(ᑖᓐᓇ ᐊᐱᕐᓲᔭᕐᓂᖅ ᐊᑑᑎᓯᒪᔪᖅ 2022-ᖑᑎᓪᓗᒍ)
…
ᖃᑯᐊᖓᔪᑦᑕᓕᒻᒥ ᓯᓈᓂᒥᐅᖑᑦᓱᓂ ᓴᓪᓗᓄᑦ: ᒍᐃᒍᐃᑎᑐᑦ ᐃᓕᓐᓂᐊᑎᑦᓯᔨ ᓄᓇᕕᒻᒧᑦ ᓅᑦᓯᒪᔪᖅ. ᐊᓕᐊᒋᔭᑦᑖᓚᕆᑦᓯᒪᔪᖅ ᓄᓇᓕᒻᒥᒃ ᓇᔪᖃᑦᑕᑕᒥᓂ ᑕᕐᕋᒥ ᖃᓂᖕᖏᑐᐊᓗᒻᒥ, ᖃᐅᔨᒪᒌᕐᑐᖅ ᑖᕙᓃᓛᕐᓂᒥᓂᒃ ᐱᓇᓱᒐᕐᒥᓂᒃ ᓄᕐᖃᕈᓯᖕᖏᓂᓕᒫᒻᒥᓂ!
ᒥᐊᓐ ᐹᓴᓐ ᐃᓕᓐᓂᐊᑎᑦᓯᓲᖅ ᐳᕐᑐᓂᓕᓐᓂᑦ 3 ᒍᐃᒍᐃᑎᑐᑦ ᐱᒋᐅᕐᕕᒃ ᐃᓕᓐᓂᐊᕕᒻᒥ ᓴᓪᓗᓂ. ᐊᒥᓱᓄᑦ ᐃᓕᓐᓂᐊᑎᓄᑦ, ᒍᐃᒍᐃᑎᑑᕐᓂᖅ ᐱᖓᔪᒋᔭᐅᑦᓱᓂ ᐅᖃᐅᓯᐅᑦᓱᓂ ᐃᓕᓐᓂᐊᑕᐅᓲᖅ ᐃᓄᑦᑎᑐᓪᓗ ᖃᓪᓗᓈᑎᑐᓪᓗ ᖃᐅᔨᒪᔪᓄᑦ, ᑖᒃᑯᐊᓗ ᐅᖃᐅᓯᒋᔭᐅᓂᕐᓴᐅᓲᖑᑦᓱᑎᒃ ᑕᕐᕋᒥᐅᓄᑦ ᓄᓇᓕᓐᓄᑦ. ᖃᕆᐊᖓᓄᑦ ᐃᑎᑐᐊᕋᒥᒃ, ᒍᐃᒍᐃᑎᑑᕐᓂᖅ ᐃᓕᓐᓂᐊᑕᐅᕆᐅᓲᖅ ᐊᒥᓱᓄᑦ ᐃᓕᓐᓂᐊᑎᖁᑎᖏᓐᓄᑦ.
ᐊᓪᓚᒍᓰᑦ, ᐊᐸᑕᑳᕐᑐᑦ, ᐱᐊᕋᕐᓯᐅᑏᑦ ᐃᖕᖏᕈᓰᑦ, ᐃᖕᖏᕈᓰᑦ . . . ᒥᐊᓐᒥ, ᒍᐃᒍᐃᑎᑐᑦ ᐃᓕᓐᓂᐊᑕᐅᓲᑦ ᐱᖕᖑᐊᓱᑎᒃ. ᑖᓐᓇᓗ ᐊᕐᓇᖓᓗ ᒣᒧᓈᑕ ᑲᒪᑲᑏ, ᒍᐃᒍᐃᑎᑐᑦ ᐃᓕᓐᓂᐊᑎᑦᓯᔨᐅᒻᒥᔪᖅ ᑕᕐᕋᒧᑦ ᐳᓛᕆᐊᕐᑐᕕᓂᐅᑦᓱᓂ ᐊᒻᒪᓗ ᐃᓕᓐᓂᐊᑎᑦᓯᖃᑕᐅᓲᖅ ᑖᑦᓱᒥᖓᑦᓭᓇᖅ ᐃᓕᓐᓂᐊᕕᒻᒥ, ᑲᒪᒋᔭᖃᓲᑦ ᐃᓕᓐᓂᐊᑏᑦ ᐅᓪᓛᕈᒥᑕᕆᓚᖓᔭᖏᓐᓂᑦ ᐅᓪᓛᑕᒫᑦ. ᒥᐊᓐ ᐊᓕᐊᒋᔭᓕᒃ ᑐᖕᖓᓱᑦᑎᓯᓕᑐᐊᕋᒥ ᐃᑖᔭᕐᑎᓗᒋᑦ ᐱᐊᕃᑦ: “ᑭᓇ ᑭᒻᒥᓇᐅᔭᕐᑐᕈᒪᔪᖅ, ᑭᓇ ᐸᓈᓇᑐᕈᒪᔪᖅ, ᐅᓪᓛᕈᒥᑕᑦᓴᔭᖅ?” ᒥᐊᓐ ᐅᓂᒃᑳᑐᕕᓂᖅ: “ᖃᕆᐊᒦᑦᑑᔮᕐᑎᖏᑦᓱᕆᑦ, ᐊᓕᐊᓇᕐᑑᑎᒐᓱᐊᕐᓱᒍ ᐃᓕᓐᓂᐊᑎᑦᓱᒋᑦ ᐱᕈᕐᑐᐃᑦ ᑌᔭᐅᒍᓯᖏᓐᓂᑦ, ᐊᒻᒪᓗ ᐃᓕᓐᓂᐊᑎᒋᐅᕐᓴᓱᒋᑦ ᒍᐃᒍᐃᑎᑑᕐᓂᒥᒃ ᐅᓪᓗᑕᒫᑦ ᐃᓅᑦᔪᓯᖏᓐᓂᑦ.”
