ᑯᑦᓲᔭᓂᒃ ᐅᕕᓂᕈᕐᓯᒪᓐᓇᖅ
ᕕᕈᐊᕆ 28-ᖑᑎᓪᓗᒍ, ᐃᓕᓐᓂᐊᕖᑦ ᓄᓇᕕᓕᒫᒥ ᐃᓚᐅᓚᐅᔪᕗᑦ ᐊᑦᔨᒌᒥᒃ ᑐᕌᒐᖃᑎᒌᓐᓂᒧᑦ ᓵᓚᕐᖄᖃᕐᓂᖅ ᐱᑦᔪᑎᒋᑦᓱᒍ ᐊᑐᕐᓱᑎᒃ ᑯᑦᓲᔭᓂᒃ ᐅᕕᓂᕈᕐᓂᒃ ᐊᒻᒪᓗ ᐃᓚᐅᑦᓱᑎᒃ ᐊᑦᔨᒌᖕᖏᑐᓄᑦ ᓱᖃᑦᓯᑎᑦᓯᓂᐅᔪᓄᑦ ᐱᒍᒪᓕᕐᑎᓯᓂᕐᒧᑦ ᐃᓄᑦᓯᐊᖑᓂᕐᒥᒃ. ᑯᑦᓲᔭᓂᒃ ᐅᕕᓂᕈᕐᓯᒪᓐᓇᖅ ᐅᓪᓗᖓ ᐱᒋᐊᕐᓯᒪᔪᖅ ᑌᕕᑦ ᓯᐊᐳᑦ ᐊᒻᒪᓗ ᑦᓱᕌᕙᔅ ᐳᔦᔅ, ᒪᕐᕉᒃ ᐅᕕᒃᑲᕈᕐᓱᔫᒃ ᓱᕈᓰᒃ ᓅᕙᔅᑰᓴᒥᐅᔮᒃ, ᐋᕐᕿᓱᐃᔪᕕᓃᒃ ᐊᐅᑳᕐᓂᒥᒃ ᐱᐊᕋᖅ ᐃᓕᓐᓂᐊᕕᖓᓂ ᐃᓕᓐᓂᐊᑎᕈᕋᑖᖅ ᓵᓚᕐᖄᕆᔭᐅᖃᑦᑕᑎᓪᓗᒍ ᑯᑦᓲᔭᒥᒃ ᐅᕕᓂᕈᕐᓯᒪᑦᓱᓂ. ᑌᕕᑦ ᐊᒻᒪᓗ ᑦᓱᕌᕙᔅ ᓄᐃᔪᕕᓃᒃ ᐃᓕᓐᓂᐊᕕᒻᒧᑦ ᕿᓪᓕᑐᒃᑭᓱᑎᒃ ᑕᑕᑦᑐᓂᒃ ᑯᑦᓲᔭᓂᒃ ᐅᕕᓂᕈᕐᓂᒃ ᐊᒻᒪᓗ ᑐᓂᔨᔪᕕᓃᑦ ᐱᐊᕋᕐᓄᑦ ᐃᑎᕐᑐᓕᒫᓄᑦ ᐅᒃᑯᐊᒥ. ᑌᒃᑯᐊ ᓵᓚᕐᖄᖃᖃᑦᑕᑐᑦ ᑕᑯᒐᒥᒃ ᐃᑲᔪᕐᓂᖏᓐᓂᒃ ᐃᓕᓐᓂᐊᑎᒥᒃ ᓵᓚᕐᖄᕆᖃᑦᑕᑕᒥᓂᒃ, ᓵᓇᕐᖄᖃᕐᓂᖅ ᓄᕐᖃᑐᕕᓂᖅ!
ᑲᑎᕕᒃ ᐃᓕᓴᕐᓂᓕᕆᓂᖅ ᐃᓚᑦᔪᒍᓱᓐᓂᒧᑦ ᐃᓕᓐᓂᐊᕕᖃᕐᓂᒥ ᐱᓇᓱᖃᑎᒌᑦ ᖃᐅᔨᒪᔨᖏᑦ ᐃᓕᓐᓂᐊᑎᑦᓯᔩᑦ ᐊᒻᒪᓗ ᐃᓕᓐᓂᐊᕈᑎᑦᓴᓕᐅᕐᓂᒧᑦ ᐃᓱᐊᕐᓭᔩᑦ ᑐᑭᑖᓯᒪᔪᑦ, ᓅᕕᒻᐱᕆᒥ ᑲᑎᖕᖓᓂᖓᓂ ᑲᖏᕐᓱᐊᓗᑦᔪᐊᒥ, ᐃᓚᐅᓕᕐᓂᒧᑦ ᓯᓐᑎᐊ ᑯᑦᕉᒧᑦ, ᑲᑎᕕ ᐃᓕᓴᕐᓂᓕᕆᓂᕐᒥ ᓵᓚᕐᖄᖃᕐᑎᓯᑦᑌᓕᓂᕐᒧᑦ ᐃᓕᓐᓂᐊᕈᑎᑦᓴᓕᐅᕐᓂᒥᒃ ᐃᓱᐊᕐᓭᔨ, ᐊᒻᒪᓗ ᐅᓇᒻᒥᓱᑦᑎᓯᓂᕐᒧᑦ ᐃᓕᓐᓂᐊᕕᓕᒫᓂᒃ ᓄᓇᕕᒻᒥ ᑲᔪᓯᑎᑦᓯᓂᕐᒥᒃ ᐅᓂᒃᑲᐅᓯᖏᓐᓂᒃ ᑌᕕᑦ ᐊᒻᒪᓗ ᑦᓱᕌᕙᔅ “ᐃᓄᑦᓯᐊᖑᓂᖅ ᐊᕗᖔᓗᕈᓐᓇᖁᖅ, ᐊᒻᒪᓗ ᐃᓘᓐᓇᑕ ᐊᓯᑦᔩᓂᖃᓪᓚᕆᒍᓐᓇᕋᑦᑕ!”
