ᐃᒐᒋᐅᕐᓴᓂᖅ
ᐱᒋᐅᕐᕕᐅᑉ ᐃᒐᓕᖓᓂ
ᐊᑐᐊᕐᓯᓕᑐᐊᕋᕕᑦ ᐅᖃᐅᓯᐅᑎᓪᓗᒍ ᐅᓛᕈᒥᑕᑦᓴᒧᑦ ᐊᑕᐅᓯᐅᖃᑎᒌᑦᑐᑦ ᐱᓇᓱᐊᕐᑕᖓ,
ᑐᑭᓯᑦᓴᐅᑎᒋᓇᕐᑑᕗᖅ ᐱᐊᕃᑦ/ᑲᒃᑲᓛᑦ ᓂᕆᖃᑦᑕᓂᕐᒧᑦ ᐅᓛᑕᒫᖅ ᓂᕿᑦᓯᐊᕙᓂᒃ ᓱᓇᒥᑦᓯᔪᑦᑕᓕᓐᓂᒃ ᐅᓪᓛᕈᒥᑕᓂᒃ ᐱᕙᓪᓕᑕᐅᓂᕆᓲᖏᓐᓂᒃ.
ᐱᒋᐅᕐᕕᒥ ᐃᒐᓕᖓᓂ ᐅᓪᓗᓯᐅᕐᓂᕆᓚᖓᓯᔭᕋ ᐱᒋᐊᓯᑎᓪᓗᒍ, ᓇᖕᒥᓂᖅ ᑕᑯᓚᐅᔪᒐᒪ ᐱᐅᓂᕐᑕᖃᕐᓂᖓᓂᒃ – ᓂᕿᑦᓯᐊᒧᐊᖓᔪᑦ ᐊᓯᐊᒍᑦ – ᑌᒫᒃ ᐱᓇᓱᐊᕐᑕᐅᓂᖓ: ᐅᓪᓛᕈᒥᑕᑦᓴᓄᑦ ᐱᓇᓱᐊᖃᑎᒌᑦᑐᑦ (Breakfast Club) ᐊᕿᐊᕈᕐᓂᐅᕕᑦ ᓂᕆᑎᑦᓯᓂᑐᐃᓐᓇᐅᔭᖏᓪᓚᖅ; ᑖᓐᓇ ᐱᓇᓱᐊᕈᑎᑦᓴᖃᕐᑎᓯᒍᑎ ᐃᒐᓂᕐᒧᐊᖓᔪᓂᒃ ᓱᓇᓱᐊᕐᑎᓯᒍᑎᐅᒋᕗᖅ, ᐃᓕᓐᓂᐊᑏᑦ ᐱᓇᓱᐊᖃᑎᐅᑎᓪᓗᒋᑦ ᓂᕆᑎᑦᓯᒍᑎᐅᓂᐊᕐᑐᓂᒃ.
ᑭᐊᑦᓴᐅᑎᐅᑉ ᐃᓗᐊᓂ ᖃᓚᑦᑎᑕᐅᓂᕐᓂᑦ ᐃᒐᓂᕐᒧᑦ ᒎᓪᑎᖓᔪᐊᐱᓐᓂᒃ ᐹᓂᑭᐊᕐᓂᒃ, ᐃᓕᓐᓂᐊᑐᑦ ᐱᐊᕃᑦ ᐃᓕᓐᓂᐊᓲᑦ ᐃᒐᓗᓂ ᐅᐊᕈᑦᓯᑑᑎᒋᔭᒥᑕ ᐊᑐᕐᑕᐅᒍᓯᒋᓚᔭᖏᓐᓂᒃ ᐊᒻᒪᓗ ᐊᒥᓲᓗᑎᒃ ᐃᓕᓐᓂᐊᖃᑎᒌᑦ ᖃᓄᐃᓘᕐᑐᓴᐅᒻᒪᖔᕐᒥᒃ, ᑌᑲᖕᖓᑦ ᐅᐊᕈᑎᑦᓴᐅᓚᖓᔪᓂᑦ ᑎᑎᕆᐊᓕᓐᓂᑦ ᓯᕗᓪᓕᐹᖓᓂᑦ ᑌᑦᓱᒧᖓ “ᓂᕆᔭᐅᓚᖓᔪᖅ-ᐊᑐᐃᓐᓇᐅᓕᕐᑐᖅ-ᑐᓂᔭᐅᑐᐃᓐᓇᕆᐊᖃᓕᕐᑐ”-ᒧᑦ ᓂᕿᒥᕐ ᒪᓂᔨᒍᑎᒧᑦ ᓂᕈᒥᑦᑐᒦᑦᑐᒧᑦ. ᐃᓕᓐᓂᐊᑏᑦ, ᑲᒪᒋᔭᐅᑦᓱᑎᒃ ᐊᑐᓂᑦ ᐃᓕᓐᓂᐊᕕᒻᒥ ᖃᕆᐊᓕᒻᒧᑦ ᐃᓕᓐᓂᐊᑎᑦᓯᔨᒋᓲᒥᓄᑦ, ᐃᓕᓐᓂᐊᓂᖏᑦ ᓇᐅᑦᓯᑐᕐᑕᐅᓲᒍᖕᖏᑐᑦ ᑖᓐᓇ ᐃᓕᑕᕆᔭᐅᒪᓂᖃᕐᓱᓂᐅᑦᔭᖏᒻᒪᑦ ᐃᓕᓐᓂᐊᓂᖅ. ᐊᓂᕐᑖ! ᐱᑦᔪᑎᑦᓴᑕᖃᖕᖏᑐᖅ ᓱᖕᖏᑕᖃᕈᑎᑦᓴᐅᔪᕆᔭᒥᒃ ᐃᓕᓐᓂᐊᖃᑎᑎᓐᓂᒃ ᓂᐊᖂᔭᕐᑐᑎᑦᓯᓴᕐᓂᕈᕕᑦ ᐆᓕᑦᑖᑎᓗᐊᕐᓯᒪᔪᒥᒃ.
ᐃᓕᓐᓂᐊᖃᑎᒌᒍᑎᓖᑦ ᐃᒐᒋᐅᕐᓴᓂᕐᒥᒃ ᓱᓇᓂᒃ ᓵᒨᕐᓯᓗᑐᓲᖑᕙᑦ? ᐃᓱᒪᑖᓚᐅᔪᒐᒪ ᖃᐅᔨᒍᒥᓇᕋᔭᕐᑐᖁᑎᒋᑦᓱᒋᑦ ᐃᒐᓂᐅᑉ ᐱᖃᑎᒌᓐᓂᒧᐊᖓᓂᖏᑦ ᑕᑯᑦᓴᐅᑎᒋᐊᑦᓯᐊᓗᒋᑦ ᓇᓗᓀᕆᐊᑦᓯᐊᓗᒋᓗ ᓱᓇᓂᒃ ᐊᐅᓚᑦᔦᓚᕿᒐᔭᕐᒪᖔᑦ ᐃᓕᓐᓂᐊᓂᕐᒧᐊᖓᔪᓂᒃ:
1. ᐱᓇᓱᖃᑎᒌᓐᓂᖅ ᐱᓇᓱᑦᑕᐅᒋᐊᓕᓐᓂᒃ
« ᐊᕐᐱᓂᒃ ᐃᑭᐊᕐᒥᐅᑕᓕᒃ ᐯᓕᐊᖅ ᐊᑐᐃᓐᓇᐅᓕᕐᖄ? ᑕᕐᓵᐲᑦ ᓈᒻᒪᓯᖕᖏᓗᐊᕈᑎᖏᑦ ᐱᖓᓱᐃᓐᓇᐅᓕᕐᑐᑦ? ᐱᐅ-ᔫᖅ! » (/◕ヮ◕)/
