ᒪᓐᑐᔨᐊᓪ (ᓯᑉᑎᒻᐱᕆ 18, 2017 – 2:00-ᒥᑦ 4-ᒧᑦ ᐅᓪᓗᑯᑦ ᐱᖓᑦᓯᑐᓂ ᓯᑉᑎᒻᐱᕆ 20, 2017-ᒥ, ᓄᓇᕕᒃ ᓯᕗᓂᑦᓴᕗᑦ ᖁᕕᐊᓲᑕᐅᓛᕐᑐᖅ ᐅᒃᑯᐃᑕᐅᓂᖃᕐᓗᓂ ᐅᕙᓂ Club Atwater (3505 Atwater Ave, Montreal (QC) H3H 1Y2).

ᐃᓚᐅᓛᕐᑐᑦ ᑕᑯᓐᓇᑎᑦᓯᓂᖏᑦ ᐃᓕᓵᑦ ᐊᒻᒪᓗ ᙯᖁᔭᐅᓯᒪᔪᑦ.

ᐃᓚᐅᓛᕐᓂᓃᕕᑦ ᖃᕆᑕᐅᔭᒃᑯᑦ ᑐᓴᕐᑎᓯᒍᓐᓇᑐᑎᑦ ᐅᕗᖓ publicrelations@kativik.qc.ca

ᓄᓇᕕᒃ ᓯᕗᓂᑦᓴᕗᑦ ᓱᓇᐅᒻᒪᖔᑦ

ᓄᓇᕕᒃ ᓯᕗᓂᑦᓴᕗᑦ ᐊᑐᐃᓐᓇᐅᑎᑦᓯᕕᒃ ᓱᕐᖁᐃᑕᐅᒍᑎᓕᓐᓂᒃ ᐱᓇᓱᐊᕆᐅᕐᓴᕕᒻᒦᑐᓂᒃ ᐃᓕᓐᓂᐊᑎᑦᓯᓂᕐᒥᒃ ᐋᕐᕿᓱᕐᓯᒪᓂᓕᓐᓂᒃ ᐊᑐᐃᓐᓇᕈᕐᑎᒍᑎᐅᑦᓱᓂ ᐃᓄᓐᓂᒃ ᐅᕕᒃᑲᓂᒃ ᓯᕗᒧᐊᑦᑎᓯᒋᐊᕈᑎᓂᒃ ᐳᕐᑐᓂᕐᓴᒋᐊᓪᓚᓂᒃ ᐃᓕᓴᕐᓂᑎᒍᑦ, ᐱᕙᓪᓖᒋᐊᕐᕕᐅᓱᓂ ᐱᓇᓱᕝᕕᓂ ᐱᔪᓐᓇᐅᑎᑦᓴᓂᒃ ᐱᓇᓱᒐᐅᓲᓄᑦ ᐃᓕᒍᓐᓇᓯᑎᓗᒋᑦ ᓄᓇᕕᒻᒥ ᐱᓇᓱᕝᕕᓂ ᐊᒻᒪᓗ ᓴᐳᑦᔨᓗᒋᑦ ᐅᓄᕐᓯᒋᐊᕐᓗᒋᓪᓗ ᐃᓗᒡᒍᓯᒥᓂᒃ ᐅᐱᒪᓂᖃᕐᓗᑎᒃ ᐅᕕᒃᑫᑦ ᐱᔪᓐᓇᓯᐊᕐᓂᒥᓂᒃ ᐃᑉᐱᒍᓱᓪᓗᑎᒃ ᓯᕗᓕᕈᓐᓇᓯᓗᑎᒃ ᐱᓂᐊᕐᓂᓕᕆᓂᑎᒍᑦ ᐊᒻᒪᓗ ᐃᓅᖃᑎᒌᓐᓂᑎᒍᓪᓗ ᓯᕗᓂᑦᓴᓕᐅᕈᓐᓇᓯᑦᓯᐊᓗᑎᒃ ᓄᓇᓕᓕᒫᓂ. (ᖃᓪᓗᓈᕐᑎᑐᑦ ᑐᑭᖓ ᐅᖃᕐᑕᖅ) ᑲᑎᕕᒃ ᐃᓕᓴᕐᓂᓕᕆᓂᖅ (Kativik School Board-ᒍᓯᒪᔪᖅ) ᑲᔪᑎᑦᓯᔨ ᐱᕙᓪᓕᐊᒍᑎᖏᓐᓂᒃ ᐊᒻᒪᓗ ᐃᖏᕐᕋᓯᓂᖓᓂᒃ ᓄᓇᕕᒃ ᓯᕗᓂᑦᓴᕘᒥᒃ ᐱᓇᓱᐊᖃᑎᒋᑦᓱᒍ ᓯᓚᑦᑐᓴᐅᑎᓄᑦ ᐊᖓᔪᕐᖄᖓ ᐊᒻᒪᓗ ᑲᔪᓯᑎᑦᓯᓂᕐᓄᑦ ᐃᓕᓴᕐᓂᒥᒃ ᐱᓇᓱᕝᕕᖓ John Abbot College, ᓯᕗᓕᕐᑕᐅᓱᓂ ᓄᓇᕕᒃ ᓯᕗᓂᑦᓴᕗᑦ ᐊᔪᖀᒋᐊᕐᑎᖏᓐᓄᑦ ᑲᑎᒪᔨᓄᑦ. ᐃᓚᐅᔪᑦ ᐊᔪᖀᒋᐊᕐᑎᓄᑦ ᐅᑯᐊ: ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᒪᑭᕝᕕᒃ ᑯᐊᐳᔦᓴᓐ, ᑲᑎᕕᒃ ᐃᓕᓴᕐᓂᓕᕆᓂᖅ, ᐊᕙᑕᖅ ᐱᐅᓯᑐᖃᓕᕆᓂᖅ ᐊᒻᒪᓗ John Abbott College. ᑐᑭᓯᒋᐊᓪᓚᐅᑎᑦᓭᑦ ᐅᕙᓂ ᖃᕆᑕᐅᔭᑎᒍᑦ ᑕᑯᔭᐅᒍᓐᓇᑐᑦ: www.sivunitsavut.ca

— 30 —

 ᑐᑭᓯᒋᐊᓪᓚᕈᒪᔪᑦ, ᐆᒥᖓ ᖃᐅᔨᒋᐊᕐᕕᖃᕈᓐᓇᑐᑦ:

ᔦᑦ ᑐᓯᐊᔅᓅ-ᐱᐊᓀ (Jade Duchesneau-Bernier)

ᑐᓴᐅᒪᖃᑎᒌᒍᑎᓂᒃ ᑲᔪᓯᑎᑦᓯᔨ

publicrelations@kativik.qc.ca