ᒫᑦᔨ 20-ᒥᑦ 22-ᒧᑦᐃᓕᓐᓂᐊᓂᕐᒥᑭᒡᒐᑐᕐᑏᑦᑲᑎᔪᕕᓃᑦᑲᖏᕐᓱᐊᓗᑦᔪᐊᒥ. ᑎᓕᔨᔪᕕᓃᑦᖃᔨᐊᑦᑭᓕᐅᑕᕐᒥᒃᑲᔪᓯᒃᑫᔨᐅᓂᕐᒧᑦᑲᑎᕕᒃᐃᓕᓴᕐᓂᓕᕆᓂᕐᒥ.

ᑌᒣᓲᑐᖃᐅᒻᒪᑕ, ᐱᓇᓱᒐᖓ ᐱᔭᐅᑎᑕᐅᒐᓱᐊᓛᕐᑐᖅ ᐃᓕᓴᕐᓂᓕᕆᓂᐅᑉ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᐱᓇᓱᑦᑎᑖᕋᓱᐊᕐᓂᖅ ᐱᒋᐊᕐᐸᑦ.

ᕕᕈᐊᕆ 23, 2018-ᒥ, ᐊᖓᔪᕐᖄᖅ, ᐊᖓᔪᕐᖄᑉ ᑐᖓᓕᖓ, ᒫᓐᓇᓯᐅᑎ ᖃᔪᓯᒃᑫᔨ ᐊᒻᒪᓗ ᑐᑭᒧᐊᑦᑎᓯᔨᖓ ᐱᐅᓕᓂᐊᒐᓕᕆᕕᐅᑉ ᐱᓇᓱᕝᕕᖓᑕ ᑲᑎᓯᓚᐅᔪᑦ ᐱᓇᓱᑦᑎᖏᓐᓂᒃ ᑐᕐᖃᑕᕐᕕᖓᑕ ᐃᓕᓐᓂᐊᓂᓕᕆᓂᐅᑉ, ᑐᖓᓕᖓ ᑐᕐᖃᑕᕐᕕᖓᓂ ᐃᓕᓐᓂᐊᓂᓕᕆᓂᐅᑉ ᐊᒻᒪᓗ ᑐᑭᒧᐊᑎᓯᔨᖏᓐᓂᒃ. ᑲᑎᖕᖓᓂᖓᑦ ᐱᑦᔪᑎᖃᓚᐅᔪᖅ ᐊᖏᕐᑕᐅᓂᑦᓴᖓᓂᒃ ᐅᑕᕐᕿᐊᕆᔭᐅᔪᒥᒃ ᐊᖏᕐᑕᐅᓂᑦᓴᖓᓄᑦ ᐃᓪᓗᓕᐅᕐᓂᐅᑉ ᐱᓇᓱᐊᕐᑕᐅᓂᑦᓴᖓᓄᑦ. ᒫᓐᓇᐅᔪᖅ, ᐃᓕᓴᕐᓂᓕᕆᓂᖅ ᐅᑕᕐᕿᔪᖅ ᐊᖏᕐᑕᐅᓂᑦᓴᖏᓐᓂᒃ ᖁᓕᓪᓗ ᒪᕐᕈᓗ ᐃᓪᓗᓭᑦ ᓴᓇᔭᐅᓂᑦᓴᖏᓐᓂᒃ ᐱᓇᓱᐊᕐᑕᐅᓂᑦᓴᖏᓐᓄᑦ ᐁᑦᑐᑎᐅᓯᒪᔪᓄᑦ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᕐᒥ ᐊᕐᕌᒍᓂ ᐱᖓᓱᓂ ᓈᓕᕐᑐᓂ.

