ᐊᕐᕌᒍᐃᑦ ᖁᓕᑦ ᒪᕐᕈᓗ ᐊᓂᒍᕐᓯᒪᓕᕐᑐᑦ, ᓂᐊᓕ ᑐᕕᖅ ᐃᕗᔨᕕᒻᒧᑦ ᓅᓚᐅᕐᓯᒪᑎᓪᓗᒍ ᓇᓪᓕᓂᖅ ᐱᑦᔪᑎᒋᑦᓱᒍ. ᑕᕐᕋᒥ ᓄᓇᓕᓐᓄᑦ ᐁᒍᒪᓪᓚᕆᓐᓂᒥᓂᒃ ᐃᑉᐱᒍᓱᓚᐅᕐᓯᒪᔪᖅ, ᑭᓯᐊᓂ ᖃᐅᔨᒪᓚᐅᕐᓯᒪᖕᖏᑐᖅ ᑖᕙᓂ ᐱᕈᕐᓭᓛᕆᐊᒥᒃ ᐱᖓᓱᓂᒃ ᕿᑐᕐᖓᒥᓂᒃ ᐊᒻᒪᓗ ᑖᕙᓂ ᐃᓕᓭᔨᖕᖑᓗᓂ.

ᐊᒥᓱᑦ ᑌᒣᓯᒪᒻᒪᑕ, ᓂᐊᓕ ᑐᕕᖅ ᐃᓕᓭᔨᐅᓂᕐᒥᒃ ᐱᓇᓱᒐᓪᓚᕆᑦᑖᓯᒪᔪᖅ ᑕᕐᕋᒥ ᐃᓱᒪᑐᐃᓐᓇᑐᕕᓂᐅᑦᓱᓂ ᐊᑯᓂᐅᖕᖏᑐᖅ ᓯᖏᑎᐅᑫᓐᓇᓚᖓᒋᐊᒥᒃ, ᑭᓯᐊᓂ ᑕᑯᒐᒥ ᐃᒻᒥᓂᒃ ᓄᕝᕕᑎ ᐃᓕᓴᕐᕕᒦᓕᕐᓱᓂ, ᐃᑉᐱᒍᓱᓕᕐᑐᕕᓂᖅ ᐊᖏᕐᕋᓯᒪᓕᕆᐊᒥᒃ.

ᐆᑦᑐᕋᐅᑎᓕᐅᕐᑐᕕᓂᖅ ᐱᓇᓱᑦᑎᒪᕆᑦᓴᐅᓂᕐᒥᓄᑦ ᐅᓂᒃᑳᓕᐊᒥᓂᒃᓄᓇᕕᒻᒥᐅᑦ ᐃᓄᐃᑦ ᐊᓪᓚᒍᓯᖏᓐᓂᒃ ᓅᑦᓱᓂ ᐃᕗᔨᕕᒻᒧᑦ ᐊᕐᕌᒍᐃᑦ 12 ᐊᓂᒍᕐᓯᒪᓕᕐᑐᑦ ᐊᖑᑎᒋᓕᕐᑕᒥᓃᒋᐊᕐᑐᓱᓂ. ᐱᓇᓱᐊᓕᑌᓐᓇᓯᒪᔪᖅ ᐅᐃᒍᐃᑎᑐᑦ ᐃᓕᓭᔨᐅᑦᓱᓂ ᐃᓕᓐᓂᐊᑎᑦᓯᓚᕆᓯᑦᓱᓂ. “ᖃᐅᔨᒪᓚᐅᕐᓯᒪᔪᖓ ᑖᑦᓱᒪ ᐱᓇᓱᐊᕐᓂᐊᑕᕐᒪ ᐊᖏᓂᕐᓴᒪᕆᐅᓂᐊᕐᑐᒥᒃ ᐊᑐᐊᕐᓯᒋᐅᕐᓴᓂᐅᑉ, ᐊᒻᒪᓗ ᐱᓇᓱᐊᕐᑕᓃᕙᖓ ᐊᓕᐊᒋᔭᖃᒻᒪᕆᓕᕐᓱᖓ! ᐃᓕᓭᔨᐅᒋᐅᓚᐅᕐᓯᒪᖕᖏᑐᖓ, ᑭᓯᐊᓂ ᖃᐅᔨᓕᓚᐅᕐᓯᒪᔪᖓ ᓱᓕᓕᕆᐊᖓᓂᒃ ᐃᓕᓭᔨᐅᓗᖓ ᑲᔪᓯᓗᖓ ᑭᓯᐊᓂᐅᓕᕐᓂᓃᕙᖓ.”

