ᐃᓕᓐᓂᐊᓇᐅᑉ ᐊᕐᕌᒍᖓ ᐱᐅᓯᖃᕐᑑᔮᕐᑐᖅ ᒪᓐᑐᔨᐊᓪ ᐅᓕᐅᑦᔭᐅᖃᑦᑕᓂᖓᑎᑐᑦ. ᖃᓄᖅ ᑲᒪᒋᓂᐊᓕᕐᑕᕗᑦ ᐃᒪᖅ ᐅᓕᑦᑕᖃᑦᑕᑐᐊᕐᐸᑦ ᐊᒻᒪᓗ ᐊᒥᓱᐊᓗᐃᑦ ᓱᓇᑐᐃᓐᓈᓗᐃᑦ ᐳᑦᑕᖃᑦᑕᑐᑦ ᓄᓈᖃᑦᑕᑎᓪᓗᒋᑦ? ᑲᒪᔨᒻᒪᕆᕗᑦ ᓱᓕᓪᓚᕆᑦᑐᓂᑦ ᐱᓇᓱᐊᓲᖅ ᖃᐅᔨᒪᑦᓯᐊᑕᕗᑦ ᐃᔪᕐᓇᓯᑲᓪᓚᓲᖑᑦᓱᓂᓗ, ᑐᓴᐅᒪᑎᑦᓯᒍᒪᔪᖅ ᐱᒻᒪᕆᓐᓂᑦ ᑐᖕᖓᕕᓂᑦ ᕿᒥᕐᕈᒐᑦᓴᓂᒃ ᐃᓕᓐᓂᐊᓇᐅᑉ ᐊᕐᕌᒍᖓᓂ 2024-2025ᒥ.

ᑕᒡᒐᓂ ᐊᕐᕌᒍᒥ ᐃᓕᓐᓂᐊᓇᐅᑉ ᐱᒋᐊᕐᓂᖓᓂ ᓄᑖᒥ ᐱᓇᓱᐊᕐᑐᖃᖕᖏᓂᕐᓴᐅᓕᕐᑐᖅ ᓄᑕᐅᓯᓕᕐᑐᐃᔪᓂᑦ ᓴᓇᔪᓂᓪᓗ. ᐃᓚᖏᑦ ᐃᓕᓐᓂᐊᕖᑦ ᐅᒃᑯᐃᑲᐱᒍᓐᓇᖏᒃᑲᓗᐊᕐᑎᓗᒋᑦ, ᓄᓇᓖᑦ ᐊᑐᐃᓐᓇᕈᕐᑎᕆᔪᕕᓃᑦ ᐃᓕᓐᓂᐊᓃᑦ ᐱᒋᐊᖁᓪᓗᒋᑦ. ᐆᑦᑑᑎᒋᓗᒍ, ᐃᓪᓗᐃᑦ ᑕᓪᓕᒪᑦ, ᐊᑕᐅᓯᖅ ᓇᒻᒥᓂᕆᔭᐅᑦᓱᓂ ᐃᓪᓗᒃ, ᐊᑐᕐᑕᐅᓚᐅᕐᑐᑐᑦ ᐃᓕᓐᓂᐊᕕᐅᑦᓱᑎᒃ ᑕᓯᐅᔭᒥ. ᐳᕕᕐᓂᑐᒥ ᐊᑯᓕᕕᒻᒥᓗ, ᐃᙯᓕᓴᕐᕕᓗ ᐃᒐᕕᓪᓗ ᐅᒃᑯᐃᓛᕐᓂᐊᑑᒃ ᐅᑎᕐᕕᐅᒍᓐᓇᓯᓗᑎᓗ ᐃᓕᓐᓂᐊᑎᓄᑦ ᐊᒥᕃᔭᐅᑦ ᓈᓂᖓᓂ, ᐱᓇᓱᐊᕐᑕᐅᔪᐃᑦ ᖃᓄᐃᓕᖓᓕᕐᓂᖏᑦ ᒪᓕᓪᓗᒋᑦ.