ᐃᒐᒋᐊᓚᐅᕐᑎᓇᒋᑦ, ᐱᓇᓱᑦᑕᐅᒋᐊᓖᑦ ᐱᔭᕇᕐᑕᐅᒋᐊᓕᕕᓃᑦ ᐃᒐᒐᓱᐊᕐᑕᕆᔭᒥᒃ ᐱᑦᓯᐊᕈᓐᓇᓚᕿᓗᓂ: ᐅᐊᕈᑎᒋᓚᖓᔭᖏᑦ ᓂᐅᕕᐊᕆᒋᐊᓖᑦ ᐅᐊᕈᑦᓯᑐᐃᒍᑎᒋᓗᒋᓗ, ᐯᑦᓴᒧᑦ ᓇᑖᖑᓚᖓᔪᖅ ᖄᖓᓅᓚᖓᔪᓪᓗ ᐃᖑᑦᓯᒋᐊᓕᒃ ᐃᓗᓪᓕᓗᓂᓗ… ᑌᒫᑦᓭᓇᑎᑐᑦ ᐊᓂᕐᕋᒥ ᐃᒐᑦᓱᒍ ᐊᕐᐱᒃ ᐯ-ᓕᐊᕗᑦᑎᑐᑦ, ᐊᒥᓱᓄᑦ ᐱᓇᓱᐊᕐᑕᐅᓚᖓᔪᖅ ᐊᒡᒍᑐᕐᓯᒪᒋᐊᖃᕐᒥᔪᖅ – ᐃᓱᐊᕐᓂᓴᐅᑦᓱᓂ ᓇᓪᓕᖁᐊᑦᓭᓇᓕᕇᖑᑎᓗᒋᑦ – ᐊᓱᐃᓛ ᐱᓇᓱᑦᑕᐅᑎᓯᑦᓱᒋᑦ ᐱᓇᓱᖃᑎᒌᑦᑐᓄᑦ ᐊᒡᒍᑐᕐᓱᒋᑦ. ᐅᖃᑦᓯᐊᕈᓐᓇᑕᕗᑦ, ᐊᒡᒍᑐᐃᒐᓱᐊᕐᓱᓂ ᐱᓇᓱᑦᑕᐅᒋᐊᓕᓕᒫᓂᒃ ᐊᑲᐅᓂᕐᐹᖏᑎᒍᑦ ᐊᒥᓱᕕᓐᓂᓴᐅᑦᓱᓂ ᐱᔭᕆᐊᑐᔫᓲᖑᕗᖅ ᖃᐅᑕᒫᕐᓯᐅᑎᑦᑎᓂᒐᓴᖅ ᐃᓅᓯᑦᑎᓂᑦ ᐃᓄᒻᒪᕆᐅᑦᓱᑕ. ᑌᒣᒻᒪᑦ ᑕᒐ, ᐱᐊᕋᕐᓂᒃ/ᑲᒃᑲᓛᓂᒃ ᐱᓇᓱᐊᕐᑕᐅᔪᒥᒃ ᐱᓇᓱᑦᑎᓯᑦᓴᐅᑎᒋᑦᓱᓂ ᐃᑐᑦᑎᓯᒪᑎᓪᓗᒋᑦ ᐱᓇᓱᑦᑕᐅᒋᐊᓕᑦᑕᖏᓐᓄᑦ ᐱᔭᑦᓴᑕᖏᑦ ᐊᑕᐅᓯᐅᖕᖏᑐᒧᑦ ᐱᓇᓱᐊᕐᑕᐅᔪᑦᓴᓕᐊᕆᑦᓱᒋᑦ ᐃᑲᔪᕐᓯᒪᓲᖅ ᑐᑭᓯᒪᑦᓯᐊᓂᕐᓴᐅᒍᑎᑦᓴᖏᓐᓂᒃ ᖃᓄᖅ ᐃᓘᓐᓇᖓᑕ ᐱᓇᓱᐊᕐᑕᐅᓂᖓ ᐱᒻᒪᕆᐅᑎᒋᒻᒪᖔᑦ, ᐱᒋᐊᕐᕕᖓᓂᑦ ᐱᔭᕇᕐᑕᐅᓂᖓᓄᑦ.