ᐃᓚᐅᒋᐊᕈᑎᐅᑎᓪᓗᒍ, ᐃᓕᓴᕐᓂᓕᕆᓂᖅ ᐊᐱᕆᓚᐅᔪᖅ ᑐᕐᖃᑕᕐᕕᖓᓂᒃ ᐃᓕᓐᓂᐊᓕᕆᓂᐅᑉ ᕿᒥᕐᕈᖁᔨᑦᓱᑎᒃ ᐱᓇᓱᐊᕋᑦᓴᓂᒃ ᐊᖏᕐᓂᕆᓲᖏᑦᑕ ᐃᖏᕐᕋᓂᖏᓐᓂᒃ ᐊᒻᒪᓗ ᐋᕐᕿᒋᐊᕐᓗᒋᑦ ᐃᓱᓕᑦᑕᓂᖓᓄᑦ ᐊᒻᒪᓗ ᐅᓪᓗᖏᓐᓄᑦ ᓴᓇᓂᕐᒧᑦ ᐅᑭᐅᕐᑕᑐᒥ (ᑐᕐᖃᑕᕐᕕᒥ ᐱᓇᓱᐊᕐᑕᐅᔪᐃᑦ ᐊᖏᕐᑕᐅᓂᖏᑦ ᐁᑦᑑᑎᐅᓲᑦ ᐊᑯᓐᓂᖓᓂ ᕕᕈᐊᕆ ᐊᒻᒪᓗ ᔫᓂ, ᑖᓐᓇ ᓄᐃᑦᓯᓲᖅ ᐃᓱᒪᒋᔭᐅᖕᖏᓂᖓᓂᒃ ᐱᓇᓱᐊᕈᓯᐅᑉ ᑐᖓᓕᖓ ᔫᓂᒥ “ᐋᕐᕿᓱᐃᓂᐅᒻᒪᑦ ᐅᕝᕙᓘᓐᓃᑦ ᓯᖁᒥᑦᓯᓂᐅᒻᒪᑦ” ᐊᐅᓪᓚᑎᑦᓯᓂᐅᑉ ᐃᓱᓕᓂᖓᓄᑦ ᑕᕐᕋᓕᐊᕐᑐᓄᑦ ᓴᓇᔭᐅᒋᐊᓕᓐᓄᑦ ᐱᓇᓱᐊᕐᑕᐅᔪᓄᑦ; ᓅᕕᒻᐱᕆᒥ ᐊᖏᕐᑕᐅᒋᐊᖃᕋᔭᕐᑐᑦ). ᑲᑎᖕᖓᓂᕐᒥ, ᐃᓕᓴᕐᓂᓕᕆᓂᖅ ᑐᑭᓯᓇᑦᓯᐊᑐᒥᒃ ᓴᓇᔭᐅᓂᑦᓴᖓ ᓄᑖᑉ ᐃᓕᓐᓂᐊᕕᑦᓴᐅᑉ ᐃᓄᑦᔪᐊᓂ ᐊᖏᕐᑕᐅᓚᖓᓂᖓᓂᒃ; ᐃᓕᓴᕐᓂᓕᕆᓂᖅ ᑎᑭᑕᐅᕋᑕᖕᖏᑐᖅ ᐊᓪᓚᓯᒪᔪᒥᒃ ᓱᓕᑎᑦᓯᔪᒥᒃ ᑖᑦᓱᒥᖓ. ᐃᓚᒋᐊᕈᑎᐅᑎᓪᓗᒍ, ᐃᑲᔪᕐᑎᖓ ᑐᕐᖃᑕᕐᕕᐅᑉ ᑐᖓᓕᖓᑕ ᐅᖄᓚᔪᕕᓂᖅ ᐸᕐᓀᓂᕐᒧᑦ ᐱᖓᓱᕕᓪᓗᑎᒃ ᑲᑎᖕᖓᓂᕐᒧᑦ ᐊᕐᕌᒍᑕᒫᑦ ᐃᓕᓴᕐᓂᓕᕆᓂᐅᑉ ᑲᔪᓯᒃᑫᔨᖓᓗ ᐊᒻᒪᓗ ᑐᑭᒧᐊᑦᑎᓯᔨᖓ ᐱᐅᓕᓂᐊᒐᓕᕆᕕᐅᑉ, ᐅᖄᖃᑎᒌᓐᓂᒧᑦ ᓴᓇᔭᐅᒋᐊᓖᑦ ᐊᒻᒪᓗ ᐃᓪᓗᓭᑦ ᒥᑦᓵᓄᑦ.

ᑮᓇᐅᔭᑦᓴᖏᑦ ᐊᖏᕐᑕᐅᓚᐅᔪᑦ ᓄᐃᑦᓯᓂᕐᒧᑦ ᑐᑭᒧᐊᑦᑎᓯᔨ ᐃᓱᐊᕐᓭᔨᐅᑦᓱᓂᓗ ᐃᓂᖓᓄᑦ ᐃᓕᓐᓂᐊᕕᑦᑎᓂ. ᑖᓐᓇ ᐱᐅᔫᑦᓱᓂ ᐋᕐᕿᑕᐅᔪᖅ ᑖᒃᑯᐊ ᐱᒍᓐᓇᐅᑎᓖᑦ ᐱᑕᖃᕐᑎᓯᓚᖓᒻᒪᑕ ᐃᑲᔪᕐᓂᒥᒃ ᐃᓕᓐᓂᐊᑎᑦᑎᓂᒃ ᖃᐅᔨᓴᕐᑎᓯᓗᑎᒃ ᐱᒍᓐᓇᓯᒍᒪᔭᖏᓐᓂᒃ ᐊᒻᒪᓗ ᐃᒻᒥᓄᑦ ᐱᒍᒪᔭᕐᒥᓂᒃ ᐃᓚᐅᑎᓪᓗᒍ ᐱᓇᓱᒐᒨᓕᖓᔪᑦ ᐊᒻᒪᓗ ᐃᓕᓐᓂᐊᕈᓐᓇᑕᖏᑦ.

ᐊᖏᖃᑎᒌᒐᓱᐊᕐᓂᖅ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᓂᒃ ᐱᓇᓱᑦᑎᑐᐃᓐᓇᓄᑦ ᐊᒻᒪᓗ ᐱᒍᓐᓇᐅᑎᓕᓐᓄᑦ ᐃᓱᓕᓚᐅᔪᖅ ᑏᓯᒻᐱᕆᒥ. ᐊᖏᖃᑎᒌᒐᓱᐊᕐᓂᖅ ᐃᓕᓐᓂᐊᑎᑦᓯᔩᑦ ᒥᑦᓵᓄᑦ ᐃᓱᓕᓂᖃᕐᑎᓗᒍ ᔭᓄᐊᕆ 2018-ᒥ. ᐊᒥᓱᑦ ᐊᐱᕆᐅᑎᕕᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐱᓇᓱᒐᐅᑉ ᖃᓄᐃᓕᖓᐅᑎᖏᑦᑕ ᒥᑦᓵᓄᑦ ᐃᓄᓐᓄᑦ ᐱᓇᓱᑦᑎᓄᑦ ᐊᖏᕐᑕᐅᓚᐅᔪᖕᖏᑐᑦ ᑲᕙᒪᒃᑯᓄᑦ. ᑕᐃᒪᐃᒻᒪᑦ, ᐅᖄᒍᑕᐅᓚᐅᔪᖕᖏᑐᑦ ᑖᒃᑯᓇᓂ ᐊᖏᖃᑎᒌᒐᓱᐊᕐᓂᓂ. ᑲᑎᕕᒃ ᐃᓕᓴᕐᓂᓕᕆᓂᖅ ᓄᑕᐅᓯᓕᑎᕆᓚᖓᔪᖅ ᐱᒐᓱᐊᕐᓂᒥᓂᒃ ᐱᑦᔪᑎᒋᑦᓱᒋᑦ ᐱᓇᓱᐊᕐᓂᐅᑉ ᖃᓄᐃᓕᖓᐅᑎᖏᑦ ᐃᓄᐃᑦ ᐱᓇᓱᑦᑏᑦ ᐊᖏᖃᑎᒌᒐᓱᐊᕐᓂᐅᑉ ᑭᖑᓂᖓᓂ ᐱᒋᐊᕆᐊᕕᒻᒥᒐᑦᑕ ᐊᖏᕐᓯᒪᐅᑏᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒐᓱᐊᕐᓂᒧᑦ.

