ᑰᔾᔪᐊᖅ, ᓄᓇᕕᒃ, ᑯᐯᒃ (ᒫᑦᓯ 25, 2013) – ᓘᑲᓯ ᑕᕐᕿᐊᐱᒃ, ᔨᐊᔭᒥ ᑌᕕᔅ, ᐋᓂ ᓯᕐᖁᐊᓗᒃ ᐊᒻᒪᓗ ᔦᓈᑉ ᓲᐃᑦ ᐅᐱᒍᓱᑦᑐᒪᕆᐅᓚᐅᔪᕗᑦ ᐊᑎᖏᑦ ᐅᖃᕐᑕᐅᑎᓪᓗᒋᑦ ᓵᓚᓐᓃᖃᑕᐅᑦᓱᑎᒃ 2013ᒥ ᑯᐯᒻᒥᐅᑦ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᑎᓪᓗᒋᑦ ᒫᑦᓯ 20ᒥ, ᑰᔾᔪᐊᒥ ᐁᑦᑐᑐᕐᑕᐅᓂᖃᕐᑎᓗᒋᑦ ᑲᑎᑦᑕᕕᒻᒥ.

ᑖᒃᑯᐊ ᓯᑕᒪᑦ ᐅᕕᒃᑫᑦ ᑭᒡᒐᑐᓛᕐᑐᑦ “ᓄᓇᓕᑐᖃᖁᑎᖏᓐᓂᒃ ᑯᐯᒻᒥᐅᑦ” 2013ᒥ ᑲᓇᑕᒥᐅᑦ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᑎᓪᓗᒋᑦ ᐅᕙᓂ Lethbridge, Alberta ᒣ 11-18, 2013ᒥ.

ᐁᑦᑐᑐᕐᑕᐅᓂᖃᕐᑎᓗᒍ ᐅᖄᔩᑦ ᐅᐱᒍᓱᑦᑐᒪᕆᐅᓚᐅᔫᑦ ᐱᓇᓱᐊᕐᑕᕕᓂᖏᓐᓂᒃ ᐃᓚᐅᔪᑦ. “ᐅᐱᒍᓱᑦᑐᒪᕆᐅᕗᖓ ᐃᓄᐃᑦ ᐱᐅᓯᑐᖃᖓᑎᒍᑦ ᖃᐅᔨᒪᔭᑐᖃᖏᓐᓂᒃ ᓱᑯᐃᔭᕐᓯᒪᔭᑦᓯᓄᑦ ᐃᓚᐅᑎᑦᓯᒍᓐᓇᓂᕋᑦᓯ ᐅᒡᓗᒥ ᓱᑯᐃᔦᒍᓯᐅᓕᕐᑐᓄᑦ” ᐅᖃᕐᑐᕕᓂᖅ ᐃᓴᐱᐊᓪ ᐹᕆᓲ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᒪᔨᒻᒪᕆᖓᓄᑦ.

ᓄᓇᕕᒻᒥᑦ ᐱᓯᒪᔪᓕᒫᑦ ᐃᓚᐅᒋᐅᓚᐅᕐᑐᑦ ᑕᕝᕙᓂ ᐊᕐᕌᒍᒥ ᑯᐯᒻᒥᐅᑦ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᓂᖃᕐᑎᓯᑎᓪᓗᒋᑦ. “ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᑰᔾᔪᐊᒥᐅᓪᓗ ᐅᐱᒍᓱᑦᑐᒪᕆᐅᓚᐅᔪᕗᑦ ᙯᕐᖁᔨᓯᒪᓚᐅᔪᒐᒥᒃ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᒋᐊᕐᑐᑐᓂᒃ ᑫᓪᓚᑐᕐᑕᐅᓇᕐᑑᓱᓂᓗ ᐱᕙᓪᓕᖁᑎᑦᓯᐊᒍᑦᓱᓂᓘᕐᑐᒧᑦ”, ᐅᖃᕐᑐᕕᓂᖅ ᐋᓂ ᐴᐳ, ᑲᔪᓯᒃᑫᔨ ᑲᑎᕕᒃ ᐃᓕᓐᓂᐊᓂᓕᕆᓂᕐᒥᒃ.

”ᐅᐱᒍᓱᑦᑐᒪᕆᐅᕗᒍᑦ ᑰᔾᔪᐊᒥᐅᑦ ᐃᓄᐃᑦ ᐃᓕᓵᑦ ᑭᒡᒐᑐᖃᑕᐅᓛᕐᒪᑕ ᑯᐯᒻᒥᐅᑦ ᓄᓇᓕᑐᙯᑦ ᓄᓇᓕᖏᓐᓂᒃ ᑲᓇᑕᒥᐅᑦ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᑎᓪᓗᒋᑦ ᑕᕝᕙᓂ ᐊᕐᕌᒍᒥ”, ᐅᖃᕐᑐᕕᓂᖅ ᑲᔪᓯᒃᑫᔨ.