2. ᐱᖃᑎᒌᒍᑎᖃᕐᓂᖅ ᖃᐅᔨᒪᐅᓯᕐᓂᒃ ᐊᒻᒪᓗ ᐃᓱᒪᑖᕆᔭᐅᔪᓂᒃ
« ᓈᒻᒪᓯᒍᑦᔭᐅᕗᖅ! ᐆᓇᕐᑐᒥᒃ ᑏᒎᓪᓚᐅᑎᑦᓴᓂᒃ ᐳᐊᓗᑦᑕᖃᕋᓂᓗ… ᖃᓅᖅ ᐯ-ᓕᐊᕋ ᑎᒍᓚᖓᕙᕋ? » ¯\_(・へ・)_/¯
ᓱᓇᑐᐃᓐᓇᐅᒍᓐᓇᑐᖅ ᐊᖏᔪᐊᓘᖕᖏᓗᓂ ᑭᓯᐊᓂᓗ ᐃᑲᔪᕐᓯᒪᒍᓐᓇᓱᓂ ᐊᔪᖀᒋᐊᕈᑎ ᓇᓪᓕᑐᐃᓐᓇᖓᑕ ᐱᐊᕋᐅᑉ ᐃᓕᑦᓯᑎᑦᓯᒍᑎᖓ ᐊᓯᒥᓂᒃ. ᐊᔪᖀᒋᐊᕈᑏᑦ ᐊᑐᓂᑦ ᑐᖕᖓᕕᓖᑦ ᑖᒃᑯᐊ ᐱᐊᕃᑦ/ᑲᒃᑲᓛᑦ ᐃᓕᑦᓯᒪᒌᕐᑕᕕᓂᖏᓐᓂᒃ ᓇᖕᒥᓂᖅ ᑲᒪᑦᓱᕆᓐᓂᒥᒍᑦ ᐊᑑᑎᓯᒪᔭᒥᒍᓪᓘᓃᑦ. ᐆᒃᑐᕋᐅᑎᒋᓗᒍ, ᓴᕕᒃ ᖃᓄᐃᓕᖓᓗᒍ ᑎᒍᒥᐊᕋᑦᓴᕆᒻᒪᖔᒍ ᐅᕝᕙᓘᓐᓃᑦ ᑌᓐᓇ ᓇᓪᓕᐊ ᐱᕈᕐᑐᕕᓂᖅ ᐱᑕᑦᓴᓕᒃ ᓇᑲᐅᕐᖃᑕᐅᓲᖑᒻᒪᖔᑦ. ᐃᓱᒪᒋᒋᐊᖃᕐᓂᖓ ᐊᕗᖓᐅᓕᒋᐊᓪᓚᑎᓗᒍ, ᐃᓕᓐᓂᐊᑎ ᖃᓄᐃᓘᒋᐊᓪᓚᕈᓐᓇᕋᔭᕐᑐᖅ ᐊᒻᒪᓗ ᐊᑦᑕᓇᖕᖏᑐᒃᑯᑦ ᑭᐊᑦᓴᐅᑎᒥᑦ ᐲᕐᓯᓯᐊᕈᓐᓇᓗᓂ ᐊᕐᐱᒃ ᐯ-ᓕᐊᒥᓂᒃ, ᑌᒃᑯᐊ ᐆᓇᕐᑐᓕᕆᐅᑏᒃ ᐳᐊᓘᒃ ᓇᓐᓂᕖᕈᓐᓂᕋᓗᐊᕐᐸᑎᒃ. ᐃᒐᓕᕐᒥ ᐊᓪᓚᕈᑎᐅᓲᖅ ᐊᑐᕈᓐᓇᕋᔭᕐᐹ? ᖃᖓᑐᐃᓐᓇᖅ ᐃᓱᒪ ᐃᓕᓐᓂᐊᑎᐅᑉ ᐃᓱᒪᖓᓅᕈᓐᓇᑐᖅ ᐊᓱᐃᓛ ᐊᑯᓂᐅᖕᖏᑐᖅ ᓯᐅᑎᕐᒥᑦ ᓯᐅᑎᕐᒧᑦ ᐃᓕᓐᓂᐊᖃᑎᒌᑦᑐᓂ ᐊᕐᕕᑕᑦᓴᐅᑎᒋᒍᓐᓴᓱᓂ. ᐃᓘᓐᓈᒍᑦ, ᐊᒥᓲᓗᓂ ᐊᑕᐅᓯᐅᓕᖓᑦᓱᓂ ᐱᓇᓱᐊᑦᓯᐊᓇᕐᓂᓴᐅᓂᖓᓄᑦ ᐃᓕᖓᔪᑦ, ᑌᑲᓂᓗ ᐃᓘᓐᓇᖏᑦᑕ ᖃᐅᔨᒪᐅᓯᖏᑦ ᐱᕈᕐᓴᕕᖃᕈᓐᓇᓱᑎᒃ ᐊᑕᐅᓯᐅᑉ ᐃᓘᓐᓇᖏᓐᓄᑦ ᖃᐅᔨᔭᐅᑎᑕᖓᓂᒃ.
