖃᐅᓰᑦ ᐱᒋᐊᕐᕕᖏᑦ ᐊᓯᔾᔨᑲᑦᑕᓲᒍᖕᖏᑐᑦ

ᐃᓘᓐᓀᓄᑦ ᐊᒡᓚᒍᓯᐅᓲᑦ ᐃᓄᒃᑎᑑᕐᑐᑦ, ᐃᓱᐊᕐᑑᓲᑦ (Microsoft Word Auto-Correct options)  ᑕᒻᒪᓯᒪᔪᕐᓯᐅᕈᑎᖓᓄᑦ ᖃᓪᓗᓇᑎᑑᓯᖃᑦᑕᓲᒍᖕᖏᓇᒥᒃ. ᑕᒪᓐᓇ ᐱᓐᓀᓗᑕᐅᓲᖅ ᐁᐯᓄᑖᒥᒃ ᐊᑐᕐᑐᖃᕐᓱᓂ, ᐅᑦᑐᑎᒋᑦᓱᒍ, ᐅᖃᐅᓯᐅᑉ ᐱᒋᐊᕐᕕᖓ ᐊᓯᔾᔨᑕᓲᖅ. ᐱᑑᑎᕐᖃᔭᖕᓂᑯᒋᓐᓄᑦ ᑕᒻᒪᓯᒪᔪᕐᓯᐅᕈᑎᐅᓪᓗ ᐁᐯᓄᓇᕕᐅᓪᓗ ᐊᒡᓚᒍᓯᐅᑉ.


ᐁᐯᓄᓇᕕᒻᒧᑦ ᐊᒡᓚᒍᓰᑦ ᓇᕿᑦᑕᐅᑎᒦᑦᑐᑦ ᐃᓂᖏᓐᓃᓭᓐᓇᑐᑦ

ᐃᓄᒃᑎᑐᑦ ᐊᒡᓚᒍᓰᑦ ᓇᕿᑦᑕᐅᑎᒥ ᐁᐯᓄᓇᕕᒧᑦ ᐊᒡᓚᒍᓰᑦ ᐃᓂᖏᓐᓂᓭᓐᓇᑐᑦ. ᓇᕿᑦᑕᕆᐅᕐᓴᕆᐊᓪᓚᒍᑕᐅᒋᐊᖃᖕᖏᑐᖅ.


ᖃᓪᓗᓈᑎᑑᕐᑐᓗ ᐃᓄᒃᑎᑑᕐᑐᐃᓗ ᐅᐊᕈᑎᒌᑦᓯᐊᕈᓐᓇᑐᑦ

ᐃᓘᓐᓀᓄᑦ ᐊᒡᓚᒍᓯᐅᓲᖅ ᐊᑐᕐᓗᒍ, ᓇᓂᕐᓗᒍ Caps Lock key (ON)  ᐃᓄᒃᑎᑐᑦ ᓇᕿᑦᑕᓯᒍᕕᑦ ᑌᒪ ᓇᕐᓂᓂᐊᓕᕐᒥᒐᕕᐅᒃ Caps Lock key (OFF)  ᖃᒡᓗᓈᑎᑐᑦ ᐊᒡᓚᓯᑐᐊᕐᒥᒍᕕᑦ. ᓇᕿᑦᑕᕈᓐᓇᑐᑎᑦ ᖃᒡᓗᓈᑎᑑᕐᑐᓂᓪᓗ ᐃᓄᒃᑎᑑᕐᑐᓂᓪᓗ ᐅᐊᕈᑎᒌᑦᑎᓯᓗᑎᑦ ᐁᐯᓄᑖᒧᑦ. ᐁᐯᓄᓇᕕᒃ ᐊᑐᕐᓱᒍ, ᖃᓪᓗᓈᑎᑐᑦ ᓇᕿᑦᑕᓱᓂ ᐃᓄᒃᑎᑐᑦ ᓇᕿᑦᑕᕈᒪᓯᔪᖃᕋᒥ ᐊᓯᔾᔩᒋᐊᖃᕐᓇᓲᒍᑎᓪᓗᒍ ᐊᒡᓚᒍᓯᕐᓂᒃ. ᑌᒪ ᐊᔾᔨᒋᓐᓂᒃ ᓅᑦᓯᒌᕐᑐᖃᑐᐊᕋᒥ ᐱᓐᓀᓗᑦᓯᔪᖃᕐᑐᖃᕐᓂᐊᓕᕋᒥ.


