ᓄᐃᑦᓯᓯᐊᕈᒪᒧᑦ ᐱᓇᓱᑦᑕᐅᔪᓂᒃ, ᐱᔭᐅᓯᒪᔪᓂᒃ ᐊᒻᒪᓗ ᐊᓕᐊᒋᔭᐅᔪᓂᒃ ᐱᓇᓱᑦᑎᑎᓐᓄᑦ, ᐊᓪᓚᓯᒪᔪᓕᐅᕐᑎᕗᑦ ᓄᐃᑦᓯᒋᐊᖕᖓᓚᖓᔪᑦ ᓄᑖᒥᒃ ᐅᓂᒃᑳᑐᐊᕐᓂᒧᑦ ᐃᓂᓪᓚᖓᐅᑎᒥᒃ ᐊᓪᓚᖃᑦᑕᓗᑎᒃ ᑐᖓᓕᕇᓂᒃ ᐊᑐᐊᒑᐱᓐᓂᒃ ᑕᑯᓐᓇᖃᑦᑕᑎᓪᓗᒋᑦ ᐱᓇᓱᒐᕐᒥᒃ, ᐱᓇᓱᕝᕕᒥᒃ ᐅᕝᕙᓗᓘᓐᓃᑦ ᐊᓪᓛᑦ ᓇᔪᕐᑕᐅᔪᒥᒃ ᐱᕕᓕᐅᕈᑎᒋᓗᒋᑦ ᐊᓪᓚᓂᐊᕐᑐᑦ ᑐᑭᓯᒋᐊᓪᓚᓂᖓᓂᒃ ᓱᓲᖑᒻᒪᖔᑕ ᑕᑯᓐᓇᑕᑦᑕ ᑐᖔᓂ!

ᑖᒃᑯᐊ ᐊᑐᐊᒉᑦ ᓯᕗᓪᓕᐸᐅᕗᑦ ᑐᖓᓕᕇᓂ ᐊᓪᓚᑕᐅᖃᑦᑕᓚᖓᔪᓂ ᑲᒪᒋᔭᑐᐊᖃᕐᑎᓗᒋᑦ ᖃᐅᔨᒪᔭᑦᓴᓂᒃ ᐱᓇᓱᐊᕈᑎᓄᑦ (IT) ᐱᓇᓱᕝᕕᒥᒃ!

ᐱᓇᓱᑦᑏᑦ ᑕᕐᕋᓃᑦᑐᑦ

ᓄᐃᑦᓯᓯᐊᕈᒪᒧᑦ ᐱᓇᓱᑦᑕᐅᔪᓂᒃ, ᐱᔭᐅᓯᒪᔪᓂᒃ ᐊᒻᒪᓗ ᐊᓕᐊᒋᔭᐅᔪᓂᒃ ᐱᓇᓱᑦᑎᑎᓐᓄᑦ, ᐊᓪᓚᓯᒪᔪᓕᐅᕐᑎᕗᑦ ᓄᐃᑦᓯᒋᐊᖕᖓᓚᖓᔪᑦ ᓄᑖᒥᒃ ᐅᓂᒃᑳᑐᐊᕐᓂᒧᑦ ᐃᓂᓪᓚᖓᐅᑎᒥᒃ ᐊᓪᓚᖃᑦᑕᓗᑎᒃ ᑐᖓᓕᕇᓂᒃ ᐊᑐᐊᒑᐱᓐᓂᒃ ᑕᑯᓐᓇᖃᑦᑕᑎᓪᓗᒋᑦ ᐱᓇᓱᒐᕐᒥᒃ, ᐱᓇᓱᕝᕕᒥᒃ ᐅᕝᕙᓗᓘᓐᓃᑦ ᐊᓪᓛᑦ ᓇᔪᕐᑕᐅᔪᒥᒃ ᐱᕕᓕᐅᕈᑎᒋᓗᒋᑦ ᐊᓪᓚᓂᐊᕐᑐᑦ ᑐᑭᓯᒋᐊᓪᓚᓂᖓᓂᒃ ᓱᓲᖑᒻᒪᖔᑕ ᑕᑯᓐᓇᑕᑦᑕ ᑐᖔᓂ!

ᑖᒃᑯᐊ ᐊᑐᐊᒉᑦ ᓯᕗᓪᓕᐸᐅᕗᑦ ᑐᖓᓕᕇᓂ ᐊᓪᓚᑕᐅᖃᑦᑕᓚᖓᔪᓂ ᑲᒪᒋᔭᑐᐊᖃᕐᑎᓗᒋᑦ ᖃᐅᔨᒪᔭᑦᓴᓂᒃ ᐱᓇᓱᐊᕈᑎᓄᑦ (IT) ᐱᓇᓱᕝᕕᒥᒃ!

