ᒪᓐᑐᔨᐊ, ᑯᐯᒃ. (ᒫᕆ 17, 2025) – ᑯᐯᒃᑯᑦ ᓄᓇᖃᕐᖄᓯᒪᔪᐃᑦ ᓱᑯᐃᔦᓂᒻᒥ ᐊᒻᒪᓗ ᐃᖏᕐᕋᐅᑎᓕᕆᓂᕐᒥ ᐱᓇᓱᕝᕕᒃ, ᐊᓪᓓᑦ ᐃᓕᓐᓂᐊᕕᖓ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᖅ ᐊᓕᐊᑦᑐᑦ ᑐᓴᒃᑫᒋᐊᒥᒃ ᓱᑯᐃᔦᓂᖅ ᐊᑑᑎᓛᕐᒪᑦ 2025 ᑯᐯᒃ ᒫᕆ 18ᒥ 20ᒧᑦ, ᐊᓪᓓ ᓄᓇᖓᓂ ᑰᑦᔪᐊᕌᐱᒻᒥᓗ.

ᒫᕆ 19ᒥ ᐊᒻᒪᓗ  20ᒥ, ᐊᕙᑎᑦ ᓯᑕᒪᓪᓗᐊᑦᐃᓚᐅᔪᑦ ᓄᐃᑎᑦᓯᓛᕐᑐᑦ ᑰᑦᔪᐊᕌᐱᐅᑉ ᐱᖕᖑᕕᐊᓗᖓᓂ. ᐊᓈᓇᒃᑰᔪᑦ ᐊᑖᑕᒃᑰᔪᑦ ᐊᒻᒪᓗ ᓄᓇᕐᖃᑎᓯ ᑐᖕᖓᓱᓪᓗᓯ ᐁᓛᕐᖁᓯ ᒫᕆ 19ᒥ ᐊᓪᓗᓕᒫᖅ ᐊᒻᒪᓗ ᒫᕆ 20ᒥ ᐱᒋᐊᕐᓗᒍ 9:30 a.m. ᐱᔭᒌᓪᓗᓂ 12:00 p.m. ᐃᓚᒌᓈᕐᑎᑐᑦ ᐱᕙᓪᓕᐊᓂᖏᑦᑕ ᐱᓇᓱᑦᑕᒥᓂᑦ ᓵᓚᖃᐅᑎᑦᑖᓛᕐᑐᑦ. ᓵᓚᓖᑦ ᐅᖃᕐᑕᐅᓛᑦᑐᑦ ᒫᕆ 20ᒥ, ᐅᒃᑯᐊᓂᖃᓕᑐᐊᕐᒪᑦ ᓄᐃᑕᑎᑕᐅᓛᕐᑐᐃᑦ ᖃᕆᑕᐅᔭᒃᑯᑦ ᕓᔅᐳᒃᑯᑦ ᐊᓪᓓᑦ ᐃᓕᓐᓂᐊᕕᖓᑕ (Facebook/CreeSchoolBd).

ᐊᒥᓱᐃᑦ ᓱᖃᑦᓯᐅᑏᑦ ᐸᕐᓇᑕᐅᓯᒪᒻᒥᔪᑦ ᐃᓚᐅᔪᓐᓄᑦ ᓱᖃᑦᓯᑕᐅᓛᕐᑐᓂ. ᐸᕐᓇᓯᒪᔪᐃᑦ ᐱᓇᓱᑦᑏᑦ ᑐᕌᒐᖓ ᐳᓛᑦᑐᓂᑦ ᖃᐅᔨᑎᑦᓯᒍᒪᔪᐃᑦ ᐊᓪᓓᑦ ᐃᓄᐃᓪᓗ ᐃᓗᕐᕈᓯᖓᑕ ᓄᓇᓕᖓᓃᓕᕈᑎᑦ. ᓱᖃᑦᓯᐅᑏᑦ ᐋᕐᕿᓯᒪᔭᖏᑦ ᐃᓚᐅᔪᖅ ᐊᓐᓄᑐᒃᑯᑦ ᐊᐅᓚᔫᓐᓂᖅ, ᓱᖃᑦᓯᐅᑏᑦ, ᐱᖕᖑᓂᑦ ᐊᒻᒪᓗ ᐊᒥᓱᐃᑦ ᐊᓯᖏᑦ.

