ᐃᒡᓗᖃᕐᑎᓯᓂᖅ ᐃᑲᔪᕐᓯᔭᐅᒍᑎᓕᓐᓂᒃ ᐃᓕᓐᓂᐊᑎᓂᒃ
ᐆᒃᑐᕋᖃᑦᑕᕆᐊᖃᕐᑐᑎᑦ ᐆᒃᑐᓚᐅᕐᓯᒪᖕᖏᑕᑎᓐᓂᒃ ᓱᓇᓂᒃ ᐊᓕᐊᒋᔭᖃᕐᒪᖔᕐᐱᑦ ᐱᒍᓐᓇᓯᐊᕐᒪᖔᕐᐱᓗ ᖃᐅᔨᓂᐊᕋᕕᑦ. ᓇᒧᖕᖓᓂᐊᕐᒪᖔᕐᒪ ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᓯᒪᓂᒃᑯᑦ ᑭᓯᐊᓂ ᐱᒋᐊᕐᑕᕕᓂᒃᑲᓂᒃ ᐱᔭᕇᑦᓯᐊᕈᒪᓲᖑᔪᖓ. ᒫᓐᓇᒧᑦ ᑎᑭᑦᓱᒍ, ᐊᑑᑎᑦᓱᒍ ᐊᑑᑎᒐᑦᓴᒪᕆᐊᓗᒃ! ᐊᕐᖁᓵᕐᑕᑲ ᐃᓂᕐᕋᓂᕋᓂ ᐊᓯᒐᓂᒃ ᐅᓇᒻᒥᓱᓕᕐᑎᓯᖁᓇᕐᑐᖅ.
ᐄᕘ (Evo) ᒪᓐᑐᔨᐊᓪᒥ ᐊᓂᕐᕋᖃᕐᕕᒃ
Downtown Montreal
100 ᐅᖓᑖᓃᑦᑐᓂᒃ ᖃᕆᐊᓕᒃ ᑕᒡᒐᓂ ᓯᓂᑦᑕᕕᒻᒥ ᐱᐅᓂᕐᐸᐅᓱᓂ ᐊᐅᓚᑕᐅᒍᓯᖃᕐᓱᓂ ᓄᓇᓕᕐᔪᐊᑉ ᐃᒻᒧᐊᓂ ᐃᓕᓐᓂᐊᑎᓄᑦ ᓯᓂᑦᑕᕕᐅᓲᓂᑦ.
ᓄᓇᓕᕐᔪᐊᑉ ᐃᒡᓗᔪᐊᖃᕐᕕᒪᕆᖓᓂᑦ ᐃᓄᑑᓗᑎᑦ ᐃᓕᓐᓂᐊᑎᐅᓚᖓᕖᑦ? ᐄᕘ (EVO) ᐃᓂᒋᓗᒍ ᓇᔪᕋᑦᓴᐅᕗᖅ. ᓱᓇᓕᒫᓕᒃ ᐃᙯᓕᓴᕐᕕᖓ, ᐳᐃᑦᔪᕋᕐᕕᓕᒃ ᐊᒻᒪᓗ ᐅᕐᖂᔪᒦᓪᓗᓂ ᑎᒥᒧᑦ ᐃᓱᐊᕐᓯᓕᑎᕐᕕᖃᕐᓱᓂ ᓇᐅᓕᒫᓄᑦ ᐊᑐᕐᑕᐅᓲᓂᒃ ᐃᓂᑕᖃᕐᓱᓂᓗ, ᐃᓕᓐᓂᐊᒐᓕᕆᕕᓐᓂᒃ ᖃᕆᐊᓕᒃ ᐊᒻᒪᓕ ᓇᐅᓕᒫᑦ ᐃᓂᕐᕋᐅᑎᖃᕈᑎᖏᓐᓄᑦ ᐊᒻᒪᓗ ᒪᓐᑐᔨᐊᓪ ᐃᒡᓗᔪᐊᖃᕐᕕᒪᕆᖓᓄᑦ ᐃᓱᐊᕐᑐᒪᕆᐊᓗᒻᒦᓱᓂ.
ᑐᑭᓯᒋᐊᑦᓯᐊᕈᑎᑦᓴᓂᒃ ᑕᑯᒋᐊᕈᑎᑦᓴᓄᑦ, ᐅᕗᖕᖓᓗᑎᑦ ᐊᓂᕐᕋᖃᕐᕕᐅᑉ ᑕᑯᑦᓴᐅᑎᑦᓯᕕᖓᓄᑦ.
