ᑖᓐᓇ ᐱᓇᓱᐊᕈᓯ ᐊᑐᕐᑎᓗᒍ, ᑲᑎᕕᒃ ᐃᓕᓴᕐᓂᓕᕆᓂᖅ ᖁᕕᐊᓱᒍᑎᓕᒃ ᐃᑲᔪᕐᑎᓂᒃ ᐱᓇᓱᑦᑎᓂᒃ ᐅᐱᒍᓱᓐᓂᒧᑦ ᐱᓇᓱᐊᕈᓯᕐᒥᒃ.

ᐱᕕᑦᓴᐅᓂᖓᓂ ᑕᑯᑦᓴᐅᑎᒋᐊᓪᓚᒍᒪᔭᒃᑲ ᑐᓂᒪᔪᒻᒪᕆᐅᓂᖏᑦ ᐃᑲᔪᕐᑎᐅᓱᑎᒃ ᐱᓇᓱᑦᑎᕗᑦ. ᑖᒃᑯᐊᖑᑦᓱᓯ ᐱᓇᓱᖃᑎᒌᓐᓂᑯᑦ, ᓲᕐᓗ ᖁᓖᒋᔭᕐᑎᑐᑦ ᑌᒣᑉᐳᓯ ᐃᓕᓐᓂᐊᓂᕐᒧᐊᖓᔪᓄᑦ ᐱᒍᑦᔨᐅᑎᓄᑦ. ᐅᓪᓗᑕᒣᑕ ᐱᒋᐊᕐᓂᖓᓂᑦ ᐃᓱᓕᓐᓂᖓᓄᑦ, ᐱᓇᓱᐊᕐᑕᓯ, ᐃᑉᐱᒋᔭᐅᖕᖏᓗᐊᓲᖑᑦᓱᑎᓗ, ᐃᑲᔪᕐᓯᒪᓲᖅ ᓄᓇᕕᒻᒥᐅᑦ ᐃᓕᓐᓂᐊᑎᖏᑦᑕ ᖃᓄᐃᖕᖏᓯᐊᕐᓂᖏᓐᓂᒃ ᐊᒻᒪᓗ ᐃᓕᓐᓂᐊᕕᑦᑕ, ᐱᐅᒃᑯᑎᓂᒃ ᓴᓂᕐᕓᓯᒪᕕᑦᑕ ᐊᓪᓚᕕᑦᑕᓗ ᑲᔪᓯᑦᓯᐊᑐᓂᒃ ᐊᐅᓚᑕᐅᑦᓯᐊᓂᖏᓐᓂᒃ. ᐱᓇᓱᐊᕐᕕᒧᑦ ᑐᖕᖓᕕᓪᓚᕆᐊᓗᒋᔭᐅᕗᑎᑦ, ᑐᖕᖓᕕᒋᔭᐅᖏᓐᓇᓂᐊᕐᓱᑎᓪᓗ, ᐃᕝᕕᐅᓱᑎᑦ.

ᐱᒍᑦᔨᓱᒋᑦ ᐱᓇᓱᖃᑎᒋᓲᓕᒫᓯ ᐊᒻᒪᓗ ᐅᕙᓐᓂᑦ, ᓇᑯᕐᒦᒃ!

ᖄᔨᐊ ᑭᓕᐅᑕᒃ
ᑲᔪᓯᒃᑫᔨ