ᓵᓚᓖᑦ ᐳᕐᑐᓂᕐᓴᒥ, ᓯᑕᒪᓐᓂ ᓂᕈᐊᓛᕐᑐᑦ ᐱᒍᑦᔨᓗᑎᑦ “ᓄᓇᖃᕐᖄᓯᒪᔪᐃᑦ ᑯᐯᒻᒥ’’ ᓄᓇᓕᓕᒫᑦ ᑲᓇᑕᓕᒫᒻᒥ ᓱᑯᐃᔦᓂᒻᒥ. (ᕗᔨᐊᑐᔨᒃᓴᓐ, ᓂᐅ ᐳᔭᓐᔅᒍᐃᒃ, ᒣ 31ᒥ ᔫᓂ 6ᒧᑦ, 2025). ᐃᓚᒋᐊᓪᓗᒍ, ᓇᓪᓕᐊᑭᐊᖅ ᐃᓚᐅᔪᖅ ᐱᕕᑦᓴᖃᕐᑎᑕᐅᓛᕐᑐᖅ ᐃᓚᐅᓪᓗᓂ ᑲᓇᑕᒻᒥᐅᓕᒪᑦ ᓱᑯᐃ0ᓂᖃᓕᑐᐊᕐᒪᑕ 2025ᒥ, ᐊᑑᑎᓛᕐᑐᖅ ᐊᐳ ᑕᐱᒻᒥ, ᓯᑦᑏᒻᐱᕆ 27ᒥ  ᐆᑦᑑᐱᕆ 3ᒧᑦ, 2025).

ᐊᕐᕌᒍᑕᒫᑦ, ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᒻᒥ ᐊᑑᑎᒃᑫᓱᑦ ᓇᓪᓕᑳᒃᑕᐅᓱᑎᒃ ᐱᓇᓱᑦᑎᓄᑦ ᐊᑦᔨᐅᖏᑦᑐᓂ ᓄᓇᖃᕐᖄᓯᒪᔪᓐᓄᑦ ᓄᓇᓕᓐᓂ ᐅᕝᕙᓘᓐᓃᑦ ᐳᕐᑐᓂᕐᓴᒥ ᐃᓕᓐᓂᐊᑎᓐᓂᑦ ᑯᐯᒻᒥ.

ᐊᓪᓚᓯᒪᔪᑦ

“ᓱᑯᐃᔦᓂᒻᒥ ᐱᕙᓪᓕᐊᓯᒪᔪᓐᓂ ᓄᓇᖃᕐᖄᓯᒪᔪᓐᓄᑦ, ᓱᑯᐃᔦᓂᒃ ᑲᑎᑎᑦᓯᓲᖅ ᓄᓇᖃᕐᖃᓯᒪᔪᓐᓂ ᐃᓄᓐᓂᓗ ᐃᓅᓱᑦᑐᓂᑦ ᑯᐯᒻᒥᐊᓕᒫᓐᓂ. ᐱᕕᖃᕐᑎᓯᓲᖅ ᓄᐃᑕᑎᑦᓯᒋᐊᒥᒃ ᐱᓇᓱᑦᓯᒪᔭᖏᑦᑕ ᓱᑯᐃᔦᓂᒻᒥ ᐱᕙᓪᓕᐊᓂᖏᑦ, ᐅᖃᕐᑐᖅ ᒫᒃ ᓚᓚᓐᑎ, ᐊᖓᔪᕐᖄᖅ ᐱᓇᓱᕝᕕᒥ.

“ᐅᐱᒍᓱᓪᓚᕆᑉᐳᖓ ᐊᓪᓓᑦ ᐃᓕᓐᓂᐊᕕᖓᓂᒃ ᐸᕐᓇᒪᑕ ᑕᒪᑦᓱᒥᖓ ᐊᓕᐊᓇᕐᑐᒥ. ᓱᑯᐃᔦᓂᒻᒥ ᐱᓇᓱᑦᑕᐅᓯᒪᔪᑦ ᓲᖑᔪᒻᒥ ᐃᓕᑦᓯᓂᒻᒥᒃ ᐊᑑᑎᒃᑫᓲᑦ, ᐱᕕᖃᕐᑎᓯᑦᓱᑎᒃ ᐃᓕᓵᓐᓂ ᐃᓗᕐᕈᓯᖓᓂᒃ ᐃᓕᑕᕐᓯᓂᒻᒥᒃ ᓱᑯᐃᔦᓐᓂᑯᑦ. ᑖᓐᓇ ᐱᕙᓪᓕᐊᓂᖅ ᐃᓅᓱᑦᑐᓂᑦ ᑲᑦᓱᙰᓵᕆᑦᓴᓚᐅᕐᐸᑦ ᐊᑑᑎᓛᕈᒪᓪᓗᑎᑦ ᑭᖑᓂᖓᓂ, ᐅᖃᕐᑐᖅ ᑳᓓ ᒫᒃ, ᑲᒪᔨᒻᒪᕆᒃ ᐊᓪᓚᕕᒻᒥ ᐊᓪᓓᑦ ᐃᓕᓐᓂᐊᕕᖓᓂ.