ᑐᕐᖃᑕᕐᕕᖓ ᐃᓕᓐᓂᐊᓂᓕᕆᓂᐅᑉ ᐁᑦᑐᐃᓂᖃᓚᐅᔪᕗᖅ ᐳᕐᑐᓂᕐᓴᒥ ᐃᓕᓐᓂᐊᑎᓄᑦ ᐱᔭᕇᕈᑎᒥᒃ (SSD) ᐃᓕᓐᓂᐊᑎᓄᑦ ᓇᓗᓀᒃᑯᑕᕐᓂᒃ ᐊᑦᔨᐸᓱᖏᓐᓂᒃ ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ ᐱᑖᕐᑐᕕᓂᕐᓄᑦ (AESS) ᐊᑯᓐᓂᖓᓂ ᔫᓂ 2015 ᐊᒻᒪᓗ ᔫᓂ 2017-ᒥ. ᐱᔭᕇᕈᑏᑦ ᐊᐅᓪᓚᑎᑕᐅᓚᐅᕐᑐᑦ ᐊᓪᓚᑎᒍᑦ ᐊᑐᓂᑦ ᐃᓕᓐᓂᐊᑎᓄᑦ ᐊᒻᒪᓗ ᐊᐅᓪᓚᑎᑦᓯᓂᖅ ᐱᔭᕇᓚᐅᕐᑐᖅ ᒫᑦᔨ 23-ᒥ.

ᓄᓇᕕᒻᒥ ᐃᓕᓐᓂᐊᑏᑦ ᐱᔭᕇᕐᓯᒪᔪᑦ ᐳᕐᑐᓂᕐᓴᒥ 5-ᒥ ᐃᓕᓐᓂᐊᑕᒥᓂᒃ ᐊᑯᓐᓂᖓᓂ ᔫᓂ 2015 ᐊᒻᒪᓗ ᔫᓂ 2017-ᒥ ᐁᑦᑐᑕᐅᔪᕕᓃᑦ ᓇᓗᓀᒃᑯᑕᒥᒃ ᐊᑦᔨᐸᓱᖓᓂᒃ ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ ᑐᕐᖃᑕᕐᕕᖓᓂᑦ ᐃᓕᓐᓂᐊᓂᓕᕆᓂᐅᑉ.  ᑖᒃᑯᐊ ᐃᓕᓐᓂᐊᑏᑦ ᐃᓕᓐᓂᐊᑎᑕᐅᔪᕕᓃᑦ ᐊᑦᔨᖏᓐᓂᒃ ᓴᓇᑦᑐᓴᐅᑎᓕᕆᓂᕐᒥᒃ ᐊᒻᒪᓗ ᓱᑯᐃᔦᓂᕐᒥᒃ ᐃᓕᓐᓂᐊᓂᕐᒥᒃ ᐃᓕᓐᓂᐊᑎᓄᑦ ᐱᔭᕇᕈᓯᕐᑕᐅᔪᕕᓂᕐᓄᑦ ᐳᕐᑐᓂᕐᓴᒥ ᔫᓂ 2015-ᖑᓚᐅᕐᑎᓇᒍ. ᑭᓯᐊᓂ, ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ ᐱᔭᕇᕈᑎᑖᖕᖏᖔᕐᓱᑎᒃ (SSD), ᓇᓗᓀᒃᑯᑕᕐᓂᒃ ᐊᑦᔨᐸᓱᖓᓂ ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ ᐱᑖᕐᑐᕕᓃᑦ (AESS) ᑐᕐᖃᑕᕐᕕᖓᓂ ᐃᓕᓐᓂᐊᓕᕆᓂᐅᑉ.

ᐃᓕᓐᓂᐊᓂᖅ ᐅᖄᓗᒍ ᐊᒻᒪᓗ ᐃᓗᓕᖏᑦ ᐃᓕᓐᓂᐊᕋᑦᓭᑦ, ᐱᑦᔪᑎᑦᓴᓚᕆᖃᖕᖏᑐᖅ ᓱᒧᑦ ᓇᓗᓀᕐᑕᐅᒍᑎᑐᐃᓐᓇᓂᒃ AESS ᐊᒻᒪᓗ ᓱᒐᒥ ᐱᔭᕇᕈᑎᓪᓚᕆᓐᓂᒃ SSD ᐱᑖᕐᑎᑕᐅᓐᓂᖏᒻᒪᖔᑖ ᑐᕐᖃᑕᕐᕕᖓᓂᑦ ᐃᓕᓐᓂᐊᓂᓕᕆᓂᐅᑉ. ᑕᐃᒪᐃᒻᒪᑦ, ᐊᐅᒡᒍᒥ 2017-ᒥ, ᐃᓕᓐᓂᐊᓂᓕᕆᓂᖅ ᐅᖃᕐᕕᖃᓚᐅᔪᖅ ᑯᐯᒃᑯᑦ ᑐᕐᖃᑕᕐᕕᖓᓂᒃ ᐃᓕᓐᓂᐊᓂᓕᕆᓂᕐᒧᑦ, ᐊᐱᕆᑦᓱᑎᒃ ᑖᓐᓇ ᖃᓄᐃᓕᖓᓂᐅᔪᖅ ᐋᕐᕿᑕᐅᖁᑦᓱᒍ, ᐊᒻᒪᓗ ᑖᒃᑯᓂᖓ ᐃᓕᓐᓂᐊᑎᓂᒃ ᐁᑦᑐᑕᐅᖁᔨᑦᓱᑎᒃ ᐱᔭᕇᕈᑎᓂᒃ SSD ᐃᓇᖏᕐᓯᓗᑎᒃ ᓇᓗᓀᕐᓯᒍᑎᖏᓐᓂᒃ AESS.

