ᑰᑦᔪᐊᖅ, ᓄᓇᕕᒃ ᑯᐯᒃ (ᐆᒃᑑᐱᕆ 10, 2014) – ᐆᒃᑑᐱᕆ 14-ᒥ 15-ᒥᓪᓗ, ᑲᑎᕕᒃ ᐃᓕᓐᓂᐊᓂᓕᕆᓂᖅ ᑎᑭᑕᐅᓛᕐᑐᖅ ᐁᕝ ᐴᓪᑑᒃᒧᑦ, ᐃᓕᓐᓂᐊᓂᕐᒥᒃ, ᐱᖕᖑᐊᑐᓕᕆᓂᕐᒥᒃ, ᓱᖃᑦᓯᒍᑎᓕᕆᓂᕐᒥᓗ ᑐᕐᖃᑕᕐᕕᒧᑦ ᐊᒻᒪᓗ ᔨᐊᕝ ᑭᐊᓕᒧᑦ, ᐃᓄᓕᕆᔨᑐᖃᒃᑯᑦ ᑐᕐᖃᑕᕐᕕᖓ.

“ᑲᑎᕕᒃ ᐃᓕᓐᓂᐊᓂᓕᕆᓂᖅ ᑐᖕᖓᓱᑦᑎᓯᕗᖅ ᑲᑎᓯᒍᓐᓇᕕᒻᒥᒃ, ᓄᓇᕕᒻᒥ, ᑐᕐᖃᑕᕐᕖᓂᒃ ᐴᓪᑑᒃ ᐊᒻᒪᓗ ᑭᐊᓕ,” ᓚᔪᖅ ᐋᓂ ᐴᐳᑦ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑲᔪᓯᒃᑫᔨᖓ. “ᓇᓗᖕᖏᑐᒍᑦ ᑕᒪᓐᓇ ᐅᐸᑦᑕᐅᒪᓂᖅ ᓄᓇᓖᓐᓂ ᒪᕐᕉᓂ ᐃᓕᓐᓂᐊᕖᓪᓗ ᐱᖓᓱᑦ ᐅᐸᑦᑕᐅᓂᖏᑦ ᐃᑲᔪᕐᓯᓚᖓᒋᐊᖏᑦ ᑐᑭᓯᒪᑦᓯᐊᕈᓐᓇᓂᕐᓴᐅᓂᕐᒧᑦ ᓄᓇᓕᓕᒫᑦ ᑭᖕᖒᒪᒋᔭᖃᕐᓂᖏᓐᓂᒃ ᐃᓕᓐᓂᐊᓂᕐᒨᓕᖓᔪᓂᒃ”. ᐅᖃᕆᐊᓪᓚᑐᖅ.

ᑐᕐᖃᑕᕐᕖᒃ ᑰᑦᔪᐊᒦᓛᕐᑑᒃ ᐆᒃᑑᐱᕆ 14-ᒥ, ᑰᑦᔪᐊᒥ ᐃᓕᓐᓂᐊᕈᑎᓕᕆᕕᒻᒨᓛᕐᓱᑎᒃ, ᐃᓕᓐᓂᐊᕖᓐᓄᓗ ᐱᑕᑲᓪᓚᒧᑦ ᔮᓂᒻᒪᕆᒻᒧᓗ. ᐆᒃᑑᐱᕆ 15-ᒥ, ᐊᐅᐸᓗᒻᒨᓗᑎᒃ ᒫᓐᓇᓯᐅᑎᓂᓪᓗ ᐃᓕᓐᓂᐊᕕᐅᖃᑦᑕᑐᓂᒃ ᑕᕐᓴᑲᓪᓚᐅᑉ ᑲᔪᓯᑎᑕᐅᓂᖓᓂᒃ ᑕᑯᓂᐊᕐᓗᑎᒃ (ᐃᓕᓐᓂᐊᕕᒃ ᓄᖑᑦᓱᓂ ᐃᑯᐊᓪᓚᓚᐅᔪᖅ ᒫᑦᔨ 2014-ᒥ).

ᑐᓴᕋᑦᓴᓂᐊᕐᑏᑦ ᙯᓯᒪᕈᒪᔪᑦ ᐱᑕᑲᓪᓚᒦᑦᑎᓗᒋᑦ ᔮᓂᒻᒪᕆᒻᒥᓗ ᑰᑦᔪᐊᒥ ᙯᕈᓐᓇᓯᐊᕐᑐᑦ. ᐱᑕᑲᓪᓚᒥ ᐱᒋᐊᕋᔭᕐᑑᒃ 2:15-ᖑᕐᐸᑦ, ᔮᓂᒻᒪᕆᒻᒦᓯᒻᒥᓗᑎᒃ 3:00-ᖑᕐᐸᑦ.

ᐱᓇᓱᐊᕐᑕᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ 1975ᒥ ᐱᒋᐊᕐᑎᑕᐅᓯᒪᔪᖅ, ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᓕᕆᓂᑐᐊᒍᓯᒪᔪᖅ. ᐃᓕᓐᓂᐊᕈᑎᑦᓴᓕᐊᕆᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᑎᒍᑦ ᓄᓇᕕᒻᒥ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᐃᓕᓴᕐᕕᓂ ᐃᓕᓐᓂᐊᑎᑦᓯᒍᑎᐅᓲᑦ, ᐃᓄᒃᑎᑐᑦ ᐅᖃᐅᓯᕐᖄᒥᓂᒃ ᐃᓕᓴᕐᑕᐅᓲᑦ ᑌᒪ ᐅᖃᐅᓯᐅᑉ ᐁᑉᐱᐅᑎᒋᔭᖓᓂᐅᒃ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐃᓕᓴᕐᑕᐅᓂᐊᓕᕐᒥᒐᒥᒃ. ᑐᑭᓯᒋᐊᑦᓯᐊᕕᑦᓴᖅ: www.kativik.qc.ca

— 30 —

ᑐᑭᓯᒋᐊᑦᓯᐊᕕᑦᓵ:

Jade Duchesneau-Bernier
Public Relations Officer
Kativik School Board
514-482-8220
publicrelations@kativik.qc.ca