ᐅᑭᐅᕐᑕᑐᒥ ᒪᙯᑦᑎᓯᓂᕐᒧᑦ ᓄᓇᕕᒻᒥ ᐃᓕᓐᓂᐊᑎᑦᓯᒍᑎᒃ ᐃᓕᓐᓂᒃ ᐊᑐᐃᓐᓇᕈᕐᑎᓯᒍᓐᓇᑐᖅ ᐊᓕᐊᓇᕐᑐᕋᑕᕐᒥᒃ ᐱᓇᓱᒐᕐᒥᑦ ᐅᑭᐅᕐᑕᑐᒥᒃ ᒪᙯᑦᑎᓯᔨᐅᓂᕐᒧᑦ ᓄᓇᕕᒻᒥᒃ.

ᒪᙯᑦᑎᓯᔨᐅᓂᖅ ᐱᓇᓱᒐᕐᓄᑦ ᐃᓗᓕᖃᓚᖓᔪᖅ ᒪᙯᑦᑎᓯᖃᑦᑕᓂᕐᒥᒃ ᐊᒻᒪᓗ ᐊᐅᓚᑦᓯᓂᕐᒥᒃ ᐳᓛᕆᐊᕐᓯᒪᔪᓂᒃ ᓱᖃᑦᓯᑎᑕᐅᓂᖏᓐᓂᒃ, ᓄᓇᓕᐊᕐᑎᑕᐅᓯᒪᓂᖏᓐᓂᒃ (ᐊᑕᐅᓯᕐᒥᒃ ᐅᓪᓗᒥ ᐅᓪᓗᓕᒫᖑᖕᖏᑐᒥᓪᓘᓃᑦ) ᐅᕝᕙᓘᓐᓃᑦ ᓯᓂᑦᑕᕆᐊᓯᒪᓂᒃᑯᑦ (24 ᑫᕙᓪᓚᒍᓰᑦ ᐅᖓᑖᓄᑦ ᐊᑕᐅᓯᕐᒥᒃ ᐅᓐᓄᐊᒥ ᓯᓂᑦᑕᓗᑎᑦ).

ᐃᓚᒋᔭᐅᑎᓪᓗᒋᑦ ᐱᓇᓱᒐᑦᓴᑎᓐᓄᑦ, ᓯᕗᓕᕈᓐᓇᓯᕋᔭᕐᑐᑎᑦ ᒪᙯᒋᐊᕐᓯᒪᔪᓂᒃ, ᐋᓐᓂᓯᒪᔪᓕᕆᒍᓐᓇᓯᓗᑎᑦ, ᑭᐅᒍᓐᓇᓯᓗᑎ ᐅᐃᒪᓇᕐᑐᓂᒃ ᐅᑭᐅᕐᑕᑐᒥ ᐊᒻᒪᓗ ᐱᒍᓐᓇᓯᓗᑎᑦ ᐱᓪᓗᑯᒋᐊᓕᓐᓂᒃ ᑲᒪᒋᔭᐅᒋᐊᓕᓐᓂᒃ ᓱᖃᑦᓯᑐᖃᓕᕐᐸᑦ ᐅᑭᐅᕐᑕᑐᒥᒃ.

ᒪᙯᑦᑎᓯᔨᖕᖑᓂᕈᕕᑦ, ᐅᑯᓂᖓ ᐱᕕᑦᓴᑖᕋᔭᕐᑐᑎᑦ:

• ᑭᒡᒐᑐᕈᓐᓇᓯᕋᔭᕐᑐᑎᑦ ᓄᓇᓕᓐᓂᒃ ᑐᓴᐅᒪᑎᖃᑦᑕᓗᒋᑦ ᑐᓴᕋᑦᓴᓂᒃ ᓱᖃᑦᓯᐅᑎᒋᓚᖓᔭᑎᓐᓂᒃ ᐊᒻᒪᓗ ᐱᓇᓱᒐᕐᓅᓕᖓᔪᓂᒃ ᒪᙯᑦᑎᓯᔨᐅᓂᕐᓄᑦ.
• ᑐᑭᒧᐊᑦᑎᓯᓗᑎᑦ ᒪᙯᓐᓂᒥᒃ ᓱᖃᑦᓯᑎᑦᓯᓂᕐᒥᒃ ᐅᕝᕙᓘᓐᓃᑦ ᐊᑕᐅᑦᓯᑰᕐᑐᓂᒃ ᓱᖃᑦᓯᑎᑦᓯᓂᐅᔪᓂᒃ, ᓯᓚ ᐊᓯᑦᔨᖏᓐᓇᓕᒫᓲᖑᑎᓪᓗᒍ ᐊᒻᒪᓗ ᖃᓄᐃᑑᓚᖓᒻᒪᖔᑦ ᖃᐅᔨᒪᓇᓲᖑᑎᓐᓇᒍ ᓯᓚᕗᑦ.

