ᐃᓄᒻᒪᕇᑦ ᐃᓕᓐᓂᐊᕕᖓᓂ ᐱᓇᓱᒐᕐᓂᓗ ᐱᒋᐅᕐᓴᑎᑕᐅᕕᖓᓂ ᐃᓗᓕᖓᓃᑦᑐᖅ ᐃᓕᓐᓂᐊᓂᕐᒥᒃ ᑲᔪᓯᓂᖅ ᑌᔭᐅᒍᓯᖓ ᐊᓯᑦᔨᑕᐅᓯᔪᖅ ᐊᒻᒪᓗ ᐱᒍᑦᔨᑐᒎᑦᓱᑎᒃ ᐱᓇᓱᕝᕕᓄᑦ ᓄᓇᓕᓐᓄᓗ. ᓱᒐᒥ? ᐊᓯᑦᔨᑕᐅᓚᕿᓯᔪᖅ ᐊᑎᖓ ᐱᑦᔪᑎᖃᕐᓱᓂ  ᐃᓘᓐᓇᓯᐊᑎᓗ ᐱᒍᑦᔨᕖᑦ ᒪᓂᒪᔭᐅᔪᑦ, ᑖᓐᓇ ᐊᓪᓚᓯᒪᔪᖅ ᐊᓯᑦᔨᑕᐅᓚᕿᔪᒥᒃ ᑐᑭᓯᓇᕐᑎᓯᔪᖅ, ᑕᑯᓐᓇᓂᒻᒥᓗ ᐃᓘᓐᓈᒎᕐᑎᓱᓂ.

ᐱᒍᑦᔨᐅᑏᑦ ᒪᓂᒪᔭᐅᔪᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ ᐱᓇᓱᒐᕐᓂᓗ ᐱᒋᐅᕐᓴᑎᑕᐅᕕᒻᒥ ᐊᕕᑦᑐᑕᐅᒪᔪᑦ ᐱᖓᓱᐃᓕᖓᔪᒥᒃ ᐃᓗᓕᖃᕐᓱᑎᒃ: ᐃᓘᓐᓈᒍᑦ ᐃᓕᓐᓂᐊᑎᑕᐅᓂᖅ, ᐱᓇᓱᒐᕆᒍᒪᔭᒻᒥᒃ ᐱᒋᐅᕐᓴᑎᑕᐅᓂᖅ ᐊᒻᒪᓗ ᑌᔭᐅᖃᑦᑕᓯᒪᔪᑦ ᑲᔪᓯᔪᒥᒃ ᐃᓕᓐᓂᐊᓂᖅ — ᓇᒻᒥᓂᖃᕐᕕᒃ ᐊᒻᒪᓗ ᓄᓇᓕᓐᓂ ᐱᒍᑦᔨᔩᑦ. ᖃᐅᔨᒪᔭᐅᔪᖅ ᑲᔪᓯᓐᓂᒥ ᐃᓕᓐᓂᐊᓂᒻᒥ. ᐱᒋᐊᕐᓂᖓᓂ, ᐅᖄᔪᖅ ᒪᒪᑑ ᑎᐅᑉ, ᑐᑭᒧᐊᕐᑎᓯᔨ ᐃᓄᒻᒪᕇᑦ ᐃᓕᓐᓂᐊᕕᖓ ᐱᓇᓱᒐᕐᓂᓗ ᐱᒋᐅᕐᓴᑎᑕᐅᕕᒻᒥ, “ᑐᓴᖃᑦᑕᓯᒪᔪᒍᑦ ᐅᖃᕐᑐᓂᒃ ᒪᓂᒪᔭᕗᑦ ᑌᔭᐅᖃᑦᑕᓯᒪᓂᖓᓄᑦ ‘ᑲᔪᓯᔪᒥᒃ ᐃᓕᓐᓂᐊᓃᑦ’ ᑐᑭᓯᒪᔭᐅᖃᑦᑕᓂᖓᓄᑦ ᐃᓕᓐᓂᐊᑎᑦᓯᑐᐃᓐᓇᔪᕆᔭᐅᑦᓱᑕ ᐃᓕᓐᓂᐊᓂᕐᓅᓕᖓᑐᐃᓐᓇᑐᓂᒃ.”