ᐃᓄᒃᑎᑑᕐᑐᑦ ᐊᒡᓚᒍᓰᑦ ᐃᓱᐊᕐᓂᓭᑦ ᐊᑐᕆᐊᒥᒃ Excel ᒥᒃ ᐊᑐᓯᔪᖃᑐᐊᕋᒥ

ᐃᓄᒃᑎᑑᕐᑐᑦ ᐊᒡᓚᓱᒋᑦ ᐃᓘᓐᓀᓄᑦ ᐊᒡᓚᒍᓯᐅᓲᓄᑦ, ᐃᓄᒃᑎᑑᕐᑐᑦ ᓄᐃᓲᑦ Excel ᒧᑦ ᐊᒡᓚᑐᖃᓕᕋᓗᐊᕋᒥ. Excel ᒧᑦ ᐊᒡᓚᑐᖃᕐᓱᓂ, ᐅᖃᐅᓰᑦ (formula bar ) (ᖁᓛᓃᑦᑐᑦ) ᐃᓄᒃᑎᑐᑦ ᓄᐃᒍᓐᓇᓲᒍᖕᖏᑐᑦ ᐃᓘᓐᓀᓄᑦ ᐊᒡᓚᒍᓯᐅᓲᒍᖕᖏᑐᒧᑦ ᐁᐯᓄᓇᕕᒃᒧᑦ ᓇᕿᑦᑕᑐᖃᓕᕋᒥ.


ᐃᓄᒃᑎᑐᑦ ᐊᒡᓚᒍᓐᓇᓕᕐᑐᓯ ᖃᕆᑕᐅᔭᒃᑯᑦ ᐊᐅᓪᓚᑎᑕᓯ ᓱᓇᐅᓂᖏᓐᓂᒃ

ᐊᒡᓚᒍᓰᑦ ᐊᓯᔾᔨᑕᐅᕐᖃᔭᖕᖏᑲᓗᐊᕐᐸᑕ, ᐅᑦᑑᑎᒋᑦᓱᒋᑦ ᖃᕆᑕᐅᔭᒃᑯᑦ ᐊᐅᓪᓚᑎᑕᓯ ᓱᓇᐅᓂᖓᓂᒃ ᐃᓘᓐᓀᓄᑦ ᐊᒡᓚᒍᓯᐅᓲᓄᑦ ᐊᒡᓚᒍᓐᓇᓕᕐᑐᓯ ᓇᕐᓂᑐᐃᓐᓇᓗᒍ Caps Lock.

ᑌᒫᑦᓭᓇᖅ, ᑕᑕᕐᓴᒐᑦᓭᑦ ᖃᕆᑕᐅᔭᑎᒍᑦ ᑐᓴᐅᒪᖃᑦᑕᐅᑎᑎᒎᕐᑎᑕᐅᓲᑦ ᐊᒡᓚᕕᐅᒍᓐᓇᖃᑦᑕᓂᐊᓕᕐᑐᑦ ᐃᓄᒃᑎᑑᕐᑐᓂᒃ ᓇᕐᓂᑐᐃᓐᓇᓗᒍ Caps Lock.


ᐃᓄᒃᑎᑑᕐᑐᑦ ᐊᒡᓚᓯᒪᔪᑦ ᓄᐃᒍᓐᓇᓕᕐᑐᑦ ᐅᖃᐅᓯᕐᓂᒃ ᐊᔾᔨᒌᖕᖏᑐᓂᒃ ᐊᒡᓚᒍᓰᑦ ᐃᓕᒐᓱᐊᕈᓐᓀᓗᒋᑦ

ᐊᒡᓚᒍᓰᑦ (Euphemia font) ᖃᕆᑕᐅᔭᕐᒨᑕᐅᓯᒪᑦᓴᐅᑎᒋᓲᑦ ᐃᒣᑦᑐᓄᑦ (Windows and Mac computers) , ᐃᓄᒃᑎᑐᑦ ᐊᒡᓚᒍᓯᓕᒫᓂᒃ ᐃᓕᔨᕕᐅᓯᒪᑦᓴᐅᑎᒋᓲᒍᕗᑦ. ᑕᒐ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᓂ ᐊᒡᓚᓯᒪᔪᓂᓪᓗ ᐃᓄᒃᑎᑑᕐᑐᓂᒃ ᑕᑯᒋᐊᕈᓐᓇᐳᓯ ᐃᓕᔨᒐᓱᐊᕈᓐᓀᓗᓂ ᐃᓄᒃᑎᑐᑦ ᐊᒡᓚᒍᓐᓇᐅᑎᓂᒃ. ᑭᓯᐊᓂᓕ, ᐁᐯᓄᑖᒥᓪᓗ ᐊᒡᓚᑐᒥᓪᓗ ᐊᒡᓚᒍᓐᓇᐅᑎᓂᒃ ᐃᓕᔨᓗᓂ ᐱᐅᔫᒻᒥᔪᖅ ᑕᑯᑦᓴᓯᐊᒍᖃᑦᑕᓂᐊᕐᒪᑕ ᐊᒡᓚᑕᐅᒍᓯᖏᑦ.


Google ᑎᒍᑦ ᕿᓂᕐᑕᑎᑦ ᐃᓄᒃᑎᑐᑦ ᑕᑯᑦᓴᐅᖃᑦᑕᓛᕐᑐᑦ

ᐊᑏ Google ᑎᒍᑦ ᕿᓂᓚᐅᕆᑦ ᐅᖃᐅᓯᕐᒥᒃ ᐃᒣᓕᔪᒥᒃ ᐃᖃᓗᐃᑦ!  ᐊᑐᕐᑐᖃᓕᕋᒥ ᐃᓘᓐᓀᓄᑦ ᐊᒡᓚᒍᓯᐅᓲᓂᒃ, ᐃᓄᒃᑎᑑᕐᑐᑦ ᐅᖃᐅᓰᑦ ᐃᓕᑕᕆᔭᐅᒍᓐᓇᓲᑦ ᖃᕆᑕᐅᔦᑦ ᐱᑐᑦᓯᒪᖃᑦᑕᐅᒍᑎᖏᑎᒍᑦ. ᐁᐯᓄᓇᕕᒃ ᐊᒡᓚᒍᓯᖅ ᐃᓕᑕᕆᔭᐅᒍᓐᓇᓲᒍᑎᓐᓇᒍ ᕿᓂᕐᑐᖃᓕᕋᒥ ᖃᕆᑕᐅᔭᒃᑯᑦ.