ᔮᓐ ᐋᐸᑦ (John Abbott) ᐃᓕᓐᓂᐊᕕᒻᒪᕆᒻᒥ ᐊᓂᕐᕋᖃᕐᕕᖓ
Sainte-Anne-de-Bellevue
Stewart ᐊᓂᕐᕃᑦ ᐃᓕᓐᓂᐊᕕᒻᒪᕆᐅᑉ ᓄᓇᖓᓃᑦᓱᑎᒃ 191-ᓄᑦ ᑎᑭᑦᑐᓂᒃ ᐃᓕᓐᓂᐊᑎᓂᒃ ᐃᓂᖃᕐᑎᓯᕕᐅᒍᓐᓇᑐᑦ.
ᑖᓐᓇ ᐊᓂᕐᕋᖃᕐᕕᒃ ᓂᕈᐊᕋᑦᓴᓯᐊᖑᕗᖅ ᐃᓕᓐᓂᐊᑎᓄᑦ ᐃᓄᑐᐊᖑᑦᓱᑎᒃ ᐊᓂᕐᕋᖃᕈᒪᔪᓄᑦ ᐃᓄᑑᓗᑎᒃ ᑭᓯᐊᓂᓗ ᐃᓱᐊᕐᑑᒍᑎᖏᓐᓂᒃ ᐊᑦᑕᓇᕇᒃᑯᑎᖃᕈᑎᖏᓐᓂᓗ ᐃᓕᓐᓂᐊᕕᐅᑉ ᓄᓇᖓᓂ ᐃᓕᓐᓂᐊᑎᐅᖃᑎᒥᓂᒃ ᐊᓂᕐᕋᖃᖃᕐᓂᐅᑉ ᐱᑕᖃᕐᓗᓂ.
ᐊᒥᓲᓂᕐᓭᑦ ᐊᓂᕐᕋᑕᖏᑦ ᒪᕐᕉᓂᒃ ᓯᓂᕝᕕᑕᓖᑦ ᐊᒻᒪᓗ ᖁᕐᕕᑯᕕᑦᑕᓖᓐᓇᐅᓱᑎᒃ ᓱᓇᒥᑦᓯᔪᓂᒃ, ᐃᒐᓕᖃᕐᓱᑎᒃ ᐊᒻᒪᓗ ᐳᓛᕐᕕ/ᓂᕆᕕᑕᖃᕐᓱᑎᒃ. ᑖᒃᑯᐊ ᐊᓂᕐᕃᑦ ᐃᒡᓗᔪᐊᑉ ᐱᖁᑎᖏᓐᓂᒃ ᐱᖁᑎᑕᓖᓐᓀᑦ ᐊᒻᒪᓗ ᓂᓪᓕᓇᕐᑐᖃᐅᑎᑕᖃᕐᓱᑎᒃ, ᓂᕿᓂᒃ ᐆᓇᕐᑎᑦᓯᕕᒻᒥᒃ ᐅᔪᕈᒥᐊᕆᑎᑦᓯᒍᑎᒥᒃ, ᑭᐊᑦᓴᐅᑎᒥᒃ ᐊᒻᒪᓗ ᐃᓱᐊᕐᑐᖑᐊᓂᒃ ᐳᓛᕐᕕᒧᑦ ᓯᓂᕝᕕᓄᓪᓗ ᐱᖁᑎᖃᕐᓱᑎᒃ.
ᐃᓕᓐᓂᐊᕕᐅᑉ ᓄᓇᖓᓂ ᓂᕆᕕᑕᓖᑦ ᑭᓯᐊᓂ ᓂᕆᔭᑦᓴᓂᒃ ᐸᔪᒐᓲᖑᖕᖏᑐᐃᑦ Stewart ᐊᓂᕐᕋᖏᓐᓂ. ᓂᕆᔭᑦᓴᖃᕈᑎᑦᓴᓂᒃ ᑮᓇᐅᔭᕐᑖᑎᑕᐅᓲᑦ ᓂᕿᓯᓂᐊᕈᑎᐅᒍᓐᓇᑐᓂᒃ ᓂᕿᓯᕕᓐᓂᑦ ᐃᒐᓂᐊᕐᑕᒥᓂᒃ ᐃᒐᓕᖃᖃᑎᒌᕝᕕᒥ.
