ᐅᓪᓗᒥ ᒪᓐᑐᔨᐊᓪᒥ, ᑲᔪᓯᒃᑫᔨ ᖄᔨᐊ ᑭᓕᐅᑕᖅ ᑐᓂᔭᐅᑫᓐᓇᑐᖅ, ᐱᒍᑦᔨᓱᓂ ᐃᓕᓴᕐᓂᓕᕆᓂᒥᒃ ᐁᑦᑑᓯᐊᖓᓂᒃ, Fitzpatrick ᐃᓕᑕᕆᔭᐅᒍᑎᒥᒃ Frontier College-ᑯᓐᓂᑦ.  ᑖᓐᓇ ᐃᓕᑕᕆᔭᐅᒍᑎᒃ ᑐᓴᐅᒪᔭᐅᑦᓯᐊᑐᖅ ᓇᓗᓀᕐᓯᒍᑎᐅᑦᓱᓂ ᐃᓕᓴᕐᓂᓕᕆᓂᕐᒥᒃ ᑐᓂᓯᒪᓂᖓᓄᑦ ᓄᓇᕕᒻᒥ ᐱᐊᕃᑦ ᐃᓅᓱᑦᑐᐃᓗ ᐊᑐᐊᕐᓯᒍᓐᓇᓯᓕᐅᒥᒍᑎᖏᓐᓄᑦ.  “ᐱᓇᓱᖃᑎᒌᓐᓂᕗᓐᓂᒃ Frontier College-ᑯᓪᓗ ᐊᓐᓂᕈᓱᑦᓯᐊᐳᒍᑦ.  ᓄᐃᑦᓯᒍᑎᐅᓯᒪᒻᒪᑦ ᑲᔪᓯᑦᓯᐊᒪᕆᑦᑐᓂᒃ ᐱᒋᐊᕐᑎᑕᐅᖃᑦᑕᓯᒪᓕᕐᑐᓂᒃ, ᐆᒃᑐᕋᐅᑎᒋᓗᒍ ᐃᓕᓐᓂᐊᑎᓂᒃ ᑕᓯᐅᕐᓯᒍᑏᑦ ᐳᕐᑐᓂᕐᓴᒥ ᐃᓕᓐᓂᐊᑎᓅᓕᖓᔪᑦ ᓴᓇᑦᑐᓴᐅᑎᓕᕆᐅᑎᓂᒃ ᐊᑐᐊᕐᓯᒋᐅᕐᓴᕈᑎᓂᓪᓗ ᐱᓇᓱᐊᕐᑕᐅᓂᖏᑦ 12-ᓂ ᓄᓇᓕᓐᓂᑦ. ᓇᑯᕐᒦᖃᑎᖃᒍᒪᕗᖓ ᐃᓕᓴᕐᓂᓕᕆᓂᕐᒥ ᐄᑐᐊ ᓯᓅᐹᒥᑦ ᐱᓇᓱᖃᑎᖏᓐᓂᓗ ᐃᓕᓴᐅᑎᑦᓴᓕᐅᕐᕕᒥᐅᓂᑦ, ᐊᑑᑎᔭᐅᒍᓐᓇᓯᒻᒪᑦ ᐊᒻᒪᓗ ᐊᕐᖁᑎᐅᓪᓚᕆᑦᓱᑎᓪᓗ ᑐᑭᒧᐊᕐᑎᓯᓂᕐᒥᑦ ᐃᓕᓴᐅᑎᓂᑦ,” Mrs. ᑭᓕᐅᑕᖅ ᐅᖃᑫᓐᓇᑐᖅ.