(ᑖᓐᓇ ᐊᐱᕐᓲᔭᕐᓂᖅ ᐊᑑᑎᓯᒪᔪᖅ 2022-ᖑᑎᓪᓗᒍ)
…
ᒪᒃᓲᑕ ᐲᑲᓐ ᐊᓕᐊᒋᔭᓕᓪᓚᕆᒃ ᑲᒪᒋᔭᖃᖃᑦᑕᕆᐊᒥᒃ ᓄᕝᕕᑎᐅᑉ ᐃᓕᓐᓂᐊᕕᖓᑕ ᓂᐅᕕᕐᓂᐊᕕᐊᐱᐊᓂ; ᐊᓈᓇᒥᑕ ᐃᒐᓲᖏᓐᓂᑦ ᐊᑐᕐᓱᓂ ᓂᕿᓕᐅᓲᖅ, ᐃᓕᓐᓂᐊᑎᖁᑎᖏᑦ ᐃᒐᒋᐅᕐᓴᕈᒪᖃᑦᑕᖁᑦᓱᒋᑦ!
ᐁᑉᐸᖃᕆᐊᕐᑐᓱᓂ ᑕᕐᕋᒨᖃᑎᒋᕈᒪᖃᑦᑕᓯᒪᔭᖓ. ᐃᓕᓐᓂᐊᑎᑦᓯᓲᖅ ᓱᑯᐃᔦᓂᕐᒥᒃ, ᐃᓅᑦᔪᓯᓕᕆᓂᕐᒥᒃ, ᐊᒻᒪᓗ ᖃᓪᓗᓈᑎᑐᑦ… ᓂᕿᑎᒍᑦ!
ᑖᓐᓇ ᐃᓕᓐᓂᐊᑎᑦᓯᒍᓯᖅ ᐱᔪᓐᓇᐅᑎᖃᕐᓂᒧᑦ ᐱᒋᐅᕐᓴᑎᑦᓯᒍᑎᐅᑦᓱᓂ ᑫᓪᓗᑐᕐᑕᐅᖁᓪᓗᒋᑦ ᐃᓕᓐᓂᐊᑏᑦ ᐱᔭᕇᒐᓱᐊᕐᓂᒥᒃ ᐃᓕᓐᓂᐊᑕᒥᓂᒃ. “ᐊᑕᐅᓯᒃ ᐃᓕᓐᓂᐊᑎᖁᑎᒐ ᐱᔭᕇᓛᓯᔪᖅ ᑕᒡᒐᓂ ᐊᕐᕌᒍᒥ!” ᐅᖃᕐᑐᕕᓂᖅ ᒪᒃᓲᑕ ᐅᐱᒍᓱᓪᓚᕆᑦᓱᓂ.
ᐱᒋᐊᓚᐅᕐᓯᒪᕗᖓ 2019-ᖑᑎᓪᓗᒍ, ᐱᒋᐅᕐᓴᑎᑦᓯᓂᖅ ᐆᑦᑐᕋᐅᑎᐅᖏᓐᓇᑎᓪᓗᒍ. ᐃᓚᖏᑦ ᐃᓕᓐᓂᐊᑏᑦ ᐃᓕᓐᓂᐊᕕᒻᒥ ᓄᕐᙯᓇᑐᐃᓐᓇᓚᖓᓕᕐᑎᓗᒋᑦ, ᑭᓯᐊᓂ ᑖᓐᓇ ᐃᓕᓐᓂᐊᑕᐅᒻᒪᑦ ᐃᓕᓐᓂᐊᑎᐅᖏᓐᓇᓚᕿᓯᒪᔪᑦ.