ᒪᙯᑦᑎᓯᔨᐅᓗᑎᑦ, ᐱᒍᓐᓇᓯᒋᐊᕈᓐᓇᕋᔭᕐᑐᑎᑦ ᑲᒪᒋᔭᑦᓴᐱᑦ ᐱᒍᒪᔭᖏᓐᓄᑦ ᐅᑯᓂᖓ:

• ᐊᑦᔨᒌᖕᖏᓂᖏᓐᐅᓄᑦ ᖃᓄᐃᑦᑑᓂᖓᑕ ᒪᙯᑦᑎᓯᓂᐅᔫᑉ: ᖃᐅᑕᒫᑦ ᓄᓇᓕᐊᑎᓯᓂᒃᑯᑦ ᐅᑎᕐᑎᖃᑦᑕᓗᒋᑦ ᐱᕕᕕᓂᑦᓯᓂᒃ ᐅᕝᕙᓘᓐᓃᑦ ᐊᒥᓱᐃᓕᖓᔪᓂᒃ ᓱᖃᑦᓯᐅᑎᓕᓐᓂᒃ ᓄᓇᓕᐊᕐᑎᓯᓯᒪᓂᕐᓄᑦ ᓯᓂᑦᑕᕆᐊᑎᖃᑦᑕᓗᒋᓗ ᐊᓯᖏᓐᓂᒃ ᓄᓇᓂ.
• ᐊᑦᔨᒌᖕᖏᑐᓂᒃ ᐱᐅᓯᖃᕐᑎᓯᓂᖅ: ᓄᓇᒦᑦᑎᓯᓂᒃᑯᑦ ᓲᖑᔪᓂᒃ ᐃᓕᖅᑯᓯᑦᑎᓄᑦ ᐃᓗᓕᖃᕐᑎᓯᓂᒃᑯᑦ, ᐆᒪᔪᓂᒃ ᕿᒥᕐᕈᑎᑦᓯᓂᒃᑯᑦ ᐅᕝᕙᓘᓐᓃᑦ ᐃᑉᐱᒋᔭᖃᓗᐊᖕᖑᐊᓂᒃᑯᑦ ᐱᓇᓱᐊᕐᓂᒥᒃ ᐊᒻᒪᓗ ᐃᓕᓐᓂᐊᓂᕐᒥᒃ ᐱᖕᖑᐊᓂᒐᓚᐅᔪᓂᒃ ᐅᕝᕙᓘᓐᓃᑦ ᓯᓚᒥ ᓱᖃᑦᓯᑎᑦᓯᓂᒃᑯᑦ.
• ᐊᑦᔨᒌᖕᖏᑐᓂᒃ ᐃᓱᕐᕆᐅᑎᖃᕐᑎᓯᓂᒃᑯᑦ: ᓯᓂᑦᑕᕕᓕᓐᓂᒃ, ᐅᑭᐅᒃᑯᑦ ᒪᙯᑦᑎᓯᓂᒃᑯᑦ, ᐊᓕᐊᓱᖕᖑᐊᕆᐊᕐᑐᕕᓐᓄᑦ, ᓯᓂᑦᑕᕕᓐᓄᑦ, ᒪᙯᑦᑎᓯᔩᑦ ᒪᙯᕝᕕᖏᓐᓄᑦ, ᐊᓯᖏᓐᓂᓗ.
• ᐃᑉᐱᒋᔭᖃᕐᓂᖅ ᖃᓄᐃᓪᓗᐊᑎᒋᔪᒥᒃ ᐊᑦᑕᓇᕐᓂᖃᕐᓂᖏᓐᓂᒃ: ᐃᑉᐱᒋᓗᒍ ᓄᓇ ᐅᐸᑦᑕᐅᔪᖅ (ᖃᓄᖕᖏᓂᖓ, ᓄᓇᐅᑉ ᐱᔭᕆᐊᑐᓂᖓ, ᐊᓯᖏᓪᓗ) ᐅᕝᕙᓘᓐᓃᑦ ᖃᓄᐃᑦᑑᓂᖓᑕ ᓱᖃᑦᓯᑎᑦᓯᓂᐅᔪᑦ ᐅᕝᕙᓘᓐᓃᑦ ᐃᖏᕐᕋᐅᑏᑦ ᖃᓄᐃᑦᑑᒋᐊᖃᕐᓂᖏᓐᓂᒃ ᐊᑐᕐᑕᐅᒋᐊᓖᑦ.
• ᐊᑦᔨᒌᖕᖏᓂᖏᑦ ᐊᑦᓱᕈᕐᓇᑑᓂᖏᑦ: ᐊᕿᑦᑐᖅ, ᓈᒻᒪᑐᖅ ᐊᒻᒪᓗ ᐊᑦᓱᕈᕐᓇᑐᑦ ᒪᙯᑦᑎᑕᐅᔪᑦ.