3. ᐱᖃᑎᒌᒍᑎᖃᕐᓂᖅ ᐱᖃᑎᒌᓕᕈᑎᓂᒃ
« ᐅᓈ ᐊᕕᑦᓯᒪᔪᖅ ᐱᓚᖓᔭᕋ? ᐆᐆᐆ… ᓇᑯᕐᒦᒃ! » (>^ ‿^)> <(^‿ ^<)
ᐋᕐᕿᓯᒪᑦᓯᐊᖑᐊᖏᓐᓇᑐᐊᐱᓐᓂᒃ ᐃᓱᒪᒐᔭᕐᓂᐅᑉ ᓴᓂᐊᓃᒐᓛᖕᖏᑲᓗᐊᕐᓱᑎᒃ, ᐱᖃᑎᒌᒍᑎᖃᓕᕐᓂᖅ ᐊᑯᓐᓂᒥᐅᑕᕆᔭᕐᑎᒍᑦ ᐃᓕᑕᕐᓇᕈᑎᖃᓲᖅ ᐃᓕᓐᓂᐊᑏᑦ ᐱᓇᓱᐊᖃᑎᒌᓐᓂᖏᑎᒍᑦ ᖁᕕᐊᓇᕐᑐᑎᒍᑦ ᑐᖕᖓᓇᕐᑐᑎᒍᓪᓗ ᐱᓂᐊᕈᓯᖃᕐᓱᑎᒃ. ᐃᓕᓐᓂᐊᑎᑦᓯᔨᖓ ᐃᑲᔪᕐᓯᒪᑎᓪᓗᒍ, ᐃᓕᓐᓂᐊᑎᒃ ᐃᓕᑕᕐᓯᒍᓐᓇᑐᖅ ᐱᒻᒪᕆᐅᓂᖓᓂᒃ ᐃᓕᓐᓂᐊᖃᑎᒥᑕ ᐃᓚᐅᑎᑕᐅᑦᓯᐊᕆᐊᖃᕐᓂᖓᓂᒃ ᐱᓇᓱᐊᕐᑎᓯᔪᖃᕐᑎᓗᒍ, ᑭᓯᐊᓂᓗ ᐃᓕᑕᕐᓯᒥᓪᓗᓂ ᐃᓱᕐᕆᓯᐊᕆᐊᖃᕐᓂᖏᓐᓂᒃ ᐱᓇᓱᐊᕐᑎᑕᐅᒍᑎᒥᓂᒃ ᖁᕕᐊᒋᔭᖃᕐᓂᐊᕈᑎᒃ. ᑕᑯᓯᒪᔭᒃᑲᓂᓕ, ᐃᓕᓐᓂᐊᖃᑎᒋᔭᕐᓄᑦ ᑐᑭᓯᔭᐅᒪᒍᓐᓇᓂᖅ ᓱᓕᔪᖅ ᓄᐃᑕᐅᓚᖓᔪᓂᒃ ᐱᐅᓂᕐᓴᐅᑎᑦᓯᓲᖅ./vc_column_text]
ᐱᐊᕃᑦ/ᑲᒃᑲᓛᑦ ᖁᕕᐊᒋᔭᖃᓪᓚᕆᐊᓗᓲᑦ ᐃᒐᒋᐅᕐᓴᑎᑕᐅᒍᑎᓂᒃ. ᖁᖓᓐᓂᕆᓲᖏᑦ ᐅᖃᕈᑦᔨᒌᓲᑦ ᑖᒃᑯᓂᖓ, ᐱᓗᐊᕐᑐᖅ ᖁᙰᓐᓇᖃᑦᑕᑐᐊᕐᒪᑕ ᐱᓇᓱᐊᕐᑎᑕᐅᓂᓕᒫᒥᒍᑦ.
