ᒪᓐᑐᔨᐊᓪ, ᑯᐯᒃ. (ᑏᓯᒻᐱᕆ 12, 2022) – ᑏᓯᒻᐱᕆ 6, 2022-ᖑᑎᓪᓗᒍ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ (KI) ᑲᒥᓯᓀᑦ ᑭᒡᒐᑐᕐᑎᖏᑦ ᑐᖕᖓᓱᑦᑎᓯᔪᕕᓃᑦ ᒪᕐᕉᓂᒃ ᓄᑖᓂᒃ ᑲᒥᓯᓇᓂᒃ: ᐄᒪ ᒪᓂᒃ (ᑲᖏᕐᓱᒃ) ᐊᒻᒪᓗ ᓘᑲᓯ ᐱᓗᕐᑑᑦ (ᑲᖏᕐᓱᔪᐊᖅ). ᑭᖑᓂᐊᒍᑦ ᓂᕈᐊᕐᑕᐅᔪᖃᕐᓂᒥᔪᖅ ᐳᕐᑐᓂᕐᓭᑦ ᑲᑎᒪᔨᖓᓂᒃ. ᐃᓇᖐᕐᓯᓱᓂ ᓯᐊᔭ ᐸᐅᓪᒥᒃ ᓄᕐᙯᓇᕐᑐᕕᓂᖅ ᓄᓇᕕᒻᒥ ᐃᓗᓯᓕᕆᕕᒻᒥ ᐱᓇᓱᒐᕐᑖᑐᕕᓂᐅᓂᑯᒥᓄᑦ:

ᐳᕐᑐᓂᕐᓭᑦ ᑲᑎᒪᔨᖏᑦ ᒪᑯᐊ:

• ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐊᖓᔪᕐᖄᖅ ᐊᒻᒪᓗ ᐳᕐᑐᓂᕐᓴᓄᑦ ᑲᑎᒪᔨ: ᓯᐊᔭ ᐋᓗᐸ (ᖁᐊᕐᑕᖅ)
• ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐊᖓᔪᕐᖄᑉ ᑐᖓᓕᖓ ᐊᒻᒪᓗ ᐳᕐᑐᓂᕐᓴᓄᑦ ᑲᑎᒪᔨ: ᐋᑕᒥ ᐹᓪᓚᔮᑦ (ᐃᓄᑦᔪᐊᒃ)
• ᐳᕐᑐᓂᕐᓴᓄᑦ ᑲᑎᒪᔨ: ᓘᑲᓯ ᐱᓗᕐᑑᑦ (ᑲᖏᕐᓱᔪᐊᖅ)
• ᐳᕐᑐᓂᕐᓴᓄᑦ ᑲᑎᒪᔨ: ᐄᕕ ᖃᓕᖑ (ᐃᕗᔨᕕᒃ)
• ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᑭᒡᒐᑐᕐᑎ ᐊᒻᒪᓗ ᐳᕐᑐᓂᕐᓴᓄᑦ ᑲᑎᒪᔨ: ᑦᔨᐊᓂᕗ ᖃᓐᑕ (ᑰᑦᔪᐊᕌᐱᒃ)

* ᓴᐅᒥᐊᓂ ᐱᒋᐊᕐᓱᓂ ᑕᓕᕐᐱᐊᓄᑦ: ᓯᐊᔭ ᐋᓗᐸ, ᐋᑕᒥ ᐹᓪᓚᔮᑦ, ᓘᑲᓯ ᐱᓗᕐᑑᑦ, ᐄᕕ ᖃᓕᖑ, ᐊᒻᒪᓗ ᑦᔨᐊᓂᕗ ᖃᓐᑕ.

ᐃᓕᓴᕐᓂᓕᕆᓂᖅ:

ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓐᓂᐊᓂᓕᕆᔨᒃᑯᑦ ᓄᓇᕕᒻᒥ, ᓄᐃᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᑖᓐᓇᑐᐊᖑᑦᓱᓂ ᐱᑕᖃᕐᑎᓯᔪᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒨᓕᖓᔪᑦ ᐱᓇᓱᐊᕐᑕᐅᔪᑦ ᐱᕙᓪᓕᐊᑎᓯᒪᔭᖏᑦ ᐃᓕᓐᓂᐊᓂᓕᕆᓂᐅᑉ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓂᑦ ᐃᓕᓐᓂᐊᕕᖏᓐᓂᑦ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑑᕐᖄᓱᑎᒃ ᐅᖃᐅᓯᕐᖄᒥᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᖃᕐᑎᓪᓗᒍ ᐅᖃᐅᓯᖓ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 18-ᓂᒃ ᐃᓕᓐᓂᐊᕕᓐᓂᒃ ᐳᒃᑭᓂᕐᓴᓂᒃ ᐳᕐᑐᓂᕐᓴᓂᓪᓗ ᐊᒻᒪᓗᑦᑕᐅ 6-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: kativik.qc.ca.

— 30 —

ᑐᑭᓯᒋᐊᑦᓯᐊᕈᒪᒍᕕᑦ:
ᔮᑦ ᑐᓯᐊᔅᓇᐅ-ᐱᐊᕐᓃ
ᑐᓴᐅᒪᖃᑎᒌᓐᓂᒧᑦ ᐊᑕᐅᑦᓯᑰᕐᑎᓯᔨ
514-482-8220 ext. 309
publicrelations@kativik.qc.ca