ᐃᓕᓐᓂᐊᑎᑦᓯᒍᑏᑦ ᐊᑐᐃᓐᓇᐅᑎᑕᐅᒍᓐᓇᑐᑦ ᐅᐊᕈᑦᔨᑐᕐᓯᒪᑎᓪᓗᒋᑦ. ᐃᓕᑕᕐᓯᔭᐅᒪᒍᑎᑖᕈᒪᒍᑎᒃ ᐃᓕᓐᓂᐊᕕᒻᒪᕆᒻᒥ (ACS), ᐊᑐᓂ ᐃᓕᓐᓂᐊᑎᑦᓯᒍᑏᑦ ᐊᓂᒎᑎᔭᐅᓗᑎᒃ ᐱᔭᕇᕐᑕᐅᓯᐊᕆᐊᓖᑦ.

ᐃᓕᓐᓂᐊᑎᑦᓯᒍᑎ 1: ᐱᓇᓱᒐᐅᑉ ᐊᑑᑎᔭᐅᓂᖓ ᐊᒻᒪᓗ ᓄᓇᕕᒻᒥ ᐃᓱᒣᓐᓇᕿᒋᐊᕐᑐᓯᒪᔪᓕᕆᓂᖅ

• ᑐᑭᓯᓴᕐᓂᖅ ᑲᒪᔩᑦ ᐱᓇᓱᐊᕐᓂᕆᓲᖏᓐᓂ ᓄᓇᕕᐅᑉ ᑕᕐᕋᖓᑕ ᐊᕙᑖᓂ.
• ᓱᓇᓂᒃ ᐱᓇᓱᐊᕐᓂᖃᓲᖑᕙᑦ ᑲᒪᔩᑦ ᐱᔭᑦᓴᖃᕐᓱᑎᒃ ᖃᓄᐃᓕᖕᖓᑕᐅᓰᓐᓇᐅᑉ ᐊᕙᑖᓂ ᐅᑭᐅᕐᑕᑐᒥ?

ᐃᓕᓐᓂᐊᑎᑦᓯᒍᑎ 2: ᐃᓄᐃᑦ ᐃᓗᕐᕈᓯᖓ ᐊᒻᒪᓗ ᓄᓇᕕᐅᑉ ᐃᓗᕐᕈᓯᖓᑕ ᑐᑭᓯᓇᕐᑎᓯᐅᑎᖓ ᐊᒻᒪᓗ ᐱᐅᓯᕐᓱᕈᑏᑦ ᑲᔪᓯᔪᐃᑦ ᐃᓗᓕᖏᑦ

• ᐃᓕᓐᓂᐊᓂᖅ ᐊᒻᒪᓗ ᓇᓗᓀᔦᕙᓪᓕᐊᓂᖅ ᐃᓄᐃᑦ ᐃᓄᖁᑎᖏᑦᑕ ᐱᐅᓯᒋᖃᑦᑕᓯᒪᔭᖏᓐᓂ ᐱᕙᓪᓕᐊᓂᕕᓂᕐᓂ.
• ᑐᓵᔨᐅᒍᓐᓇᕆᐊᖃᕋᔭᕐᑐᖅ ᐊᒻᒪᓗ ᑕᑯᑦᓴᐅᑎᑦᓯᓗᓂ ᐃᓗᕐᕈᓯᓅᓕᖓᔪᓂᑦ.

