(ᑖᓐᓇ ᐊᐱᕐᓲᔭᕐᓂᖅ ᐊᑑᑎᓯᒪᔪᖅ 2022-ᖑᑎᓪᓗᒍ)

…

ᐄᕝ ᐲᑕᐅ ᑕᑕᑦᓯᐊᑐᖅ ᐱᒍᒪᓂᖃᕐᓂᒧᑦ. ᐃᑲᔪᕐᓯᒐᓱᐊᕐᓂᒧᑦ ᐃᓕᓐᓂᐊᑎᑦᓯᔨ ᐱᒋᐅᕐᓴᕕᒃ ᐳᒃᑭᓂᕐᓭᑦ ᐃᓕᓐᓂᐊᕕᖓᓂ ᐃᓕᓐᓂᐊᑎᑦᓯᔨᐅᖃᑕᐅᑦᓱᓂ ᐱᓇᓱᒐᕆᑐᐃᓐᓇᖏᑦᓱᓂᐅᒃ,; ᐊᓕᐊᒋᓪᓚᕆᑦᑕᖓ ᐱᒍᒪᓂᓪᓚᕆᒋᑦᓱᓂᐅᒃ.

ᐄᕝ ᐲᑕᐅ ᐊᓯᒥᓂᑦ ᐃᓕᓐᓂᐊᑎᑦᓯᔨᐅᒍᒥᓇᕐᑑᑎᑦᓯᓲᖅ. ᑕᐅᑰᒥᐅᔭᐅᑦᓱᓂ ᓴᓪᓗᓅᕐᑐᕕᓂᖅ ᐊᐅᔭᓕᕈᑦ 2022-ᖑᑎᓪᓗᒍ, ᑭᓯᐊᓂ ᐊᒥᓱᓂᑦ ᐊᕐᕌᒍᓂᑦ ᐱᒋᐅᕐᕕᒃ ᐳᒃᑭᓂᕐᓭᑦ ᐃᓕᓐᓂᐊᕕᖓᓃᓯᒪᔫᔮᕐᑐᖅ. ᐱᐊᕋᕐᓄᑦ ᑐᖕᖓᓱᑦᑎᑕᐅᓲᖅ ᐊᒻᒪᓗ ᖁᖓᕝᕕᒋᓲᕆᑦᓱᒋᑦ ᐊᑐᓂᑦᓯᐊᖅ, ᐃᓘᓐᓇᓯᐊᑎᓗ ᐃᑉᐱᒋᔭᐅᑦᓯᐊᓂᕐᒥᒃ ᐃᑉᐱᒍᓱᑦᑎᓱᒋᑦ. ᐱᑐᑦᓯᒪᓂᖃᑦᓯᐊᑐᖅ ᐃᓘᓐᓇᓯᐊᖏᓐᓂ ᐊᑐᓂ.

ᑕᒪᓐᓇ ᐱᐅᔪᐸᐅᔮᓗᒃ ᐱᐅᓯᒋᑦᓱᓂᐅᒃ ᐱᓇᓱᕝᕕᒥᑕ ᐃᓗᐊᓂ ᒍᐃᒍᐃᑎᑐᑦ ᐃᑲᔪᕐᑎᓂᕐᒥᒃ ᐃᓕᓐᓂᐊᑎᑦᓯᔨᐅᑦᓱᓂ, ᑌᒪᖕᖓᑲᓵᖅ ᐱᓇᓱᐊᖃᑎᖃᓲᖑᑦᓱᓂ ᐃᓕᓐᓂᐊᑎᓂᑦ ᐊᑕᐅᓯᐅᖃᑎᖃᕐᓱᓂ. ᐱᔭᑦᓴᒋᔭᖓᑦ ᐃᓕᓐᓂᐊᑏᑦ ᐃᑲᔪᕐᓱᓱᒋᑦ ᒍᐃᒍᐃᑎᑑᕐᓂᒥᒃ, ᑖᓐᓇᓗ ᐃᓕᓐᓂᐊᓱᒍ ᐊᕐᓱᕈᕐᓇᓱᓂ, ᐃᓘᓐᓇᑲᓴᑎᓗ ᒍᐃᒍᐃᑎᑑᕐᓂᒥᒃ ᐱᖓᔪᒋᑦᓱᓂᐅᒃ ᐅᖃᐅᓯᖅ ᐃᓕᓐᓂᐊᒪᒋᑦ.

ᐅᑕᕐᕿᓯᐊᓲᖅ ᐊᒻᒪᓗ ᐊᔪᐃᓐᓇᓂᖃᕐᓱᓂ. ᐃᓕᓐᓂᐊᑎᒥᑕ ᐊᓂᒎᑎᑦᓯᐊᓂᖏᑦ ᑐᕌᒐᕆᓪᓚᕆᑦᑕᖓ. “ᓯᕗᓪᓕᐹᒥ ᙯᖃᑦᑕᓕᕐᒪᑕ, ᐊᑐᐊᕐᓯᓂᖅ ᐊᕐᓱᕈᕐᓇᖃᑦᑕᓯᒪᔪᖅ, ᑭᓯᐊᓂ ᒫᓐᓇ ᐃᓕᓐᓂᐊᑎᑦᓯᔨᖏᓐᓄᑦ ᐅᖃᐅᑎᔭᐅᓲᖑᓕᕐᖁᖓ ᐃᓕᓐᓂᐊᑏᑦ ᑖᒃᑯᐊ ᐱᓯᑎᐅᓂᕐᐸᐅᓕᒋᐊᖏᓐᓄᑦ. ᐃᑉᐱᒋᔭᖃᕐᖁᖓ ᐱᓇᓱᐊᕐᓂᕋ ᐃᑲᔪᕐᓯᓚᕆᓐᓂᖓᓄᑦ. ᐊᖓᔪᕐᖄᖏᑦ ᐅᐱᒋᔭᖃᑦᓯᐊᒥᔪᑦ ᕿᑐᕐᖓᒥᓂᑦ.”

ᐅᐱᒍᓱᓐᓂᒋᔭᐅᓲᖅ ᐱᐊᕋᕐᓄᖅ, ᐊᖓᔪᕐᖄᕆᔭᐅᔪᓄᑦ, ᐊᒻᒪᓗ ᐃᓕᓐᓂᐊᑎᑦᓯᔨᓄᑦ ᐃᑉᐱᓂᐊᕈᓯᖅ ᐄᕝᒥᒃ ᑲᔪᓯᑎᑦᓯᓂᖃᓲᖅ, ᐃᑲᔪᕐᑎᐅᓂᕐᒥᒃ ᐃᓕᓐᓂᐊᑎᑦᓯᔨᐅᒍᑎᒋᓚᕿᑦᓱᒍ. ᐱᐊᕃᑦ ᐃᑲᔪᕐᑕᐅᕆᐊᑐᖕᖏᑲᓗᐊᕋᒥᒃ ᐊᐱᕆᓲᑦ ᖃᕆᐊᖓᓃᕈᓐᓇᒪᖔᑕ!

ᕿᑐᕐᖓᖏᑦ ᓴᓪᓗᓃᖃᑕᐅᖕᖏᑲᓗᐊᕐᑎᓗᒋᑦ ᒫᓐᓇ, ᐄᕝ ᐃᑉᐱᓂᐊᕆᔭᖃᕐᑐᖅ ᐃᓚᒥᓃᑦᑑᔮᕐᓂᒥᓂᒃ ᑕᕐᕋᒥᐅᓂᑦ.

ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