ᖁᑉᐹᒍᓪᓕ ᐱᓇᓱᑦᑎᑖᕐᓃᑦ ᐱᓀᓗᑕᐅᖏᓐᓇᑐᑦ. ᐃᓄᑐᐃᓐᓇᓂᑦ ᐱᓇᓱᑦᑐᓴᓂᑦ ᑭᖕᖒᒪᑦᓯᔪᒍᑦ! ᓇᓂᓯᖕᖏᓂᓕᒫᑦᑎᓂ ᐱᓇᓱᑦᑐᓴᑦᓯᐊᕌᓗᓐᓂ ᓄᓇᓕᖁᑎᑦᑎᓂ, ᐱᓇᓱᐊᖃᑎᖃᖃᑦᑕᖏᓐᓇᑐᒍᑦ ᐃᑲᔪᕐᑎᓂᑦ ᐃᓂᓪᓚᑎᕆᑎᑦᓱᒋᑦ ᖃᕆᐊᓂᑦ ᐊᒻᒪᓗ ᐃᓕᓐᓂᐊᑎᓕᒫᑦ ᐃᓕᓐᓂᐊᑎᑦᓯᔨᕐᑖᖁᓪᓗᒋᑦ.

ᖁᕕᐊᓱᑦᓱᖓ ᑐᓴᕐᑎᓯᕗᖓ ᓯᕗᒧᐊᑦᑏᑦ, ᐃᓕᓐᓂᐊᑎᖁᕗᑦ ᐊᓂᒎᑎᑦᓯᐊᖁᓪᓗᒋᑦ ᐱᒋᐊᖕᖓᐅᑎᖓ, ᓄᐃᑕᐅᓚᐅᕐᓯᒪᔪᖅ ᒪᓐᓂᓕᐅᖑᑎᓪᓗᒍ. ᑖᑦᓱᒪ ᐋᕐᕿᓯᒪᐅᑎᑦᓴᖓᓂᑦ ᐸᕐᓀᓃᑦ ᐱᕙᓪᓕᐊᓂᖃᕐᑎᓗᒋᑦ ᐊᕐᕌᒍᓕᒫᒥ ᐱᔭᑦᓴᙯᓐᓇᓚᖓᔪᑎᑦ, ᓄᑖᓂᑦ ᕿᓂᖃᑦᑕᕋᑦᑕ ᐱᐅᓯᐅᖃᑦᑕᕈᓐᓇᑐᓂᑦ ᐊᒻᒪᓗ ᐱᓂᐊᕐᓂᕆᖃᑦᑕᕋᔭᕐᑕᑎᓐᓂᑦ. ᓈᓚᕋᓱᐊᖃᑦᑕᕆᑦ, ᑐᓴᐅᒪᑎᑦᓯᓛᕐᓂᐊᕋᑦᑕ ᖃᓄᖅ ᐃᓚᐅᒍᓐᓇᕋᔭᕐᒪᖔᕐᐱᑦ ᑲᑎᖃᑎᒌᓐᓂᖃᖃᑦᑕᓕᕈᑦᑕ ᖃᓄᕐᑑᓗᑕ ᐱᓇᓱᑦᑏᓗ ᓄᓇᓕᓐᓂᓗ ᐃᓄᖁᑏᓪᓗ. ᐃᓕᓐᓂᐊᑎᑦᓯᒍᓰᑦ ᐅᖃᐅᓯᕐᑎᒎᕐᑐᑦ ᐊᒻᒪᓗ ᐱᓇᓱᐊᕐᕋᑦᓭᑦ ᖃᓄᕐᑑᑕᐅᖃᑦᑕᑐᑦ: ᑐᑭᑖᕋᓱᐊᕐᑐᒍᑦ ᖃᖓ ᑲᔪᓯᑎᑦᓯᒐᔭᕐᒪᖔᑦᑕ ᐊᓯᑦᔩᐸᓪᓕᐊᓂᑦᓴᓂ.