ᑰᕕᑦ-19 ᓯᓚᕐᔪᐊᓕᒫᒥ ᖃᓂᒻᒪᕈᑕᐅᑲᓪᓚᑐᐊᓘᒻᒪᑦ, ᓱᓇᑐᐃᓐᓀᑦ ᐊᓯᑦᔨᓴᐅᑎᒋᐊᐱᓚᐅᔪᔪᑦ: “ᑌᒣᒍᒪᖕᖏᑲᓗᐊᕈᑦᑕ, ᐊᑕᐅᓯᕐᒥ ᐊᕐᕌᒍᒥ ᐱᓇᓱᒋᐊᖃᓯᓚᐅᔪᔪᒍᑦ ᐱᐅᓯᐅᖃᑦᑕᓯᒪᔪᖅ ᒪᓕᒃᑯᑎᒍ ᐊᕐᕌᒍᓂᒃ ᓯᑕᒪᓂᒃ ᑕᓪᓕᒪᓂᓪᓘᓃᑦ ᐱᓇᓱᒐᔭᕐᑕᕕᓂᑦᑎᓂᒃ. ᓯᓚᕐᔪᐊᓕᒫᒥ ᖃᓂᒻᒪᑐᐊᕐᒪᑕ, ᐃᓄᓕᒫᑦ ᐊᓂᕐᕋᓯᒪᓯᓚᐅᔪᔪᑦ. ᐊᑐᕈᓐᓇᓯᑎᒋᐊᖃᓚᐅᔪᔭᕗᑦ ᐃᓕᓴᕐᓂᓕᕆᓂᐅᑉ ᐃᓱᐊᖁᑎᒐᓚᖏᓐᓂᒃ.”

ᐃᓪᓗᑐᖄᓗᑦᑎᑐᑦ ᐃᒻᒥᒍᓪᓕᑕᐅᖅ ᐱᔭᕆᐊᑐᒍᑎᖃᕐᒥᓱᓂ, ᑕᒪᓐᓇ ᐊᑦᓱᕈᕐᓱᓂ ᐱᓇᓱᓐᓂᐅᓚᐅᔪᔪᖅ ᓄᐃᑦᓯᓗᕆᓚᐅᔪᕗᖅ ᐱᒻᒪᕆᒻᒥᒃ ᐃᓱᐃᓗᑕᕐᒥᒃ IT-ᓕᕆᓂᐅᑉ ᐃᓗᐊᓂ: ᐱᐅᒡᒍᑎᖏᑦᑕ ᓇᑉᐸᑎᕐᓯᒪᔪᖏᓐᓂᒃ. ᐊᒥᓱᖕᖑᓂᖓᑦ ᐃᑯᒪᐅᒻᒨᑐᑦ ᐱᒍᑎᒐᓓᑦ ᐊᒻᒪᓗ ᐱᓕᐅᒥᓂᖓ (ᓲᖕᖏᑲᓗᐊᕐᑎᓗᒍ) ᖃᕆᑕᐅᔦᑦ ᐱᑐᕕᖓᓂ ᓱᑲᓐᓂᖓᑕ ᓄᓇᕕᒻᒥ ᖃᕆᑕᐅᔭᑎᒍᑦ ᐱᖁᑎᑦᑎᓂᒃ ᐊᑦᓱᕈᕐᑎᓯᓕᕐᑐᑦ.

“ᓇᑉᐸᑎᕐᓯᒪᓂᕗᑦ ᐋᕐᕿᒋᐊᑦᓯᐊᕆᐊᖃᓕᕐᑕᕗᑦ, ᐱᒋᐊᖕᖓᐅᒥ ᑕᒪᑐᒧᖓ ᓴᓇᓯᒪᑦᔭᖏᒻᒪᑕ. ᐃᓱᒪᑖᕐᑎᓚᖓᓗᑎᑦ, ᓲᕐᓗ ᓄᓇᒃᑰᔫᑐᖃᕐᒥᒃ Ford T-ᑐᖃᕐᒥᒃ ᑌᒫᑦᓭᓇᖅ ᐃᖏᕐᕋᑎᑦᓯᒐᓱᑦᑑᔮᕋᑦᑕ ᓱᑲᓕᐅᑎᒍᑎᑎᑐᑦ Formula 1-ᓂᒃ ᓱᑲᓕᐅᑎᔩᑦ ᓄᓇᒃᑰᔫᖓᑎᑐᑦ.”