ᐃᓚᑦᔪᒍᓱᓐᓂᒧᑦ ᐃᓕᓐᓂᐊᕕᖃᕐᓂᒥ ᐱᓇᓱᖃᑎᒌᑦ ᐊᒻᒪᓗ ᓯᓐᑎᐊ ᑯᑦᕉ ᐱᒋᐊᕐᑎᓯᓯᒪᕗᑦ ᐅᓇᒻᒥᓱᑦᑎᓯᓂᕐᒧᑦ ᐱᖓᓲᓕᖓᔪᓂᒃ ᐊᓪᓗᕆᐊᕈᑎᓂᒃ. ᐊᓪᓗᕆᐊᕈᑎ 1: ᑲᔪᖏᕐᓭᓂᕐᒧᑦ ᐃᓘᓐᓇᖏᓐᓂᒃ ᐊᑐᕐᓂᒥᒃ ᑯᑦᓲᔭᒥᒃ ᐃᓕᑕᕆᔭᐅᒍᑎᖃᑦᑎᓗᒍ ᐃᓄᑦᓯᐊᖑᓂᕐᒧᑦ ᐊᓯᓄᑦ ᐊᒻᒪᓗ ᒪᑭᑕᖃᑎᒌᓐᓂᒧᑦ ᓴᓚᕐᖄᖃᕐᓂᒧᑦ. ᐊᓪᓗᕆᐊᕈᑎ 2: ᐅᑦᑐᕋᕐᓗᑎᑦ ᓱᖃᑦᓯᒍᑎᒥᒃ ᐅᑯᐊᑕᒑᕈᑎᑦᑎᓂᒃ ᐊᓪᓚᓯᒪᔪᓂᒃ (ᐃᖏᕐᕋᔭᑲᓐᓂᒧᑦ ᑐᑭᓕᕇᑦᑎᓂᖅ, ᐃᓄᑦᓯᐊᖑᓂᕐᒧᑦ ᐅᓇᒻᒥᓱᑦᑎᓯᓂᖅ, ᐊᒻᒪᓗ/ᐅᕝᕙᓘᓐᓃᑦ ᑫᕙᓗᐊᕐᓯᒪᓗᑎᒃ ᐅᖄᖃᑎᒌᓐᓂᖅ). ᐊᓪᓗᕆᐊᕈᑎ 3: ᐊᑦᔨᖑᐊᒥᒃ ᐊᐅᓪᓚᑎᑦᓯᕕᒋᑎᒍᑦ ᐅᓪᓗᖓᓂ ᐊᑦᔨᒌᒥᒃ ᑐᕌᒐᖃᕐᓂᒧᑦ ᓴᓚᕐᖄᖃᕐᓂᒥᒃ ᐱᑕᖃᕈᓐᓀᑎᑦᓯᒐᓱᐊᕐᓂᒧᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᕕᖏᓐᓂ ᐊᒻᒪᓗ ᓄᓇᕕᐅᑉ ᓄᓇᓕᖏᓐᓂ.
ᑲᑎᕕᒃ ᐃᓕᓴᕐᓂᓕᕆᓂᕐᒥ ᐱᓇᓱᑦᑏᑦ ᐊᒻᒪᓗ ᐃᓕᓐᓂᐊᑏᑦ ᐱᓇᓱᐊᕐᓂᖃᓪᓚᕆᓚᐅᔪᕗᑦ, ᓴᓇᒍᓐᓇᓚᕆᓐᓂᒥᓂᒃ, ᐱᓇᓱᖃᑎᒌᒍᓐᓇᓂᕐᒥᓂᒃ, ᑲᔪᓯᑦᓯᐊᕈᓐᓇᓂᕐᒥᓂᒃ, ᐊᒻᒪᓗ ᑐᓂᓯᒪᑦᓯᐊᓂᕐᒥᓂᒃ ᑖᑦᓱᒧᖓ ᐱᓇᓱᐊᕐᑲᑕᐅᔪᒧᑦ. ᑕᑯᒋᐊᒃᑭᑦ ᓱᓇᓱᐊᕐᓂᕕᓂᖏᑦ ᐃᓕᓐᓂᐊᕕᓕᒫᑦ ᐱᒍᒪᔭᐅᑎᑦᓯᒐᓱᐊᕐᓂᒧᑦ ᐃᓄᑦᓯᐊᖑᓂᕐᒥᒃ ᐊᒻᒪᓗ ᓄᕐᖃᑎᑦᓯᓂᕐᒧᑦ ᓵᓚᕐᖄᖃᕐᓂᒥᒃ ᓄᓇᕕᓕᒫᒥ!
