ᓂᕈᐊᕐᑕᐅᒪᔪᑦ
ᑭᒡᒐᑐᕐᑏᑦ
ᓄᓇᕕᒻᒥ, ᐃᓕᓴᕐᓂᓕᕆᓂᕐᒥ ᐊᐅᓚᑦᓯᓂᖅ ᓯᕗᓕᕐᑕᐅᓲᖅ ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓄᑦ. ᓄᓇᓕᓐᓂ ᐊᑐᓂᑦ, ᕿᑐᕐᖓᓖᑦ ᐊᒻᒪᓗ ᓄᓇᓕᒻᒥ ᐃᓄᖏᑦ ᐃᓚᐅᒍᓐᓇᕕᖃᕐᒥᔪᑦ ᐃᓕᓴᕐᓂᓕᕆᔨᓂ ᑲᑎᖕᖓᔨᐅᓗᑎᒃ.
ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ
ᐋᕐᕿᓱᕐᓯᒪᑦᓱᑎᒃ 14 ᐃᓄᐃᑦ ᓂᕈᐊᕐᑕᐅᔪᑦ ᐃᓘᓐᓇᖏᓐᓂᒃ ᓂᕈᐊᕐᓂᖃᕐᑎᓯᓂᒃᑯᑦ 3-ᐊᕐᕌᒍᓄᑦ ᑎᓕᔭᐅᒪᑎᓪᓗᒋᑦ, ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᐊᑕᐅᓯᕐᒥᒃ ᐃᓚᖃᓲᖑᒻᒥᔪᑦ ᑎᓕᔭᐅᓂᒃᑯᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᑐᕐᑎᖓᓂᒃ.
ᑕᑯᓚᖓᕗᑎᑦ ᐊᓪᓕᖏᓐᓃᑐᒥᒃ ᓀᓪᓕᑎᕆᐅᑎᒥᒃ ᐅᖄᓚᐅᓗᐊᖕᖑᐊᑐᕕᓂᕐᓂᒃ ᐃᓕᓐᓂᐊᓂᕐᒥᒃ ᓄᓇᓕᓐᓂ ᑭᒡᒐᑐᕐᑏᑦ ᖃᖕᒥᓂᑕᐅᓂᕐᐹᖓᓂᒃ ᑲᑎᒪᑎᓪᓗᒋᑦ. ᑲᑎᒪᓂᕐᒥ ᑐᓴᐅᒪᔭᐅᒋᐊᖃᓗᐊᖕᖑᐊᑐᑦ ᑖᒃᑯᐊ ᐃᓇᖐᖕᖏᑐᑦ ᐃᓕᓐᓂᐊᓂᕐᒥᒃ ᓄᓇᓕᓐᓂ ᑭᒡᒐᑐᕐᑏᑦ ᑲᑎᖕᖓᐅᑎᕕᓂᖏᑦᑕ ᐊᒡᓚᑕᐅᓯᒪᓂᖏᓐᓂᒃ.
ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᑲᑎᒪᓲᖅ ᐊᕐᕌᒍᒥ ᓯᑕᒪᕕᑦᓱᑎᒃ, ᑕᕐᕿᖏᓐᓂ ᐆᒃᑑᐱᕆ, ᑏᓯᒻᐱᕆ, ᒫᑦᔨ ᐊᒻᒪᓗ ᔫᓂ ᑲᑎᒪᕕᖃᕐᓂᓴᐅᑦᓱᑎᒃ. ᑲᑎᒪᓂᖃᕆᐊᓪᓚᒋᐊᖃᑐᐊᕋᒥᒃ ᑲᑎᖕᖓᒋᐊᓪᓚᓲᑦ ᑭᖕᖒᒪᓇᕐᓂᖓᑎᒍᑦ.
Ministère de l’Éducation du Québec (MEQ)
ᐊᑑᑎᒋᐊᓖᑦ ᑲᒥᓴᓇᐅᑉ ᐊᑦᔨᒐᓛᖓ ᐃᓕᑕᕆᔭᐅᒐᓂ ᖀᓇᐅᔭᓕᕆᔨᓐᓄᑦ ᐱᖑᑦᔨᓲᓐᓄᑦᑲᑎᖕᖓᔨᓐᓂᑦ ᐃᓕᓴᕐᕕᐅᑉ ᐱᒍᑦᔨᔨᖏᑦᑕ. ᐱᑦᔪᕆᑦᓱᒍ, ᑲᒥᓴᓇᐃᑦ ᐃᓚᐅᖁᔭᐅᓪᓚᕆᑦᑐᐃᑦ ᐃᓕᓐᓂᐊᓂᒻᒥ ᐱᕙᓪᓕᐊᔪᓐᓂᑦ ᑐᕐᖃᑕᕐᕕᑯᓄᑦ ᐃᓕᓐᓂᐊᓂᒻᒥ ᐃᓚᖏᓪᓗ.
ᑌᒣᑦᑑᒐᓗᐊᖅ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑲᕙᒪᐅᑎᑕᐅᖕᖏᑐᑦ ᐃᓕᓐᓂᐊᓂᒻᒥ ᒪᓕᒐᖓᓂᑦ (RLRQ, c. I-13.3 
), ᐃᓓᓐᓇᖏᑦ ᐃᓕᓐᓂᐊᒉᑦ ᐊᑐᒋᐊᓖᑦ ᒪᓕᒐᖓᓂᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᓂᐅᑉ ᐊᓪᓚᓄᑦ ᐃᓄᓐᓄᓗ ᒪᓕᒐᖏᓐᓂ ᐊᒻᒪᓗ ᓇᔅᑲᐱ ᓄᓇᖃᕐᖄᓯᒪᔪᐃᑦ ᐃᓄᖏᑦ (RLRQ, c. I-14 ).