“ᒪᕐᕉᒃ ᐅᓪᓗᐃᑦ ᐱᐅᔫᓛᕐᑕᑦ ᐱᕕᑦᓴᖃᓪᓗᑎᑦ ᐊᓪᓓᑦ ᓄᓇᖓᓂ ᑰᑦᔪᐊᕌᐱᒻᒥᓗ, ᐊᓈᓇᒃᑰᔪᐃᑦ ᐊᑖᑕᒃᑰᔪᐃᑦ ᓄᓇᕐᖃᑎᒌᓪᓗ ᐃᓅᖃᑎᒌᓪᓗᑎᑦ ᐃᓅᓱᑦᑐᓂᑦ. ᐊᓕᐊᓇᓲᖅ ᑌᒪᖕᖓ ᑕᑯᒋᐊᒥᒃ ᖃᐅᔨᖕᖑᐊᕈᒪᔪᓐᓂ ᐱᓇᓱᕝᕕᑎᓐᓂ. ᑲᑦᓱᙰᓵᕆᕗᒍᑦ ᓇᐅᓕᒫᓐᓂ ᐳᓛᒋᐊᖁᔨᑦᓱᑕ ᑕᒪᑦᓱᒥᖓ ᐊᑑᑎᓛᕐᑐᒥᒃ ᒫᕆ 19ᒥ ᐊᒻᒪᓗ 20ᒥ, ᑰᑦᔪᐊᕌᐱᐅᑉ ᐱᖕᖑᐊᕕᐊᓗᖓᓂ. ᑕᑕᒥᓛᕐᖁᑎᑦ, ᓱᓕᕗᖓ!” ᐅᖃᕐᑐᖅ ᖄᔨᐊ ᑭᓕᐅᑕᖅ, ᐊᖓᔪᕐᖄᒪᕆᒃ ᑲᑎᕕᒃ ᐃᓕᓴᕐᓂᓕᕆᓂᒻᒥ.

ᐅᕙᑦᑎᓄᐊᓕᖓᔪᖅ:

ᑯᐯᒃᑯᓂ ᓄᓇᖃᕐᖄᓯᒪᔪᐃᑦ ᓱᑯᐃᔦᓂᐅᑉ ᐊᒻᒪᓗ ᐃᖏᕐᕋᐅᑎᓕᕆᓂᖅ ᐱᓇᓱᒐᖅ ᑮᓇᐅᑦᔭᓴᓕᐅᖕᖏᑐᖅ ᐱᓇᓱᒐᖅ ᓄᐃᑕᑎᑦᓯᑐᐃᓐᓇᖑᒪᔪᐃᑦ ᓱᑯᐃᔦᓂᒻᒥ ᐃᖏᕐᕋᐅᑎᓕᕆᓂᒻᒥᓗ ᐃᓅᓱᑦᑐᓄᑦ ᐃᓕᓐᓂᐊᑐᓐᓄᑦ ᐃᓚᐅᔪᓐᓂ ᓄᓇᖃᕐᖄᓯᒪᔪᓐᓄᑦ ᐃᓄᓐᓂᓗ ᓄᓇᓕᓐᓂᑦ ᑯᐯᒻᒥ. ᑖᓐᓇ ᓱᑯᐃᔦᓂᖅ ᐱᔭᒌᓲᖅ ᐊᑑᑎᒍᒪᔭᒻᒥᓂᒃ ᓄᓇᖃᕐᖄᓯᒪᔪᓐᓄ ᓱᑯᐃᔦᓂᒃᑯᑦ ᐱᓇᓱᕝᕕᖓᑎᒍᑦ. ᖃᐅᔨᕆᐊᒍᒪᕈᕕᑦ ᖃᕆᑕᐅᔭᒃᑯᑦ: www.asfquebec.ca.