ᐃᒍᐊᕐᓯᕕᒃ ᐃᓕᓐᓂᐊᕕᖓ ᐃᓚᑦᔪᒍᓱᓐᓂᒥᒃ ᐃᓕᓐᓂᐊᕕᖃᓂᒥᒃ ᑲᑎᒪᔨᖏᑦ ᑐᓂᔨᓚᐅᔪᕗᑦ ᑯᑦᓲᔭᓂᒃ ᓂᐊᖂᑎᓂᒃ ᐱᓇᓱᑦᑎᓕᒫᓄᑦ ᑕᑯᑦᓴᑎᑦᓯᖁᑦᓱᒋᑦ ᐱᓇᓱᖃᑎᒌᓐᓂᖏᑦ ᓴᐳᑦᔨᓱᑎᒃ ᖃᓄᐃᖕᖏᓯᐊᕐᓂᖏᓐᓂᒃ ᐃᓕᓐᓂᐊᑎᒥᑦᑕ. ᐅᓪᓘᑎᓪᓗᒍ, ᐃᓘᓐᓇᑎᒃ ᐃᓚᐅᓚᐅᔪᔪᑦ ᓂᕆᐅᓇᖕᖏᑐᒥᒃ ᐃᓄᑦᓯᐊᖑᓂᕐᒧᑦ ᖃᓄᐃᓘᕆᓂᕐᒧᑦ ᐅᓇᒻᒥᓱᑦᑎᓯᓂᕐᒧᑦ. ᐃᓚᖏᑦ ᐃᓕᓐᓂᐊᑏᑦ ᓀᑦᑐᒥᒃ ᑕᑯᓐᓇᕋᑦᓴᓕᐅᓚᐅᔪᕗᑦ ᐃᑲᔪᕐᑕᐅᓱᑎᒃ ᐃᓚᖏᓐᓄᑦ ᐃᓕᓐᓂᐊᑎᑦᓯᔨᓄᑦ. ᑕᑯᓐᓇᕋᑦᓴᑦ ᓄᐃᑕᑎᑕᐅᓚᐅᔪᕗᖅ ᐃᓕᓐᓂᐊᕕᓕᒫᒧᑦ ᑲᑎᒪᑎᑕᐅᑎᓪᓗᒋᑦ ᐅᖄᓂᖃᕐᓱᑎᓪᓗ ᐃᓄᑦᓯᐊᖑᓂᕐᒧᑦ ᖃᓄᐃᓘᕐᓂᒥᒃ ᐊᑐᕐᑕᕕᓂᕐᒥᓂᒃ ᐅᓪᓘᑎᓪᓗᒍ. ᐅᓪᓗᖅ ᓈᓚᐅᔪᖅ ᐃᓄᑦᓯᐊᖑᓂᕐᒧᑦ ᐱᖕᖑᐊᕈᑎᓂᒃ; ᓵᓚᓖᑦ ᓵᓚᖃᐅᑎᒥᓂᒃ ᐁᑦᑐᐃᓚᐅᔪᑦ ᐱᖃᑎᒥᓄᑦ ᐅᕝᕙᓘᓐᓃᑦ ᑭᓇᑐᐃᓐᓇᒧᑦ ᐅᐱᒋᔭᒥᓄᑦ.
ᐅᓪᓗᕆᐊᖅ ᐃᓕᓐᓂᐊᕕᖓ ᐃᓄᑦᓯᐊᖑᓂᕐᒧᑦ/ᓲᓱᑦᓴᓯᐊᕐᓂᒧᑦ/ᓵᓚᕐᖄᖃᕐᑌᓕᑎᑦᓯᓂᕐᒧᑦ ᐅᒃᑯᐊᒥᒃ ᓴᓇᖕᖑᐊᓕᐅᑎᑎᑦᓯᓚᐅᔪᕗᖅ ᐃᓕᓐᓂᐊᕆᐊᖕᖓᑐᓂᑦ ᐳᕐᑐᓂᕐᓴᒧᑦ 5-ᒧᑦ ᑎᑭᑦᓱᒍ. ᐃᓕᓐᓂᐊᑏᑦ ᐃᓱᐊᕐᓭᔨᖓ ᐱᑕᖃᕐᑎᓯᓚᐅᔪᕗᖅ ᑲᑎᒪᓂᐊᕈᓯᕐᒥᒃ ᖃᓄᖅ ᐱᖃᑎᑦᓯᐊᖑᒍᓐᓇᓂᕐᒥᒃ. ᐃᓕᓐᓂᐊᑏᑦ ᐃᓚᐅᓚᐅᔪᕗᑦ ᐃᓄᑦᓯᐊᖑᓂᕐᒧᑦ ᐅᓇᒻᒥᓱᑦᑎᓯᓂᕐᒥᒃ ᓇᓪᓕᑳᕈᓐᓇᑕᖏᓐᓂᒃ 10-ᓂᒃ ᐃᓄᑦᓯᐊᖑᓂᕐᒧᑦ ᐊᑐᕐᓗᒋᑦ. ᐱᓇᓱᐊᕈᓯᖅ ᑲᔪᓯᓚᐅᔪᖅ ᓵᓚᕐᖄᖃᕐᖄᔦᕐᑎᓯᒐᓱᐊᕐᓂᒧᑦ ᑕᕐᕋᓕᔮᓂᒥᒃ, ᐊᒻᒪᓗ ᓀᑦᑐᒥᒃ ᓵᓚᕐᖄᖃᕐᓂᑎᓯᑦᑌᓕᓂᕐᒥᒃ ᑕᕐᕋᓕᔮᒐᕐᒥᒃ ᓄᐃᑕᑎᑦᓯᓱᑎᒃ ᐃᓅᔭᖕᖑᐊᒥᒃ, “ᐹᑉ”, ᐅᓪᓗᕆᐊᕐᓗ ᐱᓇᓱᑦᑎᖏᑦ ᐊᒻᒪᓗ ᐃᓕᓐᓂᐊᑎᖏᑦ. ᐱᓇᓱᐊᕈᓯᐅᑉ ᐅᓪᓗᖓᓂ ᑭᖑᓪᓕᐹᒥ, ᐃᓕᓐᓂᐊᑏᑦ ᐃᙯᓕᓴᕐᕕᒥ ᓂᕈᑐᓂᖓᓃᓚᐅᔪᑦ ᐊᑎᖏᑦ ᐊᒧᔭᐅᖃᑦᑕᑎᓪᓗᒋᑦ ᓵᓚᖃᐅᑎᑖᕐᓂᒧᑦ ᐃᓱᓕᑎᑦᓯᓱᑎᒃ ᐃᓄᑦᓯᐊᖑᓂᕐᒧᑦ