ᑐᑭᓯᒋᐊᑦᓯᐊᕈᑎᑦᓴᓂᒃ ᑕᑯᒋᐊᕈᑎᑦᓴᓄᑦ, ᐅᕗᖕᖓᓗᑎᑦ ᐊᓂᕐᕋᖃᕐᕕᐅᑉ ᑕᑯᑦᓴᐅᑎᑦᓯᕕᖓᓄᑦ.
ᒨᓐᒧᕆᐊᓐᓯ (Montmorency) ᐃᓕᓐᓂᐊᕕᒻᒪᕆᒻᒥ ᐊᓂᕐᕋᖃᕐᕕᖓ
Laval
45 ᐅᖓᑖᓃᑦᑐᑦ ᐊᓂᕐᕃᑦ. ᐃᓘᓐᓇᑎᒃ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐃᑲᔪᕐᓯᔭᐅᒍᑎᖃᕐᓱᑎᒃ ᐃᓕᓐᓂᐊᑏᑦ ᐃᓄᑑᓈᕐᑎᑐᓂᒃ ᐊᓂᕐᕋᓖᑦ.
ᐃᓄᑐᐊᓄᑦ ᐃᑲᔪᕐᓯᔭᐅᒍᑎᓕᓐᓄᑦ ᐃᓕᓐᓂᐊᑎᓄᑦ ᒨᓐᒧᕆᐊᓐᓯ (Montmorency) ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᑐᓄᑦ ᐅᕝᕙᓘᓐᓃᑦ ᓚᕚᓪ ᓄᓇᓕᖓᓃᑦᑐᒥ ᐃᓕᓐᓂᐊᑐᓄᑦ, ᑖᓐᓇ ᐊᓂᕐᕋᖃᕐᕕᒃ ᐃᓱᐊᕐᓂᐹᖑᑦᓱᓂ ᓂᕈᐊᕋᑦᓴᐅᕗᖅ.
ᐃᒡᓗᖏᑦ ᑖᒃᑯᐊ ᐊᑐᓂ ᐃᒻᒥᒎᓕᖓᓪᓗᑐᕐᓱᑎᒃ ᐊᓂᕐᕃᑦ ᐃᓪᓕᑕᖃᕐᓱᑎᒃ, ᓵᖃᕐᓱᑎᒃ, ᐃᒐᓕᖃᕐᓱᑎᒃ ᐊᒻᒪᓗ ᖁᕐᕕᑯᕕᖃᕐᓱᑎᒃ. ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᓂᕈᑎᓂᖃᕐᕕᖓᓂ ᐃᒐᓕᖓᓗ ᐱᕕᑦᓴᐅᒥᔪᖅ ᐃᓕᓐᓂᐊᑎᓄᑦ ᑲᑎᕉᑕᕆᕕᐅᓗᓂ ᐅᕝᕙᓘᓐᓃᑦ ᐃᓚᓐᓈᕆᔭᓂᒃ ᐃᓕᓐᓂᐊᒐᓕᕆᖃᑎᖃᕐᓗᓂ.
ᐃᒐᓕᑦᑕᓕᒃ ᓂᕈᑐᓂᑕᖃᕐᓱᓂᓗ ᐃᓕᓐᓂᐊᑏᑦ ᐃᑲᔪᕐᓯᔭᐅᒍᑎᖃᕐᓱᑎᒃ ᑌᑲᓃᑦᑐᑦ ᐊᑐᕋᑦᓴᒋᓐᓂᒃ. ᖃᓚᒪᒌᕐᑐᓂᒃ ᓂᕆᔭᑦᓴᖃᕐᑎᑕᐅᓲᑦ ᐱᓇᓱᐊᕈᓯᐅᑉ ᐃᓚᖓᒍᑦ ᐊᒻᒪᓗ ᓂᕆᔭᑦᓴᑖᕈᑎᑦᓴᓂᒃ ᑮᓇᐅᔭᕐᑖᑎᑕᐅᑦᓱᑎᒃ ᐃᓕᓐᓂᐊᑏᑦ ᓂᕿᓯᒍᑎᒋᒍᓐᓇᑕᒥᓂᒃ ᐊᒻᒪᓗ ᐊᓂᕐᕋᒥᓂᓗ ᐃᒐᓗᒋᑦ.
