ᑖᓐᓇ ᐃᓕᓴᒐᑦᓴᖅ ᑐᕌᖓᑎᑕᐅᕗᒃ ᓄᓇᖃᕐᑐᓄᑦ ᓄᓇᓕᓐᓄᑦ ᐊᐃᕕᐅᔪᓄᑦ.

ᑖᓐᓇ ᑲᑎᒪᓂᐊᕈᓯᖅ ᒪᓂᒪᑎᑦᓯᕗᒃ ᓂᐱᑎᕆᔨᐅᑉ ᖃᐅᔨᒪᕐᖄᒋᐊᓕᖏᓐᓂᒃ ᐊᒻᒪᓗ ᖃᐅᔨᒪᔭᐅᒋᐊᓕᓐᓂᑦ ᐱᔭᑦᓴᖏᓐᓂᑦ. ᖃᐅᔨᒪᓂᕐᑖᓕᐅᒥᒐᔭᕐᖁᑎᑦ ᐱᓇᓱᐊᒐᕐᒥᑦ ᓂᐱᑎᕆᓂᑦᑎᒍᑦ.

ᑖᓐᓇ ᐊᑦᔨᖃᖕᖏᑐᖅ ᑲᑎᒪᓂᐊᕈᓯᖅ ᐱᕕᑦᓴᖃᕐᑎᓯᕗᒃ ᐊᒡᒐᒥᑎᒍᑦ ᐱᓇᓱᐊᕐᓂᒥᒃ ᓂᐱᑎᕆᓂᖅ ᐱᓇᓱᐊᒐᖅ ᒪᓂᒪᑎᑦᓯᒪᖔᑦ.

ᐱᓇᓱᐊᒐᓪᓗᑯᐊᐲᑦ ᑭᖕᖒᒪᕆᔭᐅᒻᒪᕆᓲᑦ, ᐊᒻᒪᓗ ᓂᐱᑎᕆᓂᖅ ᐃᓚᒋᔭᐅᒻᒥᑎᓪᓗᒍ. ᓂᐱᑎᕆᓂᖅ ᐱᓇᓱᐊᒐᖅ ᐊᑦᔨᐅᖏᑦᑐᑎᒍᑦ ᐱᓇᓱᐊᕋᐅᕗᒃ. ᐊᒥᓱᓂᓗ ᐱᓇᓱᐊᒐᕐᓂᑦ ᐱᕕᑦᓴᖃᕐᑎᓯᑦᓱᓂ.

ᐃᓕᓴᕐᑐᖃᒍᓂ ᓂᐱᑎᕆᓂᕐᒥᑦ ᐊᒥᓱᓂᑦ ᐱᕕᑦᓴᑖᑎᓯᒐᔭᕐᑐᖅ. ᐃᓚᔭᐅᑎᑦᓯᒍᓐᓇᓱᓂᓗ ᐱᒍᓐᓇᓯᐊᕐᑕᓃᕕᑦ, ᑕᐃᒪᐃᓐᓂᑯᖓᓄᑦ ᐃᓕᓐᓂᑦ ᐊᓐᓂᓇᕐᑎᓯᒍᓐᓇᓱᓂ ᐱᓇᓱᐊᕐᑎᐅᓂᕐᒥᑦ.

ᐱᓇᓱᐊᒐᖃᒍᓐᓇᓯᒐᔭᕐᖁᑎᑦ ᐱᓇᓱᐊᕐᕕᓂᑦ ᐱᓪᓗᑯᐊᐱᒋᐊᓕᓐᓂᑦ ᓯᖁᒥᑦᓯᒪᔪᓂᑦ ᐋᕐᕿᓱᐃᓂᕐᒥᑦ ᐊᒻᒪᓗ ᓴᓇᔭᐅᒋᐊᓪᓚᑖᒋᐊᓕᓐᓂᑦ, ᐃᓪᓗᓕᐅᕐᑐᓂᑦ, ᓴᓇᕕᒻᒪᕆᓂᑦ, ᐅᔭᕋᓐᓂᐊᑎᒃᑯᓂᑦ, ᐊᒻᒪᓗ ᓴᕕᕋᔭᓕᐅᕐᕕᓂᑦ, ᐃᑭᑦᑐᑦ ᐅᖃᑐᐃᓐᓇᑕᒃᑲ.

ᐱᓗᐊᖕᖑᐊᑐᒥᑦ, ᐃᓕᑦᓯᒐᔭᕐᖁᑎᑦ:

• ᐊᑐᐃᓐᓇᕈᑦᑎᓂᕐᒥᑦ ᐊᑦᔨᒌᖕᖏᑐᓂᑦ ᒪᓃᓐᓂᖏᓐᓂᑦ
• ᐊᑦᑕᓈᕿᒍᓐᓇᐃᓗᑎᑦ ᓂᐱᑎᕆᐅᑎᓂᑦ ᐱᐅᓕᓂᐊᒐᖏᓐᓂᑦ/ ᓴᓇᕐᕈᑎᖏᓐᓂᓗ
• ᑐᑭᓯᒪᓂᕐᑖᓗᑎᓪᓗ ᐊᑦᔨᒌᖕᖏᑐᓂᑦ ᓂᐱᑎᕆᒍᓯᕐᓂᑦ
• ᓂᐱᑎᕆᓗᑎᑦ ᐊᑦᔨᒌᖕᖏᑐᓂᑦ ᓴᕕᕋᔭᕐᓂᑦ (ᓯᑎᔪᔭᖅ,ᐊᕿᑦᑐᔭᖅ, ᐊᓯᖏᓐᓂᓗ).
• ᓱᒃᑯᓯᒪᔪᓂᑦ ᐋᕐᖀᓂᕐᒥᑦ ᓄᓇᒃᑰᔫᕐᓚᓂᑦ ᐊᑐᕐᑕᐅᒡᒐᔪᓲᓂᑦ ᑕᕐᕋᒦᑦᑐᓂᑦ ᓄᓇᓕᓐᓂᑦ
• ᓱᒃᑯᓯᒪᔪᓂᑦ ᐋᕐᖀᓂᕐᒥᑦ ᒥᑭᔪᕐᓚᓂᑦ ᐃᖏᕐᕋᐅᑎᓂᑦ
• ᐱᖕᖑᑎᑦᓯᓂᕐᒥᓗ ᒥᑭᔪᓂᑦ ᐃᓱᕐᕉᑎᓂᑦ

ᑭᓇᑐᐃᓐᓇᑯᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᔪᑦ.

• ᐅᑭᐅᖃᒋᐊᓕᒃ 16-ᓂᑦ ᐅᖓᑖᓄᓪᓘᓐᓃᑦ
• ᓄᓇᕕᒻᒥᐅᒍᒋᐊᓕᒃ
• ᓄᓇᓕᒻᒥᐅᒍᒋᐊᓕᒃ ᐃᓕᓴᕐᑕᐅᔫᑉ ᓇᔪᓚᖓᔭᖓᓂᑦ( ᐊᐅᓪᓚᒍᑎᑦᓴᓂᑦ ᐱᑕᖃᕐᑎᓯᔭᖏᓪᓚᒍᑦ ᓄᓇᓕᐅᑉ ᓴᓂᓪᓕᖏᓐᓄᑦ)