ᐅᒃᑐᐱᕆ 23, 2017-ᖑᑎᓪᓗᒍ, ᒥᓂᔅᑕᖓ ᐃᓕᓐᓂᐊᓂᓕᕆᓂᐅᑉ ᐁᑦᑐᐃᓚᖓᓂᕐᒥᓂᒃ ᐅᖃᓚᐅᔪᖅ ᐱᔭᕇᕈᑎᓪᓚᕆᓐᓂᒃ SSD ᐁᑦᑐᑐᐃᓚᖓᑎᓪᓗᒋᑦ ᑐᕐᖃᑕᕐᕕᖓᓂᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᑎᓕᒫᓄᑦ.  ᔭᓄᐊᕆ 2018-ᖑᑎᓪᓗᒍ, ᑐᕐᖃᑕᕐᕕᖓ ᐃᓕᓐᓂᐊᓂᓕᕆᓂᐅᑉ ᓄᑕᐅᓯᓕᑎᕆᓚᐅᔪᑦ ᐊᓪᓚᑕᐅᒪᒍᑎᖏᓐᓂᒃ, ᖃᕆᑕᐅᔭᑎᒍᑦ ᐃᓕᓐᓂᐊᓂᖓᑕ ᐊᓪᓚᓯᒪᐅᑎᖏᓐᓂᒃ ᐊᑐᓂᑦ ᐃᓕᓐᓂᐊᑏᑦ ᓄᐃᑕᑎᑦᓯᓱᑎᒃ ᐊᑐᓂᑦ ᐱᔭᕇᕈᑎᖃᓕᕆᐊᖏᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᓂᒃ. ᑖᓐᓇ ᐊᓪᓚᓯᒪᐅᑎ ᐊᑐᕐᑕᐅᓲᖅ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ, ᐃᓕᓐᓂᐊᕕᕐᔪᐊᒥ ᐊᒻᒪᓗ ᐱᓇᓱᒐᕐᒧᑦ ᐱᒋᐅᕐᓴᑎᑕᐅᕕᒻᒥ ᐃᓕᓐᓂᐊᕕᓐᓂ ᖃᐅᔨᓴᓕᕋᒥᒃ ᐃᓕᓐᓂᐊᕕᓕᐊᕈᒪᒍᑎᓂᒃ ᐃᓕᓐᓂᐊᑎᑦᓯᒍᑎᒥᓄᑦ ᐊᑐᐃᓐᓇᐅᑎᑕᐅᔪᓄᑦ.

ᒫᑦᔨ 23, 2018-ᖑᑎᓪᓗᒍ, ᐱᔭᕇᕈᑏᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐊᐅᓪᓚᑎᑕᐅᓚᐅᔪᑦ ᐃᓕᓐᓂᐊᑎᓕᒫᓄᑦ ᑎᑭᑕᐅᔪᕕᓂᕐᓄᑦ ᓇᓗᓀᕐᓯᒍᑎᒧ ᐊᑦᔨᐸᓱᖓᓄᑦ ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ ᐊᑯᓐᓂᖓᓂ 2015 ᐊᒻᒪᓗ 2017.  ᔪᓓᖑᓚᐅᔪᒥ, ᑐᕐᖃᑕᕐᕕᖓ ᐃᓕᓐᓂᐊᓂᓕᕆᓂᐅᑉ ᐅᖃᓚᐅᔪᖅ ᐊᑦᔨᒋᔭᐅᓂᕃᑦᓱᓂ ᐃᓕᓴᕐᓂᓕᕆᓂᐅᑉ ᓴᓇᑦᑐᓴᐅᑎᓕᕆᐅᑎᖏᓐᓂᒃ ᐊᒻᒪᓗ ᓱᑯᐃᔦᓂᕐᒥᒃ ᐊᒻᒪᓗ ᖃᕆᑕᐅᔭᓕᕆᓂᕐᒧᑦ ᐃᓕᓐᓂᐊᕈᑎᖏᓐᓂᒃ. ᑖᒃᑯᐊ ᐃᓕᓐᓂᐊᕈᑏᑦ ᖁᕝᕙᕆᐊᕈᓯᕐᑕᐅᓲᑦ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᐅᑉ.