ᐃᑉᐱᒋᒋᐊᓪᓚᓱᒋᑦ ᑭᖑᓂᖓᓂ ᐃᓕᓐᓂᐊᑏᑦ ᐃᓕᓐᓂᐊᖃᑎᒥᓂᒃ ᐱᓇᓱᐊᖃᑎᖃᕐᓱᑎᒃ ᐱᒍᓐᓇᓯᓚᐅᔪᒻᒪᑕ, ᐃᑉᐱᒋᓪᓚᕆᓚᐅᔪᕙᒃᑲ ᐃᒫᒃ ᐱᒃᑲᕆᑦᓯᒍᑏᑦ ᐅᖃᐅᓯᐅᑫᓐᓇᑐᑦ ᖁᓛᓃᕐᓯᓂ ᐃᓅᓱᑦᑐᓂᒃ ᐱᕕᖃᕐᑎᓯᒻᒪᑕ ᐱᓇᓱᒍᓯᕐᒥᓂᒃ ᐊᒻᒪᓗ ᐱᓇᓱᖃᑎᒌᒋᐊᖃᕐᓂᒥᒃ ᐱᓇᓱᐊᕐᓂᕆᓲᒥᓂᒃ ᐱᑦᓯᐊᕆᐊᓕᐅᒥᓂᕐᒥᒃ. ᐱᕈᕐᓭᓂᖅ ᐃᒻᒥᓂᕐᓱᒍᓐᓇᓯᐊᕐᑐᓂᒃ ᐃᓕᓐᓂᐊᑎᓂᒃ ᑕᑯᑦᓴᐅᑎᑦᓯᕗᖅ ᐱᒋᐊᕐᑎᓯᒍᓐᓇᓂᕐᒥᒃ ᐊᒻᒪᓗ, ᐱᒍᓐᓇᓂᖏᓐᓂᒃ ᓄᐃᑕᑎᑦᓯᓱᓂ ᐃᓅᓯᕐᒥ ᐱᒍᓐᓇᓯᒍᑎᓂᒃ ᐊᑐᕐᓂᖃᑦᓯᐊᑐᓂᒃ ᐱᕈᕐᑎᓯᓂᕐᒥᒃ ᒫᓐᓇᐅᓂᖓᓂ ᐃᓅᓯᕐᒥᓂ ᐃᓄᒻᒪᕆᐅᓕᕈᑎᒃ ᐊᑐᕐᑎᒍᓐᓇᓛᕐᑕᒥᓂᒃ.
ᐃᓚᖃᕐᓱᑎᒃ ᐃᓕᓐᓂᐊᑎᑦᓯᔨᓂᒃ, ᐃᓕᓐᓂᐊᑏᑦ ᐃᓚᐅᕕᖃᕈᓐᓇᓲᑦ ᐊᑲᐅᔪᑦᓯᐊᒥᒃ ᐃᓂᖃᕐᓱᑎᒃ ᖃᓄᐃᓘᖃᑎᒌᒍᓐᓇᓱᑎᒃ ᑖᒃᑯᓇᓂᓗ ᐅᖃᐅᓯᐅᑉ ᐁᑉᐸᖓᑕ ᐱᕙᓪᓕᐊᑕᐅᒍᑎᑦᓴᖏᑦ ᐃᑲᔪᕐᓯᔭᐅᓯᒪᓇᕐᑐᖃᕐᓱᑎᒃ. ᐊᓯᒋᐊᓪᓚᖏᑎᒍᑦ, ᐃᓕᓐᓂᐊᑎᑕᐅᓲᑦ ᐊᑦᑕᓇᕐᑌᓕᒪᑦᔪᑎᓂᒃ ᐊᑐᓕᑐᐊᕈᑎᒃ ᐃᒐᓕᕐᒥ ᐱᖁᑎᓂᒃ ᐊᒻᒪᓗ ᓴᓗᒪᓂᕐᒧᐊᖓᔪᓂᒃ ᐊᒡᒐᒥᓂᒃ ᐃᕐᕈᑐᓕᕈᓂ ᒪᕐᕋᓂᓪᓗ ᒪᕐᕋᓕᕆᓕᑐᐊᕈᓂ. ᐊᕐᖁᑎᑦᓴᖅ ᐃᒐᓂᕐᒥ ᖃᐅᔨᒪᐅᓯᕐᓄᑦ ᐃᓂᖃᓪᓗᑐᕐᑐᖅ ᐃᓕᓐᓂᐊᕕᒻᒥ!