ᑐᓴᐅᒪᔭᐅᑎᑦᓯᒋᐊᓪᓚᒐᓱᐊᕐᓂᒧᑦ ᐱᓇᓱᐊᕋᑦᓴᖏᓐᓂᒃ, ᐱᔭᕆᕙᑦᑕᖏᑦ ᐱᓇᓱᐊᕈᒪᑦᓯᐊᓂᖏᓐᓂᓗ ᐱᓇᓱᑦᑎᑕ, ᐊᕐᕿᓱᐃᒋᐊᓪᓚᑎᖁᑎᕗᑦ ᑐᑭᑖᓚᐅᔪᕗᑦ ᓄᐃᑦᓯᒍᒫᕐᓂᐊᓕᕐᓱᑎᒃ ᐅᓂᒃᑳᑐᐊᓕᐅᕐᓂᐅᑉ ᓴᓇᒻᒪᖓᕆᓂᐊᕐᑕᖓᓂᒃ: ᐊᓪᓚᓂᐊᕐᓱᑎᒃ ᓀᑦᑑᑎᓂᒃ ᑭᖑᓕᐊᕇᓂᒃ ᐱᓇᓱᒐᕐᒧᐊᖓᔪᓂᒃ, ᐊᐅᓚᑦᓯᕕᒻᒥ ᓇᓃᓐᓂᖓᓂᓘᓐᓃᑦ ᐊᑐᐊᕐᓯᔨᖁᑎᕗᑦ ᑐᑭᓯᒋᐊᓪᓚᖁᑦᓱᒋᑦ ᓱᓇᓂᒃ ᐱᓇᓱᐊᕋᓱᐊᕐᒪᖔᑕ.

ᑖᓐᓇ ᐊᓪᓚᓯᒪᔪᖅ ᓯᕗᓪᓕᐸᐅᑦᓱᓂ ᑭᖑᓕᐊᕇᓄᑦ ᓄᐃᑕᐅᕗᖅ ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᓐᓂᒧᐊᖓᔪᓂ (CSS).

ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᓐᓂᒃ ᓄᐃᑫᓐᓇᑲᓪᓚᑐᖅ

ᖃᐅᔨᒪᔭᐅᓪᓚᕆᕋᑕᖕᖏᑐᖅ ᐃᓄᓕᒫᓄᑦ, ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᓐᓂᒃ (CSS) ᐱᓇᓱᐊᓲᒍᕗᖅ ᑲᒪᒋᔭᖃᕐᓱᓂ ᐃᓅᓕᕆᓂᕐᒥᒃ, ᐃᑉᐱᓂᐊᓂᕐᓂᒃ ᐊᒻᒪᓗ ᐃᓕᓴᕇᑎᓯᑦᓯᐊᕋᓱᐊᕐᓂᓂ ᐃᓕᓵᓂᑦ/ᐃᓕᓐᓂᐊᑎᓂᑦ ᖃᓄᐃᖕᖏᓯᐊᕐᓂᖏᓐᓂᓗ ᐃᓕᓭᔩᑦ/ᐃᓕᓐᓂᐊᑎᑦᓯᔩᑦ ᖃᐅᔨᔭᐅᑎᑦᓯᒐᓱᐊᕐᓂᒥᑦ.

ᐱᒋᐊᓪᓚᐅᑎᐊᓗᐊᖕᖑᐊᒥᔪᖅ, ᑲᒪᒋᔭᖃᕋᓱᐊᓪᓚᖕᖑᐊᒥᔪᑦ “ᐃᑉᐱᒋᔭᐅᑎᑦᓯᓕᐅᒥᒐᓱᐊᕐᓱᑕᓗ ᖃᓄᖅ ᖁᐊᕐᓵᓇᕐᑐᑰᕐᓃᖅ ᓱᕐᕃᓯᒪᒍᓐᓇᒪᖔᑦ ᐃᓕᓵᑉ/ᐃᓕᓐᓂᐊᑎᐅᑉ ᐃᓕᑦᓯᒍᓐᓇᓂᖓᓂᒃ ᐃᓅᖃᑎᖃᕆᐅᕐᓴᐸᓪᓕᐊᓂᖓᓂᓗ ᐃᓕᓴᕐᕕᒥ/ᐃᓕᓐᓂᐊᕕᒥ ᓄᓇᓕᒻᒥᓗ ᐱᒋᐅᕐᐸᓕᐊᑦᓯᐊᓂᕆᒐᔭᕐᑕᖓᓂᒃ, ᐃᓕᓵᑦ/ᐃᓕᓐᓂᐊᑏᑦ ᐱᓇᓱᑦᑏᓗ ᖃᓄᐃᖕᖏᓯᐊᕐᓂᖓᓂᓗ.