ᐃᓕᓐᓂᐊᑎᑦᓯᒍᑎ 3: ᐅᖃᐅᓰᑦ – ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ

• ᐱᐅᓯᐅᒦᒋᐊᕐᓂᖅ ᐅᖃᐅᓯᕐᓂ ᐅᖄᕈᓐᓇᓂᕐᒥᒃ.
• ᐅᖄᕈᓐᓇᓂᕐᒥᒃ ᐱᔪᓐᓇᓯᐅᒥᓂᖅ.
• ᑐᖕᖓᓱᑦᑎᓯᓂᖅ ᐳᓛᕆᐊᕐᓯᒪᔪᓂ ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ.

ᐃᓕᓐᓂᐊᑎᑦᓯᒍᑎ 4: ᐋᕐᕿᓱᐃᓂᖅ ᓂᕆᔭᐅᒐᔭᕐᑐᓂᑦ ᐊᒻᒪᓗ ᐊᑐᐃᓐᓇᕆᔭᐅᒐᔭᕐᑐᓂᑦ

• ᐸᕐᓀᓂᖅ ᓂᕆᔭᐅᒐᔭᕐᑐᓂᑦ ᐅᓪᓘᑉ ᐃᓗᐊᓂ ᓂᕆᔭᐅᒐᔭᕐᑐᓂ ᐊᐅᓪᓚᑐᓄᑦ ᐅᕝᕙᓘᓐᓃᑦ ᓱᖃᑦᓯᒋᐊᕐᑐᑐᓄᑦ.
• ᐊᑐᐃᓐᓇᕈᕐᑎᕈᓐᓇᓗᓂ ᐊᑦᔨᒌᖕᖏᑐᓂᑦ ᐃᓗᕐᕈᓯᑎᒍᑦ ᐃᒐᕈᓯᐅᓲᓂᑦ.

ᐃᓕᓐᓂᐊᑎᑦᓯᒍᑎ 5: ᐅᑭᐅᕐᑕᑐᒥ ᐆᒪᒐᓱᐊᕐᓂᖅ

• ᐃᓕᑕᕐᓯᒋᐅᕐᓴᓂᖅ ᐊᑦᑕᓈᕐᑑᒍᓐᓇᑐᓂ ᐊᒻᒪᓗ ᐊᑦᑕᓇᕐᑐᒦᑦᑌᓕᒪᓂᐅᑉ ᒪᓕᒐᖏᓐᓂ ᐊᑐᒋᐅᕐᓴᓂᖅ.
• ᑲᔪᓯᑎᓪᓗᒋᑦ ᐊᑐᕐᓗᒋᓪᓗ ᐅᐱᕐᖔᒥ ᐅᑭᐅᒥᓪᓗ ᐱᓪᓗᑯᒋᐊᓕᓕᕆᐅᑏᑦ.

ᐃᓕᓐᓂᐊᑎᑦᓯᒍᑎ 6: ᐱᕐᖁᓯᑐᙯᑦ ᐊᓐᓇᐅᒪᒐᓱᐊᕐᓂᒧᑦ ᐱᐅᓯᐅᒋᐊᓖᑦ

• ᐊᑐᕐᓗᒋᑦ ᐊᓐᓇᐅᒪᒐᓱᐊᕐᓂᒧᑦ ᐱᐅᓯᐅᒋᐊᓖᑦ ᑭᖑᕚᓄᑦ ᐁᑦᑑᑎᐅᓲᑦ ᐊᒻᒪᓗ ᒫᓐᓇ ᐊᑐᕐᑕᐅᓲᖑᖕᖏᓇᓱᑎᑦ.