ᐊᓪᓓᑦ ᐃᓕᓐᓂᐊᕕᖓ ᓄᐃᑕᐅᓯᒪᔪᖅ 1978ᒥ ᐊᖏᖃᑎᒌᓐᓂᑯᑦ ᔦᒻᔅ ᐯ ᑕᕐᕋᒥᐅᑦ ᑯᐯᒻᒥ 1975ᒥ. ᐱᑦᔪᑎᖓ ᐱᒍᑦᔨᑎᓪᓗᕈ ᐊᓪᓚᓂᑦ ᐊᒻᒪᓗ ᓲᓱᑦᑎᓯᔪᖅ ᐅᕙᑦᑎᓄ ᐊᐅᓚᑦᓯᓗᑕ ᐱᒍᑦᔨᓂᕐᒥ ᐃᓕᓐᓂᐊᓂᒻᒥ, ᓄᐃᑕᑎᑦᓯᓯᐊᓪᓂ ᐱᒍᓐᓇᐅᑎᑦᑎᓂ ᐱᐅᔪᓐᓂᑦ, ᐃᓐᓂᕈᓱᑦᓯᐊᑐᑦ ᐅᖃᐅᓯᑦᑎᓂ ᐊᒻᒪᓗ ᐃᓗᕐᕈᓯᑦᑎᓂ, ᑎᒍᒥᐊᑦᓯᐊᑐᖅ ᐃᓗᕐᕈᓯᑦᑎᓂ ᐊᑑᑎᓲᑦᑎᓂ ᐃᓅᖃᑎᑦᑕ. ᐃᓚᒋᐊᓪᓗᕈ, ᐊᓪᓓᑦ ᐃᓕᓐᓂᐊᕕᖓ ᓲᓱᑦᓴᑐᖅ ᐱᐅᔪᒻᒥ ᐃᓕᓐᓂᐊᓂᒻᒥ, ᐃᓚᐅᓐᓂᒥᒃ ᐊᒻᒪᓗ ᐃᓅᖃᑎᒌᑦᓯᐊᓂᐅᑉ ᐃᓕᓐᓂᐊᓂᖓᑕ ᐄᔨᔨᐅ ᐄᓅ ᐃᓄᖏᓐᓂᑦ ᐊᒻᒪᓗ ᒫᓂᑎᐅ ᐳᓛᕐᑎᖏᓐᓂᑦ ᓄᓇᓕᒻᒥᐅᑦ ᓄᓇᑦᑎᓂ. ᑲᐅᔨᕆᐊᒍᒪᕈᕕᑦ ᑕᑯᒍᓐᓇᑐᑎᑦ ᖃᕆᑕᐅᔭᒃᑯᑦ: www.eeyoueducation.ca

ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓐᓂᐊᓂᓕᕆᔨᒃᑯᑦ ᓄᓇᕕᒻᒥ, ᓄᐃᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᑖᓐᓇᑐᐊᖑᑦᓱᓂ ᐱᑕᖃᕐᑎᓯᔪᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒨᓕᖓᔪᑦ ᐱᓇᓱᐊᕐᑕᐅᔪᑦ ᐱᕙᓪᓕᐊᑎᓯᒪᔭᖏᑦ ᐃᓕᓐᓂᐊᓂᓕᕆᓂᐅᑉ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓂᑦ ᐃᓕᓐᓂᐊᕕᖏᓐᓂᑦ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑑᕐᖄᓱᑎᒃ ᐅᖃᐅᓯᕐᖄᒥᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᖃᕐᑎᓪᓗᒍ ᐅᖃᐅᓯᖓ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 18-ᓂᒃ ᐃᓕᓐᓂᐊᕕᓐᓂᒃ ᐳᒃᑭᓂᕐᓴᓂᒃ ᐳᕐᑐᓂᕐᓴᓂᓪᓗ ᐊᒻᒪᓗᑦᑕᐅ 6-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: kativik.qc.ca

— 30 — 

ᑐᑭᓯᒋᐊᕐᕕᓴᖅ:

ᔮᑦ ᑐᓯᓅ-ᐱᕐᓀ
ᑐᓴᕋᑦᓴᓕᕆᕕᒻᒥ ᐊᑕᐅᑦᓯᑰᕐᑎᓯᔨ
514 797-8220 | 1 800 360-2244 ᓵᖓᓃᑦᑐᖅ ᑭᓯᑦᔪᑎᖓ 309 | publicrelations@kativik.qc.ca

or

Marc Lalande
President-Treasurer
Quebec Aboriginal Science and Engineering Association (QASEA)
(819) 661-5186

or

Beth Wabano
Communications Consultant, Cree School Board
Cell: (705) 221 1712 or (418) 923 2764 ext. 1412 | beth.wabano@cscree.qc.ca