ᖃᐅᔨᒪᔭᐅᒋᐊᓖᑦ:

ᐁᐯᓄᓇᕕᒃ ᐊᒡᓚᒍᓯᖅ ᐃᓘᓐᓀᓄᑦ ᐊᒡᓚᒍᓯᐅᓲᒍᖕᖏᑐᖅ.  ᐁᐯᓄᓇᕕᒃ ᐊᒡᓚᒍᓯᖅ (ᐊᓯᖏᓪᓗ ᐊᑯᓂᓂᑕᐅᓂᕐᓭᑦ ᐁᐯᓄᓇᕕᒃ ᐊᒻᒪᓗ ᐁᐯᓄᓇ ᐊᒡᓚᒍᓰᑦ) ᖃᒡᓗᓈᑎᑑᕐᑐᑦ "A" ᒥᑦ "Z" ᒧᑦ ᐊᒡᓚᒍᓰᑦ ᐃᓂᖏᓐᓅᖃᕐᑕᐅᓯᒪᓲᑦ ᓇᕿᑦᑕᐅᑎᒥ.

ᐅᑯᐊ ᐃᓘᓐᓀᓄᑦ ᐊᒡᓚᒍᓯᐅᓲᑦ ᐁᐯᓄᑖᖅ, ᐊᒡᓚᑐᖅ, Euphemia, ᐱᒋᐊᕐᓂᓗ. ᐃᓘᓐᓀᓄᑦ ᐊᒡᓚᒍᓯᐅᓲᓕᒫᑦ ᐃᓄᒃᑎᑐᑦ ᐊᒡᓚᒍᑕᐅᒍᓐᓇᑐᑦ ᖃᓪᓗᓈᑎᑑᕐᑐᐃᓗ ᐃᓄᒃᑎᑑᕐᑐᐃᓗ ᑐᑮᕈᑦᑎᑕᐅᒍᓐᓇᑎᓐᓇᒋᑦ. ᑖᒃᑯᐊ ᐃᓘᓐᓀᓄᑦ ᐊᒡᓚᒍᓯᐅᓲᑦ ᓇᓗᓀᒃᑯᑕᓕᐅᕐᑕᐅᓯᒪᔪᑦ ᓯᓚᕐᔪᐊᓕᒫᒥ ᐊᒡᓚᒍᑎᒋᔭᐅᒍᓐᓇᓂᐊᕐᑎᓗᒋᑦ ᖃᕆᑕᐅᔭᓕᒫᓄᑦ ᑐᑭᓯᔭᐅᒍᓐᓇᑐᑦᓴᓕᐊᒍᑦᓱᑎᒃ.

ᐃᓘᓐᓀᓄᑦ ᐊᒡᓚᒍᓯᐅᓲᑦ 1990 ᐃᓱᓕᓂᖏᓐᓂ ᐊᑐᕐᑕᐅᓯᑦᓴᐅᑎᒋᒍᓐᓇᓂᖏᓚᑦ ᐁᐯᓄᓇᕕᒃ ᐊᒡᓚᒍᓰᑦ ᓄᐃᑕᐅᒋᐊᖕᖓᑎᓪᓗᒋᑦ ᐃᓘᓐᓀᓄᑦ ᐊᒡᓚᒍᓯᐅᓲᑦ ᓄᐃᑕᐅᕐᖃᒥᐅᓐᓂᒪᑕ ᑌᑰᓇᓗ ᖃᕆᑕᐅᔭᓕᒫᓄᑦ ᐊᑐᕐᑕᐅᒍᓐᓇᑐᕕᓂᐅᒐᑎᒃ. ᑭᓯᐊᓂ, 2005 ᒥᐅᒍᓇᖅ ᖃᕆᑕᐅᔭᓕᐊᒍᓯᒪᔪᑦ ᐃᓘᓐᓀᓄᑦ ᐊᒡᓚᒍᓯᐅᓲᓂᒃ ᐊᑐᕈᑕᐅᒍᓐᓇᐳᑦ.

ᐁᐯᓄᑖᒥᓪᓗ ᐊᒡᓚᑐᒥᓪᓗ ᐊᒡᓚᒍᑎᖃᖔᖃᑦᑕᓕᕆᑦ ᐊᒥᓱᓂᒃ ᐊᑑᑎᖃᑦᓯᐊᒪᑕ ᐱᕙᓪᓕᖁᑎᒋᒍᓐᓇᑕᑦᓯᓂᒃ !