ᐊᕐᕌᒍᓂ ᐱᖓᓱᓂ ᐃᓕᓐᓂᐊᓂᕐᒧᑦ ᐃᑲᔪᕐᑕᐅᒍᑏᑦ ᐊᑐᕐᑕᐅᓕᕐᑐᖅ ᐃᓕᓐᓂᐊᕕᓕᒫᑲᓵᑦᑎᓂ ᐃᑲᔪᓯᒍᑎᐅᒐᓱᐊᕐᓱᑎᒃ ᐃᓕᓐᓂᐊᑎᑦᑎᓂᒃ. ᐆᑦᑐᐱᕆ 2017-ᖑᑎᓪᓗᒍ, ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐊᖏᕈᑎᖃᓚᐅᔪᑦ ᑮᓇᐅᔭᖃᕐᑎᓯᓂᕐᒧᑦ ᐃᑲᔪᕐᓯᒍᑎᓂᒃ ᑖᑦᓱᒥᖓ ᐱᓇᓱᐊᕐᑕᐅᔪᒥᒃ. ᑖᓐᓇ ᐱᓇᓱᐊᕐᑕᐅᔪᖅ ᓄᐃᑕᐅᓯᒪᔪᖅ ᐱᓇᓱᐊᖃᑎᖃᕐᓱᑎᒃ ᕗᔭᓐᑎᐊ ᐃᓕᓐᓂᐊᕕᕐᔪᐊᖓᓂᒃ ᐊᒻᒪᓗ ᐃᑲᔪᕐᑏᑦ ᐱᓇᓱᑦᑎᑖᕆᔭᐅᓲᑦ, ᐱᒋᐅᕐᓴᑎᑕᐅᑦᓱᑎᒃ ᐊᒻᒪᓗ ᐃᑲᔪᕐᑕᐅᓂᖃᕐᓱᑎᒃ ᑖᑦᓱᒧᖓ ᐱᓇᓱᕝᕕᐅᔪᒧᑦ. ᐃᑲᔪᕐᑏᑦ ᓯᕗᓪᓕᐅᔨᓲᑦ ᐃᒻᒥᒎᓈᕐᑎᑐᑦ ᐱᓇᓱᐊᕐᓂᖏᓐᓂᒃ ᓴᓇᑦᑐᓴᐅᑎᓕᕆᓂᕐᒥ ᐳᕐᑐᓂᕐᓴᒥ 3, 4 ᐊᒻᒪᓗ 5-ᒥ ᐃᓕᓐᓂᐊᑐᓂᒃ.

ᓯᑕᒪᐅᔪᕐᑐᑦ ᐃᑲᔪᕐᑏᑦ ᐃᓕᓐᓂᐊᑎᓂᒃ ᒫᓐᓇᐅᔪᖅ ᐱᓇᓱᐊᕐᑐᐃᑦ ᐅᑯᓇᓂ ᓯᑕᐅᒪᔪᖕᖏᒐᕐᑐᓂ ᐃᓕᓐᓂᐊᕕᓐᓂ: ᑰᑦᔪᐊᖅ, ᖁᐊᕐᑕᖅ, ᑲᖏᕐᓱᔪᐊᖅ, ᑰᑦᔪᐊᕌᐱᒃ, ᐃᓄᑦᔪᐊᖅ (ᒪᕐᕉᒃ ᐃᑲᔪᕐᑏᒃ), ᐃᕗᔨᕕᒃ (ᐃᑲᔪᕐᑎ ᐃᓕᓐᓂᐊᑎᑦᓯᔨᖕᖑᑎᑕᐅᕋᑖᕐᑐᖅ) ᐊᒻᒪᓗ ᐳᕕᕐᓂᑐᖅ.

ᐊᕐᕌᒍᓚᖓᔪᒧᑦ, ᑐᕌᒐᕆᓚᖓᔭᖓ ᑖᑦᓱᒪᐅᑉ ᐱᓇᓱᐊᕐᑕᐅᔫᑉ ᐱᓇᓱᑦᑎᑖᕐᓂᒥᒃ ᐃᑲᔪᕐᑎᓴᕐᓂᒃ ᓄᓇᕕᒻᒥ ᓄᓇᓕᓕᒫᓄᑦ. ᐱᓀᓗᑕᑐᐊᕆᖃᑦᑕᑕᕗᑦ ᑕᒃᑲᓂ ᐊᕐᕌᒍᒥ ᐃᓪᓗᓭᓐᓂᐊᓂᕐᒧᑦ ᐃᑲᔪᕐᑎᓴᕐᓄᑦ, ᓂᕆᐅᓐᓂᖃᕐᖁᒍᑦ ᐋᕐᕿᑕᐅᓚᖓᒋᐊᖓ ᑖᓐᓇ ᐊᕐᕌᒍᓚᖓᔪᒧᑦ ᐃᓕᓐᓂᐊᓇᕐᒧᑦ. ᐃᓕᓐᓂᐊᑏᑦ, ᐃᓕᓐᓂᐊᑎᑦᓯᔩᑦ ᐊᒻᒪᓗ ᐊᖓᔪᕐᖄᕆᔭᐅᔪᑦ ᐅᖃᐅᑦᔩᓂᕆᖃᑦᑕᑕᖏᑦ ᑖᑦᓱᒧᖓ ᐱᐅᑦᓴᓂᕋᖃᑦᑕᑐᑦ ᒫᓐᓇᒧᑦ.

ᑭᒡᒐᑐᕐᑏᑦ ᐅᖄᓚᐅᔪᑦ ᖃᓄᖅ ᐱᐅᓯᐅᒥᑎᑦᓯᒐᔭᕐᒪᖔᕐᒥᒃ ᑐᓴᐅᒪᑎᑦᓯᓂᕐᒥᒃ ᓄᓇᓕᒻᒥᓂ, ᐃᑉᐱᒋᔭᖃᕐᓂᒥᒃ ᑲᑎᖕᖓᓂᕐᒥ ᑲᑎᖕᖓᐅᑎᑦᓭᑦ ᓄᓇᓕᖓᑕ ᐃᓱᒫᓗᑎᖏᓐᓂᒃ ᐃᓚᐅᑎᑦᓯᓯᐊᕋᓗᐊᕐᒪᖔᑖ ᐊᒻᒪᓗ ᐱᕕᑦᓴᖃᕐᑎᓯᑦᓯᐊᒪᖔᑕ ᐅᖄᔭᐅᓂᑦᓴᖓᓄᑦ ᑐᑭᖃᑦᓯᐊᑐᒥᒃ ᒪᓕᒐᓕᕆᓂᕐᒥᒃ ᐃᓕᓐᓂᐊᓂᕐᒨᓕᖓᔪᓄᑦ.