ᐃᓕᓐᓂᐊᑎᑦᓯᒍᑎ 7: ᐱᒍᑦᔭᒥᓂᒃ ᑲᒪᒋᔭᖃᕐᓂᖅ Client approach

• ᓯᕗᓕᕈᓐᓇᓗᓂ ᓄᓇᓕᕐᔪᐊᓂ ᐊᓯᖏᓐᓂ ᐱᓯᒪᔪᓂᑦ ᐃᒻᒥᒎᕐᑎᑐᓂ ᑕᕐᕋᒥ ᐊᒻᒪᓗ ᐱᒍᑦᔨᒍᓐᓇᓯᐊᕐᓗᓂ.

ᐃᓕᓐᓂᐊᑎᑦᓯᒍᑎ 8: ᐱᐅᒃᑯᑎᓂᑦ ᐊᒻᒪᓗ ᐱᓇᓲᑎᓂᑦ ᓯᖁᒥᓯᒪᔪᓐᓂᐊᓂᖅ

• ᑲᒪᒋᓗᒋᑦ ᑭᓯᑦᓯᓃᑦ ᐊᒻᒪᓗ ᐱᓇᓲᑏᑦ.
• ᐊᑑᑎᖃᑦᑕᓗᒋᑦ ᓯᖁᒥᑦᑎᓯᑦᑌᓕᒪᒐᓱᐊᕐᓃᑦ ᐱᐅᓯᐅᔪᑦ.

ᐃᓕᓐᓂᐊᑎᑦᓯᒍᑎ 9: ᐊᓃᕐᓂᑯᑦ ᓱᖃᑦᓯᐅᑏᑦ ᓄᓇᕕᒻᒥ

• ᐊᓃᕐᓂᑯᑦ ᓱᖃᑦᓯᖃᑦᑕᓂᖅ ᑕᕐᕋᒥ.
• ᐃᓕᓐᓂᐊᓂᖅ ᐱᓇᓱᐊᕐᓂᑯᑦ ᑲᒪᒋᐅᕐᓴᓂᒃᑯᑦ ᐊᒻᒪᓗ ᖃᐅᔨᓴᕐᓂᑯᑦ ᓄᓇᖕᖑᐊᓂ.

ᐃᓕᓐᓂᐊᑎᑦᓯᒍᑎ 10: ᐊᑐᐃᓐᓇᕈᕐᑎᕆᓂᖅ ᓄᓇᕕᒻᒦᓂᐅᓛᕐᑐᓂ  stay in Nunavik

• ᐸᕐᓇᓗᒋᑦ ᐅᐸᑦᑕᐅᓛᕐᓂᐊᑐᑦ ᐊᒻᒪᓗ ᓱᖃᑦᓯᐅᑏᑦ ᐊᒻᒪᓗ ᐃᓂᓕᐅᕆᖃᑕᓗᓂ.
• ᐸᕐᓇᓗᒋᑦ ᐱᓇᓲᑏᑦ ᐊᒻᒪᓗ ᐃᖏᕐᕋᐅᑎᒋᔭᐅᔪᑦ, ᓂᕿᕆᔭᐅᒐᔭᕐᑐᑦ ᐊᒻᒪᓗ ᓇᓃᓐᓂᕆᒐᔭᕐᑕᖏᑦ.

ᐃᓕᓐᓂᐊᑎᑦᓯᒍᑎ 11: ᑲᒪᔨᐅᓂᖅ ᐃᓗᕐᕈᓯᓐᓂᐊᓂᒃᑯᑦ ᓱᖃᑦᓯᑎᑦᓯᓂᖃᕐᑎᓗᒋᑦ ᓄᓇᕕᒻᒥ

• ᓱᖃᑦᓯᓂᖃᕐᑎᖃᑦᑕᓗᒋᑦ ᐊᓕᐊᓇᕐᑐᓂᒃ ᐊᒻᒪᓗ ᐅᐊᕈᑦᔨᑐᕐᓗᒋᑦ ᐱᓇᓱᓐᓂᑯᑦ ᐅᑭᐅᕐᑕᑐᒥ ᑲᒪᔩᑦ.
• ᓱᕐᖄᑎᕐᓗᒋᑦ ᐱᔪᓐᓇᐅᑎᑎᑦ ᐊᒻᒪᓗ ᐱᓇᓱᐊᕈᓐᓇᓂᑎᑦ ᐊᐅᓚᑦᓯᓂᒃᑯᑦ ᐃᓗᕐᕈᓯᓐᓂᐊᓂᒃᑯᑦ ᓱᖃᑦᓯᐅᑎᓂᑦ..