ᐱᒻᒪᒋᐅᕗᖅ ᖃᐅᔨᒪᓪᓗᑎᑦ ᐃᓘᓐᓈᒍᑦ ᐊᐅᓚᑦᓯᔩᑦ ᐁᑦᑐᐃᒍᓐᓇᒪᑕ ᓇᒻᒥᓂᒻᒧᐊᓕᖓᔪᒻᒥᑦ ᐃᓕᓐᓂᐊᓂᒻᒥ ᑲᑎᖕᖓᔨᓐᓄᑦ ᑲᒥᓴᓇᐃᑦ. ᑕᒪᒃᑯᐊ ᐃᓕᓐᓂᐊᕖᑦ ᐃᓕᓭᓲᑦ ᐱᓇᓱᒐᕐᐱᑦ ᐊᑑᑎᒋᐊᓕᓐᓂᐅᕕᑦ ᐱᓇᓱᕋᓐᓂᐅᕕᓪᓗ, ᐅᑎᕐᑕᐅᕕᐅᑎᑦᓯᓂᕐᒥᓗ, ᐱᐅᓯᕐᓲᒋᐊᓕᖏᓪᓗ, ᐊᒻᒪᓗ ᐱᒍᓐᓇᓂᒻᒥᑦ ᓴᓇᕐᕈᑏᓪᓗ ᐊᑑᑎᒋᐊᓕᓐᓂ ᐱᓇᓱᐊᒍᓐᓇᓂᖃᓛᕐᓗᑎᒃ.
ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᕗᑦ
ᑲᑎᕕᒃ ᐃᓕᓴᕐᓂᓕᕆᓂᖅ ᑲᔪᓯᑎᑦᓯᓲᖅ ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᐊᒻᒪᓗ ᐳᕐᑐᓂᕐᓭᑦ ᑲᑎᖕᖓᔩᑦ ᒪᓕᒐᓕᐊᖏᓐᓂᒃ ᑐᑭᑖᕐᑕᖏᓐᓂᓗ. ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᖁᑦᓯᓂᕐᐸᐅᓱᑎᒃ ᐊᖓᔪᖄᕆᔭᐅᕗᑦ ᑖᒃᑯᓄᖓᓗ ᑲᔪᓯᒃᑫᔨ ᓵᑕᐅᒍᓐᓇᕕᖃᕐᓱᓂ.
ᐃᓕᓴᕐᓂᓕᕆᔩᑦ
ᐃᓕᓴᕐᓂᓕᕆᔩᑦ ᐋᕐᕿᓱᕐᑕᐅᓲᖑᕗᑦ ᓄᓇᓕᒻᒥ ᓄᓇᕕᒻᒥᐅᑦ ᓄᓇᓯᒪᔪᖏᓐᓂᑦ ᓂᕈᐊᕐᑕᐅᓂᖏᑎᒍᑦ ᑖᒃᑯᐊᓗ 2-ᐊᕐᕌᒎᓐᓄᑦ ᑎᓕᔭᐅᓯᒪᓲᖑᑦᓱᑎᒃ.
ᐃᓕᓐᓂᐊᓂᕐᒧᑦ ᑲᑎᒪᓂᕐᔪᐊᖅ
ᐱᐅᓯᕐᓲᑎᑎᒍᑦ ᑲᑎᖕᖓᓂᖏᑦᑕ ᐊᓯᐊᒎᒻᒥᔪᖅ, ᑎᓕᔭᐅᓯᒪᔪᑦ ᐃᓕᓴᕐᓂᓕᕆᔨᓂ ᑲᑎᖕᖓᔩᑦ ᐊᕐᕌᒍᒃ ᒪᕐᕉᒃ ᓈᑐᐊᕐᒪᑎᑕᒫᖅᐃᓕᓴᕐᓂᓕᕆᔩᑦ ᑲᑎᖕᖓᓂᖓᓄᑦ ᑲᑎᖕᖓᒋᐊᓲᖑᒻᒥᔪᑦ.
ᑖᓐᓇ ᖃᐅᔨᒋᐊᖃᑦᑕᐅᑎᕕᐅᑦᓱᓂ ᑲᑎᖕᖓᓂᒻᒪᕆ ᐱᕕᑦᓴᖃᕐᕕᒋᓲᖓᑦ ᑲᑎᒪᒍᑎᖃᕐᓂᒧᑦ ᐅᖄᒍᑎᖃᕐᓂᒧᓪᓗ ᓄᓇᓕᒻᒥ ᐃᓕᓐᓂᐊᓂᕐᒧᐊᖓᔪᓂᒃ ᐱᓇᓱᑦᑕᐅᓴᐅᑎᒋᒋᐊᓕᓐᓂᒃ.
ᑖᒃᑯᐊ ᑲᑎᖕᖓᓃᑦ ᖃᐅᔨᒪᑎᑦᓯᒍᑎᐅᓲᖑᒻᒥᔪᑦ ᐃᓕᓴᕐᓂᓕᕆᓂᕐᒥᒃ ᐊᒻᒪᓗ ᓄᓇᓕᓐᓂ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓂᒃ ᓄᓇᓕᓕᒫᓂ ᐃᓕᓐᓂᐊᓂᕐᒥ ᓇᒧᖕᖓᐸᓪᓕᐊᖁᔨᒻᒪᖔᑕ.
ᑲᑎᒪᓂᐅᓛᓕᕐᒥᔪᖅ ᑲᔪᓯᓛᕐᑐᖅ ᐁᕆᓕ 2026-ᒥ, ᑰᑦᔪᐊᒥ.