ᐊᓕᓴ ᑐᕐᐱᓐ ᓵᒻᓴᓐ, ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᓐᓂᒃ ᑐᑭᒧᐊᕐᑎᓯᔨ 2021-ᒥᓂᑦ, ᐅᖄᔪᖅ ᐱᔭᖃᕈᒪᓪᓚᕆᓂᕐᒥᒃ ᑕᒪᑦᓱᒥᖓ ᐊᑦᔨᐅᖏᑦᑐᒥ ᐱᔭᖃᕋᓱᐊᕐᓂᒥᒃ: “ᑭᖕᖒᒪᒋᔭᐅᓪᓚᕆᑐᑦᓂᒃ ᐱᒐᓱᐊᒻᒪᕆᐅᑎᖃᓲᒍᕗᒍᑦ, […] ᑲᔪᓯᔪᒥᒃ ᐃᓕᓴᕐᑕᐅᑎᑦᓯᒐᓱᐊᕐᓱᑕ ᐃᓄᐃᑦ ᐱᐅᓯᑐᖃᖏᓐᓂᒃ ᐱᓯᒪᔪᓂᒃ.” ᐱᒋᐊᕐᓂᖓᓂ, ᓄᐃᑕᓪᓚᕆᑦᑎᓯᒻᒥᔪᖅ ᐱᒻᒪᕆᐅᓂᖓᓂᒃ ᐱᓇᓱᖃᑎᖃᕐᓂᖅ ᐊᑦᔨᒌᖕᖏᑐᓂᒃ ᐃᓕᓴᕐᕕᓂᒃ/ᐃᓕᓐᓂᐊᕕᓐᓂᒃ ᓱᓕᔫᖕᖑᐊᑎᐅᔪᓂᒃ ᐱᒍᑦᔨᒍᑕᐅᔪᓂᓪᓗ ᒪᓂᔭᐅᒪᔪᓂᒃ ᐃᓱᐊᕐᓯᓕᑎᕆᕙᑦᓱᑎᒃ:

“ᑐᑭᓯᒋᐊᖃᕐᑐᑎᑦ ᐱᔭᑦᑖᕐᑎᓯᒋᐊᓪᓚᑐᐃᓐᓇᕈᒪᑦᔭᖏᓐᓇᑕ ᐅᓪᓗᑕᒫᕐᑎᐅᑎᒋᔭᐅᔪᓂᒃ ᐃᓕᓴᕐᕕᒥ/ᐃᓕᓐᓂᐊᕕᒻᒥ ᐊᐅᓚᑦᓯᔨᖁᑎᑦᑎᓂᒃ ᐃᓕᓭᓕᓂᒃ/ᐃᓕᓐᓂᐊᑎᓯᔨᓂᓪᓗ. ᐱᔭᑦᓴᑖᕐᑎᒋᐊᓪᓚᕈᒪᖕᖏᑕᕗᑦ ᐱᓇᓱᐊᕆᓯᖏᓐᓂᓘᓐᓃᑦ ᐊᓯᑦᔨᑐᐃᒐᓱᐊᕋᑕ”, ᑐᑭᓯᑎᑦᓯᓚᐅᕐᑐᖅ ᐅᖄᒍᑎᒃᑯᑦ/ᐅᖄᓚᐅᑎᒃᑯᑦ ᐊᓕᓴ ᑐᕐᐱᓐ ᓵᒻᓴᓐ.

ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᒻᒥ ᐱᓇᓱᑦᑏᑦ ᒪᓂᔨᓲᒍᕗᖅ ᐊᑦᔨᒌᖕᖏᑐᓂᒃ ᓴᓇᕐᕈᑎᓂᒃ: ᓇᔪᒉᑦ ᐃᓱᓕᕕᖏᓐᓂᒃ, ᐄᓅᓯᕐᒥᑦ ᑐᑭᓯᕙᓪᓕᐊᓂᐅᑉ ᐊᓯᑦᔨᕙᓪᓕᐊᓂᖓᓂᒃ (TLS), ᐃᑉᐱᒍᓱᓐᓂᐅᑉ ᓱᖏᐅᑎᒐᓱᐊᕐᓂᖓᑕ ᐃᓕᓴᕐᕕᐅᑉ/ᐃᓕᓐᓂᐊᕕᐅᑉ ᐊᕙᑎᖓᓂᒃ, ᐃᓅᑦᓯᐊᓂᕐᒥ ᓴᐳᒻᒥᓂᕐᒧ ᖃᓄᐃᖕᖏᓯᐊᕋᓱᐊᖏᓐᓇᓕᒫᕐᓂᒥᓪᓗ ᐊᑑᑎᒋᐅᕐᓴᓂᕐᓂᒃ, ᐊᓯᖏᓐᓂᓗ.

ᓴᑐᕐᓇᓕᓐᓂᕐᒥᒃ ᐊᑑᑎᒐᓱᐊᓯᓂᖅ

ᐊᕐᕕᑕᕈᓐᓇᖏᕐᓯᒪᒐᓗᐊᕐᓱᑕ ᓄᓇᓕᐅᔪᓄᑦ –ᖃᓂᒪᓇᖅ-19ᒥᑦ ᐱᑦᔪᑎᖃᕐᓱᑕ – ᑕᑯᓐᓇᓗᒋᑦ ᐃᓕᓴᕆᐊᕐᑐᓗᒋᑦ ᓴᐳᒻᒥᒋᐊᕐᑐᓗᑕᓗ ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᒻᒥ ᐱᓇᓱᑦᑏᑦ ᐋᕐᕿᒋᐊᕐᓯᒪᓕᕐᖁᑦ ᐱᒍᑦᔨᓭᓇᓂᕐᒥᓂᒃ ᒪᓂᔨᓯᒪᑦᓱᑎᒃ ᓴᐳᒻᒥᓱᑎᓪᓗ ᓄᑖᓂᒃ ᐱᓇᓱᐊᕋᑦᓴᓂᒃ.

“ᐱᓇᓱᐊᕋᑦᓭᑦ? ᑕᒪᒃᑯᐊᑕᒐ ᑲᒪᒋᔭᕗᑦT. […] ᐊᑐᕐᑕᐅᒍᓐᓇᓯᐊᕐᓂᐊᑎᓪᓗᒋᑦ ᐃᓕᓭᔨᓄᑦ/ᐃᓕᓐᓂᐊᑎᑦᓯᔨᓄᑦ [ᐊᒻᒪᓗ] ᐊᑐᕐᑕᐅᓯᐊᖁᑦᓱᒋᑦ ᐊᑑᑎᔭᐅᔪᑦ, […] ᐋᕐᖀᒋᐊᕐᓯᒪᕗᒍᑦ ᑲᒪᒋᐊᕈᓯᕐᑎᓂ ᐃᓕᓴᕐᕕᓂ/ᐃᓕᓐᓂᐊᕕᓐᓂ ᐊᑐᓂ ᓄᓇᓕᓐᓂᓗ,” ᑐᑭᓯᓇᕐᑎᓯᔪᖅ ᓯᐊᔪᓪ ᓴᒧᐊᕐ, ᐃᓕᓴᕐᓂᒧᑦ/ᐃᓕᓐᓂᐊᓂᕐᒧᑦ ᖃᐅᔨᒋᐊᕐᕕ ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᒻᒥ, ᖁᖓᑦᓱᓂ.

