ᑐᓴᕐᑎᓯᒍᑎ: ᐃᓕᓐᓂᐊᕕᓕᒫᑦ, ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᑦ ᐊᒻᒪᓗ ᐊᓪᓚᕖᑦ ᐅᒃᑯᐊᑕᐅᓂᖏᓐᓂᒃ ᒫᑦᔨ 27, 2020-ᒧᑦ ᑎᑭᓪᓗᒍ
![](https://www.kativik.qc.ca/wp-content/uploads/2021/10/newsrealeases2-1024x644.png)
2020 | 03 | 13
ᑐᓴᕋᑦᓴᖅ
ᒪᓕᑦᓱᒋᑦ ᑐᓴᕐᑎᓯᒍᑎᐅᑫᓐᓇᑐᖅ ᑯᐯᒃᑯᑦ ᑲᕙᒪᒃᑯᖏᓐᓄᑦ ᐊᒻᒪᓗ ᖃᓄᐃᖕᖏᓯᐊᕐᓂᓕᕆᕕᒃᑯᓄᑦ ᐱᑦᔪᑎᒋᑦᓱᒋᑦ ᐃᑯᓪᓚᑎᑦᓯᒋᐊᕋᓱᐊᕐᓂᑦ ᖃᓂᒻᒪᓯᒥᒃ (COVID-19) ᐁᑦᑐᑑᑎᐅᒍᓐᓇᑐᒥᒃ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐅᖃᕐᓯᒪᔪᑦ ᐳᒃᑭᓂᕐᓴᒥ ᐃᓕᓐᓂᐊᕖᑦ, ᐳᕐᑐᓂᕐᓴᒥ ᐊᒻᒪᓗ ᐃᓄᒻᒪᕇᑦ ᐃᓕᓐᓂᐊᕕᖏᑦ ᓄᓇᕕᒻᒥ ᐅᒃᑯᐊᓯᒪᓚᖓᒻᒪᑕ ᒫᑦᔨ 16-ᒥ 27-ᒧᑦ 2020-ᒥ. ᐊᒻᒪᓗᒋᐊᓪᓚᒃ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᓪᓚᕕᖁᑎᒋᒃ ᑰᑦᔪᐊᒥ ᒫᓐᑐᔨᐊᒥᓪᓗ ᐅᒃᑯᐊᓯᒪᖃᑕᐅᓛᕐᑑᒃ ᐅᓪᓗᓂ ᑖᒃᑯᓇᓂ.
ᒪᓕᑦᑕᐅᖁᔭᐅᔪᓂ ᒪᓕᒐᓱᐊᕐᓂᐊᖁᒍᑦ ᐃᓕᓐᓂᐊᑏᑦ ᐱᓇᓱᑦᑏᓗ ᓄᕐᖃᖓᑫᓐᓇᑎᑕᐅᓂᖏᓐᓄᑦ ᐃᓕᓐᓂᐊᕖᑦ ᐱᒍᑦᔨᕖᓪᓗ ᐅᒃᑯᐊᓯᒪᓂᖏᓐᓄᑦ ᐸᓯᔭᑦᓴᐅᓂᖏᐊᖕᖏᒪᑕ.
ᖃᐅᔨᑎᑦᓯᒍᑏᑦ ᓄᐃᑕᐅᖃᑦᑕᓂᐊᕐᑐᐃᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᖃᕆᑕᐅᔭᒃᑯᑦ ᑕᑯᒋᐊᕐᑕᐅᕕᖓᓄᑦ.