(ᑖᓐᓇ ᐊᐱᕐᓲᔭᕐᓂᖅ ᐊᑑᑎᓯᒪᔪᖅ 2022-ᖑᑎᓪᓗᒍ)

…

ᔭᔅᑕᓐ ᕕᓕᐊᓐ-ᕆᐅᐱᐊᓪ ᐃᓱᒪᒋᔭᖃᓚᐅᕐᓯᒪᖕᖏᑐᖅ ᐃᓕᓐᓂᐊᑎᑦᓯᔨᐅᓂᕐᒥᒃ, ᓄᓇᕕᒻᒥᓘᓐᓃᑦ ᐃᓕᓐᓂᐊᑎᑦᓯᔨᐅᓛᕐᓂᒥᓂᒃ! ᐱᒋᐅᕐᓴᑎᑦᓯᔨᖕᖑᓚᐅᑲᑦᓱᓂ ᑕᕐᕿᓂᑦ ᐱᖓᓱᓂᑦ, ᒪᓂᔨᔭᕕᓂᖅ ᐃᓕᓐᓂᐊᑎᑦᓯᔨᓂᑦ ᐃᓇᖐᕐᑌᔨᐅᓂᕐᒧᑦ, ᐊᖏᕐᓱᓂᓗ. ᑌᑲᖕᖓᓂ, ᐃᕗᔨᕕᒻᒥ ᐊᓂᕐᕋᑖᕐᓯᒪᔪᖅ.

ᔭᔅᑕᓐ ᕕᓕᐊᓐ-ᕆᐅᐱᐊᓪ ᐃᕗᔨᕕᒻᒨᓚᐅᕐᓯᒪᔪᖅ ᔮᓄᐊᕆᐅᑉ ᕿᑎᕐᖃᖓᓂ ᑕᓪᓕᒣᑦ ᐊᕐᕌᒎᓕᕐᑐᑦ. ᐱᓇᓱᒐᕐᑖᓯᒪᔪᖅ ᐃᑲᔪᕐᑎᐅᓂᕐᒥᒃ, ᑭᓯᐊᓂ ᑕᕐᖀᑦ ᐱᖓᓱᐃᑦ ᓈᒻᒪᑕ, ᐃᓕᓐᓂᐊᑎᑦᓯᔨᖕᖑᓚᐅᕐᓯᒪᔪᖅ ᐅᓪᓗᑕᒫᕐᓯᐅᑎᖕᖑᓱᓂ ᖃᕆᐊᑉ ᓯᕗᕌᓂ.

ᐊᐅᓚᔨᒐᓗᐊᕐᓱᓂ ᓅᑉᐸᓕᐊᑦᓱᓂ ᐊᑯᓂᑲᓪᓚᒃ ᐱᕙᓪᓕᐊᒐᓱᐊᓚᐅᕐᓯᒪᔪᑦ, ᐃᓕᓐᓂᐊᑏᓪᓗ ᑖᓐᓇᓗ, ᑐᑭᑖᕈᑎᕕᓂᕐᒥᓂᒃ ᐅᒃᑯᐊᓚᐅᕐᓯᒪᖕᖏᑐᖅ. ᑲᑦᓱᙰᑦᑑᒍᑎᖓ: ᐃᓕᓐᓂᐊᑎᖁᑎᒥᑕ ᐊᓂᒎᑎᑦᓯᐊᓂᖏᑦ, ᑕᑯᓐᓇᓱᒋᑦ ᐱᕈᕐᐸᓕᐊᓂᖏᑦ ᐊᒻᒪᓗ ᐊᓕᐊᓱᐊᑎᓪᓗᒋᑦ. ᑖᑦᓱᒪᐅᑉ, ᑐᕌᒐᕆᔭᖓ ᓄᕝᕗᑎᐅᑉ ᐃᓕᓐᓂᐊᕕᖓ ᐃᓂᒋᔭᐅᖁᓪᓗᒍ ᐅᑭᐅᑭᑦᑐᓄᑦ ᖃᓄᐃᖕᖏᓯᐊᕐᓂᒥᒃ ᐱᒻᒪᕆᐅᔪᖁᑎᖃᕐᑎᓗᒋᑦ.