ᐃᓚᒋᐊᓪᓚᐅᑎᒃ, ᐱᓇᓱᐊᕐᓱᑕ ᓄᓇᓖᑦ ᑭᖕᖒᒪᒋᔭᖏᓐᓂᒃ – ᐱᓇᓱᐊᖃᑎᖃᕐᓱᑕᓗ ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᒻᒥ ᐱᕕᑦᓴᑖᕐᕕᖓᓂ ᐃᓕᓭᔩᑦ/ᐃᓕᓐᓂᐊᑎᓯᔩᑦ, ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᐃᓕᓴᕐᕕᓂ/ᐃᓕᓐᓂᐊᕕᓐᓂ ᐃᓕᓭᔨᓂ ᐊᒻᒪᓗ ᐃᓛᓐᓂ ᐃᓕᓵᓂᒃ/ᐃᓕᓐᓂᐊᑎᓂᒃ ᓴᐳᒻᒥᔨᓂ ᐱᓇᓱᑦᑎᓚᕆᓐᓂᒃ (SSPs) – ᓄᐃᑦᓯᓯᐊᕋᓱᐊᓲᒍᕗᑦ ᐱᐅᔪᒥᒃ, ᐊᑦᑕᓀᑦᑐᒥᒃ, ᑲᔪᓰᓐᓇᓕᒫᕐᑐᒥᒃ, ᓇᓗᓇᕿᖕᖏᓯᐊᓱᓂ ᐃᓗᕐᕈᓯᒧᐊᖓᑦᓯᐊᓱᓂ ᓴᓇᒪᔪᒥᑦ.

ᐊᒥᓱᑦ ᐃᓕᓴᕐᕖᑦ/ᐃᓕᓐᓂᐊᕖᑦ ᐊᑐᓕᕇᕐᑐᑦ ᑕᑯᓐᓇᕈᓐᓇᐅᑎᓂᒃ ᓄᐃᑦᓯᖃᑦᑕᓱᑎᓗ ᐊᑦᔨᒌᖕᖏᑐᓂᒃ ᐱᔭᑦᓴᓂᒃ ᑐᕌᒐᖃᕐᓱᑎᒃ ᐃᓕᓵᒥᒃ/ᐃᓕᓐᓂᐊᑎᒥᒃ ᐊᓂᒎᑎᑦᓯᐊᑎᓯᒐᓱᐊᕐᓱᑎᒃ. ᐋᓪᓛᑦ ᓄᐃᑦᓯᓚᕿᓯᒪᓕᕐᑐᐃᑦ ᐊᑦᔨᒌᖕᖏᑐᓂᒃ ᑲᔪᓯᒋᐊᕈᑎᓂᒃ. ᓄᓇᓕᑉᐱᑦ ᐃᓕᓴᕐᕕᖓᑕ Facebookᑎᒍᑦ ᒪᑉᐱᑐᒐᖓ ᖃᐅᔨᒐᓱᐊᖃᑦᑕᓗᒍ ᑕᑯᓐᓇᕋᓱᐊᕐᓗᑎᒃ ᓱᓀᑦ ᓴᕐᕿᑎᑕᐅᓛᓕᕐᒥᒪᖔᑕ ᓯᕗᓂᕐᒥ ᓄᐃᑕᐅᔪᑦᓴᓂ!

ᐅᑕᕐᕿᓂᕐᓂ, ᖃᐅᔨᒋᐊᕈᓐᓇᑭᕗᑎᑦ ᓴᑐᕐᓇᓕᓐᓂᑦ ᐃᓕᓐᓂᐊᕕᖃᕐᓂᓂᒃ ᐱᒍᑦᓯᕕᒻᒥ (CSS) ᒪᑉᐱᒐᖓᓂ ᑐᑭᓯᒋᐊᑦᓯᐊᕈᒪᒍᕕᑦ ᖃᕆᑕᐅᔭᕐᑎᒍᑦ ᓴᕐᕿᑎᒃᓯᐅᑎᑦᑎᓂ: https://www.kativik.qc.ca/in/compassionate-approach/