ᐃᓕᓐᓂᐊᓂᖅ ᐃᓅᓯᖏᓐᓂ ᐱᒻᒪᕆᐅᓂᕐᐸᐅᑎᓪᓗᒍ, ᒥᐊᓐᓗ ᐊᕐᓇᖓᓗ ᒨᓇ, ᐃᓚᐅᑎᓪᓗᒋᑦ ᐱᐊᕋᓕᒫᖏᑦ ᐅᖄᕕᖃᓲᑦ, ᓱᑲᑦᑐᒥᓪᓗ ᐱᖃᓐᓈᑖᕐᓱᑎᒃ ᓴᓪᓗᒥᐅᓂᑦ ᐃᓄᓐᓂᑦ. “ᐃᓚᐅᖃᑕᐅᓲᖑᔪᒍᑦ ᓱᖃᑦᓯᑎᑕᐅᓂᓕᒫᖏᓐᓄᑦ. ᐃᓗᕕᕐᓯᓕᕐᒪᑕ, ᑲᑎᖃᑎᒌᓕᕐᒪᑕ . . . ᐃᓚᐅᓲᖑᔪᒍᑦ. ᐊᒥᓱᓂᑦ ᐊᑦᔨᐸᓱᒌᓐᓂᓕᒃ ᐃᓄᑐᐃᓐᓀᑦ ᑕᕋᒥᐅᓪᓗ ᐊᒻᒪᓗ ᐋᕗᕆᑲᒥᐅᓪᓗ ᐃᓄᐃᑦ. ᑕᒫᓂ ᐃᓄᐃᑦ ᐃᓅᖃᑎᒌᓲᑦ ᓄᓇᓕᐅᑦᓱᑎᒃ, ᑌᒫᑦᓭᓈᕐᑐᖅ ᐋᕗᕆᑲᒥ.”
ᐱᖓᓱᐃᑦ ᐃᕐᓂᖏᑦ ᑲᑎᓅᒥᐅᖑᔫᒐᓗᐊᑦ, ᐊᔪᐃᓐᓇᕈᑎᖃᕐᓱᑎᒃ ᐃᓕᓐᓂᐊᓂᕐᒥᓂᒃ, ᒥᐊᓐ ᓅᑦᑎᕈᒪᓂᖃᖕᖏᒪᕆᑦᑐᖅ ᑕᕐᕋᒥ.
ᑕᕐᕋᓕᐊᕐᓯᒪᕗᖓ, ᐊᒻᒪᓗ ᐊᓯᐊᓄᑦ ᓅᑦᑎᒋᐊᒥᒃ ᐃᓱᒪᒋᔭᖃᖕᖏᒪᕆᑦᓱᖓ ᐅᕝᕙᓘᓐᓃᑦ ᐊᓯᐊᓂᑦ ᐱᓇᓱᒐᕐᑖᕈᒪᓇᖓᓗ. ᐃᓅᓕᕐᓯᒪᕗᖓ ᐃᓕᓐᓂᐊᑎᑦᓯᔨᐅᓂᐊᕐᓱᖓ. ᐱᓇᓱᒐᕐᒥᒃ ᓄᕐᖃᕈᓯᓛᕐᓱᖓᓗ ᑕᒫᓂ ᓴᓪᓗᓂ.