ᓘᑲᓯ ᑕᕐᕿᐊᐱᓪᓗ ᔨᐊᔭᒥ ᑌᕕᔅᓗ, ᑰᔾᔪᐊᒥᐅᒃ ᐃᓅᒃ, ᑕᑯᑦᓴᐅᑎᑦᓯᔪᕕᓃᒃ ᓱᑯᐃᔭᕐᑕᕕᓂᕐᒥᓂᒃ ᐋᓈᒃᑮᑦ ᖃᓄᓪᓗᐊᑎᒋᒃ ᒧᑯᔨᑕᖃᕐᒪᖔᑕ ᖃᐅᔨᓴᕐᓱᑎᒃ. ᐳᕐᑐᓂᕐᓴᓃᑦᑐᑦ 4ᒥ 5ᒥᓪᓗ ᐱᓕᐅᑦᔨᑎᓪᓗᒋᑦ ᓯᕗᓪᓕᐹᕕᓃᒃ. ᐅᐱᒍᓲᓯᕐᑕᐅᓱᑎᓪᓗ ᖃᓄᐃᖕᖏᓯᐊᕐᓂᒨᓕᖓᔪᒥᒃ ᐱᓇᓱᐊᕐᓯᒪᓂᕐᒥᓄᑦ.

ᐋᓂ ᓯᕐᖁᐊᓗᒃ, ᐃᓄᒃ ᑰᔾᔪᐊᒥᐅᖅ ᑐᖓᓕᕆᔭᐅᔪᕕᓂᖅ ᐳᕐᑐᓂᕐᓴᓃᑦᑐᑦ 2ᒥ 3ᒥᓪᓗ ᐱᓕᐅᑦᔨᑎᓪᓗᒋᑦ. ᓱᑯᐃᔦᓐᓂᕋᒥ ᕿᒻᒥᐅᓗ ᖃᓂᖓᑕ ᐃᓅᓪᓗ ᖃᓂᖓᑕ ᓇᓪᓕᐊ ᖁᐱᕐᕈᐊᕈᓯᕐᓄᑦ ᐱᕈᕐᕕᐅᓯᒪᓂᕐᓴᐅᓂᕐᒪᖔᑕ.

ᔦᓈᑉ ᓲᐃᑦ, ᐊᓪᓚ ᓯᓵᓯᐱᒥᐅᖅ, ᓯᕗᓪᓕᐹᕕᓂᖅ ᐳᕐᑐᓂᕐᓴᓃᑦᑐᑦ 1ᒥ ᐱᓕᐅᑦᔨᑎᓪᓗᒋᑦ. ᑐᐹᑭ ᖃᓄᓪᓗᐊᑎᒋᑦ ᐊᓂᕐᑎᕆᕕᒻᒥᒃ ᓱᕐᕃᒍᓐᓇᒪᖔᑦ ᓱᑯᐃᔦᓐᓂᕋᒥ.

2013ᒥ ᑯᐯᒻᒥ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᖃᓚᐅᔪᕗᑦ ᒫᑦᓯ 19ᒥ 20ᒥᓪᓗ, ᔮᓂᒻᒪᕆᒻᒥ ᐃᓕᓐᓂᐊᕕᒻᒥ ᑰᔾᔪᐊᒦᑦᑐᒥ, ᓄᓇᕕᒻᒥ. 100 ᐅᖓᑖᓅᕐᑐᑦ ᓱᑯᐃᔭᕐᓯᒪᔭᒥᓂᒃ 60ᓂᒃ ᑕᑯᑦᓴᐅᑎᑦᓯᓚᐅᔫᑦ.

ᑕᑯᑦᓴᐅᑎᑦᓯᒋᐊᕐᑐᑐᑦ ᑰᔾᔪᐊᓕᐊᕐᓯᒪᓚᐅᔪᕗᑦ ᐊᒡᓓᓗ ᐃᓄᐃᓪᓗ ᓄᓇᓕᖏᓐᓂᑦ ᐊᕙᑎᓪᓗ ᖁᓕᓪᓗᓂᑦ ᐱᓯᒪᔪᑦ. ᐊᒡᓓᑦ Algonquin, Atikamekw, Cree, Huron-Wendat, Innu, Micmac, Mohawk, Naskapi ᐊᒻᒪᓗ ᐃᓄᐃᑦ.

