ᐊᒡᓚᒋᐊᖃᕐᑐᑎᑦ ᑕᑕᕐᓴᒌᑦᓯᐊᓗᒍ ᐊᑭᓖᒍᑎᕕᓃᑦ ᑕᐅᕐᑎᖏᓐᓄᑦ ᑕᑕᕐᓴᒐᖅ ➔ ᑐᓂᓗᒍᓗ ᖃᕆᑕᐅᔭᒃᑯᑦ ᐊᒡᓚᑖᕐᑎᓯᒍᑎᒃᑯᑦ, ᐃᓚᖃᕐᑎᓗᒍ ᐊᑭᓕᕋᑦᓴᑖᕕᓂᕐᐱᑦ ᐊᑦᔨᖏᓐᓂᒃ ᐃᑲᔪᕐᓯᒪᒍᓐᓇᑐᓂᓪᓗ ᐊᒡᓚᓯᒪᔪᓂᒃ ᐊᑐᕆᐊᖃᑐᐊᕐᐸᑕ.

ᐊᒡᓚᑖᕐᑎᓯᒍᑎᒃᑯᑦ: school.operations@kativik.qc.ca

ᑐᓂᔨᒌᕐᑐᕕᓂᐅᓕᕈᕕᑦ ᐊᑭᓖᒍᑎᕕᓂᑎᓐᓂᒃ ᐊᒻᒪᓗ ᕿᑐᕐᖓᐱᑦ ᓇᐅᓕᒫᑦ ᐃᓕᓐᓂᐊᕕᖓᓂ ᐃᓕᓐᓂᐊᑎᐅᓂᖓᑕ ᓱᓪᓕᑕᐅᒍᑎᖓᓂᒃ ᓄᐃᑦᓯᒍᑎᒥᒃ, ᐃᓘᓐᓇᖏᑦᑕ ᑕᐅᕐᑎᖏᓐᓂᒃ ᐊᑭᓕᕐᑕᐅᓂᐊᕐᑐᑎᑦ ᐅᑯᓄᖓ:

• ᐃᓕᓐᓂᐊᕕᒻᒥ ᐊᑐᕐᑕᐅᒋᐊᓖᑦ ᐊᓐᓄᕌᖏᑦ (ᐅᓄᕐᓂᐹᖓ $225.00 ᐃᓕᓐᓂᐊᓇᐅᑉ ᐊᕐᕌᒍᖓᓄᑦ).
  ᖃᐅᔨᒪᔭᐅᒋᐊᓕᒃ: ᐃᓕᓐᓂᐊᕕᖓᑕ ᐊᓐᓄᕌᕆᔭᐅᖁᔭᖏᑦᑕ ᐊᒡᓚᓯᒪᔪᖏᑦ ᐱᑕᖃᕆᐊᓖᑦ;
• ᐅᓄᕐᓂᐹᖃᕐᓱᓂ $435.00 ᐃᓕᓐᓂᐊᓇᐅᑉ ᐊᕐᕌᒍᖓᓂ ᓇᐅᓕᒫᑦ ᐃᓕᓐᓂᐊᕕᖏᓐᓂ ᐊᑭᓕᕆᐊᓖᑦ ᐃᓚᐅᑎᓪᓗᒋᑦ ᐃᓕᓐᓂᐊᒐᕐᓂ ᐃᓕᓐᓂᐊᕈᒪᔭᕐᓱᒍᓐᓇᑕᖏᓐᓂ ᐃᓕᓐᓂᐊᕈᑎᑦᓭᑦ ᐆᒃᑐᕋᐅᑎᒋᓗᒋᑦ ᓴᓇᖕᖑᐊᓃᑦ, ᐊᑦᔨᓕᐅᕆᓂᖅ, ᐊᓯᖏᓪᓗ. (ᐃᓘᓐᓇᖓᓄᐊᖓᔪᓄᑦ ᐊᑭᓕᕆᐊᓖᑦ ᐊᑭᓕᕐᑕᐅᖁᔭᐅᒍᓐᓇᑐᑦ ᐃᑲᔪᕐᓯᒪᒍᑎᖏᓐᓂᒃ ᐊᒡᓚᓯᒪᔪᖃᕐᑎᓗᒋᑦ ᑭᓯᐊᓂ);
• ᐅᓯᑲᑦᑕᐅᑎᒃᑯᑦ ᐅᓯᔭᐅᓃᑦ;
• ᐃᓄᓕᒫᓅᐊᖓᔪᓂᑦ ᐃᖏᕐᕋᐅᑎᓂ ᐊᑭᓖᒍᑎᑦᓭᑦ (ᐅᓄᕐᓂᐹᖓ $58.00 ᑕᕐᕿᑕᒫᑦ);
• ᐅᐱᕐᖔᑯᑦ ᐃᓕᓐᓂᐊᒐᕐᓄᑦ ᐊᑭᓕᕆᐊᓖᑦ.