ᔭᔅᑕᓐ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᑎᑦᓯᔨ ᐳᕐᑐᓂᕐᓴᓂ. ᖃᕆᐊᕐᒥᓂᒃ, ᓄᐊᑦᓯᓯᒪᔪᖅ ᑕᑯᒥᓇᕐᑐᐊᓗᓐᓂᒃ ᕿᒥᕐᕈᐊᓂᑦ ᐃᓄᐃᑦ ᕿᒥᕐᕈᐊᓕᐊᕕᓂᖏᓐᓂᑦ. “ᐊᑑᑎᒍᒪᕗᖓ ᓄᐃᑦᓯᓗᖓ ᓇᒻᒥᓂᒃ ᐃᓕᓐᓂᐊᑎᑦᓯᒍᑎᑦᓴᓂᑦ. ᑎᑭᓕᕐᓂᕋᒪ, ᐱᓇᓱᐊᕐᓯᒪᕗᖓ ᐊᔪᐃᓐᓇᓱᖓ ᕿᓂᕐᓱᖓ ᕿᒥᕐᕈᐊᓂᑦ ᐃᓕᓐᓂᐊᑎᓄᑦ ᐊᑐᐊᕐᑕᐅᒍᒪᕋᔭᕐᑐᓂᑦ ᐊᒻᒪᓗ ᑐᑭᓯᓪᓚᕆᒐᔭᕐᑕᖏᓐᓂᑦ.” ᐃᓕᓐᓂᐊᑏᑦ ᓵᖏᓐᓂ ᕿᒥᕐᕈᐊᑦ ᐊᕕᐊᖅ ᔮᓐᓴᓐᒧᑦ ᕿᒥᕐᕈᐊᓕᐊᕕᓃᑦ, ᐊᑐᐊᕐᓯᒐᐅᑕᕐᑐᑦ ᐱᑑ ᐊᑑᑎᖃᑦᑕᑕᖏᓐᓂᑦ, ᐅᑭᐅᑭᑦᑑᓱᓂ ᐊᖓᒃᑯᒃ ᐃᓕᓐᓂᐊᕋᐅᑕᕐᓱᓂ ᐱᔪᓐᓇᐅᑎᒥᓂᒃ ᐊᑐᒋᐅᕐᓴᓂᕐᒥᒃ, ᐊᓯᖏᓪᓗ ᕿᒥᕐᕈᐊᑦ ᓱᓕᔪᖕᖑᐊᑐᑦ ᐊᑐᐊᒉᑦ ᐊᓪᓚᑕᐅᔪᕕᓂᐅᑦᓱᓂ ᒪᕐᕉᓄᑦ ᕃᑦᓱᓪ ᐊᒻᒪᓗ ᓵᓐ ᕿᑦᓱᐊᓕᒃ-ᑏᓐᓯᓕ.

“ᑕᑯᓐᓇᓚᐅᕐᓯᒪᖕᖏᓚᖓ ᐊᓯᒐᓚᖏᓐᓂᑦ ᐃᓕᓐᓂᐊᕕᓐᓂᑦ ᐅᕝᕙᓘᓐᓃᑦ ᐃᓕᓴᕐᓂᓕᕆᕕᒃᑯᓂ, ᐊᒻᒪᓗ ᐃᓕᓐᓂᐊᑎᑦᓯᔨᐅᕈᓇᐅᓇᖓᓗ ᖃᓪᓗᓈᑦ ᓄᓇᖓᓂ.” ᔭᔅᑕᓐ ᐱᕙᓪᓕᐊᒐᓱᐊᕐᑐᖅ ᐃᓕᑕᕆᔭᐅᒍᑎᑖᕋᓱᐊᕐᓱᓂ ᑕᑯᒥᓇᕐᑐᓕᐅᕐᓂᒥᒃ ᐃᓕᓐᓂᐊᑎᑦᓯᔨᖕᖑᓂᕐᒧᑦ ᐱᓇᓱᐊᕐᓱᓂᓗ ᐅᓪᓗᑕᒫᕐᓯᐅᑎᐅᓂᕐᒥᒃ ᐊᒻᒪᓗ ᐱᒋᐅᕐᓴᑎᑦᓯᓲᖑᒻᒥᓱᓂ ᐃᒐᒋᐅᕐᓴᓂᕐᒥᒃ. ᐃᒐᕕᒻᒥᑕᒐ ᑲᑎᓯᒪᔭᕗᑦ, ᐊᒻᒪᓗ ᒪᓗᓐᓇᓯᒪᔪᖅ ᐃᑉᐱᓂᐊᓐᓇᓱᓂ ᐁᑉᐸᕆᑦᓱᒍ ᐱᐊᕃᑦ ᐊᓕᐊᒋᔭᖃᓪᓚᕆᓐᓂᖏᓐᓄᑦ ᓴᓂᐊᓃᕆᐊᒥᒃ.

ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