ᑭᒡᒐᑐᕐᑏᑦ ᐅᖄᓚᐅᔪᑦ ᑭᖕᖑᒪᒋᔭᐅᔪᒥᒃ ᑕᑯᒍᓐᓇᓂᕐᒥ ᖃᕆᑕᐅᔭᑎᒍᑦ ᓄᐃᑕᑎᑦᓯᐅᑎᒥᒃ ᐅᖄᖃᑎᒌᒍᑎᒋᒍᓐᓇᑕᒥᓂᒃ ᐊᒻᒪᓗ ᑐᓴᐅᒪᖃᑎᒌᒍᑎᒋᒍᓐᓇᑕᒥᓂᒃ ᓴᓇᑐᐃᓐᓇᓂᒃ ᐃᓱᒫᓗᑎᒋᔭᒥᓂᒃ ᓄᓇᓕᒻᒥᑕ ᐊᑑᑎᔭᖏᓐᓂᒃ. ᐅᖄᒍᑎᖃᕐᒥᓱᑎᓪᓗ ᐃᓘᓐᓇᖏᐅᖕᖏᑐᖅ ᓄᓇᓕᒻᒥᑕ ᐅᖃᐅᓯᑦᓴᖏᑦ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᑲᑎᖕᖓᐅᑎᑦᓴᖏᓐᓅᕆᐊᑐᖕᖏᒪᑕ-ᑭᓯᐊᓂ ᕿᒥᕐᕈᓂᖅ ᑲᑎᖕᖓᐅᑎᑦᓴᓂᒃ ᐅᖄᖃᑎᒌᓐᓂᓴᐅᒋᐊᖃᕋᔭᕐᑐᑦ ᑲᑎᖕᖓᓂᖃᓚᐅᕐᑎᓇᒍ, ᒫᓐᓇ ᐊᑑᑎᔭᐅᖕᖏᑐᖅ ᓱᓕ.

ᐃᓱᒫᓗᑎᒋᔭᐅᓚᐅᔪᖅ ᐅᖄᔭᐅᑦᓱᓂ ᑭᒡᒐᑐᕐᑏᑦ ᐊᑯᓂᐅᓗᐊᕐᑐᖅ ᐅᑳᒍᑎᒋᑦᓱᒋᑦ ᑐᑭᑖᕈᑎᖃᕋᓱᐊᓲᖑᓂᖏᑦ ᐱᓪᓗᑯᒋᐊᓕᓐᓂᒃ. ᐅᖃᓚᐅᔪᐃᑦ ᐃᓱᒫᓗᑎᒥᓂᒃ ᑕᑯᒍᓐᓇᓲᖑᖕᖏᓂᕐᒥᓂᒃ ᑖᒃᑯᓄᖕᖓᓕᖓᔪᓂᒃ ᐱᐅᓯᕆᔭᐅᓯᒪᔪᓂᒃ ᖃᐅᔨᒪᑎᑦᓯᐅᑎᓂᒃ ᑲᑎᖕᖓᓂᖅ ᐱᒋᐊᓚᐅᖕᖏᑎᓪᓗᒍ. ᐃᓘᓐᓇᑎᒃ ᑭᒡᒐᑐᕐᑏᑦ ᖃᕆᑕᐅᔭᒥᒃ ᑕᑯᒋᐊᕈᓐᓇᖏᓐᓇᖃᑦᑕᕆᐊᓖᑦ ᐊᒻᒪᓗ ᐱᑐᑦᓯᒪᒍᑎᖃᑦᓯᐊᓗᑎᒃ ᖃᕆᑕᐅᔭᒧᑦ.

ᓄᑕᐅᓯᓕᕐᓯᒪᔪᖅ ᐃᓕᓴᕐᓂᓕᕆᓂᐅᑉ ᖁᓕᓂᒃ ᐊᕐᕌᒍᓂ ᐸᕐᓀᓯᒪᐅᑎᖓ ᑐᓴᕐᑎᓯᒍᑎᐅᓛᕐᑐᖅ ᑭᒡᒐᑐᕐᑎᓄᑦ ᔫᓂ 2018-ᒥ. ᓄᑕᐅᓯᓕᕐᓯᒪᔪᖅ ᐊᑦᑐᐃᓛᕐᑐᖅ ᐱᓇᓱᐊᕐᑕᐅᔪᑦᓴᓂᒃ ᐋᕐᕿᑕᐅᓯᒪᔪᓂᒃ ᐊᕐᕌᒍᒧᑦ 2020-2021-ᒧᑦ ᐅᖓᑖᓄᓪᓗ.

ᑭᒡᒐᑐᕐᑏᑦ ᐅᖃᓚᐅᔪᑦ ᐅᖁᒣᓪᓕᐅᓂᕐᒥᓂᒃ ᒫᓐᓇᐅᔪᖅ ᓱᒃᑫᑐᒍᑎᖏᓐᓂᒃ ᑐᕐᖃᑕᕐᕕᐅᑉ ᐊᖏᕐᓂᓴᖏᓐᓄᑦ ᐃᓕᓴᕐᓂᓕᕆᓂᕐᒥ ᓴᓇᔭᐅᒋᐊᓕᓐᓄᑦ ᐱᓇᓱᐊᕐᑕᐅᔪᑦᓴᓂᒃ.