ᐃᓕᓐᓂᐊᑎᑦᓯᒍᑎ 12: ᑐᓴᐅᒪᑎᑕᐅᓂᖅ ᓇᒻᒥᓂᒃ ᐱᓇᓱᒐᕐᒥᒃ ᐱᒋᐊᖕᙰᓂᕐᒧᑦ

• ᐃᓕᑕᕐᓯᒋᐅᕐᓴᓂᖅ ᐃᒻᒥᓂᕿᓗᑎᑦ ᓇᓗᓇᖕᖏᑐᓂᑦ ᓇᒻᒥᓂᒃ ᐱᓇᓱᒐᖃᕐᓂᒨᓕᖓᔪᐃᑦ ᐃᓗᓕᖏᓐᓂᑦ.
• ᑐᑭᓯᓴᕐᓗᒋᑦ ᐅᒃᑯᐃᓯᓂᕐᒧᑦ ᐱᐅᓯᐅᒋᐊᓕᓐᓂᑦ.
• ᓇᓗᓀᕐᓗᒋᑦ ᐱᓇᓱᒐᕐᒥᒃ ᐱᒋᐊᖕᙰᓂᕐᒧᑦ ᐱᓇᓱᐊᖃᑎᒋᒐᔭᕐᑕᒥᓂᑦ.

ᐃᓕᓐᓂᐊᑎᑦᓯᒍᑎ 13: ᐋᕐᕿᓱᐃᓂᖅ ᓄᓇᕕᒻᒥ ᓱᖃᑦᓯᓂᐅᕋᔭᕐᑐᓂᑦ

• ᖃᐅᔨᓴᕐᓗᒋᑦ ᓱᖃᑦᓯᓂᕐᒧᑦ ᐱᐅᓯᐅᓛᕐᑐᑦ ᒪᓕᓪᓗᒋᑦ ᓄᑖᑦ ᐱᓂᐊᕐᓂᕆᔭᐅᓲᑦ.
• ᖃᐅᔨᒪᓗᓂ ᖃᓄᖅ ᐊᑐᓕᕐᑎᓯᕆᐊᖃᕐᒪᖔᑕ ᓱᖃᑦᓯᑎᑦᓯᓂᐅᒐᔭᕐᑐᓂᑦ ᐊᒻᒪᓗ ᐱᕕᑦᓴᓂᑦ ᑎᒍᓯᖃᑦᑕᓗᓂ.

ᐃᓕᓐᓂᐊᑎᑦᓯᒍᑎ 14: ᑲᒪᔨᐅᖃᑦᑕᓗᓂ ᐅᐱᕐᖔᒥ ᐅᑭᐅᒥᓪᓗ ᓄᓇᕕᒻᒥ

• ᑕᒪᒃᑯᐊ ᐃᓕᓐᓂᐊᑎᑦᓯᒍᑏᑦ ᐱᕕᑦᓴᖃᕐᑎᓯᕗᑦ ᓯᕗᓂᕐᒥ ᑲᒪᔨᐅᓂᕐᒥᒃ ᓄᓇᑐᐃᓐᓇᒥ ᐊᒻᒪᓗ ᐊᑑᑎᖃᑦᑕᓗᒋᑦ, ᐅᐱᕐᖔᖑᑎᓪᓗᒍ ᐊᒻᒪᓗ ᐅᑭᐅᖑᑎᓪᓗᒍ.
• ᑲᒪᒋᔭᖃᖃᑦᑕᓗᓂ ᓯᕗᓕᖃᑦᑕᓗᓂᓪᓗ ᐱᕐᖁᓯᐅᔪᓂ ᓯᓚᒥ ᓱᖃᑦᓯᑎᑦᓯᓂᒃᑯᑦ.
• ᓇᓗᓀᔦᖃᑦᑕᓗᓂ ᐊᑐᐃᓐᓇᕈᕐᑎᑕᐅᕆᐊᓕᓐᓂᑦ ᐸᕐᓇᑕᐅᒪᔪᐃᑦ ᑎᑭᓐᓂᕆᓛᕐᑕᖏᓐᓄᑦ ᐊᒻᒪᓗ ᓱᖃᑦᓯᑎᑦᓯᒍᓐᓇᓂᖃᕐᓗᓂ.