ᐅᓪᓗᒥ ᐱᒋᐊᖕᙰᖄᓲᖅ ᐃᓕᓐᓂᐊᑎᑦᓯᓂᒃᑯᑦ ᐃᓕᓐᓂᐊᕈᑕᐅᔪᒥ ᐃᓕᓐᓂᐊᑎᒥᓂᒃ ᓂᕕᐊᕐᓯᐊᖏᓐᓇᓂᑦ. ᓱᓇᑐᐃᓐᓇᒥᒃ ᑐᖕᖓᕕᓕᒻᒥᒃ, ᒪᒃᓲᑕ ᐃᓕᓐᓂᐊᑎᑦᓯᒐᓱᐊᓲᖅ ᓱᓕᓪᓚᕆᑦᑐᓂ ᐊᑐᕐᑕᐅᑎᑦᓯᓱᓂ ᐃᒐᕕᒻᒥ. ᐊᓪᓚᓂᖅ: ᐃᒐᕋᑦᓴᒥᒃ ᐊᓪᓚᓂᖅ. ᓱᑯᐃᔦᓂᖅ: ᑭᒃᑭᑌᓂᖅ ᐊᒻᒪᓗ ᐃᓚᐅᕐᑐᐃᓂᖅ ᐅᐊᕈᑎᖏᓐᓂ.
“ᓱᓇᑐᐃᓐᓇᓕᒫᓂᑦ ᐊᑦᔨᒌᖕᖏᑐᓂᑦ ᐆᑦᑐᕋᓲᖑᔪᒍᑦ ᐊᓕᐊᒋᔭᙯᓐᓇᖁᑦᓱᒋᑦ. ᒫᓐᓇ, ᐊᓕᐊᒋᔭᖃᓪᓚᕆᒃᑯᒍᑦ ᐃᒐᕆᐊᒥᒃ ᓂᕿᓕᐅᓲᖑᒐᑦᑕ ᓄᓇᓕᒻᒥᐅᓄᑦ.” ᐱᓇᓱᐊᖃᑎᖃᓲᖅ ᐃᓕᓐᓂᐊᑎᒥᓂᒃ ᓄᑖᓂᑦ ᓂᕿᓕᐅᕆᐅᕐᓴᓂᕐᒥᒃ. ᒪᒃᓲᑕ ᐅᖃᕐᑐᕕᓂᖅ ᐊᓈᓇᒥᑕ ᐃᒐᕈᓯᖏᓐᓂᒃ ᐊᑐᓲᖑᓂᕐᒥᓂᒃ, ᐊᒻᒪᓗ ᓂᕕᐊᕐᓯᐊᑦ ᐃᓕᓐᓂᐊᑎᑦᓯᓲᖅ ᓂᕿᑐᐃᓐᓇᓕᐅᕐᓂᒥᒃ.
ᐃᓕᓐᓂᐊᑐᕕᓂᐅᓚᐅᑲᑦᓱᓂ ᐱᓂᕐᓗᑐᕕᓂᕐᓂᒃ ᐋᓐᓂᐊᓂᓕᕆᓂᕐᒥᒃ ᐊᒻᒪᓗ ᓱᑯᐃᔦᓂᕐᒥᒃ ᐃᓄᐃᑦ ᐃᓅᑦᔪᓯᖏᓐᓂᑦ, ᑭᓇᑐᐃᓐᓇᖅ ᐃᓱᒪᒋᔭᖃᓚᐅᕐᓯᒪᖕᖏᑐᖅ ᐃᓕᓐᓂᐊᑎᑦᓯᔨᐅᓛᕐᓂᐊᑎᓪᓗᒍ, ᑭᓯᐊᓂ ᐊᓯᐊᒍᑦ ᐊᑑᑎᒍᒪᓂᖃᕋᔭᖕᖏᑐᖅ. “ᐃᓕᓐᓂᐊᑎᑦᓯᔨᕈᓚᐅᕐᓯᒪᓂᐊᕐᑐᕆᓯᒪᖕᖏᓚᖓ, ᑭᓯᐊᓂ ᐊᑦᑐᑕᐅᓐᓇᑐᖅ ᐱᕕᑦᓴᖃᕐᑎᓯᓂᒃᑯᑦ ᑖᒃᑯᓂᖓ ᐱᐊᕋᕐᓂᒃ ᐱᕈᕐᐸᓕᐊᕐᑎᓱᒋᑦ ᐊᒻᒪᓗ ᓴᕐᕿᑎᑦᓯᖁᓪᓗᒋᑦ ᑭᓇᒃᑰᓂᕐᒥᓂᒃ ᒪᓕᕆᐊᑐᖕᖏᓗᑎᒃ ᐃᓕᓐᓂᐊᕖᑦ ᒪᓕᒐᓕᐊᕕᓂᖏᓐᓂ ᐊᓕᐊᓇᕐᑐᐹᓗᒃ.”