ᒫᓐᓇᐅᔪᖅ, ᐸᕐᓇᑕᐅᒪᔪᑦ ᐱᓇᓱᐊᕐᑕᔪᑦᓭᑦ ᑐᓂᔭᐅᓯᒪᒻᒪᑕ ᑐᕐᖃᑕᕐᕕᖓᓄᑦ ᐃᓕᓐᓂᐊᓕᕆᓂᐅᑉ ᐊᕐᕌᒍᖓᓄ 2018-2019 ᑎᑭᑦᓱᒍ. ᑭᓯᐊᓂ, ᑭᖑᕋᕐᓂᖏᑦ ᐊᖏᕐᑕᐅᓂᑦᓴᖏᓐᓄᑦ ᓄᓇᓕᓐᓂ ᑐᑦᓯᕋᐅᑎᖏᑦ ᓱᒃᑯᐸᓪᓕᐊᑐᐃᓐᓇᑐᑦ ᐅᑕᕐᕿᓱᑎᒃ.

ᑭᒡᒐᑐᕐᑏᑦ ᐅᓐᓂᑑᑦᔨᓚᐅᔪᑦ ᐱᓂᐊᕐᓂᓕᕆᓂᕐᒧᑦ ᓴᐳᒻᒥᔨᑦᓴᒥᒃ ᕿᒥᕐᕈᓂᖃᕐᑐᓴᐅᓂᖏᓐᓂᒃ ᐱᓇᓱᑦᑎᖏᑦ ᓱᑲᓯᓕᐅᒥᒍᑎᑦᓴᖓᓂᒃ ᐱᓇᓱᐊᕐᑕᐅᔪᑦᓭᑦ ᐊᖏᕐᑕᐅᓂᑦᓴᖏᓐᓄᑦ.

ᐃᓕᓴᕐᓂᓕᕆᓂᖅ ᐱᓇᓱᐊᓚᖓᔪᖅ ᐅᑎᕐᑎᓯᓂᕐᒧᑦ ᓄᓇᓕᓕᒫᓂ ᐱᓇᓱᖃᑎᒌᓐᓂᒧᑦ ᑲᑎᒪᔨᖏᓐᓂᒃ.

ᑐᓴᓚᐅᕐᓱᑎᒃ ᑐᓴᕐᑎᓯᒍᑎᖏᓐᓂᒃ ᐊᑐᓕᕐᑎᑕᐅᓯᒪᓂᖏᓐᓂᒃ ᐃᓚᑦᔪᒍᓱᓐᓇᑐᓂᒃ ᐃᓕᓐᓂᐊᕕᖃᕐᓂᒧᑦ ᐊᑐᕐᑕᐅᔪᓂᒃ ᐃᓕᓐᓂᐊᕕᑦᑎᓂ, ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐅᖄᓚᐅᔪᑦ ᐱᒻᒪᕆᐅᓂᖓᓂᒃ ᑲᔪᓯᑎᑕᐅᓂᖓᑕ ᓴᐳᒻᒥᔭᐅᓂᖓᓂᒃ ᖁᐊᕐᓵᓇᕐᑐᑰᕈᑕᐅᓯᒪᔪᓂᒃ ᑐᓴᐅᒪᑎᑦᓯᕕᐅᒍᓐᓇᑐᑦ ᐃᓕᓐᓂᐊᓂᓕᕆᕕᖃᕐᓂᒥᒃ ᐊᒻᒪᓗ ᐊᐅᓚᑦᓯᓂᓕᕆᓂᕐᒧᑦ ᐊᑐᕐᑕᐅᓲᓂᒃ.

ᑭᒡᒐᑐᕐᑏᑦ ᐅᖃᓚᐅᔪᑦ ᓴᐳᒻᒥᓂᕐᒥᓂᒃ ᖃᐅᔨᓴᕐᑕᐅᓂᖓᓄᑦ ᐃᓚᑦᔪᒍᓱᓐᓇᑐᓂᒃ ᐃᓕᓐᓂᐊᕕᖃᕐᓂᒧᑦ ᐱᓇᓱᐊᕐᑕᐅᔪᒥᒃ, ᐃᓚᐅᑎᑦᓯᕋᔭᕐᑐᖅ ᖃᐅᔨᓴᕐᓂᒥᒃ ᐃᓗᕐᖁᓯᕐᒨᓕᖓᓂᖓᓂᒃ ᐊᒻᒪᓗ ᐱᑦᓯᐊᕋᓗᐊᕐᒪᖔᑕ ᐃᓗᓕᖏᑦ ᖃᓄᐃᓕᖓᓂᖏᑦ, ᐱᓇᓱᐊᕈᑎᖏᑦ ᐊᒻᒪᓗ ᖃᓄᐃᓘᕈᓯᖏᓪᓗ.

ᑭᒡᒐᑐᕐᑏᑦ ᐅᖃᓚᐅᔪᒻᒥᔪᑦ ᐱᒻᒪᕆᐅᓂᖓᓂᒃ ᐃᓄᓕᒫᓂᒃ ᖃᐅᔨᒪᑎᑦᓯᓂᕐᒥᒃ ᓱᓀᑦ ᐊᑦᑐᐃᓂᖃᓲᖑᒻᒪᖔᑕ ᐱᐊᕃᑦ ᐃᓕᓐᓂᐊᓂᕐᒥᒃ ᑲᔪᓯᑦᓯᐊᓂᖓᓄᑦ. ᐃᓅᓯᕐᒥ ᐱᓂᕐᓗᖓᐅᑎᑦ ᐃᓱᒫᓗᓐᓇᑑᖏᓐᓇᖁᑦ. ᑖᒃᑯᐊ ᐱᓂᕐᓗᖓᐅᑏᑦ ᐊᑦᑐᐃᓂᖃᓲᑦ ᐃᓕᓐᓂᐊᑎᑦᓯᔨᑦᑕ ᐱᓇᓱᒋᐊᖕᖏᑑᓂᖏᓐᓂᒃ, ᐃᓕᓐᓂᐊᑏᑦ ᖃᓄᐃᖕᖏᓯᐊᕐᓂᖏᓐᓂᒃ ᐊᒻᒪᓗ ᐃᓕᑦᓯᒍᓐᓇᓂᖏᓐᓂᒃ ᐊᒻᒪᓗ ᑲᔪᓯᑦᓯᐊᕈᓐᓇᓂᖏᓐᓂᒃ ᐃᓕᓐᓂᐊᑕᒥᓂᒃ ᑎᑭᐅᑎᒍᓐᓇᑕᕐᒥᓄᑦ. ᑭᒡᒐᑐᕐᑏᑦ ᐅᖃᓚᐅᔪᑦ ᑐᓴᐅᒪᖃᑎᒌᓐᓂᒧᑦ ᐱᓇᓱᕝᕕᐅᖃᑎᒌᑦ ᐊᑐᕐᑕᐅᒋᐊᓕᒃ ᑐᑭᓯᒪᖃᑎᒌᑦᓯᐊᓂᕐᒧᑦ ᖃᓄᐃᓘᕐᓂᖏᓐᓂᒃ ᐱᓇᓱᕝᕕᐅᔪᐃᑦ ᐊᒻᒪᓗ ᐃᑲᔪᖃᑎᒌᓐᓂᒧᑦ ᐱᓇᓱᐊᕋᓱᕐᑕᒥᑦᑕ ᒥᑦᓵᓄᑦ.

