ᐅᑭᐅᕐᑕᑐᒥ ᐊᐅᓚᐅᑎᕐᓚᓕᓐᓂᒃ ᐊᐅᓚᑦᓯᓂᖅ
ᐊᓪᓚᓯᒪᔪᖕᖑᐃᒍᑎ ᐃᓚᐅᖃᑕᐅᖁᓪᓗᑎᑦ ᐅᑕᕐᕿᑎᑕᐅᔪᓄᑦ
ᐃᓕᓐᓂᐊᑕᐅᓚᖓᔫᑉ ᐅᓕᕐᓀᑕᐅᒍᑎᖓ
ᐃᓕᓐᓂᐊᕈᒪᓲᖑᕖᑦ ᖃᓄᖅ ᓄᓇᒃᑰᔫᕐᓚᓂᒃ ᐊᖁᒋᐊᒥᒃ ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕈᑎᒋᓗᒍ ᐱᔪᓐᓇᓯᕕᖃᕐᓂᖅ ᐊᖁᑎᐅᓂᕐᒥᒃ? ᐃᓕᓐᓂᐊᕈᒪᓚᐅᕐᓂᐊᖁᑎᑦ!
ᐊᑦᔨᒋᖕᖏᑐᓂᒃ ᓄᓇᒃᑰᔫᕐᓚᓂᒃ ᐊᑐᓕᓂᕈᒍᓐᓇᑐᑎᑦ, ᐊᑐᕆᐅᕐᓴᓗᒋᑦ ᐃᓗᓯᕐᒧᑦ ᐊᑦᑕᓈᕿᑦᑌᓕᓂᕐᒧᓗ ᒪᓕᒐᐅᔪᑦ ᓴᓇᔪᓂ ᐃᓚᐅᓪᓚᕆᖃᑦᑕᓗᑎᑦ ᐊᒥᓱᓂ ᐱᓇᓱᑦᑕᐅᔪᓂ ᐱᓇᓱᖃᑕᐅᓗᑎᑦ.
ᐅᖃᓪᓗᑐᕐᓗᒋᑦ, ᐊᐅᓚᑦᓯᕆᐅᕐᓴᑎᑕᐅᓇᔭᕐᐳᑎᑦ ᐊᑐᕈᓐᓇᓯᓗᒍ:
- ᑯᑭᓕᒻᒥᒃ ᓴᓕᒎᑎᒥᒃ
- ᐊᕐᖁᑎᒥᒃ ᒪᓂᕐᕋᓭᒍᑎᒥᒃ
- ᖃᓗᕋᐅᑎᑕᓕᒻᒥ ᑯᑭᓕᒻᒥ
- ᓴᒃᑲᒍᑎᖃᕐᓱᓂ ᖃᓗᕋᐅᑎᒥᒃ
ᑕᒃᒐᓂ ᐃᓕᓐᓂᐊᖃᑕᐅᒍᕕᑦ ᐊᑐᐃᓐᓇᕈᕐᑎᑕᐅᕙᓪᓕᐊᕋᔭᕐᑐᑎᑦ ᐱᓇᓱᒐᕐᒧᑦ ᐅᔭᕋᓐᓂᐊᓂ ᐅᑉᕙᓘᓐᓃᑦ ᓴᓇᔪᓂ. ᐃᓕᓐᓂᐊᕋᔭᕋᕕᑦ ᐊᐅᓚᑦᓯᒋᐊᒥᒃ ᓄᓇᒃᑰᔫᕐᓚᓂᒃ ᐊᕐᖁᑎᓕᐅᕈᑎᒋᓗᒋᑦ, ᓴᓇᒪᑎᒋᐅᕐᓴᓗᒋᑦ ᐊᓯᖏᓐᓂᓗᒐᓴᒃ.
ᐃᓕᒐᓱᐊᕐᑑᑉ ᐱᒍᓐᓇᕆᐊᓕᖏᑦ
ᐃᓕᒐᓱᐊᕐᑐᖅ ᐅᑯᓂᖓ ᖃᐅᔨᒪᒋᐊᓕᒃ:
ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.
ᐃᓄᐃᑦ 16-ᓂᒃ ᐅᑭᐅᖃᑦᓴᓚᐅᕈᑎᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᓕᕐᑎᓗᒍ ᐱᓯᒪᑦᓱᓂᓗ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᑎᑕᖏᓐᓂᒃ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ ᑭᓯᑦᓯᑎᓐᓂᐊᓂᒃᑯᓗ ᐃᓕᓐᓂᐊᕋᑦᓴᓕᐅᖑᓯᒪᔪᓂ ᒥᓂᔅᑕᐅᑉ ᐋᕐᕿᓱᓯᒪᔭᖓᒍᑦ, ᐅᑉᕙᓘᓐᓃᑦ ᐃᓕᑕᕐᓯᔭᐅᒍᑎᒥᒃ ᐱᑖᑦᓴᓂᕈᓂ ᓇᓕᕐᖁᐊᖓᓃᑦᑐᓂᒃ ᐃᓕᓐᓂᐊᓯᒪᓂᕐᒥᓄᑦ.
ᐃᓄᐃᑦ 16-ᓂᒃ ᐅᑭᐅᖃᓚᐅᕈᑎᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂᒃ ᐃᓕᓐᓂᐊᓂᖓ ᐱᒋᐊᕐᓂᐅᔭᕐᑎᓗᒍ ᐃᓕᓐᓂᐊᑕᖓ ᓱᓇᒧᐊᓕᖓᓪᓚᕆᑦᑐᒥᒃ, ᑖᓐᓇ ᐱᓯᒪᔪᖅ ᐱᔭᕆᐅᕐᓴᑕᕕᓂᐅᓂᕐᒥᓄᑦ ᐃᓕᑕᕆᔭᐅᒍᑎᒥᒃ ᐱᔪᓐᓇᒐᓚᓐᓂᐊᓕᕐᓱᓂ ᐱᓇᓱᒐᕐᒥᒃ, ᖁᑉᕙᒋᐊᕈᓯᕐᑕᓯᔭᐅᓯᒪᑦᓱᓂᓗ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐳᕐᑐᓂᕐᓴᒦᑦᑐᖅ ᐃᓕᓐᓂᐊᓇᖅ 1 ᐊᑖᒍᑦ ᐃᓘᓐᓀᓄᐊᖓᔪᒥ ᐃᓕᓐᓂᐊᓯᒪᓂᕐᒥᓄᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᒍᑦ.
ᐃᓄᐃᑦ ᐳᕐᑐᓂᕐᓴᖅ 2-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.