ᑲᑎᓚᐅᕐᓯᒪᔭᕗᑦ ᒥᐊᕆᐊᒻ ᐳᕋᐅᓲᓗ ᕇᑕ ᕿᓕᐊᓪᓗ ᑲᖏᕐᓱᔪᐊᒥ 2021-ᖑᑎᓪᓗᒍ. ᐁᑉᐸᕇᑦᓱᑎᒃ; ᐱᓇᓱᑦᑎᐅᖃᑎᒌᒻᒥᔫᒃ ᐊᕐᓴᓂᐅᑉ ᐃᓕᓐᓂᐊᕕᖓᓂ. ᓅᓪᓚᕆᑦᓯᒪᔫᒃ ᑐᖕᖓᓱᑦᑎᑕᐅᑦᓱᑎᓪᓗ ᓄᓇᓕᒻᒥ ᐊᕐᕌᒎᓕᕐᑐᑦ 15. ᑌᒣᑦᓱᒍ ᑖᕙᓂᒥᐅᕈᕐᐸᓕᐊᓂᕕᓂᖏᑦ ᖃᓄᐃᓕᖓᓐᓂᖃᑦ?

ᒥᐊᕆᐊᒻ ᐊᔪᕆᓯᒪᔪᖅ ᓱᓇᓕᒫᖃᖕᖏᑐᒦᒋᐊᒥᒃ ᖃᓂᖕᖏᑐᒦᒋᐊᒥᓪᓗ. ᕇᑕ, ᖁᑉᐹᒍᑦ, ᐋᓪᔨᐅᔅᒥᐅᔭᐅᑦᓱᓂ, “ᓄᓇᖓ ᑕᑕᑦᓱᓂ ᐃᓄᓐᓄᑦ ᓂᐸᙯᓐᓇᓕᒫᕐᓱᓂᓗ 24-ᓂᑦ ᑫᕙᓪᓚᒍᓯᓂᑦ ᐅᓪᓘᑉ ᐃᓗᐊᓂ!” ᑭᓯᐊᓂ ᐱᒍᒪᓂᖃᕐᓂᒥᓄᑦ ᐊᑕᐅᑦᓯᑯᑦ ᓄᑖᒥᒃ ᐱᓂᐊᕐᓂᖃᕈᒪᓂᕐᒥᓄᓪᓗ ᓄᓇᕕᒻᒧᑦ ᑎᑭᓚᕿᔪᕕᓃᒃ.

“ᓱᓕᓪᓚᕆᑦᑐᒥ, ᑐᑭᓯᒪᑦᓯᐊᓇᓄᒃ ᑕᒪᐅᖕᖓᓯᒪᔪᒍᒃ. ᐱᑦᔪᑎᖃᕋᓗᐊᕐᓱᓄᒃ ᑎᑭᓚᐅᕐᓯᒪᔪᒍᒃ ᓱᖃᑦᓯᖃᑦᑕᒍᒪᑦᓱᓄᒃ, ᐊᒻᒪᓗ ᑐᑭᓯᓴᕈᒪᑦᓱᓄᒃ,” ᕇᑕ ᐅᖃᕐᑐᕕᓂᖅ. ᐁᑉᐸᕇᒃ ᐊᕐᕌᒎᓐᓂ ᒪᕐᕉᓂᒃ ᑖᕙᓃᓚᖓᔪᕕᓂᐅᑦᓱᑎᒃ. ᐊᕐᕌᒍᐃᑦ ᖁᓕᓪᓗ ᑕᓪᓕᒪᓪᓗ ᓈᒻᒪᑕ, ᓱᓇᒧᑦ ᑖᕙᓃᑯᑖᓯᓚᕿᓯᔪᕕᓂᐅᕙᑦ?

ᒥᐊᕆᐊᒻ ᐅᖄᕆᐊᓪᓚᑐᕕᓂᖅ, “ᑕᒪᐅᖕᖓ ᑎᑭᒐᑦᑕ, ᐊᓐᓇᓯᒪᔪᒍᑦ, ᓇᓃᕝᕕᓴᖃᕐᑎᑕᐅᑦᓱᓄᒃ ᐊᒻᒪᓗ ᐃᓕᓐᓂᐊᑎᑦᓯᒍᓐᓇᓂᖃᕐᑎᑕᐅᑦᓱᓄᒃ.” ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᐃᓕᓐᓂᐊᕕᒻᒥ ᓂᕆᐅᓐᓂᖃᕐᓯᒪᔪᖅ ᐱᐅᔪᓂᒃ ᑖᕗᖓ ᑎᑭᑦᓴᑐᐊᕐᓂᖏᓐᓄᑦ — ᑕᒪᒋᓐᓄᑦ ᒥᐊᕆᐊᒻᒧᑦ, ᐃᓅᓯᕐᒥ ᐊᑑᑎᓯᒪᓂᖓ, ᑭᓯᐊᓂᓗ ᕇᑕᒧᓪᓗ, ᐃᓕᓐᓂᐊᑎᑦᓯᒍᓐᓇᐅᑎᖃᓪᓚᕆᖕᖏᑲᓗᐊᕐᓱᓂ. ᑭᓯᐊᓂ, ᐱᓇᓱᒐᕐᒥᒃ ᓇᓂᓯᓂᕕᓂᖏᑦ ᐃᓪᓗᓴᖃᕐᑎᑕᐅᓂᖏᓪᓗ ᐱᑦᔪᑎᐅᖕᖏᓚᑦ ᑖᕙᓂᒥᐅᑦᓴᔭᐅᑦᓯᐊᓚᖓᓂᖏᓐᓄᑦ.

“ᐃᒫᒃ, ᐊᑦᔨᒌᖕᖏᑐᓂ ᐱᐅᓯᖃᕐᑐᖃᕈᓐᓇᖁᖅ ᓅᑉᐸᓕᐊᓂᕐᒧᑦ ᓄᓇᓕᒻᒧᑦ. ᑐᑭᑖᕐᓯᒪᔪᒍᒃ ᐊᔪᐃᓐᓇᕈᑎᖃᓛᖕᖏᓂᑦᑎᓄᑦ ᓱᓇᑐᐃᓐᓇᒥᒃ, ᕿᒥᕐᕈᖃᑦᑕᓂᐊᕐᓂᑎᓐᓄᑦ ᐱᓇᓱᕝᕕᓴᓂᑦ ᓄᓇᓕᒻᒥᐅᕈᓪᓚᕆᓚᐅᕐᑎᓇᓄᒃ. […] ᕿᒥᕐᕈᓯᐊᕐᓱᓄᒃ ᓱᓇᑐᐃᓐᓇᓂᑦ. ᐃᓕᑦᓯᓯᒪᔪᒍᑦ ᖃᓄᖅ ᐃᓄᓐᓂᒃ ᖃᓂᑕᑖᕐᐸᓕᐊᕆᐊᒥᒃ. ᐱᖃᓐᓈᑖᕕᓂᕗᓪᓗ ᐃᓅᓯᓕᒫᒥ ᐱᖃᓐᓈᕆᓂᐊᓕᕐᓱᒋᑦ.”

ᐊᑦᔨᓯᐊᕆᒻᒥᔭᖓ ᕇᑕᒧᑦ, ᐃᓕᓐᓂᐊᑎᑦᓯᔨᕈᕐᓯᒪᔪᖅ: “ᐅᒃᑯᐃᖔᖏᓐᓇᕆᐊᖃᕐᑐᒍᑦ ᓱᓇᑐᐃᓐᓇᒧᑦ. ᓯᕐᓈᕈᓐᓇᕕᖃᕆᐊᖃᕐᖁᑎᑦ ᑐᑭᓯᒪᒐᓱᐊᕐᓗᑎᓪᓗ ᐃᓄᐃᑦ ᐃᓅᓯᒋᔭᖏᓐᓂ. ᐱᐊᕃᑦ ᐃᓅᓯᖏᓐᓂ ᑐᑭᓯᒪᓂᖅ ᐃᓅᓂᕆᔭᖏᓐᓂ.” ᑭᓯᐊᓂ ᐃᓘᓐᓇᓯᐊᖏᓐᓂ. “ᐊᖏᕐᓯᒪᒋᐊᖃᕐᑐᑎᑦ ᓱᓇᑐᐃᓐᓇᓂᑦ ᐊᐅᓚᑦᓯᒍᓐᓇᖏᓐᓇᕕᑦ.”

ᐃᓱᓕᒍᑎᖓ, ᐊᕐᓱᕈᕐᓇᖏᑦᑐᖅ ᐊᒥᓱᕕᑦᓱᒍ ᓂᓪᓕᑲᓪᓚᓲᖑᒐᑦᑕ “ᑫᕙᓪᓚᒍᓯᕐᒥᒃ” ᐅᖄᖃᑎᒌᓕᕋᓐᓄᒃ. ᑫᕙᓪᓚᒍᓯᖃᕐᓂᖅ ᐱᕕᑦᓴᖃᕐᓂᒧᑦ, ᑫᕙᓪᓚᒍᓯᓕᐅᕐᓂᖅ ᐱᕕᑦᓴᓴᓕᐅᕐᓂᒧᑦ…ᒥᐊᕆᐊᒻ ᒪᓕᒐᓱᐊᓲᖅ ᐅᖃᕐᑕᐅᒪᔪᒥ, “ᖃᓪᓗᓈᑦ ᓄᓇᖓᓂ, ᐅᐸᑦᑐᐃᒐᓱᐊᕐᓇᑐᖅ ᓱᓕᔪᖕᖑᐊᑐᒥᒃ ᑫᕙᓪᓚᒍᓯᒥ. ᑕᒫᓂᓕ, ᑫᕙᓪᓚᒍᓰᑦ ᐱᕕᑦᓴᖃᕐᓇᑐᑦᓯᐊᓕ.”

ᐅᒃᑯᐃᑎᕐᐸᓕᐊᕆᐊᖃᓕᕐᑐᒍᑦ ᐊᓯᑦᑎᓄᑦ, ᐊᑦᔨᖃᖁᓪᓗᑕ, ᓇᑯᕐᓴᓗᑕᓗ ᐱᐅᔪᐊᐱᒻᒥᒃ ᓇᔪᕐᕕᖃᕐᓂᑎᓐᓄᑦ, ᖃᐅᔨᒻᒫᑖᖃᑦᑕᓗᑕ ᖃᓂᑕᑖᖃᑦᑕᓗᑕᓗ ᐃᓕᓐᓂᐊᑎᓂᒃ. ᐱᕕᑦᓴᐅᓕᕐᖁᖅ ᐃᓂᑦᓴᓕᐅᕐᓂᖅ ᐅᕙᑦᑎᓄᑦ, ᐆᑦᑑᑎᒋᑦᓱᒍ ᑕᑭᑦᑐᑯᑖᖅ, ᓂᑦᔮᖏᑦᑐᖅ ᑰᑦᑐᑯᑖᖅ.

ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