ᑕᒪᑦᓱᒪ ᐃᓗᓕᖓᓂᒃ, ᐊᓪᓚᓯᒪᔪᖅ “ᐃᑲᔪᕐᓂᖅ” ᑐᑭᖃᕐᖁᖅ ᐱᒋᐅᕐᓴᑎᑕᐅᓂᕐᒥᒃ ᐅᖓᑖᓄᒋᐊᓪᓚᖅ ᐱᕕᑦᓴᖃᕐᑎᓯᑦᓱᓂ. ᐆᑦᑑᑎᒋᓗᒍ, ᓄᓇᒥ ᑎᒍᒥᐊᕐᑎᑯᑦ ᐃᑲᔪᕐᑕᐅᓂᖃᕈᒪᓕᕐᐸᑕ, ᐱᒋᐅᕐᓴᑎᑕᐅᓂᕐᒥᒃ ᐊᑑᑎᒐᔭᖕᖏᑐᑦ. ᐱᒍᑦᔨᔩᑦ ᐱᓇᓱᑦᑎᖏᑦ ᐱᓇᓱᐊᓯᕋᔭᕐᑐᑦ ᖃᓄᕐᑑᓗᑎᒃ ᐃᑲᔪᕐᓗᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓂ.

ᑐᑭᓯᓇᕐᑎᓯᕗᖅ ᐊᖏᓂᕐᓴᕆᐊᓪᓚᒥᒃ ᐱᒍᓐᓇᕕᖃᕐᒪᑦ ᐊᒻᒪᓗ ᐊᑐᓕᕐᑎᓯᒍᓐᓇᒪᑦ. ᐊᐅᓚᑕᐅᖕᖏᒪᑕ ᐊᑦᔨᓭᓐᓇᖓᓄᑦ “ᐅᑭᐅᑭᑦᑐᐃᑦ ᐃᓕᓐᓂᐊᕕᖏᓐᓂ”, ᐱᒍᑦᔨᔩᑦ ᒪᓂᒻᒥᔪᑦ ᐃᓄᒻᒪᕇᑦ ᐃᓕᓐᓂᐊᕕᖓᑦ ᖃᐅᔨᓴᕐᓂᖃᕈᓐᓇᑐᑦ ᐱᒍᑦᔭᒥᑕ ᑭᖕᖒᒪᒋᔭᖏᓐᓂ ᐊᒻᒪᓗ ᐱᕙᓪᓕᐊᑎᑦᓯᒐᓱᐊᕐᓗᑎᒃ ᑕᒪᒃᑯᓂᖓ ᑭᖕᖒᒪᒋᔭᐅᔪᓂᑦ.

ᑐᑭᒧᐊᕐᑎᓯᔨ ᐅᖃᕐᒥᔪᖅ ᐆᒥᖓ “ᓄᓇᓕᓐᓂ”. ᐃᓄᒻᒪᕇᑦ ᐃᓕᓐᓂᐊᕕᖓ ᐱᓇᓱᒐᕐᓂᓗ ᐱᒋᐅᕐᓴᑎᑕᐅᕕᒃ ᐱᓇᓱᐊᖃᑎᖃᕈᒪᒻᒥᔪᖅ ᐃᓱᒪᒋᔭᖃᓯᒪᕐᖂᖏᑦᑐᓂᓪᓘᓃᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ, ᐃᓚᐅᑎᓪᓗᒋᑦ ᐊᕐᓀᑦ ᑲᑐᑦᔨᖃᑎᒌᑦᑐᑦ ᐊᒻᒪᓗ ᐊᓯᖏᓐᓂᑦ ᑎᒥᐅᔪᓂᑦ ᑐᖕᖓᕕᖃᓲᓂᑦ ᐃᓄᐃᑦ ᐃᓗᕐᕈᓯᖏᓐᓂ, ᐅᖃᐅᓯᖓᓂ ᐊᒻᒪᓗ ᑭᓇᐅᓂᖏᓐᓂ.

ᐊᖓᔪᕐᖄᖑᕈᕕᑦ ᐱᓇᓱᕝᕕᓂ ᓄᓇᕕᒻᒥ, ᖃᐅᔨᓴᕈᒪᒍᕕᑦ ᐱᕕᑦᓴᓂᑦ ᒪᓂᒻᒥᔭᐅᔪᓐᓂ ᐃᓕᓐᓄᑦ ᓴᐳᒻᒥᓗᑎᑦ ᐱᒍᓐᓇᑐᑦᓯᐊᓂ ᐱᕙᓪᓕᐊᔪᓐᓂ ᐱᓇᓱᑦᑎᓅᕕᓯ, ᐅᖄᕕᖃᒃᓯᐊᕆᑦ ᐅᕙᑦᑐᑎᓄᑦ.

ᓯᕙᓂᒍᓐᓇᐳᑎᑦ ᐅᕙᑦᑎᓄᑦ 1-800-361-2244 #355 ᐅᕝᕙᓘᓐᓃᑦ ᐊᓪᓚᕕᖃᓪᓗᑎᑦ ᖃᕆᑕᐅᔭᒃᑯᑦ.