ᐱᔪᓐᓇᓯᔭᖃᕋᔭᕐᑐᑎᑦ ᐊᑐᕈᓐᓇᓯᒋᐊᓕᓐᓂᐅᕕᑦ, ᑭᓯᐊᓂ ᑖᒃᑯᑎᓐᓇᒋᑦ ᐅᑯᐊ:

• ᓴᓂᕐᕚᑎᕆᓂᖅ ᑲᒪᒋᓗᒋᑦ ᐊᓪᓚᖃᐅᑎᖏᓐᓃᑐᑦ ᖃᐅᑕᒫᑦ ᐱᐅᓯᑐᖃᑐᐃᓐᓇᒥᒃ ᐱᓇᓱᓪᓗᒋᑦ ᐅᑉᕙᓘᓐᓃᑦ ᖃᕆᑕᐅᔭᕐᑎᒎᓂᕐᓴᖅ
• ᐊᓪᓚᓯᒪᔭᐅᔪᑦ ᑕᒻᒣᔮᕐᑎᖃᑕᓗᒋᑦ, ᐊᓪᓚᓯᓚᒍᓯᕐᓴᖓᓂᒃ ᐋᕐᕿᓱᐃᓗᑎᑦ, ᑲᓱᕐᑎᖃᑦᑕᓗᒋᑦ ᐁᑦᑑᑎᒋᔭᑦᓴᕈᕐᑎᓗᒋᓪᓗ ᐊᓪᓚᓯᒪᔪᑦ
• ᑐᑭᒧᐊᒍᑕᐅᔪᑦ ᓄᑕᐅᓯᓕᑎᖏᓐᓇᓗᒋᑦ ᑲᑎᒪᔭᐅᔪᑦᓴᓕᕆᖃᑦᑕᓗᑎᑦ ᓇᓗᓀᖃᑦᑕᓗᒋᓪᓗ ᐃᓚᐅᓚᖓᔪᕗᑦ
• ᐱᓪᓗᑯᒋᐊᓕᑎᒍᑦ ᓴᐳᑦᔨᒪᖃᑦᑕᓗᑎᑦ ᐱᓇᓲᑎᓂᒃ ᐊᑐᕆᐊᖃᕐᑐᖃᕐᐸᑦ

ᐃᓚᒋᔭᖓᓂᒃ ᐊᐅᓚᑦᓯᓂᓕᕆᓂᕐᒥ ᐱᔭᑦᓴᕆᓲᖏᓐᓄᑦ, ᐊᓪᓚᑏᑦ ᐃᑲᔪᕐᓯᒪᓪᓚᕆᑦᑐᑦ ᐃᓄᓐᓂᒃ ᐱᓇᓱᒐᕐᒥᓂ.  ᑖᓐᓇ ᐃᓕᓐᓂᐊᓂᖅ ᐊᑐᐃᓐᓇᕈᕐᑕᐅᕈᑎᒋᓚᖓᔦᑦ ᐱᓇᓱᐊᕈᓐᓇᓯᓂᕐᒥᒃ ᐊᑦᔨᒋᖕᖏᑐᓂᒃ ᐱᔭᑦᓴᓂᒃ ᖃᕆᑕᐅᔭᒨᕐᙯᓂᕐᒥᒃ ᐊᓪᓚᓯᒪᔪᓂᒃ ᐅᖃᕆᐊᑦᓯᐊᑎᑦᓯᓂᕐᒧᑦ, ᑕᑯᓐᓇᑕᐅᓚᖓᔪᓕᐅᕐᓂᒥᓪᓗ, ᑐᑭᒧᐊᒍᑎᓂᒃ ᐊᐅᓚᑦᓯᖃᑦᑕᓗᓂ, ᑲᑎᒪᓂᕐᓂᒃ ᐋᕐᕿᓱᐃᖃᑦᑕᓗᓂ ᑮᓇᐅᔭᓕᕆᑎᑕᐅᓗᓂᓗ.

• Administrative assistant
• Human resources assistant
• Executive assistant
• Administrative officer
• Data entry clerk
• Human resources clerk

ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.

ᐃᓄᐃᑦ ᐅᑭᐅᖃᑦᓴᓚᐅᕐᐸᑕ 16-ᓂᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᕐᓂᐅᔭᓕᕐᑎᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᓗᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᐅᕕᐅᑉ ᒥᓂᔅᑕᖓᓄᑦ, ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᒍᓂ ᓇᓕᕐᖁᐊᖓᓃᑦᑐᒥᒃ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.

ᐱᓇᓱᐊᕈᑎᒋᔪᓐᓇᒋᐊᓕᖓ ᐊᑐᕈᓐᓇᓗᒍ:

• ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓ

ᐃᓄᒻᒪᕇᑦ ᐃᓕᓐᓂᐊᓂᖓ: 3101-2 + 3102-2 or 3070-3
ᐅᕕᒃᑲᓂ ᐃᓕᓐᓂᐊᓂᖓ: 632-306

• ᐁᑉᐱᐅᑎᒥᒃ ᐅᖃᐅᓯᖃᕐᓂᖓ

ᐃᓄᒻᒪᕇᑦ ᐃᓕᓐᓂᐊᓂᖓ: 2102-3 or 2091-6
ᐅᕕᒃᑲᓂ ᐃᓕᓐᓂᐊᓂᖓ: 634-206 or 635-206

ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.