ᐊᔭᒍᑕ ᐃᓕᓐᓂᐊᕕᖓᑕ ᐃᓕᓐᓂᐊᑎᖏᑦ ᐅᖄᓂᖃᓚᐅᔪᑦ ᓱᓇᐅᓂᖓᓂᒃ ᑯᑦᓲᔭᒥᒃ ᐅᕕᓂᕈᕐᓯᒪᓇ ᐃᓕᓐᓂᐊᑏᑦ ᐃᓱᐊᕐᓭᔨᖓᓗ. ᐅᕕᒐᕐᑐᐃᑦ ᑲᑐᑦᔨᖃᑎᒌᖕᖏᑦᑕ ᓱᖃᑦᓯᑎᑦᓯᔨᖏᑦ, ᐃᓕᓐᓂᐊᑎᑦᓯᔩᑦ ᐊᒻᒪᓗ ᐊᓯᖏᑦ ᐃᓕᓐᓂᐊᕕᒻᒥ ᐱᓇᓱᑦᑏᑦ, ᐃᓕᓐᓂᐊᕕᒻᒥ ᑭᒡᒐᑐᕐᑎ, ᐯᕆᑦᓯᕕᒻᒥ ᐊᒻᒪᓗ ᐱᖓᓱᑦ ᐳᓕᓰᑦ ᐃᓘᓐᓇᑎᒃ ᐃᓚᐅᓚᐅᔪᕗᑦ ᐃᓕᓐᓂᐊᑎᓄᑦ ᐱᓱᑦᑎᓗᒋᑦ ᐊᕐᖁᑎᒃᑯᑦ ᕿᑎᕋᓕᕇᒥ ᐊᒻᒪᓗ ᐱᓱᓐᓂᖃᕐᓱᑎᒃ ᓄᓇᓕᓐᓂ ᐱᒍᒪᓕᕐᑎᓯᓂᕐᒧᑦ ᐃᓄᑦᓯᐊᖑᓂᕐᒥᒃ ᐊᒻᒪᓗ ᐅᖃᕐᓂᖃᕐᓱᑎᒃ ᓵᓚᕐᖄᖃᕐᓂᖅ ᓈᒻᒪᖏᒋᐊᖓ
ᔮᓂᒻᒪᕆᒃ ᐃᓕᓐᓂᐊᕕᖓᑕ ᐳᒃᑭᓂᕐᓭᖏᑦ ᐃᓕᓐᓂᐊᑏᑦ ᑯᑦᓲᔭᓂᒃ ᐊᑐᓚᐅᔪᑦ. ᐳᕐᑐᓂᓖᑦ 5-6-ᓂᒃ ᐃᓕᓐᓂᐊᑏᑦ ᐱᐅᔫᒍᓐᓇᓂᕐᒥᓂᒃ ᓄᐃᑕᑎᑦᓯᓚᐅᔪᑦ ᑮᒃᑭᐊᕈᐊᐱᓐᓂᒃ ᓴᓇᔭᐅᒪᔪᓂᒃ ᑮᒃᑭᓴᔭᐅᖕᖏᑐᒥᑦ, ᖁᓕᐊᕈᑦᓯᓯᒪᑦᓱᑎᒃ ᒥᑭᔪᓂᒃ ᐃᓄᑦᓯᐊᖑᓂᕐᒧᑦ ᐅᖄᔪᓂᒃ, ᐁᑦᑐᑑᑎᕕᓃᑦ ᐃᓄᓐᓄᑦ ᐃᓄᑦᓯᐊᕕᓂᕐᓄᑦ ᑖᒃᑯᓄᖓ. ᑌᑲᓂ ᐊᕐᕌᒍᑕᒫᑦ ᑐᖓᓕᕆᓕᕐᑕᖓᓂ ᔮᓂᒻᒪᕆᒃ ᓵᓚᕐᖃᖃᕐᑎᓯᒃᑌᓕᓂᕐᒧᑦ ᑲᑎᖃᑎᒌᓐᓂᖓᓄᑦ, ᐃᓘᓐᓇᑎᒃ ᐊᓕᐊᓱᓚᐅᔪᑦ ᐱᖕᖑᐊᕈᑎᓂᒃ, ᐊᑦᑐᑕᐅᓐᓇᑐᓂᒃ ᐅᖄᔪᓂᒃ, ᓂᑦᔭᓗᑦᑖᓂᕐᒧᑦ ᐊᒻᒪᓗ ᓵᓚᖃᐅᓯᐊᕐᓂᒧᑦ!
ᓴᐅᑦᔪᐃᑦ ᐃᓕᓐᓂᐊᕕᖓ ᐳᕐᑐᓂᓖᑦ 3 ᐊᒻᒪᓗ 4-ᓂᒃ ᐅᖄᓚᐅᔪᕗᑦ ᐳᒃᑭᓂᕐᓴᓄᑦ ᐃᓕᓐᓂᐊᑎᓄᑦ ᖃᕆᑕᐅᔭᒃᑯᑦ ᓴᓚᕐᖄᖃᕐᓂᐅᑉ ᒥᑦᓵᓄᑦ. ᐳᒃᓂᕐᓭᑦ ᐃᓕᓐᓂᐊᑏᑦ ᕿᓂᔭᕐᓂᖃᓚᐅᔪᕗᑦ ᐱᖕᖑᐊᑎᑕᐅᑦᓱᑎᒃ. ᐃᓕᓐᓂᐊᑏᓪᓗ ᐊᑭᓐᓇᒥᐅᑕᓕᐅᓚᐅᔪᕗᑦ “ᐃᓕᒌᑦ ᐊᕕᑦᑐᓯᒪᔪᓄᑦ” ᐃᓕᒌᑦ ᐊᕕᑦᑐᓯᒪᔪᑦ ᐋᕐᕿᑕᐅᒪᔪᑦ ᐃᑲᔪᕐᓯᓂᕐᒧᑦ ᐱᑦᔪᑎᖃᕐᓱᑎᒃ ᐃᓕᓐᓂᐊᑎᓂᒃ ᐊᒻᒪᓗ ᐃᓕᓐᓂᐊᑎᑦᓯᔨᓂᒃ ᑲᑎᑎᑦᓯᓂᕐᒧᑦ ᐃᓕᓐᓂᐊᕕᒻᒥ. ᐱᐅᔪᓂᓕᒃ ᐃᓕᓐᓂᐊᑎᓄᑦ ᑲᑎᖃᑎᒌᑦᑎᓯᓂᖅ ᐱᓇᓱᖃᑎᒌᑦᑎᓯᑦᓱᓂ ᑐᕌᕐᑕᒥᓄᑦ ᐊᑕᐅᑦᓯᑯᑦ ᐱᓇᓱᖃᑎᒌᓐᓂᑯᑦ. ᐅᑭᐅᕆᓐᓂᓭᑦ ᐃᓕᓐᓂᐊᑏᑦ ᐃᑦᔭᕋᑦᓴᓯᐊᖑᒋᐊᖃᕐᖁᑦ ᓄᑲᕐᓯᓄᑦ. ᐱᓇᓱᑦᑏᑦ ᐊᒻᒪᓗ ᐃᓕᓐᓂᐊᑏᑦ ᐳᕐᑐᓂᓖᑦ ᐊᑦᔨᒌᖕᖏᑐᓂᒃ ᐊᕕᑦᑐᓯᒪᕗᑦ ᑖᒃᑯᓄᖓ ᐃᓕᒌᑦ ᐊᕕᑦᑐᓯᒪᔪᑦ, ᐅᕝᕙᓘᓐᓃᑦ ᐃᓚᒌᑦ ᐊᕕᑦᑐᓯᒪᔪᑦ, ᐊᑐᓂᑦ ᐆᒪᔪᖁᑎᖃᕐᓱᑎᒃ. ᐃᓕᓐᓂᐊᕕᒻᒥ ᐃᓚᐅᔪᑦ ᑲᑎᓲᖑᕗᑦ ᐃᓕᒥᓄᑦ ᐃᓕᒌᓂ ᐊᕕᑦᑐᓯᒪᔪᓂ ᑲᑎᖃᑎᒌᓐᓂᖃᑲᐱᓲᖑᑦᓱᑎᒃ ᐸᓀᓂᕐᒧᑦ ᓱᖃᑦᓯᓂᕐᒧᑦ ᐊᒻᒪᓗ ᖃᓂᑦᑕᕇᓕᐅᒥᓂᕐᒧᑦ.
ᐃᓱᒻᒪᓴᕐᕕᒃ ᐃᓕᓐᓂᐊᕕᖓ ᐃᓕᓐᓂᐊᑏᑦ ᐊᒻᒪᓗ ᐱᓇᓱᑦᑏᑦ ᓴᓇᓚᐅᔪᕗᑦ ᐊᒡᒐᐅᑎᓂᒃ ᐱᖃᑎᒌᓐᓂᒧᑦ ᐃᓄᑦᓯᐊᖑᓂᕐᒥᒃ ᓄᐃᑕᑎᑦᓯᓱᑎᒃ ᐊᒻᒪᓗ ᓴᓚᕐᖄᖃᕐᓂᒥᒃ ᓄᐃᑎᑦᓯᑌᓕᓂᕐᒧᑦ.
ᐊᓯᒪᐅᑦᑕ ᐃᓕᓐᓂᐊᕕᖓᑕ ᐱᓇᓱᑦᑎᖏᑦ ᐊᒻᒪᓗ ᐃᓕᓐᓂᐊᑏᑦ ᑲᑎᖃᑎᖃᓚᐅᔪᕗᑦ ᓄᓇᓕᒻᒥᐅᖑᖃᑎᒥᓂᒃ ᑫᕙᓪᓚᖓᑦᓱᑎᒃ ᓯᓚᒥ ᐅᖄᓂᖃᕐᓱᑎᒃ ᓵᓚᕐᖄᖃᕐᓂᐅᑉ ᒥᑦᓵᓄᑦ ᐊᒻᒪᓗ ᐃᓄᑦᓯᐊᖑᓂᐅᑉ ᑲᑎᓂᖃᕐᓱᑎᒃ ᓯᓚᒥ.
ᑭᓪᓘᑕᖅ ᐃᓕᓐᓂᐊᕕᖓ ᙯᖁᔨᓚᐅᔪᕗᖅ ᐅᖄᑎᑦᓯᒋᐊᕐᑐᓱᓂ ᐃᓕᓐᓂᐊᑎᓄᑦ ᖃᓄᖅ ᐆᒥᓲᑎᖃᑎᒥᓂᒃ ᐋᕐᕿᖃᑎᖃᕈᓐᓇᓂᖏᓐᓂᒃ ᐊᒻᒪᓗ ᐱᐅᔪᓂᒃ ᐃᓚᓐᓈᖃᕐᓂᐅᑉ ᒥᑦᓵᓄᑦ. ᐃᓕᓐᓂᐊᑏᑦ ᐊᒻᒪᓗ ᐱᓇᓱᑦᑏᑦ ᑲᔪᖏᕐᓴᑕᐅᓚᐅᔪᕗᑦ ᐊᓐᓄᕌᕐᓯᒪᓂᕐᒧᑦ ᑯᑦᓲᔭᓂᒃ ᐅᕝᕙᓘᓐᓃᑦ ᐅᕕᓂᕈᕐᓂᒃ ᓵᓚᕐᖄᖃᕐᑎᑦᓯᑦᑌᓕᓂᕐᒨᓕᖓᔪᓂᒃ. ᐃᓕᓐᓂᐊᑏᑦ ᐅᓪᓗᖃᕐᑎᑕᐅᓚᐅᔪᕗᑦ ᐃᓕᓐᓂᐊᑏᑦ ᐃᓕᑕᕐᓯᔭᐅᓂᖓᑕ ᐅᓪᓗᖁᑎᖓᓂ.