ᑯᐯᒻᒥ ᐃᓕᓐᓂᐊᓂᓕᕆᓂᕐᒥ ᒥᓂᔅᑕᖃᕐᕕᑯᑦ ᖃᐅᔨᓴᕐᓂᖃᓕᐊᕐᐸᑖ ᑕᒐ ᐱᐅᓯᖃᕐᑑᔮᓛᓕᕆᕚ ᓱᓇᑐᐃᓐᓇᑎᑐᑦ ᐳᑦᑕᑐᐊᓗᓐᓄᑦ ᐃᓚᐅᓗᑎᒃ 2024-2025 ᐃᓕᓐᓂᐊᓇᐅᑉ ᐊᕐᕌᒍᖓᓂ? ᒪᓐᓂᓕᐅᑦ 30 ᐊᓂᒍᕐᓯᒪᓕᕐᑕᕗᑦ ᑎᑭᕝᕕᓴᕆᓚᐅᔭᖓ ᐅᑕᕐᕿᖏᓐᓇᓱᑕ ᑐᓴᕐᑎᓯᐅᑎᒥᒃ. ᑌᒣᒐᓗᐊᕐᑎᓗᒍ ᐅᑕᕐᕿᓚᐅᔪᖕᖏᑐᒍᑦ ᓱᒋᐊᓂᐊᕐᓂᒥᒃ. ᑮᓇᐅᔭᖃᕐᑎᑕᐅᓂᕗᑦ ᓈᒻᒪᑐᑦ, ᐊᕐᕌᒎᑉ ᓈᓂᖓᓂ ᐊᓂᒎᑎᓚᐅᔪᒍᑦ ᑭᖕᖒᒪᑦᓯᒐᑕ, ᐊᒻᒪᓗ ᐊᕐᕌᒍᓂ ᑕᓪᓕᒪᓅᓕᖓᔪᒥ ᐸᕐᓀᒍᑎᖃᕐᑐᒍᑦ ᐃᓱᐃᓪᓕᑲᓪᓚᑐᖃᑦᓴᓂᕐᐸᑦ.

ᑭᖑᓪᓕᐹᒥ, ᓂᕆᐅᓐᓂᖃᕐᑐᒍᑦ ᐊᖏᖃᑎᒌᓐᓃᑦ ᓄᑕᐅᓯᓕᕐᑕᐅᓛᕐᓂᐊᓂᖏᓐᓄᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑏᑦ ᐃᓕᓐᓂᐊᑎᑦᓯᔨᓅᓕᖓᔪᑦ, ᐱᔪᓐᓇᐅᑎᓕᓐᓅᓕᖓᔪᑦ ᐊᒻᒪᓗ ᐱᓇᓱᑦᑎᑐᐃᓐᓇᓅᓕᖓᔪᑦ ᐱᔭᕇᕐᑕᐅᕆᐊᕕᓐᓂᖏᓐᓂ. ᐱᕙᓪᓕᕈᑎᑦᓴᖃᕐᑎᓯᓂᕗᑦ ᐱᓇᓱᑦᑎᑖᕆᓯᒪᔭᑦᑎᓂ ᓄᓇᓖᑦ ᐃᓗᐊᓂ ᐊᕐᕌᒍᐃᑦ 2020-2023 ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᑎᒍᑦ ᐱᒻᒪᕆᐅᔪᖁᑎᒋᖏᓐᓇᓯᒪᔭᕗᑦ.

ᕿᓚᓈᕐᑐᖓ ᑕᑰᑎᖃᑦᑕᓛᕐᓂᑎᓐᓄᑦ ᐳᓛᕆᐊᖃᑦᑕᓕᕈᒪ ᓄᓇᓕᑦᓯᓄᑦ,

ᖄᔨᐊ ᑭᓕᐅᑕᒃ,

ᑲᒪᔨᒻᒪᕆᒃ