ᑐᑭᓯᒋᐊᑦᓯᐊᕈᑎᑦᓴᓂᒃ ᑕᑯᒋᐊᕈᑎᑦᓴᓄᑦ, ᐅᕗᖕᖓᓗᑎᑦ ᐊᓂᕐᕋᖃᕐᕕᐅᑉ ᑕᑯᑦᓴᐅᑎᑦᓯᕕᖓᓄᑦ.
ᐃᓄᒃᑕᓕᒃ ᐊᓂᕐᕋᖅ
Sainte-Anne-de-Bellevue
ᐱᐅᓂᕐᐹᖅ ᐃᓄᑐᐊᖑᑦᓱᑎᒃ ᐃᓕᓐᓂᐊᑎᓄᑦ ᐃᓕᓐᓂᐊᒐᒥᑕ ᓯᕗᓪᓕᐹᖓᓂ ᐊᕐᕌᒍᖓᓃᑦᑐᓄᑦ ᐅᕝᕙᓘᓐᓃᑦ ᐱᕙᓪᓕᓂᕐᓴᐅᓂᐊᕐᑐᓄᑦ ᓴᐳᑎᔭᐅᓯᒪᑦᓯᐊᓂᕐᓴᐅᒍᑎᓄᑦ ᐊᒡᓚᕕᒻᒪᕆᖃᕐᕕᑕ ᓴᓂᐊᕐᔪᑯᓗᖓᓃᒐᒥ.
ᐃᓕᓐᓂᐊᕕᐅᑉ ᓄᓇᖓᓃᑦᓱᓂ ᐱᓱᒋᐊᔮᖑᑦᓱᓂᓗ ᑳᐱᑐᕐᕕᓄᑦ ᓂᕆᔭᕐᑐᕕᓐᓄᓗ ᓭᓐᑦ ᐋᓐ ᑐ ᐱᐊᓪᕘᒥ (Sainte-Anne de Bellevue). ᐃᓄᒃᑕᓕᒃ ᕿᑭᕐᑕᐅᑉ ᐅᐊᓕᖓᓃᑦᑐᖅ ᐸᓯᖃᓲᖑᒐᓗᐊᕐᓱᓂ ᓄᓇᓕᒻᒪᕆᒻᒨᕈᑎᒋᒍᓐᓇᑕᑎᓐᓂᒃ ᑕᒫᓂ ᓇᐅᓕᒫᓄᑦ ᐃᓂᕐᕋᐅᑎᖏᑦᑕ ᐃᓂᕐᕋᓂᖏᑦ ᐊᑯᑦᑐᔫᓂᕐᓭᑦ ᐱᑐᑦᓯᒪᖕᖏᓇᒥᒃ ᒪᓐᑐᔨᐊᓪ ᓇᐅᓕᒫᓄᑦ ᐃᓂᕐᕋᐅᑎᖏᑦᑕ ᐊᐅᓚᓂᖏᓐᓄᑦ. ᐯᓯᑰᒃᑭᕕᑦᓴᖅ!
ᓇᖕᒥᓂᖅ ᐊᑦᑕᑐᕐᓂᒧᑦ ᐊᑎᓕᐅᕐᓂᒧᑦ ᐊᖏᖃᑎᒌᒍᑎ
ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᒡᓗᖃᕐᑎᓯᒍᑎᓄᑦ ᑲᒪᒋᓲᖏᓐᓂᒃ ᐊᑐᖕᖏᖔᓚᖓᒋᐊᒥᒃ ᑐᑭᑖᕐᓂᐊᑐᐊᕈᕕᑦ, ᐊᑦᑕᑐᕈᑎᓂᒃ ᐊᑭᓖᒍᑎᑦᓴᑎᓐᓂᒃ ᐊᓯᖏᓐᓂᓗ ᐱᑕᖃᕐᑎᑕᐅᒐᔭᕐᑐᑎᑦ.
