ᐃᑎᕈᕕᑦ ᐄᕙ ᐴᑎ-ᒣ ᐃᓕᓪᓂᐊᑎᖏᑦ ᐊᔭᒍᑕᖅ ᐃᓕᓐᓂᐊᕕᒻᒥ, ᐃᑎᕐᑐᑎᑦ ᐊᑦᔨᐅᖏᑦᑐᒧᑦ. ᑖᓐᓇ ᐳᕐᑐᓂᓕᓐᓂᑦ ᐱᖓᓱᓂᑦ ᐃᓕᓐᓂᐊᑎᑦᓯᔨ ᐅᖓᑖᒍᑦ ᐅᖓᑖᒍᓪᓗ ᓄᐃᑎᑦᓯᒐᓱᐊᕐᑐᑦ ᑐᖕᖓᓇᕐᑐᓯᐊᖑᑦᓱᓂ ᐊᒻᒪᓗ ᐃᓕᕐᖁᓯᑐᖃᕐᒨᖓᔪᖅ ᐃᓕᓐᓂᐊᕕᒻᒥ ᐃᓕᓐᓂᐊᑎᖏᓐᓄᑦ.
ᑲᑎᓚᐅᔪᔭᕗᑦ ᐄᕙ 2023-ᒥᑦ ᑕᓯᐅᔭᕐᒥᑦ ᐱᓇᓱᑦᑐᒪᕆᐅᑦᓱᑕ ᐱᓇᓱᐊᕈᓯᕐᒥᑦ ᐃᓕᓐᓂᐊᓇᖅ ᐱᔭᕇᓕᕐᑎᓗᒍ. ᑕᑯᖕᖏᑑᓐᓇᖏᑦᑐᖅ ᐃᓕᓐᓂᐊᕕᖓᑕ ᖃᕆᐊᖓ ᐊᑖᓂ ᐃᓕᓐᓂᐊᔨᒻᒥ: ᑕᐅᑦᑐᓕᒫᑦ ᐱᐅᓴᐅᑏᓪᓗ ᓄᓱᑦᑕᐅᓇᕐᓱᓂ ᖃᕆᐊᖓᓄ ᐃᓕᓐᓂᐊᕕᒥᑦ.
ᑲᖕᖑᓱᑦᑐᖅ ᓂᐸᕆᑦᑐᐊᓘᕋᓂᓗ, ᕋᓗᐊᕐᓱᓂ ᑐᖕᖓᓇᕐᑐᒥᒃ ᖁᖓᓲᖅ, ᑖᓐᓇ ᐃᓕᓐᓂᐊᑎᑦᓯᔨ ᑌᒪᖕᖓᓂᒃ ᐃᓕᓐᓂᐊᑎᑦᓯᔨᐅᓂᕐᒥᑦ ᐊᓕᐊᒋᔭᓕᒃ:
ᓇᓗᕗᖓ ᓱᒧᑦ, ᐃᓕᓐᓂᐊᑎᑦᓯᔨᐅᒍᒪᖃᑦᑕᓯᒪᒐᒪ ᐱᐊᕋᐅᑦᓱᖓ, ᐃᓕᓐᓂᐊᑎᖃᖕᖑᐊᖃᑦᑕᓯᒪᔪᖓ. ᐆᑑᑎᒋᓗᒍ ᐱᖃᓐᓈᑲᓂᑦ, ᐱᖕᖑᐊᖃᑦᑕᓚᐅᕐᓯᒪᔪᑦ ᐃᓕᓐᓂᐊᑎᐅᖕᖑᐊᓱᑎᒃ. ᐃᓕᓐᓂᐊᑎᑦᓯᔨᐅᒍᒪᓲᑐᖃᐅᓯᒪᔪᖓ. ᑕᒐ, ᑲᔪᓯᕕᒋᓚᐅᔪᔭᕋ ᐱᔭᕇᑐᐊᒐᒪ ᐃᓕᓐᓂᐊᕕᒻᒥᑦ.