ᐃᓚᐅᑎᓪᓗᒍ ᐃᓄᑦᑎᑑᕆᐅᕐᓴᓂᕐᒥᓄᑦ, PhD-ᖓ ᐱᔭᕇᓕᓚᐅᕐᓯᒪᕙᐅᒃ, ᐱᒋᐊᕐᓱᓂᓗ MA-ᒥᓂᒃ ᐃᓕᓭᓂᕐᒧᑦ, ᖃᐅᔨᒪᔭᒥᓂᒃ ᓱᓇᒥᑦᓯᒋᐊᓯᑦᓱᓂ.

ᑕᒐ ᓇᒻᒥᓂᖅ ᐃᓕᓭᕕᖃᓕᕐᑐᖅ ᐳᕐᑐᓂᖅ 5-ᒥ ᐊᒻᒪᓗ 6-ᒥ. ᐊᓕᐊᒋᔭᖃᕋᓗᐊᕐᓱᓂ ᐃᓕᓵᓂᒃ ᐃᓕᒃᑰᑎᕐᑐᓂᒃ ᐱᓇᓱᐊᖃᑎᖃᕆᐊᒥᒃ, ᓂᐊᓕ ᖁᖓᓪᓗᓂ ᑭᓯᐊᓂᐅᓚᐅᔫᖅ ᐅᖃᐅᓯᖃᓕᕋᒥ ᐃᓕᓵᒥᓂᒃ “ᐊᓕᐊᑦᑐᒪᕆᐅᔪᖓ ᑐᑭᑖᕈᑎᒋᓯᒪᔭᕐᓃᕙᖓ! ᐊᑐᓲᒍᔪᖓ ᐃᓕᓐᓂᐊᑎᑦᓯᒍᑎᓂᒃ ᐱᐅᓭᒋᐊᕈᑎᓂᒃ ᓴᓇᕐᕈᑎᒋᑦᓱᒋᑦ ᐃᓕᓵᑦ ᐱᒐᓱᐊᒻᒪᕆᐅᑎᖃᓕᕐᒪᑕ ᐅᕝᕙᓘᓐᓃᑦ ᐱᓇᓱᐊᕈᑎᖃᕆᐊᓪᓚᕆᐊᖃᓕᕐᒪᑕ ᐃᓱᒪᒥᐅᑕᒥᑕ ᐃᓚᖏᓐᓂᒃ. ᐱᖕᖑᐊᓂᕐᒥᒃ ᐊᑐᓪᓚᕆᓲᒍᔪᒍᑦ.”

ᐃᑲᐅᕐᓂᓂ ᐊᒥᓱᓂ ᐋᕐᕿᓱᐃᒋᐊᓪᓚᓂᖃᕆᐊᖃᓲᖅ ᓱᓇᓕᑦᑖᕈᑎᓂᒃ ᐊᒻᒪᓗ ᐃᓕᓭᓂᕐᒥᓂᒃ ᐃᓕᕕᐅᒡᒐᑐᕐᑎᓯᒐᓂ ᖃᓄᓕᒫᖅ ᐃᓄᓐᓄᑦ ᑲᒃᑲᓛᓄᑦ, ᑭᓯᐊᓂ ᓂᐊᓕ ᑌᒣᓘᕆᐊᒥᒃ ᐊᓕᐊᒋᔭᓕᒃ. ᑲᑉᐱᐊᓱᖕᖏᑐᖅ ᐱᒐᓱᐊᒻᒪᕆᒋᐊᓕᓐᓂᒃ.

ᐊᒻᒪᓗ ᓗᓂ ᑭᓯᐊᓂᐅᒻᒪᑦ, ᐃᕗᔨᕕᒻᒥ ᐃᓅᓯᖃᕆᕗᖅ, ᓄᓇᓕᒃ ᓇᓪᓕᑳᕐᓯᒪᔭᖓ ᐃᓅᕕᒋᓚᖓᑦᓱᒍ ᐁᑉᐸᖃᕐᓗᓂ ᑑᒪᓯ ᒪᖏᐅᕐᒥᒃ, ᓄᕝᕕᑎ ᐃᓕᓴᕐᕕᒥ ᐱᓇᓱᐊᕐᒥᔪᒥᒃ.

ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