ᓯᑕᒪᐅᓐᓂᒪᑕ ᓵᓚᓐᓃᒍᑎᑖᕐᑐᑦ, ᑕᑲᒃᑯᐊ ᐅᐱᒋᔭᐅᒍᑎᑖᕐᓂᒥᔪᑦ:

• ᓱᑯᐃᔦᓂᕐᒨᓕᖓᔪᒥᒃ: ᓯᐊᔭ ᑳᓐ ᐃᓄᔾᔪᐊᒥᐅᖅ;
• ᖃᓄᐃᖕᖏᓯᐊᓂᕐᒨᓕᖓᔪᒥᒃ: ᓘᑲᓯ ᑕᕐᕿᐊᐱᓪᓗ ᔨᐊᔭᒥ ᑌᕖᔅᓗ ᑰᔾᔪᐊᒥᐅᒃ;
• ᐊᕙᑎᓕᕆᓂᕐᒨᓕᖓᔪᒥᒃ: ᐱᑕ ᐳᓘᑦᓗ ᓵᒥᐅᐊᓪ ᑐᑳᑦᓗ Mashteuiatsh ᒥᐅᒃ;
• ᐃᓕᕐᖁᓯᓕᕆᓂᕐᒨᓕᖓᔪᒥᒃ: ᐋᓕᓴᓐ ᐃᐊᕐᕕᐅ ᐱᑳᓗ ᑰᕋᓖ ᑑᓯᓅ ᐱᑳᓗ ᒍᐃᓐᑖᑭᒥᐅᒃ;
• ᑐᓴᐅᒪᖃᑦᑕᐅᑎᒍᑎᓕᕆᓂᕐᒨᓕᖓᔪᒥᒃ: ᐁᒥ-ᐃᐊᕝ ᓚᐳᐃᓐᓗ ᑖᒥ ᑯᑦᓲ-ᓲᓗ ᒍᐃᓐᑖᑭᒥᐅᒃ;
• ᐳᕐᑐᓂᕐᓴᓂ 4ᒥ 5ᒥᓪᓗ – ᓯᕗᓪᓕᐹᑦ: ᓘᑲᓯ ᑕᕐᕿᐊᐱᓪᓗ ᔨᐊᔭᒥ ᑌᕖᔅᓗ ᑰᔾᔪᐊᒥᐅᒃ;
• ᐳᕐᑐᓂᕐᓴᓂ 4ᒥ 5ᒥᓪᓗ – ᑐᖓᓖᒃ: ᒑᔅᒦᓇ ᓂᐊᓪᓗ ᒣᓪᓯᐊᓐ ᐸᐸᑎᓗ, ᓛᒃ-ᓯᒨᒥᐅᒃ;
• ᐳᕐᑐᓂᕐᓴᓂ 4ᒥ 5ᒥᓪᓗ – ᐱᖓᔪᒋᔭᐅᔪᖅ: ᑲᓂᓐᕆᐅ ᓯᑏᓯ ᑳᓄᒑᑭᒥᐅᖅ
• ᐳᕐᑐᓂᕐᓴᓂ 2ᒥ 3ᒥᓪᓗ – ᓯᕗᓪᓕᐹᑦ: ᑳᐳᕆᐊ ᐹᓪᓗ ᓭᒪᓐ ᐴᓭ-ᓘᓀ Mashteuiatsh ᒥᐅᒃ;
• ᐳᕐᑐᓂᕐᓴᓂ 2ᒥ 3ᒥᓪᓗ – ᑐᖓᓕᖅ: ᐋᓂ ᓯᕐᖁᐊᓗᒃ ᑰᔾᔪᐊᒥᐅᖅ;
• ᐳᕐᑐᓂᕐᓴᓂ 2ᒥ 3ᒥᓪᓗ – ᐱᖓᔪᒋᔭᐅᔫᒃ: ᔮᒃ ᑐᒫᓗ ᒥᔅᑰᑭᔾ ᒪᑯᔨᐊᑯᓗ ᑭᑎᑲᓐ ᔩᐱᒥᐅᒃ;
• ᐳᕐᑐᓂᕐᓴᒥ 1ᒥ- ᓯᕗᓪᓕᐹᖅ: ᔦᓈᑉ ᓲᐃᑦ ᓰᓵᓯᐱᒥᐅᖅ;
• ᐳᕐᑐᓂᕐᓴᒥ 1ᒥ- ᑐᖓᓕᖅ: ᑐᐯᐊᔅ ᑯᒧᓐᑕ-ᐅᑦᔨᖅ ᑭᑎᑲᓐ ᔩᐱᒥᐅᖅ;
• ᐳᕐᑐᓂᕐᓴᒥ 1ᒥ- ᐱᖓᔪᒋᔭᐅᔫᒃ: ᔮᓂ ᔫᓕᐅᓯᓗ ᔫᑎ ᓇᓗᐃᔪᕐᓗ ᓴᒡᓗᒥᐅᒃ;
• ᐳᕐᑐᓂᓕᓐᓂ 6ᒥᒃ -ᓯᕗᓪᓕᐹᑦ: ᐁᒥ-ᐃᐊᕝ ᓚᐳᐃᓐᓗ ᑖᒥ ᑯᑦᓲ-ᓲᓗ ᒍᐃᓐᑖᑭᒥᐅᒃ;
• ᐳᕐᑐᓂᓕᓐᓂ 6ᒥᒃ -ᑐᖓᓖᒃ:  ᐱᑕ ᐳᓘᑦᓗ ᓵᒥᐅᐊᓪ ᑐᑳᑦᓗ Mashteuiatsh ᒥᐅᒃ;
• ᐳᕐᑐᓂᓕᓐᓂ 6ᒥᒃ -ᐱᖓᔪᒋᔭᐅᔪᖅ: Lekenhnhenhawi Montour ᑳᓄᒑᑭᒥᐅᖅ;
• ᐳᕐᑐᓂᓕᓐᓂ 5ᒥᒃ -ᓯᕗᓪᓕᐹᖅ: Tekaronhiawakon Cross-Pranteau ᑳᓄᒑᑭᒥᐅᖅ;
• ᐳᕐᑐᓂᓕᓐᓂ 5ᒥᒃ -ᑐᖓᓖᒃ: ᐋᓕᓴᓐ ᐃᐊᕐᕕᐅ ᐱᑳᓗ ᑰᕋᓖ ᑑᓯᓅ ᐱᑳᓗ ᒍᐃᓐᑖᑭᒥᐅᒃ;
• ᐳᕐᑐᓂᓕᓐᓂ 5ᒥᒃ -ᐱᖓᔪᒋᔭᐅᔫᒃ: ᔪᐊᑕᓐ ᕙᓚᒫᓗ ᑫᓕᒐ ᐋᑐᒑᓗ ᒫᓇᒍᐊᒥᐅᒃ.