ᐃᑯᓯᒃ ᐃᓕᓐᓂᐊᕕᖓᑕ ᐱᓇᓱᑦᑎᖏᑦ ᐊᒻᒪᓗ ᐃᓕᓐᓂᐊᑏᑦ ᑭᐊᑎᓯᒪᓚᐅᔪᕗᑦ ᐋᕐᕿᓱᕐᑕᐅᔪᕕᓂᕐᓂᒃ ᑕᕐᓴᖃᕐᓱᑎᒃ ᓴᕝᕕᑯᑦ ᐊᒻᒪᓗ ᑐᓄᐊᒍᑦ ᓴᓇᖕᖑᐊᑕᐅᔪᕕᓂᕐᓂᒃ ᐃᓕᓐᓂᐊᑎᓄᑦ ᒪᕐᕉᓄᑦ. ᐊᑐᓂᑦ ᐃᓕᓐᓂᐊᑎᑦᓯᔩᑦ ᓱᖃᑦᓯᑎᑦᓯᓂᖃᓚᐅᔪᕗᑦ ᐃᓕᓐᓂᐊᑎᒥᓂᒃ ᐅᖄᓂᖃᕐᓱᑎᒃ ᓵᓚᕐᖄᖃᕐᓂᐅᑉ ᒥᑦᓵᓄᑦ, ᑭᖑᓂᐊᓂ ᐊᑎᓕᐅᕐᓂᖃᓚᐅᔪᕗᑦ ᓵᓚᕐᑳᖃᕐᓂᕐᒥᒃ ᓄᕐᖃᑎᑦᓯᒐᓱᐊᕈᑎᓂᒃ ᐊᖏᕐᓯᒪᐅᑎᓂᒃ. ᑭᖑᓂᐊᓂ, ᐃᓘᓐᓇᑎᒃ ᓯᓚᓕᐊᓚᐅᔪᕗᑦ ᓱᑲᓕᐅᑎᓂᖃᕐᓱᑎᓪᓗ ᐱᖓᓱᓂᒃ ᓂᐅᖃᕐᓱᑎᒃ ᑲᔪᖏᕐᓭᓂᕐᒧᑦ ᐊᖏᖃᑎᒌᓐᓂᒥᒃ ᐊᒻᒪᓗ ᐱᓇᓱᖃᑎᒌᓐᓂᒥᒃ. ᐱᐅᔪᓚᐅᔪᕗᖅ ᑕᑯᒋᐊᒥᒃ ᐊᒥᓱᓂᒃ ᖁᖓᑦᑐᓂᒃ ᐊᒻᒪᓗ ᐃᓕᓐᓂᐊᑎᓂᒃ ᓂᑯᕐᕋᔪᓂᒃ ᐊᑕᐅᑦᓯᑯᑦ ᐱᐅᑦᓴᖏᓐᓂᒧᑦ ᓵᓚᕐᖄᖃᕐᓂᒥᒃ. ᐃᑯᓯᒃ ᐃᓕᓐᓂᐊᕕᖓ ᓂᕆᐅᓐᓂᖃᕐᖁᖅ ᑕᕐᕿᑕᒫᑦ ᑯᑦᓲᔭᓂᒃ ᑭᐊᑎᓯᒪᖃᑦᑕᓂᕐᒥᒃ ᐋᕐᕿᓱᐃᓂᕐᒧᑦ ᓲᖑᔪᒥᒃ ᐃᓕᓐᓂᐊᕕᒻᒥᐅᖑᖃᑎᒌᓐᓂᒧᑦ ᓂᖁᕐᕋᖃᑎᒌᓲᓄᑦ ᓵᓚᕐᖄᖃᕐᓂᒥᒃ ᓄᖑᑎᕆᒐᓱᐊᕐᓱᑎ.
ᐊᕐᓴᓂᖅ ᐃᓕᓐᓂᐊᕕᖓ ᓱᖃᑦᓯᑎᑦᓯᓂᖃᓚᐅᔪᕗᖅ ᐃᓕᓐᓂᐊᕆᐊᖕᖓᑐᓂᑦ ᐳᕐᑐᓂᕐᓴᒧᑦ 5-ᒧᑦ ᐃᓗᒃᑯᑦ ᐃᑉᐱᓂᐊᕐᓂᖅ ᐱᑦᔪᑎᒋᑦᓱᒍ ᐊᒻᒪᓗ ᖃᓄᖅ ᐃᓄᒃ ᐃᑉᐱᓂᐊᕈᓐᓇᓂᖓᓂᒃ ᓵᓚᕐᖄᕆᔭᐅᖃᑦᑕᓂᕐᒧᑦ. ᒫᒃ ᐋᑕᒥ ᐃᑦᔭᕋᑦᓴᓯᐊᖑᓚᐅᔪᕗᖅ ᐊᒻᒪᓗ ᐃᓕᓐᓂᐊᑏᑦ ᕿᒥᕐᕈᐊᓂᒃ ᐁᑦᑐᐃᖃᑦᑕᓚᐅᔪᕗᑦ ᓇᒻᒪᒑᖓᓂᒃ ᐅᖁᒣᓪᓕᑎᑦᓯᒐᓱᐊᕐᓱᑎᒃ.
ᑕᕐᓴᑲᓪᓚᑦ ᐃᓕᓐᓂᐊᕕᖓ ᐋᕐᕿᓱᐃᔪᕕᓂᖅ ᐃᒪᐃᑦᑐᒥᒃ, “50 ᐊᑦᔨᒌᖕᖏᑐᑦ ᐃᓄᑦᓯᐊᖑᒍᑎᐅᒍᓐᓇᑐᑦ ᐃᓕᓐᓂᐊᕕᒻᒥ”. ᐊᑐᓂᒃ ᐃᓕᓐᓂᐊᑏᑦ ᐊᓪᓚᑐᕕᓃᑦ ᐃᓄᑦᓯᐊᖑᒍᑎᐅᒍᓐᓇᑐᓂᒃ ᐊᓯᓄᑦ ᐊᓪᓚᕕᑦᓵᐱᒻᒥ ᓂᐱᓲᕐᑕᓕᒻᒥ ᑕᐃᒪ ᐃᓘᓐᓇᑎᒃ ᐊᓪᓚᓯᒪᔪᑦ ᓂᐱᑎᕐᑕᐅᓯᑦᓱᑎᒃ ᐊᓪᓚᓯᒪᔪᖃᐅᑎᒥ ᐃᓘᓐᓇᖏᓐᓄᑦ ᐊᓪᓚᓂᐊᕐᑕᐅᒍᓐᓇᑐᑦ.