ᐱᔭᕆᐅᕐᓴᑕᐅᓚᖓᒍᓂ ᑲᓱᕐᓗᓂᒋᑦ ᐅᑯᐊ:

• ᐃᑎᕈᓐᓇᕕᖃᕐᓗᑎᑦ ᐅᑭᐅᕐᑕᑐᒥ ᒪᙯᑦᓯᔨᐅᓂᕐᒧᑦ ᓄᓇᕕᒻᒥᑦ ᐱᒍᓐᓇᐅᑎᑖᕐᑎᑕᐅᒍᓐᓇᕕᓕᒻᒥᒃ ᐃᓕᓐᓂᐊᕕᒻᒪᕆᒻᒥᒃ ᐃᓕᓐᓂᐊᓯᒪᓂᕐᒥᒃ ᐅᒃᑯᐃᖔᑦᓯᐊᑐᖅ ᑭᓇᑐᐃᓐᓇᒧᑦ ᐱᒋᐅᕐᓴᔭᐅᓯᒪᔪᒧᑦ ᐱᒋᐅᕐᓴᔭᐅᑎᑕᐅᓯᒪᔪᓂᒃ, ᓱᖅᑯᐃᑕᐅᓯᒪᔪᓄᑦ ᐃᓕᓐᓂᐊᕕᒻᒪᕆᒻᒧᑦ ᐊᒻᒪᓗ ᐅᑯᓂᖓ ᐱᐅᓯᖃᕈᓐᓇᓗᓂ:
• ᐅᓚᐱᑦᓯᓯᒪᓗᓂ ᐃᓕᓐᓂᐊᑕᕕᓂᕐᒥᓂᒃ ᒪᕉᓂᒃ ᑐᖓᓕᕇᑦᑕᑑᓐᓂᒃ ᐃᓕᓐᓂᐊᓯᒪᓂᕐᓄᑦ ᐅᕝᕙᓘᓐᓃᑦ ᐊᑕᐅᓯᕐᒥᒃ ᐊᕐᕌᒍᕐᒥ ᐃᓕᓐᓂᐊᓯᒪᓗᓂ:
• ᓴᐳᑎᔭᐅᓯᒪᓗᓂ ᐊᖏᖃᑎᒌᑦᓯᒪᓂᖏᓐᓄᑦ ᐃᓕᓐᓂᐊᕕᒻᒪᕆᒻᒧᑦ ᐊᒻᒪᓗ ᐱᓇᓱᑦᑎᓯᔨᓄᑦ ᐅᕝᕙᓘᓐᓃᑦ ᑲᕙᒪᐅᑉ ᐱᓇᓱᐊᕐᑎᓯᒍᑎᒋᔭᖓᓄᑦ:
• ᐱᔭᕇᕐᓯᒪᓗᓂ ᐊᑕᐅᓯᕐᒥᒃ ᐊᕐᕌᒍᕐᒥᒃ ᐃᓕᓐᓂᐊᕕᒻᒪᕆᒻᒥᒃ ᐃᓕᓐᓂᐊᓯᒪᓂᕐᒥᒃ ᐊᕐᕌᒍᓕᒫᒥᒃ ᐅᖓᑖᓄᓪᓘᓃᑦ.

ᐱᔭᕆᐅᕐᓴᑕᐅᓚᖓᒍᓂ ᑲᓱᕐᓗᓂᒋᑦ ᐅᑯᐊ:

• ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓗᓂ ᐅᕝᕙᓘᓐᓃᑦ ᐊᓯᖏᓐᓂᒃ ᐱᒋᐅᕐᓴᔭᐅᓯᒪᓗᓂ ᐊᑑᑎᖃᕐᓂᕋᕐᑕᐅᔪᓂᒃ.
• ᐊᑦᔨᖓᓂᒃ ᐱᓇᓱᑦᓯᒪᓂᖃᕐᓗᓂ.
• ᐅᖃᓕᒪᕈᓐᓇᓂᖃᑦᓯᐊᓗᓂ.
• ᐱᐅᓯᖓ ᐃᑉᐱᒍᓱᑦᓯᐊᕈᓐᓇᑑᓂᖃᕐᓗᓂ.
• ᓄᓇᕕᒻᒥᐅᖑᓗᓂ.