ᐱᓇᓱᐊᕐᑕᕗᑦ:

ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᖄᖏᕐᓂᑯᓕᐅᕐᑎᐅᖏᑦᑐᖅ ᑎᓕᔭᐅᒪᐅᑎᖃᕐᓱᓂ ᐃᓕᓴᕐᑕᐅᒍᒪᓕᕐᑎᓯᓂᕐᒥᒃ ᓱᑯᐃᔦᓂᕐᒥᓗ ᓴᓇᓂᕐᒥᓗ ᓄᓇᓕᑐᖃᕐᓄᑦ ᐅᕕᒃᑲᓄᑦ ᐃᓕᓵᓄᑦ ᓄᓇᓕᑐᙯᑦ ᐃᓄᐃᓪᓗ ᓄᓇᓕᖏᓐᓂ ᑯᐯᒻᒥᐅᓂᒃ. ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᑎᓕᔭᐅᒪᐅᑎᒥᓄᑦ ᑎᑭᐅᑎᒍᓐᓇᓯᓲᖅ ᓄᓇᓕᑐᖃᕐᓂᒃ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᕐᒥᒃ ᐱᓇᓱᐊᕐᓂᒥᒍᑦ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: www.asfquebec.ca

ᕿᒥᕐᕈᕋᑦᓴᐅᒥᔪᑦ: http://www.youtube.com/watch?v=87O2BGW5uts

ᑲᑎᕕᒃ ᐃᓕᓐᓂᐊᓂᓕᕆᓂᖅ 1975ᒥ ᐱᒋᐊᕐᑎᑕᐅᓯᒪᔪᖅ, ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᓕᕆᓂᑐᐊᒍᓯᒪᔪᖅ. ᐃᓕᓐᓂᐊᕈᑎᑦᓴᓕᐊᕆᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᑎᒍᑦ ᓄᓇᕕᒻᒥ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᐃᓕᓴᕐᕕᓂ ᐃᓕᓐᓂᐊᑎᑦᓯᒍᑎᐅᓲᑦ, ᐃᓄᒃᑎᑐᑦ ᐅᖃᐅᓯᕐᖄᒥᓂᒃ ᐃᓕᓴᕐᑕᐅᓲᑦ ᑌᒪ ᐅᖃᐅᓯᐅᑉ ᐁᑉᐱᐅᑎᒋᔭᖓᓂᐅᒃ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐃᓕᓴᕐᑕᐅᓂᐊᓕᕐᒥᒐᒥᒃ. ᑐᑭᓯᒋᐊᑦᓯᐊᕕᑦᓴᖅ: www.kativik.qc.ca

— 30 —

ᑐᑭᓯᒋᐊᑦᓯᐊᕕᑦᓵᒃ:

Jade Duchesneau-Bernier
Public Relations Officer
Kativik School Board
(514) 482-8220

Marc Lalande
President-treasurer
Quebec Aboriginal Science and Engineering Association (QASEA)
(819) 684-1889