ᐱᑕᑲᓪᓚᐅᑉ ᐃᓕᓐᓂᐊᕕᖓᓂ ᐃᓕᓐᓂᐊᑏᑦ ᐱᓇᓱᑦᑏᓗ ᑯᑦᓲᔭᒥᒃ ᐅᕕᓂᕈᓯᒪᖁᔭᐅᓚᐅᔪᕗᑦ. ᑖᓐᓇ ᐅᖄᑎᑦᓯᓂᖃᓚᕿᓚᐅᔪᖅ ᓱᓇᑐᐃᓐᓇᓂᒃ ᐱᔭᕆᐊᑭᑦᑐᓂᒃ ᐊᑐᕐᑕᐅᒍᓐᓇᑐᓂᒃ ᐋᕐᕿᓱᐃᓂᕐᒧᑦ ᓭᒪᓂᖃᕐᓂᒧᑦ ᐊᒻᒪᓗ ᐱᓇᓱᖃᑎᒌᑦᓯᐊᓂᕐᒧᑦ (ᒪᕐᕉᒃ ᐱᑕᑲᓪᓚᒥ ᐃᓪᓕᓇᕐᑐᖁᑎᖏᒃ).
ᐁᓐᓇᓕᒃ ᐃᓕᓐᓂᐊᕕᖓᓂ ᑯᑦᓲᔭᓂᒃ ᐅᕕᓂᕈᕐᓯᒪᓐᓇᓯᐅᓚᐅᔪᑦ ᕕᕈᐊᕆ 14-ᒥ – ᓇᓪᓕᒍᓱᓐᓇᒥ – ᓇᓪᓕᓂᕐᒥᒃ ᐃᕐᐸᑎᑦᓯᒐᓱᐊᕐᓱᑎᒃ ᐃᓕᓐᓂᐊᕕᓕᒫᒥ. ᐱᓇᓱᐊᕈᓯᓕᒫᒥ ᑖᓐᓇ ᐱᑦᔪᑎᒋᔭᐅᓚᐅᔪᕗᖅ, “ᓇᓪᓕᓂᖅ ᓂᐸᕆᓐᓂᓴᐅᕗᖅ”. ᐅᕕᒐᕐᑐᐃᑦ ᑲᑐᑦᔨᖃᑎᒌᖏᑦ ᐊᒻᒪᓗ ᐳᓚᕋᓚᐅᔪᕗᑦ ᖃᕆᐊᓕᒫᓄᑦ ᐃᓕᓐᓂᐊᕕᓄᑦ ᑲᑎᒪᓂᐊᕈᓯᖃᕐᑎᓯᒋᐊᕐᑐᓱᑎᒃ ᓴᓚᕐᖄᖃᕈᓐᓀᑎᑦᓯᒐᓱᐊᕐᓂᒧᑦ ᐃᓕᓐᓂᐊᑎᓕᒫᓂᒃ. ᐃᓕᓐᓂᐊᑏᑦ ᐊᒻᒪᓗ ᐱᓇᓱᑦᑏᑦ ᒥᖑᐊᖕᖑᐊᓂᖃᓚᐅᔪᕗᑦ ᐊᖏᔪᒥᒃ ᓇᐹᕐᑐᒥᒃ ᑐᕐᓲᑯᑖᒥ ᐃᒪᐃᓕᔪᕐᑕᓕᒻᒥᒃ, “ᐊᑕᐅᑦᓯᑯᑦ ᓱᕐᕃᓂᖃᕈᓐᓇᖁᒍᑦ”. ᓇᐹᕐᑐᒥ, ᐃᓕᓐᓂᐊᑏᑦ ᓂᕕᖕᙰᓚᐅᔪᕗᑦ ᑯᑦᓲᔭᓂᒃ ᐅᒻᒪᑎᓂᒃ.
ᐱᒋᐅᕐᕕᒃ ᐃᓕᓐᓂᐊᕕᖓ ᐊᑐᓂᒃ ᖃᕆᐊᒥ ᐃᓕᓐᓂᐊᕖᑦ ᒥᖑᐊᖕᖑᐊᓂᖃᓚᐅᕐᑐᑦ ᐅᕕᓂᕈᕐᒥᒃ ᓵᓚᕐᖃᖃᕐᑎᓯᑦᑌᓕᓂᕐᒧᑦ ᐅᖃᐅᓯᕐᓂᒃ ᐊᒻᒪᓗ ᐊᓪᓚᖑᐊᕐᓱᑎᒃ. ᐅᑭᐅᑭᓐᓂᓭᑦ ᐱᐊᕃᑦ ᓵᓚᕐᖄᖃᕐᓂᒥᒃ ᐋᓂᒥᒃ ᐅᖄᔪᕕᓃᑦ, ᐃᓕᓐᓂᐊᑎᓂᒃ ᐃᑲᔪᕐᑎᒥᒃ ᐱᒍᓐᓇᐅᑎᓕᒻᒥᒃ. ᐅᑭᐅᕆᓐᓂᓭᑦ ᐱᐊᕃᑦ ᓈᓚᑦᑎᓗᒋᑦ ᐅᓂᒃᑳᑐᐊᒥᒃ ᓵᓕᐅᑉ ᒥᑦᓵᓄᑦ, ᑯᑦᓲᔭᐅᑦᓱᓂ ᐆᒪᔪᐊᓗᒃ ᑐᕐᓱᐊᑯᑖᓕᐊᓗᒃ, ᐊᒻᒪᓗ ᖃᓄᖅ ᓵᓕᐅᑉ ᐱᖃᑎᖏᑦ ᓴᐳᑦᔨᓯᒪᓐᓂᒪᖔᑕ ᓵᓕᒥᒃ ᓵᓚᕐᖄᖃᕐᓂᒧᑦ ᑕᐅᑦᑐᓕᐅᕐᓱᑎᒃ ᐃᒻᒥᓂᒃ ᑯᑦᓲᔭᒧᑦ.