ᐃᓚᓗᒍ ᐊᓕᐊᒋᑦᓯᐊᑕᖓ, ᑲᔪᓯᒍᒪᓂᖃᑦᓯᐊᓂᖅ: ᐊᖏᔪᐊᓗᓐᓂᒃ ᐊᓪᓚᓯᒪᔪᓂᒃ ᓂᕕᖕᖓᔪᓂᓪᓗ ᐊᑦᔨᖑᐊᓂᓪᓗ ᐊᒻᒪᓗ ᐊᑭᓐᓇᒦᑦᑐᓂ ᓴᓇᖕᖑᐊᓯᒪᔪᓂᒃ, ᐊᒡᒐᓄᑦ ᓴᓇᔭᐅᒪᔪᓂᒃ ᐃᓕᕐᖁᓯᓕᕆᓂᕐᒥᑦ ᓂᕕᖕᖓᔪᑦ ᓇᓂᓕᒫᑦ ᐊᑭᓐᓇᓂᑦ. ᑐᐱᖃᑦᓴᒪᕆᑦᑐᖅ ᐃᓕᓐᓂᐊᕕᖓᓂ!
“ᐃᓚᖓᓂ ᐊᑦᓱᒍᓇᑑᒻᒥᔪᖅ ᐃᓕᓐᓂᐊᑎᓂᒃ ᑫᓪᓗᐊᕋᓱᒋᐊᒥᑦ ᐊᓪᓚᓂᐊᕐᓂᒥᑦ ᐊᓪᓚᓂᐊᒐᕐᓂᑦ. ᐊᓪᓚᓂᐊᕈᒪᔪᖃᖕᖏᒪᑦ ᓇᐅᒥᑦ ᒥᑭᔫᓂᕐᒥᓂᑦ. Hahaha! ᓂᐯᕝᕕᓕᐅᓚᐅᕐᑐᖓ, ᐊᓪᓚᓂᐊᑦᓯᐊᖃᑦᑕᖁᒧᑦ. ᐃᓛ, ᐊᓪᓚᓂᐊᕐᓂᒧᑐᐃᓐᓇᐅᖏᑦᑐᖅ. ᓂᐯᑦᑐᒥᑦ ᐱᓇᓱᒍᒪᑉᐸᑕ, ᑖᕗᖓᖃᑦᑕᑐᑦ.”
ᑐᑦᓯᕋᒻᒪᕆᓚᐅᕐᑐᖅ ᐃᓕᕐᖁᓯᓕᕆᔨᒃᑯᑦ ᐃᓕᓐᓂᐊᑎᑦᓯᔨᖓᓂᑦ ᖃᒧᑎᓕᐅᖁᔨᑦᓱᓂ ᐃᓕᓐᓂᐊᑎᓯᕕᒻᒥᓄᑦ, ᐃᑦᓯᕙᐅᑕᐅᓂᐊᕐᑎᓗᒍ ᐊᒻᒪᓗ ᐊᓪᓚᓂᐊᒉᑦ ᐃᓂᕆᓗᓂᐅᒃ, ᐃᓚᔨᓂᖅ ᓄᑖᓂᑦ ᐃᓕᕐᖁᓯᕐᒧᑦ ᐃᓗᓂᖏᓐᓂᑦ ᐃᓕᓐᓂᐊᐅᑉ ᐃᓗᓂᖏᓐᓄᑦ.
ᐱᔮᕐᖁᑕᐅᖕᖏᑐᒥᒃ, ᑖᒃᑯᐊᓕᒫᑦ ᐃᓗᓂᖏᑦ ᐱᐅᓴᐅᑏᑦ ᐄᕙᒧᑦ. ᐃᒣᑦᑑᕗᑦ ᐃᓕᓐᓂᐊᑎᑦᓯᒋᐊᓪᓚᐅᑎᐅᖁᔨᑦᓱᓂ ᐃᑲᔪᕐᓯᒍᓐᓇᑑᓗᑎᒃ ᐃᓕᓐᓂᐊᑎᓂᑦ ᐃᑉᐱᒍᓱᖁᓪᓗᒋᑦ ᐃᓚᒋᔭᐅᓂᕐᒥᓂᒃ. ᐊᓯᒋᒻᒥᔭᖓ ᐱᔮᕐᑑᖏᑦᑐᖅ ᓴᕐᕿᓚᕿᔪᖅ ᐱᑕᖃᕐᓂᖓᓄᑦ ᐃᓕᓐᓂᐊᕈᑎᑦᓴᓂᑦ: ᑖᓐᓇ ᐃᓂᑦᓯᐊᕙᐅᑎᑦᓯᕗᖅ ᐃᓕᑦᓯᕙᓪᓕᐊᓂᕐᒥᑦ ᑐᖕᖓᓇᕐᑑᓱᓂᓗ ᐃᓱᐊᕐᑑᓱᓂᓗ!
