ᑰᒃᔪᐊᖅ, ᓄᓇᕕᒃ, ᑯᐯᒃ (ᐆᒃᑑᐱᕆ 11, 2024) – ᐅᓪᓗᒥ ᔮᓂᒻᒪᕆᒃ ᐃᓕᓐᓂᐊᕕᒻᒥ ᐃᓕᓐᓂᐊᑏᑦ, ᑰᑦᔪᐊᖅ, ᐅᖃᓕᒪᖃᑎᖃᓚᖓᔪᐃᑦ ᑐᕃᓐᓇᑐᒃᑯᑦ ᐊᓂᕐᓂᖃᖕᖏᑐᓕᐊᕐᑎᒥᒃ ᓄᓇᕐᔪᐊᒥᐅᑦ ᖃᐅᔨᓴᕐᕕᖓᓃᑦᑐᒥᒃ ᐊᓂᕐᓂᖃᖕᖏᑐᒥ. ᐅᖄᖃᑎᒌᓛᕐᑐᑦ ᓄᓇᓕᕐᔪᐊᒥᐅᖑᖃᑎᒌᑦ ᐊᓂᕐᓂᖃᖕᖏᑐᒦᑦᑐᖁᑎᖓ ᐊᕐᖁᓵᓕᕐᐸᑦ ᓱᑲᓐᓂᖃᕐᓱᓂ 28 000 ᑭᓛᒥᑌᑦ/ᑫᕙᓪᓚᒍᓯᖅ, 400 ᑭᓛᒥᑕᓂ ᓄᓇᕐᔪᐊᑉ ᖁᓪᓕᖓᓂ.

“ᐊᓂᕐᓂᖃᖕᖏᑐᓕᐊᕐᑎᒥᒃ ᐅᖃᓕᒪᖃᑎᖃᕐᓗᓂ ᐱᕕᑦᓴᓯᐊᒻᒪᕆᐊᓗᒃ.  ᐃᓕᓐᓂᐊᑎᓂᒃ ᐱᕕᖃᕐᑎᓯᔪᖅ ᑐᕃᓐᓇᓗᑐᕐᑐᒥᒃ ᐊᑑᑎᒍᓐᓇᓯᑎᑦᓱᒋᑦ ᓱᑯᐃᔦᓂᕐᒥᒃ ᐊᒻᒪᓗ ᑲᔪᖏᕐᓴᑕᐅᒍᓐᓇᓱᑎᒃ ᖃᐅᔨᒋᐊᓪᓚᒐᓱᐊᕐᓂᒥᒃ ᓱᑯᐃᔦᓂᕐᒧᑦ ᐃᓕᖓᔪᓂᒃ ᓱᓇᑐᐃᓐᓇᓂᒃ”, ᐅᖃᓚᐅᕐᑐᖅ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᑭᐊᔨ ᑯᐁᑐ.

ᑖᓐᓇ ᐃᓕᒃᑰᑐᒥᒃ ᐱᓇᓱᐊᕐᑕᖅ ᑲᔪᓯᑎᑕᐅᓲᖅ ᓈᓚᐅᑎᓕᕆᔪᓄᑦ ᐊᓂᕐᓂᖃᖕᖏᑐᒥ ᖃᐅᔨᓴᕐᕕᒥ Amateur Radio on the International Space Station (ARISS), ᐃᑲᔪᕐᑎᒋᑦᓱᒋᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᒻᒪᓗ National Aeronautics and Space Administration (NASA).  ᑖᓐᓇ ᐱᓇᓱᐊᕐᑕᐅᔪᖅ ᑮᓇᐅᔭᖃᕐᑎᑕᐅᑦᓱᓂ ᒪᑭᕝᕕᑯᓐᓄᑦ, Canadian North-ᑯᓐᓄᑦ ᐊᒻᒪᓗ ᐃᓄᐃᑦ ᖃᖓᑦᑕᔫᖏᓐᓄᑦ.

ᐃᓕᓴᕐᓂᓕᕆᓂᖅ:

ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓐᓂᐊᓂᓕᕆᔨᒃᑯᑦ ᓄᓇᕕᒻᒥ, ᓄᐃᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᑖᓐᓇᑐᐊᖑᑦᓱᓂ ᐱᑕᖃᕐᑎᓯᔪᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒨᓕᖓᔪᑦ ᐱᓇᓱᐊᕐᑕᐅᔪᑦ ᐱᕙᓪᓕᐊᑎᓯᒪᔭᖏᑦ ᐃᓕᓐᓂᐊᓂᓕᕆᓂᐅᑉ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓂᑦ ᐃᓕᓐᓂᐊᕕᖏᓐᓂᑦ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑑᕐᖄᓱᑎᒃ ᐅᖃᐅᓯᕐᖄᒥᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᖃᕐᑎᓪᓗᒍ ᐅᖃᐅᓯᖓ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 18-ᓂᒃ ᐃᓕᓐᓂᐊᕕᓐᓂᒃ ᐳᒃᑭᓂᕐᓴᓂᒃ ᐳᕐᑐᓂᕐᓴᓂᓪᓗ ᐊᒻᒪᓗᑦᑕᐅ 6-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: kativik.qc.ca

— 30 —

ᑐᑭᓯᒪᐅᑎᑦᓴᓄᑦ, ᐅᓇ ᖃᐅᔨᒋᐊᕐᓗᒍ :

ᔮᑦ ᑑᓯᓅ-ᐱᐊᕐᓂᐁᕐ, ᑐᓴᐅᒪᖃᑎᒌᒍᑎᓄᐊᖓᔪᓂᒃ ᐊᑕᐅᑦᓯᑰᕐᑎᓯᔨ
(514) 482-8220 ext. 309| publicrelations@kativik.qc.ca