ᑭᒡᒐᑐᕐᑏᑦ ᐊᑐᓕᕐᑎᓯᓚᐅᔪᑦ ᑐᑭᑖᕈᑎᒥᒃ ᑐᑦᓯᕋᐅᑎᒥᒃ ᓄᓇᓕᓕᒫᓂ ᐱᓇᓱᖃᑎᒌᑦ ᑲᑎᒪᔨᖏᓐᓂᒃ ᐅᑎᕐᑎᓯᓂᕐᒥᒃ ᐊᒻᒪᓗ ᐱᓇᓱᐊᖁᔨᑦᓱᑎᒃ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᑐᑭᒧᐊᑦᑎᓯᓂᐊᕐᑎᓗᒍ ᓯᕗᓪᓕᐹᒥᒃ ᑲᑎᖕᖓᓂᕐᒥᒃ.

ᐃᓘᓐᓇᑎᒃ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᕖᑦ ᐊᑐᓕᕐᑎᓯᓚᖓᔪᑦ ᓀᓪᓕᑎᕐᓯᒪᔪᒥᒃ ᐃᓕᓐᓂᐊᓇᐅᑉ ᐅᓪᓗᖁᑎᖏᓐᓂᒃ ᓯᑦᑎᒻᐱᕆ 2018-ᖑᓕᕐᐸᑦ.

ᐱᒍᑦᔨᓱᑎᒃ ᑐᑦᓯᕋᐅᑎᒥᒃ ᐊᒥᓲᓂᕐᓴᓄᑦ ᓄᓇᕕᒻᒥ ᓄᓇᓕᓐᓄᑦ ᐊᐱᕆᐅᑎᐅᔪᒥᒃ ᐃᓕᓴᕐᓂᓕᕆᓂᕐᒥᒃ ᑲᑎᖕᖓᔩᑦ ᐱᒍᒪᓚᐅᔪᑦ ᑐᑭᑖᕈᑎᑎᒍᑦ, ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐊᖏᓚᐅᔪᑦ ᑐᑭᑖᕈᑎᒥᒃ ᐊᖏᕐᓱᑎᒃ ᓀᓪᓕᑎᕐᓯᒪᔪᒥᒃ ᐃᓕᓐᓂᐊᓇᐅᑉ ᐅᓪᓗᖁᑎᖏᓐᓂᒃ ᐊᕐᕌᒍᓗᖓᔪᒧᑦ ᐃᓕᓐᓂᐊᓇᕐᒧᑦ.

ᓄᑖᖅ ᐃᓕᓐᓂᐊᕕᐅᑉ ᐅᓪᓗᖁᑎᒋᓛᕐᑕᖓ ᐃᒪᐃᑦᑐᑕᖃᓛᕐᑐᖅ ᐅᓪᓗᑯᑦ ᑕᑭᓂᕐᓴᒥᒃ ᐃᓕᓐᓂᐊᓇᖃᑎᓯᓗᓂ, ᐲᕐᓯᓗᑎᒃ ᑲᑎᑦᓱᑎᒃ ᖁᓕᓂᒃ ᐅᓪᓗᓂᒃ ᐃᓕᓐᓂᐊᓇᕐᓂᒃ ᐊᕐᕌᒍᖓ ᐃᓕᓐᓂᐊᓇᐅᑉ ᐃᓱᓕᑉᐸᑦ.

ᑐᕌᒐᖓ ᐱᐅᔪᒥᒃ ᐱᕙᓪᓖᖁᑦᓱᒍ ᐃᓕᓐᓂᐊᕆᐊᕐᓂᕆᖃᑦᑕᑕᖏᓐᓂᒃ ᐊᒻᒪᓗ ᐃᓕᓐᓂᐊᑏᑦ ᐃᓕᓐᓂᐊᕕᒻᒥ ᑲᔪᓯᑦᓯᐊᓂᖏᓐᓂᒃ ᐱᕕᖃᕐᑎᓯᑦᓱᓂᓗ ᒪᙯᓐᓂᖏᓐᓂᒃ ᓯᓚᒦᓐᓂᕆᖃᑦᑕᑕᖏᓐᓂᒃ ᐃᓚᒌᑦ ᐊᒻᒪᓗ ᓯᓚ ᐅᕐᖁᓯᕙᓪᓕᐊᓂᖓᓂᒃ ᐊᓕᐊᓱᐊᓂᖏᓐᓂᒃ ᔫᓂᐅᑉ ᓯᓚᖓᓂ.