ᐃᓕᓐᓂᐊᑐᓕᕆᕕᐅᑉ ᐱᒍᑦᔨᕕᖓ – ᑰᑦᔪᐊᖅ ᐱᓇᓱᑦᑏᑦ ᐃᓕᑕᕐᓯᓂᓖᑦ ᓵᓚᕐᖄᖃᕐᓂᖅ ᐱᓀᓗᑕᑑᖕᖏᓂᖓᓂᒃ ᐱᐊᕃᑦ ᐅᕕᒃᑫᓗ ᐊᑑᑎᔭᖓ. ᐃᓄᒻᒪᕆᐅᑦᓱᑕ, ᒪᑭᑕᖃᑎᒌᒋᐊᖃᕐᒥᔪᒍᑦ ᐊᒻᒪᓗ ᐃᓄᑦᓯᐊᖑᒋᐊᖃᕐᓱᑕ. ᐱᓇᓱᖃᑎᒌᑦᓯᐊᓂᕐᒥᒃ ᐃᑉᐱᓂᐊᓂᖃᓚᐅᔪᕗᖅ ᐊᒻᒪᓗ ᐃᑉᐱᒍᓲᑎᑦᓯᐊᓂᕐᒥᒃ ᐱᓇᓱᕝᕕᒥ ᑐᑭᒧᐊᑦᑎᓯᔨᐅᑦᓱᑕ, ᐃᓕᓐᓂᐊᕈᑎᑦᓴᓕᐅᕐᑎᐅᓱᑕ, ᐱᓇᓱᑦᑎᐅᓱᑕ ᐊᓪᓚᕕᒻᒥ ᐊᒻᒪᓗ ᐊᓯᖏᑦ ᐃᓘᓐᓇᑎᒃ ᐃᓚᐅᓂᖃᓚᐅᔪᕗᑦ ᐊᖏᖃᑎᒌᓐᓂᒥᓂᒃ ᑯᑦᓲᔭᓂᒃ ᐊᑐᕐᓱᑎᒃ ᐅᕕᓂᕈᕐᓂᒃ.
ᓇᑯᕐᒦᒃ ᐃᓘᓐᓇᓯᓐᓂᒃ ᓄᓇᕕᓕᒫᒥ ᐃᓚᐅᓚᐅᕐᑐᓂᒃ ᐱᔭᐅᒍᒪᓕᕐᑎᓯᒐᓱᐊᕐᑎᓗᑕ ᐃᓄᑦᓯᐊᖑᓂᕐᒥᒃ ᐊᒻᒪᓗ ᑐᓴᕋᑦᓴᒥᒃ ᑐᓴᕐᑕᐅᑎᑦᓯᑎᓪᓗᑕ ᓵᓚᕐᖄᖃᕐᓂᖅ ᓈᒻᒪᖏᒋᐊᖓ. ᐃᓘᓐᓇᑕ ᐃᓚᐅᒍᓐᓇᖁᒍᑦ ᐃᓄᑦᓯᐊᖑᖃᑎᒌᓪᓗᑕ ᐊᑐᓂᑦ ᖃᐅᑕᒫᓗ.
Isummaqsavik School students and staff made friendship bracelets to show kindness and prevent bullying.
Asimauttaq School staff and students joined together with community members in a circle outside to talk about bullying and kindness while connecting with nature.
Kiluutaq School invited guest speakers to talk to students about conflict resolution and healthy relationships. Students and staff were encouraged to wear either pink garments or their anti-bullying shirts. Students were celebrated during a special student recognition ceremony.
Ikusik School staff and students wore custom designed pink t-shirts with a logo on the front and back designed by two students. Each teacher did some activities with his or her class to discuss bullying, followed by all students signing an anti-bullying contract. Afterwards, everyone went outside and had a 3-legged race to encourage cooperation and teamwork. It was great to see so many smiling faces and students taking a stand together against bullying. Ikusik School hopes to do a Pink Shirt activity once per month to build a strong school community that stands together against bullying.
Arsaniq School did an activity for K-Secondary 5 about emotional baggage and how someone can feel weight on their shoulders when they are experiencing bullying. Mark Adams was their model and the students added books to make his backpack heavier.
Tarsakallak School planned an activity called, “50 ways I can be kind at school.” Each student wrote a way to be kind to others on a post-it note and then all notes were posted on a bulletin board for everyone to read.
Pitakallak School students and staff were invited to wear pink shirts. This started a dialogue about simple actions that can create harmony and unity (two of Pitakallak’s values).
Innalik School did their Pink Shirt Day on February 14th – Valentine’s Day – to help spread the love throughout the school. The entire week was devoted to the theme, “Love is Louder.” Youth Fusion and the SSP visited all classrooms to do anti-bullying workshops with the students. Students and staff also painted a huge tree in the lobby with the slogan, “Together We Can Make a Difference.” From the tree, students hung pink hearts.
Pigiurvik School classes each painted a t-shirt with anti-bullying words and images. The younger children talked about bullying with Annie, the student support professional. The older children listened to a story about Charlie, the pink elephant, and how Charlie’s friends protected him from bullying by colouring themselves pink as well.
Education Services – Kuujjuaq
Employees recognized that bullying is not just an issue facing children and youth. As adults, we must also stand up for one another and practice kindness. An atmosphere of teamwork and caring permeated the office as directors, ped. counsellors, office agents and others all joined in solidarity by wearing pink shirts.
Nakurmiik to everyone across Nunavik who joined us in promoting kindness and sharing the message that bullying is not OK. We can all do our part to be kind to one another each and every day.