ᓱᓕᑦᑕᐅᖅ ᑕᒪᒃᑯᐊ ᖄᖓᒍᑦ, IT-ᓂᒃ ᐱᓇᓱᑦᑏᑦ ᑌᒣᒻᒥᑎᓪᓗᒋᑦ, ᓈᓴᕐᓯᒪᔪᑦ ᐱᓇᓱᐊᑦᓭᑦ ᐊᒻᒪᓗ ᑲᒪᒍᑕᐅᔪ ᐊᓪᓚᖁᑎᖏᑦ ᐊᒥᓱᖕᖑᐸᓪᓕᐊᒥᔪᑦ. ᐱᓇᓱᖃᑎᒌᑦ ᑭᖕᖒᒪᒋᔭᐅᓂᕐᒥᒃ ᓂᐳᕐᑎᓯᖃᑦᑕᕆᐊᖃᓕᕐᑐᑦ ᐊᓯᑦᔨᑐᐃᖏᓐᓇᒥᓗᑎᒃ IT-ᓄᑦ ᓇᑉᐸᑎᕐᓯᒪᔪᓂᒃ.

ᑌᒣᒐᓗᐊᕐᑎᓗᒍ, ᓄᑕᐅᓯᓕᑎᕆᓂᒃᑯᑦ ᐅᕝᕙᓗᓘᓐᓃᑦ ᓄᓇᒃᑰᔫᕐᓗᓂᒃᑯᑦ ᐱᓀᓗᑕᐅᓂᐊᕋᓗᐊᕐᐸᑦ – ᐅᖃᖕᖑᐊᕈᑕᐅᔪᖅ ᐃᓱᐊᕆᓂᕐᓭᑦ ᐊᑐᕐᓗᒍ – ᐱᓪᓚᕆᓐᓂᒃ ᐊᒻᒪᓗ ᓱᑌᔭᕐᑐᓂᒃ ᐱᕙᓪᓕᓂᖃᕐᓯᒪᓕᕐᑐᖅ. ᐆᑦᑑᑎᒋᓗᒍ, ᐃᓕᓐᓂᐊᕖᑦ ᐱᑐᑦᓯᒪᔪᐃᓐᓇᐅᓕᕐᑐᑦ ᐊᕐᖁᑎᖃᕐᓱᑎᒃ ᐊᑕᐅᓯᐅᓕᑎᑦᓯᔪᒥᒃ DASH ᖃᕆᑕᐅᔭᕈᑎᖓᓂᒃ ᑐᕐᖁᐊᑎᕐᑐᒥᒃ ᐊᑕᐅᓯᕐᒧᑦ ᖃᐅᔨᒪᔭᑦᓴᑯᕕᒻᒧᑦ ᒪᓐᑐᔨᐊᓪᒥ.

ᑭᓯᐊᓂ, ᐊᑦᓱᕈᕐᓇᑐᑲᓪᓚᓂᒃ ᐱᓇᓱᐊᑦᓴᖃᓚᖓᔪᖅ ᓱᓕ IT-ᓂᒃ ᐱᓇᓱᑦᑎᑎᓐᓄᑦ: ᐱᓇᓱᑦᑎᖁᑎᓂᒃ ᖃᐅᔨᒪᓪᓗᑯᑦᑐᕈᐃᓂᖅ; ᐊᑦᓱᕉᑏᑦ ᐱᓇᓱᑦᑎᓯᐅᕐᓂᑯᑦ ᐊᒻᒪᓗ ᓴᑑᒪᓂᕐᒧᑦ ᐃᓱᐃᓗᑌᑦ, ᐊᒥᓲᖕᖏᑑᓐᓃᑦ ᐅᖃᕐᓗᒋᑦ. ᑕᒪᒃᑯᐊ ᐅᖃᕋᑦᓭᑦ ᑲᒪᒋᔭᐅᓛᕐᑐᑦ ᑭᖑᓪᓕᐅᖃᑦᑕᓚᖓᔪᓂ ᐊᑐᐊᒐᓕᐊᓂ…

ᒪᓕᑦᑐᑕᐅᑕ ᐃᓄᐃᑦ ᑐᓴᐅᒪᐅᑎᒍᑎᖏᓐᓂ ᓱᓇᒥᒃ ᖃᐅᑦᔩᑐᓕᓂᐊᖕᖏᓇᑦᓯ!