ᑖᓐᓇ ᓂᕈᐊᕋᑦᓴᓂ ᐊᑐᕐᑕᐅᒍᒪᓂᕐᓴᐅᓲᖅ ᐃᓕᓐᓂᐊᑎᓄᑦ ᐃᓚᒥᓂᒃ ᓇᔪᕐᑎᓕᓐᓄᑦ, ᓱᖏᐅᓐᓂᒋᔭᓕᓐᓄᑦ ᖃᓪᓗᓈᑦ ᓄᓇᖓᓃᒋᐊᒥᒃ ᐅᕝᕙᓘᓐᓃᑦ ᐃᓕᓐᓂᐊᒐᕐᓄᑦ ᐊᑯᓃᕐᑐᒨᓕᖓᓂᕐᓴᓄᑦ ᐃᓕᓐᓂᐊᑐᓄᑦ.
ᐃᓕᓐᓂᐊᑏᑦ ᓂᕈᐊᕐᑐᑦ ᑖᑦᓱᒥᖓ ᓇᖕᒥᓂᖅ ᐊᓂᕐᕋᓴᕐᓯᐅᓚᖓᔪᑦ ᐃᒻᒥᓂᕿᓗᑎᒃ ᐊᒻᒪᓗ ᑖᓐᓇᑑᓗᑎᒃ ᑲᒪᒋᔭᖃᕐᓂᐊᓱᑎᒃ ᑖᑦᓱᒥᖓ ᐃᒡᓗᒥᒃ, ᓯᖁᒥᓯᒪᔪᕐᓂᐊᕆᐊᓕᓐᓂᒃ ᐅᕝᕙᓘᓐᓃᑦ ᐊᑦᑕᑐᕈᑎᒥᒃ ᐃᓱᓕᑦᑎᓯᓂᕐᒥᒃ.
ᐊᑦᑕᑐᕈᑎᓂᒃ ᐊᑭᓖᒍᑎᑦᓴᓂᒃ ᑮᓇᐅᔭᕐᑖᑎᑕᐅᓂᐅᑉ ᐊᓯᐊᒍᑦ, ᐃᑲᔪᕐᓯᔭᐅᒍᑎᓖᑦ ᐃᓕᓐᓂᐊᑏᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᒡᓗᖃᕐᑎᓯᒍᑎᓄᑦ ᑲᒪᒋᓲᖏᓐᓂᒃ ᐊᑐᖕᖏᖔᓚᒐᒋᐊᒥᒃ ᑐᑭᑖᕐᓯᒪᔪᑦ ᐃᒣᑦᑐᖃᕐᑎᑕᐅᒍᓐᓇᑐᑦ:
- ᐊᑕᐅᓯᕕᓪᓗᑎᒃ ᐃᒡᓘᑉ ᐱᐅᒃᑯᑎᖏᓐᓂᒃ ᓂᐅᕕᕈᓐᓇᐅᑎᑦᓴᓂᒃ ᑮᓇᐅᔭᕐᑖᑎᑕᐅᓗᑎᒃ
- ᐃᓕᓐᓂᐊᓇᐅᑉ ᐊᕐᕌᒍᖓᓂᑕᒫᖅ ᒪᓕᒐᕐᒦᑐᑦ ᐊᑮᑦ ᐊᓯᑦᔨᒍᓐᓇᓂᖏᓐᓄᑦ ᐊᑭᓖᓲᖑᔪᒍᑦ ᐊᕐᕌᒍᑕᒫᖅ $500-ᓂᒃ ᑕᒪᒋᓐᓄᑦ ᐃᓕᓐᓂᐊᑎᓄᑦ ᓇᖕᒥᓂᖅ ᐊᓂᕐᕋᑖᕐᓯᒪᔪᓄᑦ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᒡᓗᖁᑎᖏᓐᓃᑐᓄᑦ ᐊᓂᕐᕋᒥᓂᒃ ᐱᐅᓯᒋᐊᕆᒍᑎᑦᓴᓄᑦ, ᐆᒃᑐᕋᐅᑎᒋᓗᒍ, ᓂᐅᕕᕈᒪᔪᕕᓂᐅᑉᐸᑕ ᐱᐅᓯᓭᒍᑎᑦᓴᓂᒃ ᐊᓂᕐᕋᒥᓂᒃ, ᓄᑖᒥ ᑕᓚᕖᓴᒥᒃ, ᐊᓯᖏᓐᓂᓗ ᐊᓂᕐᕋᒥᓂᒃ ᓇᖕᒥᓂᖅ ᐊᓂᕐᕋᖃᓕᐅᒥᒍᑎᑦᓴᒥᓂᒃ.