ᓇᐅᓕᒫᑦ ᐃᓕᓐᓂᐊᕕᖏᓐᓂ ᐊᑐᕆᐊᓕᓐᓂᒃ ᓱᓇᑐᐃᓐᓇᓂᒃ ᐊᑭᓖᒍᑎᕕᓃᑦ ᑕᐅᕐᑎᖏᑦᑕ ᐊᑭᓕᕐᑕᐅᓂᖏᑦ ᐅᓄᕐᓂᐹᕆᓂᐊᕐᑕᖓ ᐋᕐᕿᑕᐅᓯᒪᓲᖅ ᐃᓕᓐᓂᐊᓇᐅᑉ ᐊᕐᕌᒍᖓᓄᑦ (ᐊᒡᓚᐅᑏᑦ, ᑲᒃᑭᒍᑎᑦᓭᑦ, ᓇᖕᒪᒑᑦ, ᖃᕆᑕᐅᔭᒧᑦ ᑲᐅᑎᑎᒉᑦ, ᐅᓪᓗᒍᒥᑕᖃᐅᑏᑦ, ᕿᓪᓚᕿᐊᑦ ᐴᑦᓴᔦᑦ, ᐊᓯᖏᓪᓗ.):

• $225 ᐃᓕᓐᓂᐊᕆᐊᖕᖓᑐᓂ ᐊᒻᒪᓗ ᐳᒃᑭᓂᕐᓴᒥ ᐃᓕᓐᓂᐊᕕᓐᓂ
• $300 ᐳᕐᑐᓂᕐᓴᓂ ᐃᓕᓐᓂᐊᕕᓐᓂ

ᐊᑭᓖᓲᖑᖕᖏᑐᒍᑦ ᐊᑭᓖᒍᑎᕕᓂᕐᓂᒃ ᐃᒣᑦᑐᓂᒃ:

• ᐃᑯᒪᐅᑎᒨᕐᑐᐃᑦ ᐆᒃᑐᕋᐅᑎᒋᓗᒋᑦ ᖃᕆᑕᐅᔦᑦ ᐊᒻᒪᓗ ᖃᕆᑕᐅᔭᒃᑯᑦ ᐱᓇᓱᒍᑏᑦ;
• ᐊᑭᓕᕆᐊᓖᑦ ᐃᓕᖓᔪᑦ ᐊᓯᐊᓅᕐᑎᑕᐅᑦᓱᑎᒃ ᓱᓇᓱᐊᕐᑎᓯᓂᕐᓄᑦ, ᑐᓂᔭᐅᒋᐊᓕᓐᓄᑦ ᐊᑭᓕᕆᐊᓖᑦ (ᐊᑭᓕᕆᐊᖃᕐᑎᑕᐅᒐᓗᐊᕐᐸᑕ ᐊᑭᓕᕆᐊᖃᖕᖏᒃᑲᓗᐊᕐᐸᑕᓘᓐᓃᑦ) ᐊᒻᒪᓗ ᓴᓇᖕᖑᐊᓂᕐᒧᑦ ᐅᕝᕙᓘᓐᓃᑦ ᐃᙯᓕᓴᕐᓂᒥ-ᐃᓕᓐᓂᐊᓂᕐᒧᑦ ᓱᖃᑦᓯᑎᑕᐅᒍᑏᑦ;
• ᐊᑭᓕᕆᐊᓖᑦ ᐊᒻᒪᓗ ᑮᓇᐅᔭᕐᑐᕈᑏᑦ ᓇᐅᓕᒫᓄᑦ ᐃᓕᓐᓂᐊᕕᒋᔭᐅᖕᖏᑐᒥ ᕿᑐᕐᙰᑦ ᐃᓕᓐᓂᐊᑎᐅᑐᐊᕐᐸᑦ;
• ᐃᓕᓐᓂᐊᕕᐅᑉ ᐯᕆᑦᓯᕕᖏᓐᓂ ᐱᑦᔪᔭᐅᒍᑏᑦ (ᐊᑭᓕᕆᐊᓖᑦ ᐃᓕᖓᔪᑦ ᐸᒡᒋᔨᔭᐅᓂᕐᒧᑦ ᐃᓕᓐᓂᐊᓇᓚᐅᕐᑎᓇᒍ, ᐃᓕᓐᓂᐊᓇᕇᕐᑎᓗᒍ ᐊᒻᒪᓗ ᐅᓪᓗᒍᒥᑕᕐᓇᐅᑎᓪᓗᒍ).

ᐊᐱᕐᓲᑎᖃᑐᐊᕈᑦᓯ ᖃᓄᑐᐃᓐᓇᖅ ᐅᖄᓚᕕᒋᓗᑎᒍᑦ ᐅᕙᓂ 819-964-1136 ᐅᕝᕙᓘᓐᓃᑦ 1-877-964-1136 ᖃᕆᑕᐅᔭᒃᑯᓘᓐᓃᑦ ᐊᒡᓚᕕᒋᓗᑎᒍᑦ.